انتي عذيّه والعذيه والمطر على وفاق
وأنا بدوّيٍ وين ما هل المطر شدّ وَنزل
ان وقّفت في وجهك الدنيا على ركبه وساق
انا على إستعداد اولف لك على الجد الهزل
أهم شي المبسم المعسول منطوق ومَذاق
ما يصبح إلا من خيوط النور يسحب ويْغزل
ما سولّت لي نفسي الهجران، من ضيق الآفاق
معاك ما تفرق معايير المديح من الغزل
ليا مدحت انتي تحت هيبة متيّهة النياق
وليا تغزلّت انتي إعجوبه وانا شاعر جزل
لا تكبرين ويستريح العقد للجيد الرقاق
وأكبر وانا ما بعد هنّيته على طيب النّزل
الحب تنكره القلوب السود من كثر النفاق
ولا القلوب الخضر عايشةٍ عليه من الأزّل .