1- اعلان بالجملة زي مطلوب مهندسين ومشرفين وكذا وكذا، او ارقام كبيرة زي 70 مهندس و 100 محاسب.
دي بتكون صفحات هدفها Attract the attention
2- اعلان مش موضح المطلوب اي مؤهلات او سنوات خبرة
3- اعلان من بروفيل مجهول وصاحبه مش موضح هويته بصورة او بيانات.
4- اعلان بيقول في مزاياه راتب مجزي واجازة اسبوعيا.
5- اعلان من شركة اجنبية او عربية كبيرة لكن الميل gmail و yahoo لو شركة محترمه هتبعتلك اعلان باسم مؤسستها
6- اعلان براتب اعلي كتير جدا من اللي انت عارفه عن رينج المرتبات.
وهنا ملحوظة : الشركات النضيفة او ال multi national مابتكتبش ابدا راتب في اعلان الوظيفة وعن تجربة.
7- ابعد عن الاماكن النصابة اللي بتقولك هسفرك بره واشهرهم شركة ارامكو Aramco اللي جمب جامعة القاهرة انا روحت بنفسي كنت حابب اسافر المانيا وللاسف انت بتروح لمكان يبتذك وينصب عليك بشكل شيك وغيرهم شركات كتير جدا انتشروا في البلد
وفروا مجهودكم وطاقتكم في البحث عن وظيفة وعمل المقابلات بشكل محترم وبعيد عن النصب وتضييع الوقت.
وبالله عليك بلاش تهين سمعة المهنة واسمها بانك تقبل وظيفة مرتبها قليل وتتهان وتتمرمط لان الوضع حاليا في سوق العمل بقي شئ صعب جدا
وحاول متبقاش حافظ في الكلية ولا تنفض لاي حاجه بتدرسها ، خلي للكلية وقتها وهات تقدير وخلي للدراسة وقتها واتعلم علشان متتصدمش بمفرمة سوق العمل.
واللي عنده اضافة ياريت يقولهالنا فنعلم بعض.
دمتم بخير