උදේම වැටෙන පොද වැස්සෙම
පාර දිගේ ඇවිදින ගමන්
පාර දෙපැත්තෙ තණ බිස්සෙ
ලස්සනට හිනා වෙන මේ මල් ටික එකතු කර ගත්තෙ
ඔයාව මතක් කරගෙන!
දන්නවද ළමයෝ මේ ට්‍රයිඩැක්ස් මල් වල විශේෂත්වය....??
එයා අව්වට වේලිලා ඉරි තැලුණු
කටුක ඉඩෝරයන් දරාගෙන
වැස්සට ආයෙ නැගිටින ආදරණීය කැලෑ මලක්
කාටත් පේන්නේ කහ සුදු පාටින් ලස්සනට පිපිලා තියන
මල් ටික විතරක් උනාට
එයා කටුක ඉඩෝරයන් දරා ගත්තා කියන එක
ගොඩක් අය දන්නේ නෑ......
ඉතින් අද මට ඔයාට ට්‍රයිඩැක්ස් මල් මිටක් දීල
ආදරෙයි කියන්න ඕනි හිතුනා.....
මොකද ඔයත් කාටත් හොරෙන්
අමාරුම කාල දරාගෙන ඉන්න
ජීවිතේ එන හැම අභියෝගකටම
නොසැලී මුහුණ දෙන
ශක්තිමත්ම කෙනෙක්
හරියටම මේ ට්‍රයිඩැක්ස් මල් වගේ......
කටුක ඉඩෝරයන් ගත කරපු ඔයාට
ලස්සන වසන්තයක් හිමි විය යුතුමයි!
ඉතින් විශ්වාසයෙන් ඉන්න මගෙ ළමයෝ
අමතක කරන්නෙපා
ඒ ඉඩෝරයන්වල ඔයා වගේම දරාගෙන
ජීවිතේ එක් වසන්තයකදී
ඔයාගෙ තනියට ඔයා ලඟින්ම
තවත් ට්‍රයිඩැක්ස් මලක් පිපිණු වග.....
ඉතින් ඒ මල හැමදාමත් ඔයාට
මහමෙරක් තරම් ආදරෙයි
___
