Karema Pharmacy

ازيكم ؟ 💙👀

هنكمل مع بعض ، سلسلة كبسولات كريما. 💊💙

والنهاردة مع كبسولة جديدة ، من كبسولات الألبان. 🙃

النوع ده من الألبان مكتوب عليه رمز LF واللي معناه Lactose free..

وده نوع من الألبان خالي من اللاكتوز.. طيب يعني ايه ؟

زي ما قولنا قبل كدة إن الألبان فيها ٣ مكونات..

بروتين ، وكربوهيدرات ، ودهون.

والكربوهيدرات ده عبارة عن سكريات واللي منها سكر اللاكتوز..

والنوع ده من الألبان بنشيل منه سكر اللاكتوز..

بنستخدم النوع ده من الألبان في حالتين :

١- حالة اسمها Lactose Intolerance, واللي هي بالعامية معناها حساسية اللاكتوز..

وفي الحالة دي المفروض سكر اللاكتوز ده لما بيدخل جسم الطفل ، في انزيم بيكسره علشان يتهضم.. الانزيم ده اسمه Lactose Enzyme ، طيب يعني ايه ؟

يعني الانزيم ده مادة بتكسر سكر اللاكتوز ده.. والجسم بيستفيد منة.

طيب في الحالة دي ، الانزيم ده مش موجود وبالتالي السكر ده مش هيتكسر.

وبالتالي الطفل يبدأ يظهر عليه أعراض الحساسية ، واللي هي :

انتفاخ ، اسهال ، ترجيع.

وفي الحالة دي بنستخدم للأطفال اللي بتعاني من نقص الانزيم ده ، نوع ألبان متشال منه سكر اللاكتوز.

الأمثلة اللي ممكن نقابلها :
Hero Milk LF
Pronoun Baby LF
Aptamil LF
NAN LF
Sahha LF
Biomil LF
Babelac LF
Primalac LF

وفي نوع مختلف من ال Aptamil اسمه :

Aptamil NH25

وهو نوع مُستخدم للأطفال وخالي من سكر اللاكتوز.

٢ - الحالة التانية وهي في حالات الإسهال ، وفي الحالة دي بيكون الألبان عليها الرمز AD..

وده معناه ايه ؟

Anti Diarrheal

وهو مضاد للإسهال ، يعني بيقلل نسبة حدوث الإسهال للأطفال.

المفروض إن سكر اللاكتوز في الحالات الطبيعة ، وهو من الحاجات اللي بتزود الإسهال.

وفي الحالة دي بنشيل سكر اللاكتوز ، علشان حالات الإسهال تقل.

أمثلة للأنواع اللي ممكن نقابلها:

Novalac AD
L-Free Anti-diarrhea

وكدة أخدنا النهاردة ٣ رموز واللي هم :

LF
NH25
AD

وال ٣ رموز بيكون فيهم اللاكتوز مش موجود ، وبنستخدمهم لحساسية اللاكتوز ، وحالات الإسهال.

وبكدة تكون خلصت معانا كبسولة النهاردة ، لو المعلومات مفيدة اعملوا لايك وشير للبيدج..

وقولوا رأيكم في الكومنتات.. اتمني تساعدوا صحابكم إنهم يشوفوا المحتوي. 💙💊💊

Reference :
صيدلي : علي عيد.

التدريب هينزل علي صفحة الفيس بوك ⬇️⬇️⬇️

https://www.facebook.com/profile.php?id=61557344750810&mibextid=ZbWKwL

وهينزل علي قناة تليجرام ⬇️⬇️⬇️⬇️

https://t.me/karemapharmacy


بالتوفيق بإذن الله للجميع. ♥️🌿

اعملوا شير لو تعرفوا حد في صيدلة..

#Karema_Pharmacy_School. 💊🩺

#Free_Pharmacy_Training.♥️😌💉
#صيدلة. 🏥🩺

#تدريب_مجانا. 💪🏻💪🏻

صباح الخير.. 💙👀

هنكمل معاكم سلسلة كبسولات كريما.💊💊

والنهاردة مع كبسولة جديدة ، عن الألبان.

النوع ده من الألبان مختلف شوية عن الأنواع اللي اتكلمنا عنها قبل كدة.

وهو نوع مُخصص للأطفال غير مُكتملة النمو.. يعني الأطفال اللي اتولدت قبل المعاد الطبيعي للولادة.

واللي اسمهم باللغة العربية ، الرُضع الخُدج.. وهتلاقي الاسم ده مكتوب علي علبة اللبن.

الألبان دي ملهاش رمز محدد في الصيدلية ، بمعني كل شركة منزلة نوع اللبن ده.. مكتوب باسم مُعين حسب ما الشركة اللي صنعته اختارت الاسم.

الأمثلة اللي ممكن تقابلنا :

S26 PDF
Pre developed formula
Pre NAN
Similac Neosure
Babelac pre
Aptamil preterm
Enfamil NeuroPro
Gerber Good Start Nourish

وفكرة الألبان دي بكل سهولة :

رقم ( ١ ) :

إنهم بيزدوا نسبة البروتين في النوع ده من الألبان ، علشان احتياج الطفل وإن الجسم مكتملش في النمو ، فهنا نسبة البروتين بتكون أكبر من الأنواع التانية.

رقم ( ٢ ) :

إن البروتين في النوع ده من الألبان النسبة فيه بتكون متساوية ، يعني ٥٠ ٪ البروتين الواي ( whey protein) اللي هو سريع الهضم ، و ال ٥٠ ٪ النوع التاني اللي هو الكازين بروتين ( casin protein) واللي كان بياخد وقت شويه للهضم.

رقم ( ٣ ) :

زي ما اتكلمنا عن مكونات اللبن وهم ٣ حاجات ، كربوهيدرات ودهون وبروتين ، فالنوع ده من الألبان بيكون فيه نسبة الدهون اققل من الطبيعي.

وبكدة تكون خلصت معانا كبسولة النهاردة ، لو المعلومات مفيدة بالنسبة ليكم.. 💙💊💊

اعملوا لايك وشير للصفحة.. 💙👀

وقولوا رأيكم في الكومنتات.

Reference :
صيدلي : علي عيد.

اتمني الدعاء للدكتور علي. 💙💙

التدريب هينزل علي صفحة الفيس بوك ⬇️⬇️⬇️

https://www.facebook.com/profile.php?id=61557344750810&mibextid=ZbWKwL

وهينزل علي قناة تليجرام ⬇️⬇️⬇️⬇️

https://t.me/karemapharmacy


بالتوفيق بإذن الله للجميع. ♥️🌿

اعملوا شير لو تعرفوا حد في صيدلة..

#Karema_Pharmacy_School. 💊🩺

#Free_Pharmacy_Training.♥️😌💉

#صيدلة. 🏥🩺

#تدريب_مجانا. 💪🏻💪🏻