قصائد فزاعية فقط

سلام عليكم حبايبي 😍

اذا اكو احد تعرف ب تفسير احلام خلي تراسلني بلا زحمه

فزاعيه لأستشهاد الرسول
((الوزن تجليبه))
_

الجد حسين خل نطلع عراضات
نلاگيها الزجــيه باعله صرخات
___

نــگابلها ونــعلي الونــه وياها
شال الوالي منها وبجت عيناها
عگبك يالنبي يكسرون ضلعاها

وجعانه /اعليك الزهره

✍️أم أحمد الساعدي
❥ــــــ☆ـــــــ●ـــــــ☆ــــــ❥
عــالضــلت يتــيمه نعــلي الونــه.
ابوها شــال عنها وكطعت الضــنه.
تسوى ام الحسن كل هاذ مدمعنه

يضربوها/ وخلاف الهادي

✍🏻آلاء الطائي
❥ــــــ☆ـــــــ●ـــــــ☆ــــــ❥
اليله الطاهرة بنت النبي اتنادي
منها الدمع يجري تصيح  يالهادي
تعال وشوف عگبك بوية اشسادي

والدنيا اضلمّت الغيابه

✍️خادمة اهل البيت عليهم السلام العلويه ام سيد مهدي الموسوي
❥ــــــ☆ـــــــ●ـــــــ☆ــــــ❥
وســفه يالزجــيه شال واليها
لبو ابراهيم هاي الونه عليها
عليه اليوم بالدمعه نواسـيها

اعلى اغيابه / محزن الكون

ام✍🏻 زين العابدين لمحمداويه
❥ــــــ☆ـــــــ●ـــــــ☆ــــــ❥
نكــابلها الزجيه  نعلي صرختنه
تستاهل بواجي ونوب لطتمنه
ماتهجع    ابد   للموت   ونتنه

وحزنانه /مفكودالوالي

✍️ام زهراءالفاطميه
❥

فزاعيه بدايتها نعي وصية الزهراء ع الى امير المؤمنين عليه السلام

يبوحسين  اوصيك بوصيه
لو  غمضت عيني المنيه
خذني بليل  ياحمي الحميه

نزلت الفزاعيه

اخذني بليل  يمخوف اليعلون
ماريد الخذو  حكي  يحضرون
............
صاحت ياعلي اسمع يصنديد
يالكاطع  اركاب الزلم  ياحيد
الحارك باب داري يروح ماريد
يزت جنازتي  ويه اليشعون
.................
ماريد الكسر  بالباب  ضلعي
وخلاني اون ويسيل  دمعي
وديني لبوي يشوف وضعي
اكله  ضلو  اولادي  يصرخون
............
شيع  اجنازتي ياحيدر بليل
هضمه هضمتك يمحير الخيل
انذال  الحيروك وهدو  الحيل
اشوفك بالحزن وتهل العيون
........
يحيدر حيروك وتهمل العين
ناس  المالهم رحمه  ولادين
تهل اليوم خلو دمعت حسين
باجر  يوم  الملاكه  شيكولون
...........
وصيه اوصيك ياداحي البيبان
ماريد  الضلمني  يروح دفان
خليلي يبو الحسنين  عنوان
لابد  يوم  وبحكي  تطلبون
........
(اطلبونه / الكاسر  ضلعي)

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم  

قصيدة الزهراء عليها السلام

⋖⋖⋖⋖⋖⋖•★•⋗⋗⋗⋗⋗⋗

فلت ونتهت     هليوم وياها

امنه الزاجيه الحلوه حجاياها

⋖⋖⋖⋖⋖⋖•★•⋗⋗⋗⋗⋗⋗

فلت ونتهت وياها هليوم

راحت ماتجينه فراك لدوم

كلبي علحنينه شتاك ويحوم

وياجلمت اليمه ضيعيناها

⋖⋖⋖⋖⋖⋖•★•⋗⋗⋗⋗⋗⋗

فلت ونتهت هليوم وي امي

هاي الشاركتني بحزني وهمي

شلي بنظر ماريده  خل يعمي

ويه الوالده عشره وكظيناها

⋖⋖⋖⋖⋖⋖•★•⋗⋗⋗⋗⋗⋗

شالت يلحنينه بعدمتعود

حزينه رواحنا وهدومنه سود

حسافه طولها بلحدممدود

ماترجع بعد كعدتنه وياها

⋖⋖⋖⋖⋖⋖•★•⋗⋗⋗⋗⋗⋗

المن رايحه وخليتي البنيه

الروح مكدره والعين معميه

شلتي يلحنينه وهاي الوداعيه

بنيتج ماتنام ولاسكت مبجاها

⋖⋖⋖⋖⋖⋖•★•⋗⋗⋗⋗⋗⋗

خلتنه يتامه زغار ظلينه

امي الغاليه وصتمن اعلينه

عليها نوح مايبطل بجينه

ليش الغاليه بترابه دفناها

⋖⋖⋖⋖⋖⋖•★•⋗⋗⋗⋗⋗⋗

دفناها الحنينه  وسط الترابه

احايظلع واحاه صوابه

تهمل ماتبطل عيني سجابه

آيمنه بسوادت ليله وادعيناها

⋖⋖⋖⋖⋖⋖•★•⋗⋗⋗⋗⋗⋗


✍#
تمت بعون الله تعالى بقلمي المتواضع خادمة اهل البيت ام صادق ونسالكم الدعاء❌غیرمبری الذمه الیحذف الاسم او یغیره❌
🏴أنت المعزى سيدي يا صاحب الزمان ... عظم الله اجوركم💔

✍️..بذمته يحذف اسم الناشر .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام

لطميه للخوان (ع)

المستهل 👇👇👇


عالخوان زينب لاتعتبين
اخوتج عالثره ضلو امنومين


✿────↻✿...✿↺────✿
✿────↻✿...✿↺────✿

نامو علثره ميفيد العتاب
شيفيد العتب نامو بالتراب
اهلج وين يازينب والأحباب
صدك وحدج بقيتي ومالج معين


✿────↻✿...✿↺────✿
✿────↻✿...✿↺────✿

عتب ميفيد للنامو بتربان
ابو فاظل واخوج المات عطشان
خسرتيهم يزينب جانو احنان
طيبين وعليهم تدمع العين


✿────↻✿...✿↺────✿
✿────↻✿...✿↺────✿

اه من الزمن طشر شملنه
وراحو گل اخوتي وانهضمنه
على الخوان مايخلص حزنه
ولج ياروح وني ولاتبطلين


✿────↻✿...✿↺────✿
✿────↻✿...✿↺────✿

بس النوح والون صار سهمي
ودمع العين علوجنات يعمي
اريد الله يساعدني على همي
اخوتي وغيرهم ماتنظر العين


✿────↻✿...✿↺────✿
✿────↻✿...✿↺────✿

عيني عالمشو ضلت أربيه
راحو ماكو والي يمر بيه
الف وسفه مشو كلهم سويه
بعد ياعين كولي المن تنضرين


✿────↻✿...✿↺────✿
✿────↻✿...✿↺────✿

بقلم ✍🏻المله والشاعره ام علي الأماره
غير مبري الذمه اليحذف اسم الشاعره وينسب الكلام له

هناك طرق مجربة لقضاء الحوائج تعتمد على فاتحة الكتاب
ومن هذه الطرق أن تقرأ سورة الفاتحة 41 مرة متتالية وأنت في مكانك وتدعو بقضاء حاجتك
وبعون الله تجد مايسرك
وهنالك طريقة أخرى وهي تقرأ الفاتحة 7 مرات ثم تقرأها مرة وعندما تصل لقوله تعالى إياك نعبد تذكر حاجتك

ماحيرن بدنياي وأم البنين وياي
تهل دمعتي / وبشدتي / أم البنين وياي

أي واحد بهذا الزمن صدگوني ماأحتاجه
أم البنين الطاهرة تگضيلي أكبر حاجة
غيثيني مولاتي صحت ودمعي لطم بمواجه
اليخدمها بالدنيا ملك وبالعزة يلبس تاجه

شما تثگل الكلفات / توگفلي بالشدات
وبمحنتي / وبشدتي / أم البنين وياي


أم البنين أمعدله وماخاب التعناها
والباري من دون الخلگ هاي الكرامة أنطاها
هالليله حضر حاجتك وأم البنين أنخاها
گللها رايد فزعتچ والفاتحة ألها أقراها

تنطيها إلك بالإيد / وجربها خاف تريد
يامنيتي / وبشدتي / أم البنين وياي


العباس أبنها وبالكرم طالع يناس أعليها
والشدته ما تنگضي العباس أله يگضيها
كل ذكرياته أعله النهر حلوة أمن اسولف بيها
ينطي يمينه ويسرته والراية ما ينطيها

ومن فدوة للعباس / للخوة رفعة راس
ياهيبتي / وبشدتي / أم البنين وياي


معدنها أبد ماينوصف أم البنين الحرة
ماچانت أم چانت ترى خدامة لابن الزهرة
تحب اليشارك بالعزة وحسين ابنها يذكره
اليذرفله دمعة أعله الخيم أم البنين تشكره

تسأل على اليبچون / وتحب اليلطمون
تحب صرختي / وبشدتي / أم البنين وياي


قبتها باچر من ذهب أم الگمر نبنيها
وأربع مناير شامخه أطخ بالسما أنخليها
هاي الأصيلة وبالكرم ماواحد إيضاهيها
اتشافي المريض بلا ثمن والناس حارت بيها

هالليلة ياهو الراد / امن ام البنين مراد
وبوحشتي / وبشدتي / أم البنين وياي

كلمات / تحسين الخفاجي....الناشر رحيل القوافي

قصائد فزاعية فقط pinned «بنات  عادي تسون صلوات ١٤ مرة مهداة للنبي صلى الله عليه واله وسلم لشفاء المرضى واختي ولقضاء الحوائج وحاجتي تكدرون🙏»

بنات  عادي تسون صلوات ١٤ مرة مهداة للنبي صلى الله عليه واله وسلم لشفاء المرضى واختي ولقضاء الحوائج وحاجتي

تكدرون🙏

اللهم صل على محمد وال محمد

حصريا 🔥
فزاعي جنوبي حماسي  ،، بقفلة هوسه،،
لشجاعة  السيده زينب عليها السلام
ع عندما سارو بيها الى الشام
ودخلت الى ديوان الطاغيه يزيد لعنةالله عليه
  وعند رجوعها الى كربلاء يوم الاربعين جلست عند قبر اخاها العباس دكله 👇
〰️〰️〰️〰️〰️〰️〰️〰️〰️

ماذليت وانه اختك يعبــــــــــاس
يخسه الكال زينب طخـت الراس

يخسه الكال زينب طخت الهــام
انثايه اوداعتك مابيهــــــم ازلام
بالديوان اختك هانت الشــــــــام

خليته والشام امدنـــــــــــــــــــــك

〰️〰️〰️〰️〰️〰️〰️〰️〰️
بالديوان اختك هانت ايزيــــــــد
كتله انته وهلك عند اهلي اعبـيد
تره هيه المراجل موش تقليــــــد

من ساسه الزلمه امبيــــــــــــــــن

〰️〰️〰️〰️〰️〰️〰️〰️〰️
ماتمحو ذكرنه اشما تكولــــــــون
تاج اعليكم اخواني يضلــــــــون
وانه اخت السبع كلكم تعرفــــون

وي امثالي اشجابك تحچــــــــي
〰️〰️〰️〰️〰️〰️〰️〰️〰️
حجيت بزودي انه وماهتميـــت
وكتله اسمع يزيد الماالك صيت
اضلن شامخه اشما تحديـــــــت

ماهزاني كل هذا المــــــــــــــــــر

〰️〰️〰️〰️〰️〰️〰️〰️〰️
جبل عالي اضل مايهوه ويمـيـل
يخسه انته وامثالك بيه يعيــــل
انه اخت السباع الراهبه الخيـــل

اتحداني کونك رجــــــــــــــــــــال
〰️〰️〰️〰️〰️〰️〰️〰️〰️

بقلمي عاشقة العباس الشاعرة والملا ام عراق الشمري البصره صاحبة ديوان الرايه الخضراء ولايجوز حذف الاسم شرعا وغير مبري الذمه لكل من ينسب الكلام لنفسه

              صاحبة الحسچه الجنوبيه
             ام عراق الشمري البصره

🌹
‏بينَ الولايةِ والبراءةِ فرحةٌ
‏نثرتْ (مُلبّسَ)ـها على الأكوانِ
‏.
‏ذي بسمةُ الزهراءِ تشرقُ في المدى
‏أمْ إنَّهُ عيدُ الغدير الثاني ؟!


‏‌ #فرحة_الزهراء⁩
#اللهم_عجل_لوليك_الفرج

قصيدة للسيدة زينب ع
المستهل من ضريح السيدة زينب للخادمة ام فاطمة من البصرة  وصلت للضريح اجاها  وطلبت مني اكتبلها علمستهل

{ هاي ام المصايب }

هاي ام المصايب  وين مدفونه
هاي اخت الغريب النايم بكونه

•───✧◐◐✧───•

بديار الغرب توجع مصيبتها
بعيوني شفت هليوم غربتها
قليله الناس تتعنه لحضرتها
الرايح من بعيد يهلن عيونه

•───✧◐◐✧───•

هلت دمعتي وجريت بالحسرة
يــم شباچها خنكتني العبــره
الله يساعدچ يازينب الحــره
والميت غريب اهله يمرونه

•───✧◐◐✧───•

كون بكربله كبرچ يعلويـه
بين اهلچ الكبه هناك مبنيه
لا يمچ ولد لا يمــچ بنيــه
وسفه بلغرب موتچ يخاتونه

•───✧◐◐✧───•

آآ يالشام ماينحمل طاريها
الله يساعدچ وتحمليتيها
بيها اوجاع ماتنعد بلاويها
وكبرچ صار بيها هنا يمحزونه

•─────•

مخنوكه وجرت دمعات العيون
مثل مصيبتچ ماجرت يم عون
شخصچ بالغرب وتراب مدفون
وهاي احبابچ اتعنو يزورونه

•─────•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد

قصيده لمولاتنا سكينه بنت الحسين عليهما السلام... تقرأ بعدة اطوار

يبنت حسين يسكينه
كلـنه اعـليـج ونـينـه

​ ┅┈●⇝╭✨╮⇜●┈

ونيـنه عليـج وبالگـلب حسره
لمصابج تشب برواحنه جمره
مـدامـعنه تـهل ابـألم يالـحره
يـالحـالج يهـظمنه ويبـجينه

​ ┅┈●⇝╭✨╮⇜●┈

حزنـانه ومـظلمه اعليـج دنيانه
أذانه مصابج حــــــــــيل أذانه
نـلطم عالـوجه والـراس خـلانه
نعـزي السبـط واليـنه

​ ┅┈●⇝╭✨╮⇜●┈

نعزي فاطمه ونعزي ابوج حسين
وتـهل اعليج دم ادمـوعها الـعين
ومتـكدره وحـزينه كلهه المحبين
ومـجالس عـزه سويـنه

​ ┅┈●⇝╭✨╮⇜●┈

الزجـيه اليـوم بمـصابج نعزيها
وبـنوح ولـطم عمـتج نـواسيها
وصرخات الحزن باسمج نعليها
ادمـوع ابـحرگه هلـينه

​ ┅┈●⇝╭✨╮⇜●┈

مـولاتي عليج الشيـعه مالومه
حزنـانه وتـون وتنوح مهظومه
لمصاب الجرالج كلهه مهمومه
خـله جـم جـرح بيـنه

​ ┅┈●⇝●┈

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام

لا تبجين،،،، عمج هزهز الكون

يبت حسين اهلج مايثنون

ولا تبجين لا يغتاض عباس
يطب اعلعده ودخان بلراس
شال السيف والرايات والطاس
((يرهب يومه// لو طب عباس))

🥀🥀🥀🥀🥀🥀🥀🥀
وهذا اليوم يومه ولا تخافين
يسمونه السبع اهل الميادين
احتار الجيش منه يشرد لوين
((وخلاها// امغيمه الحومه))

🥀🥀🥀🥀🥀🥀🥀🥀🥀🥀
ومثل الموت يتخطف بلارواح
كلمن شاهده من خوفته طاح
الغوث الغوث منه الخيل هم صاح
((الخيل ترافس// وطاحت جدامه))

🥀🥀🥀🥀🥀🥀🥀🥀🥀🥀
والطف احترك من بيرغه شال
العطوه اتطيح صاح بين الارجال
وشد الخيل فوك الخيل من صال
((وزامط خاله// بيوم الطك))

🥀🥀🥀🥀🥀🥀🥀🥀🥀🥀
وصار ازماط بيه الكون محتار
مثل بارود واعله جيوشهم ثار
روس وخيل فوك الغيم طشار
((مرعوب الطف// يابس ريجه))

🥀🥀🥀🥀🥀🥀🥀🥀🥀🥀🥀

بقلم الشاعره والمله
زينب المالكي ام ادم الزهرائيه

فزاعيه لأستشهاد الرسول
((الوزن تجليبه))
_

الجد حسين خل نطلع عراضات
نلاگيها الزجــيه باعله صرخات
___

نــگابلها ونــعلي الونــه وياها
شال الوالي منها وبجت عيناها
عگبك يالنبي يكسرون ضلعاها

وجعانه /اعليك الزهره

✍️أم أحمد الساعدي
❥ــــــ☆ـــــــ●ـــــــ☆ــــــ❥
عــالضــلت يتــيمه نعــلي الونــه.
ابوها شــال عنها وكطعت الضــنه.
تسوى ام الحسن كل هاذ مدمعنه

يضربوها/ وخلاف الهادي

✍🏻آلاء الطائي
❥ــــــ☆ـــــــ●ـــــــ☆ــــــ❥
اليله الطاهرة بنت النبي اتنادي
منها الدمع يجري تصيح يالهادي
تعال وشوف عگبك بوية اشسادي

والدنيا اضلمّت الغيابه

✍️خادمة اهل البيت عليهم السلام العلويه ام سيد مهدي الموسوي
❥ــــــ☆ـــــــ●ـــــــ☆ــــــ❥
وســفه يالزجــيه شال واليها
لبو ابراهيم هاي الونه عليها
عليه اليوم بالدمعه نواسـيها

اعلى اغيابه / محزن الكون

ام✍🏻 زين العابدين لمحمداويه
❥ــــــ☆ـــــــ●ـــــــ☆ــــــ❥
نكــابلها الزجيه نعلي صرختنه
تستاهل بواجي ونوب لطتمنه
ماتهجع ابد للموت ونتنه

وحزنانه /مفكودالوالي

✍️ام زهراءالفاطميه
❥ــــــ☆ـــــــ●ـــــــ☆ــــــ❥
حزنــانه الزجـــيه وتلطـم الهامه
الليله شال ابـوها وراحت ايامه
ودمعتها جــريه اعلــيه محتامه

مهظومه/ بفگده الليله

أم صــ✍️ـــادق المنصوري
❥ــــــ☆ـــــــ●ـــــــ☆ــــــ❥
نگابلها الزچبه بدمعه حراگه
علشال اومشه ماتحمل افراگه
تعلي اونينها ولنوره مشتاگه

نعازيها/ بمصاب الوالي

*الحاجه ام احـــ✍ـــمد الحچامي*
❥ــــــ☆ـــــــ●ــ❥
(( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ/28/صفر 1446هـ🌙
لانجيز حذف الاسماء
🙏🏻🙏🏻نسالكم الدعاء
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العترة

لختام المجلس

الزهره اليوم… بالهادي نعازيها

الغالي انشال نعشه وحيل ماذيها
ظلمة الدار وتنوح اعلى واليها
معصبه الراس والدمعات تبچيها
متوفي النبي واللطمة شديها
لمصابه تسح العين خليها
ونلطم عالصدر نبچي البواچيها

( ماجوره… العازت فاطم)

………… تمت……….

        بقلم ام زهراء العامري

فزاعيه  بدايتها ابوذيه لرسول  ص

نحن  الشوفتك كل ساع   ونريد
لبونه الراح منه اليوم    ون ريد
نروح  عليه   متعلمين    ونريد
شال  وضلت دياره  خليه

نزلت الفزاعيه

وين ايريد   شايل  هيبت  الزهره
ومكسوره  عليه  كسره 
.................
شال  وحمل  ضعونه
وحيدر  هلت  عيونه
يزهره  حالج  شلونه
ضلت  بالكلب  حسره
...............
حمل وابعد  الهيبه
بويه الراح  شيجيبه
وحيدر زايد  نحيبه
شاله   والدمع يجره
....د...
شال البيه مهيوبه
عليه صواب مصيوبه
روحي أصبحت منكوبه
وجرح  الكلب مايبره
.
ضلت  تجذب  الونات
موحسره تجر  حسرات
يحسين اليحبكم  مات
غاب  وفركته   مره

عليه  اليوم   حزنانه
شال وغلك  بيبانه
عليه ارتجت اكوانه
حمل  والد   العتره

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم  

*فزاعيه لأستشهاد الرسول (صلى الله عليه وآله وسلم)*
___

هوسه للنبي وبيرغ عراضات
نعازي فاطـمه ونرفع الرايات
___

نعازي فاطمه بدموع سجابه
تنادي اعله الابو وتصيح يايابه
شال وغرب وعايفها احبابه

ميدانه/يهز بأعلامه

أم صــــ✍️ــــادق المنصوري
ـــــــــــــــــــــــــــ
ميدانة يهز اللطمة شديها
الله يعينها المفگود واليها
هليلة الزچية حيل مابيها
مشيعينه نعش، المختار
ام وليـ✍️ـد الموسوي
ـــــــــــــــــــــــــ
نهز اعلامنه ونلطم ندك عالهام
نكطعها دروب و نرفع احنه اعلام
تولي ام الحسن من عكبه الضلام

((يهضموها من عكبه ابنيته))

الشاعرة ام روكان الشمري
ـــــــــــــــــــــــــــ
يهضمو ها الذيابه الماهم اصحابه
نار موجره يشعلوها يم بابه
يادار الوحي نكروهن اعتابه

(ماچنها اتخصه نكروها)

ام حسين المحمداويه
ـــــــــــــــــــــــــــ
نطلع بالبيراغ حيل لطامه
اليوم الدين محزن مكدر اسلامه
ومطروحه يوسفه الليله العمامه

نعازيها بالمات الزهره

✍️ام زهراءالفاطميه
ـــــــــــــــــــــــــــ
خلي انعازي ام احسين والكرار
على افراك الابو يشبه لهيب النار.
يستاهل نبينه النوح ليل انهار.
( يشيلونه.نعشك كدامي)
✍🏾الاء الطائي.

((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / 28 / صفر / 1445هـ🌙
لانجيز حذف الاسماء
🙏🏻نسالكم الدعاء
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره