والرسايل والحچي المعسول
والما يوم اعوفك
والبچي ودگات گلبك
والما أنام إلا انت تغفى
ورجفتك دمعتك خوفك
ذني بيش؟
چا والدروب وسَفرها
چا والوجوه الصدع يمك شذرها
والمَحطات وزحمها وليّلها
وريل العبرها
ذني بيش؟
چا والشموس الچوتني
چا والحلوگ الحچتني
والأماكن والقصايد والهدايا
ذني بيش؟
چا والعيون البچتلك
والدرابين الخذت صوتي ومشتلك
ذني بيش ؟
چا والعزاز العفتها
چا والسنين الجزتني وما شفتها
وضحتك گلولي بيش ومابعتها
ذني بيش؟