جِيم♡-

😂😂😂😂😂

🌻

هَسة سولفولي، كم واحد بيكم هنا حيصير معماري🙈♥️؟

المهم الي صار هَسة من الاشياء الي چنا نگول عليها بعيدة وشبه مستحيلة والله
فإلي طلعله قبول هندسة بأي قسم چان ترا رهيب

طگينا عمي

العمارة بالمستنصرية العام قبلت ٩٢
وهالسنة ٩٧

بالنسبة للهندسة
شنو هاي الصدمة😂
من صدُگ طفرة بالمعدلات وحدود الدنيا

داشوف مشاركاتكم بالبوت واقرا واني مبتسمة♥️♥️♥️♥️♥️
كُلش فرحانتلكم وفرحانة بيكم والله
يارَب تكون بداية جديدة لكُلشي حلو وتتوفقون بالأماكن الي صرتوا بيهم وتستمتعون وتتعلمون اهم شي♥️♥️♥️♥️

نزلت القبولات؟ طَمنوني @jan_nah0bot

خلصت الواحد وعشرين، بَس مو بسرعة
چانت سنة غنية حيل
وتعلمت بيها هواي هواي دروس بالحياة وچانت مليانة محاولات
البعض منها مبتورة والبعض الآخر ناجحة بشكل🪄

اتمنى الثنين وعشرين تنطيني الي احتاجه بيها وتعلمني اكثر والاهم تزيدني رضى وحُب وقُرب لالهي الرحيم♥️

يوم ١٠/١٧ چان يوم ميلادي♥
بَس اشو الشعور غريب😂 عندي تقديم بالدزاين وداشتغل ومجاي على بالي ومن تذكرت حسيته يوم عادي مو مهم ولا شرط اسوي بيه شي مختلف
وهالشعور ضوجني، بَس ماگدرت اقاومه
كل الي سويته هو ان من رحت للدوام لبست لون ابيض في محاولة لإستقبال العام الجديد بالهدوء والسلام وبَس

المهم جيت اشكر كل الي تذكر هاليوم وأخذ من وقته حتى يكتبلي دعوات ويعبر عن مشاعره وحبه
مُمتنة هَم للي حاول يخليه يكون مميز بأفعال بسيطة، بَس چبيرة بشعورها♥️

شكرًا يارب لان بعدك تحن على الطفلة اللي بداخلي وتساعد البنت الچبيرة اللي اني عليها انها تزداد نضج ورحمة وحُب.

في جموع السائلين أقف بأملي الخالص،
أُقلّب روحي في جلال التسليم وبرد اليقين
ووعد الإجابة ..

هالايام هاي داشوف الغروب من بغداد
وابقى بالجامعة لحد ميخلصون المسائي وارجع وياهم
اليوم استمتعت اكثر من البارحة لأن بوقتها بعقلي شغل الدزاين مالت اليوم واحس مراح الحگ وهاي وهيچ
بَس اليوم لا لطيف
الجامعة تفرغ ميبقى بيها طلاب قليلين حيل وصوت العصفورات والبزونات يفترن والاشجار الحلوة🪄♥️

الـ Day sketch هو مثل الامتحان
ينطونا مشروع ومتطلباته من بلانات وواجهات وسكشنز وطبعًا بفكرة تصميمية من عدنا ونبدي نشتغل لنهاية الدوام
كل وقتنا نخلصه بالمرسم حرفيًا خو اليوم حتى مطلعنا ناكل من العشرة للاربعة نشتغل
بَس رغم هذا نحس الوقت يمشي بسرعة

اليوم چان عدنا Day sketch🪄
المشروع هو تصميم مكان للمولدات الكهربائية
وفكرتي الموجات الصوتية الي يولدها المولد
كالعادة من وصلت لبارت التلوين استمتعت♥️