“Mən Ukrayna Silahlı Qüvvələrinin Ali Baş Komandanı, general-polkovnik Sırskini Baş Qərargah Rəisi təyin etdim. 2024-cü il Ukrayna üçün o zaman uğurlu ola bilər ki, müdafiəmizin özəyində, Ukrayna Silahlı Qüvvələrində effektiv dəyişikliklər edilsin”, - deyə Ukrayna prezidenti Volodimir Zelenski bildirib.
Qeyd edək ki, Rusiya-Ukrayna müharibəsinin əvvəlində Kiyevin müdafiəsinə məhz Ukrayna ordusunun yeni Qərargah rəisi, general Aleksandr Sırski rəhbərlik edib və ötən ilin yayında Xarkov yaxınlığında əks-hücum əməliyyatını da o təşkil edib. General Sırskinin komanda üslubunu şərh edən The Economist-in analitikləri mərkəzləşdirilməmiş komandanlıq prinsiplərini, ətraflı planlaşdırma, aldatma və sürpriz elementlərindən istifadəni qeyd edirlər. General-polkovnik Sırski Ukrayna Silahlı Qüvvələrinin Ali Baş Komandanı təyin olunana qədər quru qoşunlarına komandanlıq edib.