أنت كـَ إنسان مهما كانَت عندَك ظروف والدنيا دايسة بيك حَيل مجبور غصبًا عليك تنهض وتبلش من الصفر، وإذا ورا نهضتك وكعت هم تبلش من الصفر وتعيد وتعيد لما توگف على حيلك بصورة تامة مهماااا كان نوع الظررررف، ترا محد حيشيل همومك مكانَك ومحد يحل ظروفك غيرَك.
أوكي مُمكِن يوكفولك يحسنون نفسيتك شهر شهرين وراها شنو؟
باقيتلك بس نفسك فقططط دير بالك عليها و وصلها لمستوىٰ تكون فخور بيها وهنا مدا احجي عن الدراسة فقط.
هسة أنا مبلشة بقناة الرابع شگلتلهم؟ اليوم مادتين إصغاء هذا سهل والنحو موضوعين ويومين كاملات لمواد : شعر رواية مسرحية إختبارات لُغة..
لا عبالكُم إنهُ أنا من حبلش عندي أجواء وردية ومزاجي تمام حتى اضغط على روحي هالضغط راح آخذ ٦ أشكال ادوية مُقسَمة على وقتين بالنهار و قطرات عين لأن شكل الورق يأذيني لونه وبما إنهُ ممنوعة من المنبهات شاي وقهوة اشوفلي بديل عنهن
هنا انا ما عندي مزاج لا غصبا عني لازم اوكف واستمر تمرضت سنتين ما شفت وكف الكوكب علمودي ولا علمود أجلت سنة بالعكس كل شخص عايش حياته واللي وكفولي إسبوعين ٣ شهور وراها كلمن التفت لروحه وبقيت آني ما وكفت الدنيا يمهم بس وكفت يمي ومن حاولت علمود نفسي وكدرت أمشي رجعت تحركت يمي
بداعت الخوة ركزوا على هالكلام وحطولي ميتين خط أحمر تحت كلمة برأيي تبقى كل شخص وشنو يحب وياهو أسهل إلة..
بس القاعدة الثابتة بإختيار بحثك هي المصااااادرررر ثم المصادر ولا تطلعون عذر دكتور صعب
اذا عندك مصادر تشتغل بيها لو يحطولك بروفيسور هم تكدر تسوي بحثك..
أنا ما احب الطرائق أبدًا كلششش اكرهها وهي طلعتلي بالبحث بس ما اعترضت رحت دورت مصادر لبحثي وشفت معلومات عنه لكيت عندي مصادر إذًا هاهية نبلش بي ببركة الله..
لا تخلون احد يرسملكم أفلام رعب براسكم
الثالثة تجاوزتوها، الرابعة نص صعوبتها معقولة ما تدبرونها؟؟
أنا دا أحجي واقع مو من وحي الخيال ولا من عالم وردي
هذا الواقع بس يريد تعب حتى تشوف كلشي سهل بعينك لازم تتعب وحتى راح تضطر تقصر براحتك وتواصلك وية الناس بس لأنهُ وقت ما عندك
و كلش عادي مو مشكلة هنة كم شهر مراح يگلبن موازين الكوكب..
إللي عندهم ظروف صحية انتو داروا روحكم وإنتبهوا لصحتكم هواي مرات دا اضطر اقصر على روحي هواي بس والله وقت ماكو كله طاير بالإزدحام وطريق ومحاضرات و صعدة درج وصحتي بالنازل بسبب هالموضوع رغم هاي مصبرة روحي باقي بس هالكورس والعبد يحصل على كد تعبه إدعولي الله يقويني وإياكُم يارب🩵.