قصص فتيات حقيقية فصليات رواية روايات كتب كتاب فصلية حب غرام عشق عراقية زينب عربي اجنبي خليجي جريئة بنات سحر

سجى تسولف واني صافن
باوعت على سما حاطه ايدها على وجهه وتبجي
دنكت راسي
حسّيت كلبي انكسر
جمعت القوة كلها الي بداخلي
جنت لازم ايدها وبستها
سامر: سما حبيبتي الحلوة ميخالف الطفل يتعوض بعد قلبي اروحلج فدوة ونذر لا تبجين اهمشي هسه سلامتج بعدنه العمر كدامنه واترسلج حضنج جهال فدوة لعمرج لا تنقهرين
هزت راسها بمعنى اي وحضنتني
مسحت على ظهرها
سامر: كافي حبيبتي كافي
بهل اثناء
حسيته احد دخل علينه
التفت ولكيت ماهر موجود
اجه علينه ملهوف
ماهر: وللكمممم خووو ماكو احد متأذي .. خوووية سامر بيك شي مرتك صاحبك
خوية سيف بيك شي حمدلله على سلامتكم والله بس سمعت بالحادث كمشني قلبي واجيت بسرعه بدون ما اكول لامي تعرف بيها سكر وضغط ونخاف عليها وحتى أبوية ما يدري اهمشي هسه ما بيكم شي
سامر: الحمدلله ماهر ما بينه شي مجرد اثار جانبيه وتتشافى بمرور الزمن ميخالف مصار شي
ماهر: هسه اجيب الكم ملابس واكل حتى تبدلون وتأكلون ونرجع للبصرة

راح ماهر حسيته مثل الفرج واجه لان تلفوناتنه كلنا راحت وضيعناها
سما جان راسها ملفوف وبيدها الكانونه وحالتها حاله
أما سجى
عدها خدوش جانبيه بوجهه صايره وملابسها مبهذله
سيف اخذ سجى على القنفه ونومها على كتفه
واني اخذت ايد سما وحطيت راسي على طرف السديه وغفيت
ورة شوية
حسيت على ماهر يكعدنه
لبسنه ملابس جديده واكلنه
الاكل الزايد الي بقه
نطيناه للناس بالمستشفى
سندت سما وطلعنه
باوعت على بغداد لاخير مره
مليانه بحزنج طول عمرج ما شفتي الراحه
جريت نفس وصعدنه بالسيارة
سما نامت على كتفي واني خليت راسي على راسها ونمنه طول الطريق
فزيت على وكفه السيارة
كعدت سما ونزلنه
تلكونه بالجكليت وذبحو ذبيحه جوة رجلينه
دخلنه وما شاء الله ماكو احد ما داري
هاي سوالف ماهر ادري بيها
سلمت عليهم
خاله ام سيف شوية واخذت سجى وسيف خطيه تعبانين
ما اتهنينه بهل ايّام ابد
صعدت فوك لغرفتي
شفت سما ذابه نفسها جفت على الجربايه
تمددت يمها واخذتها بحضني
حضنتها بقوة ما اريدها تروح مني بعد
تعلقت بيها اني بدونها ضايع
*تسريع للاحداث*
مرت اربع اشهر
وسما حملت بتوأم
وسجى جابت بشهرها الثامن
بس الحمدلله تمت بنجاح وجابت ولد يجنن سمته على اسمي
بنهايه سنه2016 توفت بيبي فخريه
بسنه ال2017/4/2
نورت الدنيا بالتوأم
ولد وبنيه
سُميت الولد سلطان لان بيبي فخريه الله يرحمها رادت تسميني هيج بس مصارت
اما البنيه
سميتها على عزيزه قلبي الاولى شهد
والله عوضني بهذولي الاثنين
وجانو مثل الجنه علي بالدنيا
انملت حياتي بيهم و بحبيبتي وزوجتي سما
بسنه ال2018/1
همين حملت سما
وبالنسبه ال سرى
تزوجت واحد وياها بالكليه
وسيف صار عنده بيت وسيارة بصف بيت اهله والحمدلله الله رزقه
وهدى اخته تزوجت صديقنه يوسف
بتاريخ 2018/10/7
همين نور حياتنه ولد يخبل سميته سيف على اسم أعز صديق عندي
وسيف همين صار عنده بنيه وسماها اسيل
وسجى فتحت الها صيدلية بمستشفى اهلي مو حكومي وصارت تشتغل
وحالياً بسنه ال2019
شهد صارت مدللة ثلاث زلم وبس هيه بنيه وتدلع علينه
شهد بنتي هواي تشبه شهد الله يرحمها
حسّيت الله عوضني بشهد ثانيه
اما شيخ سلطان ابني الي نافخ ريشه علينه
هذا يشبهني حتى بتصرفاتي وينطيني شبه قوي بشكله
لان هو وشهد صح توأم بس ما يتشابهون
طلع واحد يشبهني وواحد يشبه شهد
سبحان الله والله يحفظهم الي
شهد ما تيهتها ضليت كل راس شهر اروح الها
وحتى مرات اخذ الجهال وياي وسما يزوروها
وهسه كاعدين اني وسما والجهال يمنه
ونكتب الكم قصتنه وحبينه نسردها الكم..

النـهااية....

رأيكم بالقصه يهمنا دزولنه تعليق ع بوت القناة👈 @Iq_griLbot ✔️
نحبكم هوايه هوايه
المزيد من القصص في👈الارشيف @go_77 🔥

انتظرونه بمجموعه قصص #جديده .♥️
-

سامر*
يوم امسيت واضحيت وانا في حفرة الالم
تجاوزت مصاعبي بقوة
أصبحت كتلة من القوة يتخللها الظلام
في رمشه عين
عندما تكون سعيداً
ولكن!!
يصيبك القدر ويراهن على قتلك بصمت!

ضلينه ليله وضحاها احنه ندور على نسوانه
سيف جان عبارة عن انسانه ضعيف واني سندته رغم الي بداخلي يحترك
نمشي بالشوارع وبغداد صارت فاجعه
نسير نحو الحزن بأقدامنا !
لازم ايد سيف وملفلف الشال علينه ونمشي
اني فكرت بمرتي واختي واثنينهم حوامل
معقولة راحو للمستشفى
خطرت ببالي الفكرة
سامر: سييفففف معقووووله البنات راحو لعيادة لو مستشفى مال توليد
سيف: اسم الله سامر بعدهن بأول شهرين
سامر: كلشي يصير امشينه نرجع على نفس المكان
رجعنه لنفس المكان
واخذنه السياره
ورحنه للمستشفى الي رحنالها بالليل
جانت مكلوبه بالناس
وما الك محط رجل بيها
شفت ممرضه تفتر
رحت سألتها وين مكان الولادة
اشرتلي
ورحت بكل لهفه وعسى ان نلكاهم
جنت داير وجهي اشرب مي من البراد
وسمعت سيف صيح بصوت
سجى!!
شفته راح ركض ركض ركض
ركضت وراه
وكفنه بباب الغرفه
شفت سما على سديه وسجى يمها لازمه ايدها
حسّيت قلبي راد يطلع من مكانه
شعور بين الفرح والحزن
دمعت عيني وضلت تنزل دموعي وما احس بيها
سيف ما مصدك لكه سجى وكعد يبوس بخدها وبأيدها وحضنها
اما اني
شعووووري ما يوووصف
رحت عليها بشوك
مثل ام ولكت ابنها من سنين مضيعته
بستها برأسها وحضنتها ودموعي تصب على خدي مثل الجمر
لزمت ايدها
وشفتها تبجي ولازمه بطنها
باوعت على سجى بتسائل
سامر: سجى احجي شصار !!
دنكت راسها ودمعت
رفعت راسها ومسحت دموعها وحجت
سجى: سامر احنه من انفجرت السيارة وصارت العالم طشار اني ضيعت سيف وما لكيته وتخربطت ووكعت بالكاع من الهبطه حسّيت اجه شيخ معمم كومني ومدري شذب على وجهي وكمت صحيت وغطاني بعباته وطلعنه برة
من طلعنه برة الشيخ هذا اختفه ضليت أدور عليكم وأصيح على سيف وانت وسما
كعدت بالكاع وابجي ورة شوية اجت سيارات تشيل الناس اني صعدت بيها ورحت وياهم من اجيت لهنا ضليت أدور بالمستشفى ولمحت سما بهل غرفه واجيت عليها ورة شوية اجت الممرضه وسألتني شتصيرين منها كلت الها اختها كالت للاسف الي ببطنها و.وكع

قصة شهد ﴿ دار الايتام ﴾ حقيقيه 🔥-

بارت 23 الاخير #النهايه @iq_gril📍-

والنَّاس تتراكض
وصارت النيران بكل مكان
جان أشبه بالكابوس المرعب
ضليت اصيح بعلو صووتي
سمااااااااااا!!! سماااااااا!!
والنَّاس والنيران كلهم بوجهي
اباوع منا ومنا ناس ميته وناس محتركه
واني حاصرتني النار
نزعت سترتي وضليت اخمد بالنار
لكن؟!
لا جدوى
النار لاحتني واحتركت ايدي وملابسي
غمضت عيني وتشاهدت
بس!! الموت ما مقسوم !
اجه ولد بعمري يركض وشايل صوندة
: اطلع خووووية اطلع
كوة طلعت اركض
طلعت بالشارع بالكوة لان البيبان جان الحجر سادها
والمجمع كله انهدم
قلبي يم سيف وسجى وسمااا الي اختفت بسرعه البرق
ضليت اصيح بالشارع عليها بعلو صوتي
وافتر منا ومنا
وايدي موتتني من الوجع
ومجمع الثاني الي جان كبالنه همين محترك
انخطف قلبي
وضليت اصيح عليهم كلهم
فقدت وراح صوتي واني اصيح عليهم
شفت سيارة ينقلون بيها ناس
رحت صعدت بيها ولعلى الكاهم
صعدت بالسيارة
ورحنه لمستشفى
ضليت افتر بيها
أدور بين الناس
صوتي ما بطل يصيح باسمائهم وقلبي مخطوف وياهم
دموعي ما حاس بيهم وحدهن ينزلن
فجأة
شفت سيف وي احد الجرحى
رحت بهلع وخوف اله
سامر: وووولك سيف سيف سسسيييف
فتح عيونه بخوف
سيف: سامر خوية بخير اني النسوووان وين ضيعت سجى سااامر
سامر: ولَك انننيييي هم ضيعت سما سيف ضيعتها
سيف جان راسه ملفوف وأيده
اجتني الممرضه حطت لأيدي مرهم ولفتها
ونطتني شال خفيف وحطيته على ملابسي
سيف: ولكككك سامر كوم ندور نسوانه هذني ما نعيش بليااهن سامر كوم
رحنه اني وسيف ندور عليهن
جنت اركض بالشارع
وشفت من بعيد
ثنين نسوان كأعدات وحده حاضنه اللاخ ويبجن بس ما مبين وجهن
انداريت على سيف
سامر: سيف هذنيج ثنين كاعدات هناك يمكن هنه امشي نشوووف
سيف: يلا يلا امشي
رحنه عليهن وسوينه الخطوة عِشر خطوات
كميه الخوف ما اوصفها
تقربينه منهم وصحت من بعيد
سامر: سمااااااااااااا
البنات رفعن راسهن
خاب ضني وطلعن مو هنه
شفت سيف ضَل يلطم على راسه ويبجي
واني أقوي بروحي كوة
ما بيه حيل اخسر سمااااا بعد شهد
رفعت راسي للسماء
سامر: رررررببببي اذا تريد تاخذ عزيزة قلبي الثانيه اخذننني لان بعد اما تحمل فراك وحدة ثانيه ربببيييي طلعنه من هل محنه ولم شملنه
سيف كعد بالكاع ويضرب براسه
شلته بايدي
سامر: ولَك كوووم وصير قووووي وخلينه ندور ترة ناس هواي واكيد موجودات لا تخيب ظنك برب العالمين
سيف: ولَك سجى سامر سجى حبيبه قلبي
سامر: كوووم ولَك اني قلبي مفتوووت ما بيه حيل خسارة لخ قويني واقويك وخلي ايدك بإيدي وكوم ندور لا تجزع خوية لا تجزع

كومته وياي
ما خلينه مستشفى ما دورناها
المجمع افتريناه كله ما لكينه بس الجثث
هواي ناس
الام الي محترك كلبها
والأطفال الي مضيعين اهلهم
الزلم والنسوان الي مضيعله عزيز
جنت بشعور ما اتمناه لعدوي
شعور بالضيااااع شعور بالخسارة
جنت أقاوم وجع جروحي وايدي
ووجع قلبي الي كاد يدمرني
ووجع المنظر والهوووول الي شفته

للصبح احنه ندور وي الناس
لحد ما!!!

يتبع...

*سامر*
مر شهر واني علاقتي بسما كأي علاقه متزوجين وتقبلتها وصارت زوجتي
اخو شهد اخذته الها للنجف زارها ورجع لاهله بالخارج
بيوم من الايام
جنت راجع من الشغل تعبان
صعدت للغرفه
فتحت الباب
الضوة طافي والعطر كلش حلو
فتحت الضوة
اتفاجأت
شهل جمال
جانت الكاع كله شموع وورد
و اكو طاولة صغيرة عليها شموع
باوعت الها
الابتسامه واصله من الإذن للإذن
اجت سحبتني من ايدي
خلت ايدها على صدري
جان اكو صندوق صغير على الطاولة
سما: حبيبي هاك افتحه
باوعتلها وفتحته
ورقه
سامر: شنو هاي عمري ما افتهمتها؟
سما: انت راح تصير اب
فتحت عيوني بكبرهن الفرحه ما وسعتني
سامر: صددككككك تحجين يعني يعني راح يجينه طفل صغير يشيل اسمي
ضلت تهز راسها بفرح وتبجي
سامر: لج احبج احبجججج
حضنتها من الفرح
سما: اختك سجى همين حامل وياي
سامر: الحمدللله يا ربي الف الحمدلله والشكر نعمه من الله راح أصير خال واب
سما: ترة اهلك ما يدرون خطيه روح بشرهم
سامر: رايح أبشرهم ولي العهد راح يصير عنده طفل
رحت على امي وأبوية وماهر ومرته جانو موجودين هم
نزلت اركض وفرحان
حجيت بحماس وفرح
سامر: ولكم راح أصير اب ما مصدك يابه يمه فرحي هلهلي
امي كامت تهلهل وما مصدكة
ثائر: الحمدلله الف الحمدلله يتمم على خير تستاهل حبيبي سامر
ماهر: الف مبروك سيمو تستاهل كل الخير
عفاف: احنه ما ندري بس بإختك حامل
سامر: اي اعرف هسه سما كالتلي
عفاف: تشوفون الخير
كمت من مكاني ورحت صعدت فوك
شفت سما كاعده تلم بالشموع والورد
سامر: حبيبي راح اروح يم سيف اباركله وهمين أشوفهم
سما: انتضرني ابدل واروح وياك لان همين ما يدرون وأريد ابشرهم
سامر: خوش انتضرج حبيبتي
خلصنه وطلعنه
رحنه الهم
فتح الباب النه سيف
سيف: هلا بضلعي هلا بالزين كله
سامر: هلا بإبو الولد
سيف:هاااا ولَك شوكت دريت ردت اكلك بس اختك ما قبلت
سامر: اني سامر ما تخفه عني خافيه وأبشرك انت هم راح تصير عّم
سيف: شنوووو انت هم ولَك ولي العهد راح يصير عنده طفل
سامر: ربي وحد هههههه
سيف: هسه ادخل مو راح تطلع روحي من الفرحه الي ما واسعتني
دخلت جوة
تلكتني سجى
سجى: هلا بأخوية و عضيدي
سامر: هلا عيني ام الولد وغمزتلها
سجى: اوووووو ولَك هم دريت منو كلك
سامر: مرتي ههههههه
سجى: ولج سما انتي ما تضمين شي
سما: لعد شلون غير ابشره راح يصير خال
سامر: وانتي راح تصيرين عمه
ضلت الضحكه بوجهه وصافنه علينه اني وسما
سجى: صددددك يعنننني سما انتي حامل
هزت راسها بمعنى اي
حضنتنه ثنينه اني وسما
سجى: حبيبات قلبي تستاهلون هنيال ابني على هيج خال
سامر: وشمدريج ولد يجوز تطلع بنية حلوة على امها
سجى: لا اني اكلك ولد عندي احساس هيج
سامر: الله ينطيج على نيتج تستاهل جبار حبيبي
ضربتني على جتفي خفيف بشقه
كلنا ضحكنه
تغدينه يمهم وجريتنه السوالف
ام سيف: رمضان على الأبواب منا وهيج أنتن لا تصومن مو زين على فروخجن الي ببطنجن ديرن بالجن زين
سما: ماما ما يحتاج توصين كلشي حذره اني
سجى: اي حتى اني
*تسريع للاحداث*
طبعاً سما تركت الجامعه هاي السنه بس سجى بقت تداوم والحمدلله خلصت مرحله
شهر رمضان
سما تصوم يوم وتعوفً يوم لان تتخربط و مو زين عليها
اما اني صاير مثل صندوق الأمان لسما
خايف عليها من نسمه الهوى
بأخير ايام من رمضان
جنه مجتمعين
اهل سيف وأهلي كلهم
اقترح علينه سيف
سيف: سما سجى سامر شنو رأيكم نروح باجر لبغداد هاي اخر ايّام لرمضان وهناك نكضي العيد ونرجع
سامر: اني مبدئين موافق بس غير نشوف رأي البنات
سما وسجى ضلن وحده تباوع للاخ
سما وسجى: اوك موافقين
عفاف: بس يمه من ترحون ديرو بالكم هناك الديرة غربة
سامر: شنو السالفه اصلنه مناك وعايشين بيها كم سنه قبل لا نجي للبصرة
ثائر: هم صحيح ترة وهمه هم شباب بعدهم وعمرهم كدامهم خل يتونسون
سما: لعد اذا هيج خلي من هسه نجهز حتى باجر نطلع من الصبح
........................
كعدنه من الصبح غبشه
بدلنه وطلعنه
وصلنه لهناك الظهر
رجعت ذكرياتي الي ببغداد كلها من زغري
طلعت منها واني عمري تقريب 8 سنوات
لان أبوية بصراوي وجان يشتغل هنا بمعمل وعشك امي
وراح تزوجها وجان كد كلمته ورجال
ولخاطرها عشنه هنا 12 سنه وهو بعيد عن اهله بالبصرة
وراها طلعنه من بغداد لان جدي اتوفه بالبصرة ورحنه الهم وبقينه هناك
نرجع لحاضرنه
نزلنه بمطعم واكلنه
وراها اجرنه شقه بالكراده
ثاني يوم بالليل
وبتاريخ 2016/7/3
رحنه للمجمعات الي بالكراده
راحو سيف وسجى للمجمع الثاني
واني وسجى دخلنه هنا
رحنه نشتري ملابس للطفل الي جاي
فجأة!!!!
الجام تكسر
وصارت هووووسة
ضليت التفت
ضيعت سمااااا!!!!

قصة شهد ﴿ دار الايتام ﴾ حقيقيه 🔥-

بارت 22 شاركو القصه مع اصدقائكم @iq_gril📍-

وجداً مجد بعمله وشاطر وأبوية كلش حبه بالشغل وياه
احنه مكتبنه واحد بصف اللاخ
جنت كاعد بالمكتب وأدور بالملفات
إندكت الباب واني داير وجهي كلت تفضل
: استاذ سامر هاي ملفات عندك اليوم موعد اجتماع
الصوت مو غريب علي
انداريت هاي سرى
سامر: سرى مو عساس بطلتي
سرى: للاسف رجعت وما بطلت
اجت وحطت الملف على المكتب وراحت
استغفر الله غير صلفه
كعدت على المكتب اسوي بالملفات
خلصت شغل
صعدنه بالسيارة اني وسيف
سيف: اكلك سامر بشرفك خلي نروح نفتر ونتعشه برة
سامر: خوش فكرة صارلنه هواي ما طالعين سوة
رحنه للنادي
تعشينه ومناك طلعنه للمنتزهات
الطريق جبناه مشغلين اغاني ونركص
شفنه بالطريق حادث!!
نزلنه
الناس ملتمه واكو سيارة مقلوبه جوة الجسر
سامر: سيف امشيييي على السريع اتصل بالشرطه ومن تخلص تعال نطلع الناس
راح سيف يتصل واني نزلت جوة الجسر
حاولت ادفع السيارة واعدلها ما كدرت
اجه سيف وياي وكلبناها
دنكت راسي جان اكو شاب بيها
اجت الشرطة
كوة طلعناه لان السيارة مخسوفه
نقلناه للمستشفى
طلعو مستمسكاته
قريت الاسم!!!
استغررربت!!!
معقوووووولة!!!
اخو شهددددد!!!!!
دمعت عيني وانتضرت الولد يصحه
اجه سيف
سيف: معقولة يطلع اخو شهد الي جان بالخارج
سامر: ما اعرف سيف يمكن
سيف: القدر والصدف تلعب دور سيمو
..................
اهلي كلساع يخابروني وأم سيف همين تخابر على ابنها
وحجينه الهم السالفه
وبقينه منتضرين
انتضرنه لحد ساعه 12 بليل
اجه الطبيب
: انتو المسؤولين عليه
ضلينه نباوع اني وسيف واحد على اللاخ
سيف: اي نعم احنه
: ما بيه شي بس كسر بالايد وخدوش جانبيه وهسه تكدرون تدخلون عليه
دكينه الباب ودخلنه
جان كاعد على السرير ومنتجي على المخده
باوع علينه
جبته كراسي وكعدنه كدامه
باوعت عليه
يا ربي نفس العيوووون !!
علاء: اني جداً أتشكر منكم وممنون لان جبتوني هنا هذا الشي من طيبتكم وما اعرف شلون ارد جميلكم
سامر: لا حبيبي هذا واجبنه ٬ بس اهلك وين ؟
علاء: اني اهلي كلهم ماتوا احترك بيتنه واخذني عمي ومرته لان ما عدهم جهال وعشت بالخارج وياهم واجيت هنا لان اختي الوحيدة عمي حجالي عليها وقبل كم يوم عرفت عندي اخت اجيت للدار الجانت عايشه بيه وواحد من أهل الكرم والطيب متبنينها بس بعد فوات الاوان طلعت ميته وبقيت أدور على راعيها وبعدني أدور عليه من سنه ونص
ضليت صافن والدمع بعيني
سامر: شسمها!؟
علاء: شهد
سحبت نفس وحطيت ايدي على وجهي
نزلت دموعي
سامر: وصلت وهذا راعيها كدامك
علاء: ليششش حضرتك استاذ سامر!
سامر: اييي نعم اني سامر واني الي تبنيت اختك وربيتها وصرت الها اهل بكبرهم بس هيه فضلت امر الله وتمرضت والله اخذ امانته
علاء: والله صارلي سنه ونص أدور عليك ما خليت مكان ما دورت بيه
ردت بس اشوفها ولو شوية وهسه لكيتك والصدفه جمعتنه
دنكت راسي وحطيت ايدي على عيوني
سامر: جمعتنه بس كل واحد من عدنه يريدها وما لكاها !!
علاء: ولو ما اريد اثقل عليك بس تكدر تاخذني الها للنجف
سامر: اكيد واصلا بلا ما تطلب اني كل يوم رايح الها
علاء: ما اعرف شكلك صراحه
سامر: صدك اخذتنه السوالف وما عرفتك على صديقي سيف
سيف: عمي معذورين موضوعكم حساس والله
علاء: اعتذر منك اخوية سيف الي الشرف أتعرف عليكم
سامر: علاء شكد وترجع للخارج؟
علاء: حسب الظروف اني هنا صار سنه ونص جان عندي امل الكه راعي اختي والحمدلله حصلي الشرف والتقيت بيك احتمال اكمل سنتين واروح ارجع
سامر: ان شاء الله
دكت ام سيف على سيف
سيف: سامر علاء اني اترخص
علاء: سامر اخوية روح وي صديقك والوكت تاخر وعوائلكم تنتضركم
سامر: تصبح على خير وهذا رقمي وأي شي تحتاج بالخدمه
علاء : وانت من اهله ما تقصر
طلعت
وصلت سيف لبيتهم
رحت لبيتنه
تلكتني امي بالاسئله
عفاف: يعني اخو شهد عايش
سامر: اي يمه عايش وجاي هنا قبل سنه ونص يدور علي
واليوم الحادث جمعنه صدفه
عفاف: اوف يلدنيا دومج مو عادله وتمشين بالعكس
سامر : الحمدلله على كل حال يمه
عفاف: ونعم بالله روح نام وارتاح مريتك اليوم تعبانه
صعدت من المغرب وبعد ما نزلت
سامر: تصبحين على خير يلغاليه رايح اشوفها
صعدت فوك
دخلت للغرفه
ضوة خفيف مفتوح
جانت نايمه
رحت عليها
وجهه احمر لزمت راسها
يا ربي هاي شنو حرارتها نار
ندهتها ما تكعد
كمت جبت مي بارد ووصله
ضليت اسويلها كمادات وأخلي
فتحت عينها بتعب ورجعت سدتها
رحت جبت دوة
سامر: حبيبتي كومي بس شربي دوة عليج الله حرارتج مرتفعه
رفعتها شوية شربتها دوة ورجعت نامت
جانت بعدها مصخنه
لزمت ايدها بإثنين ايدي
قبضت ايدها
سما: ضلمه بلياك دنياي لتعوفني
وضلت تلزم ايدي حيل
سامر: حبيبتي ما اعوفج والله
بست ايدها
ما اعرف ليش دمعت عيني
تمددت يمها
ضليت اباوع عليها ولازم ايدها
ورة شوية باوعت بالموبايل الساعه ب2
لزمت راسها حرارتها نزلت شوية بس بعد اكو حراره
جانت متغطيه ببطانيه ومقرفصه نفسها
اخذتها بحضني وحضنتها حيل
بست راسها وحطيت راسي عليه
ونمت..

يتبع..

* سامر*
كعدت الصبح مكسر تكسر من القنفه
فتحت عيني شفت سما تعزل بالغرفه
صبحت عليها وما ردت
رحت للحمام غسلت وجهي
فتحت الكنتور
ضليت اسد بيه وافتحه
اريدها بس تنتبه علي
اصلاً ما تباوع بوجهي وكالبه خلقتها
طلعت ملابس ولبستهم بعصبيه
شفت مزهرية على الطاولة
اجيت يمها ووكعتها
باوعت عليها صفح ورجعت دارت وجهه
رفعت راسي واتأفأف
فتحت باب الغرفه
وانضرب راسي بالحافه بقوة بحيث وكعت من طولي
ضَلت الدنيا تفتر بيه
ما حسّيت بس على احد شالني
رجعلي وعيي بس راسي بقه يوجعني
احس اكو هوى يجي على كصتي
فتحت عيني
سما تهفي على كصتي وتمسح عليها ومبين الخوف بعيونها
باوعت علي وحجت بخوف
سما: خووو ما بيك شي شصارلك اكو شي يوجعك
ضليت اباوع عليها
اشو هاي رجعت كلبت خلقتها ودارت وجهه
سامر: سما شصاير شنو المشكله؟ شبيج من الصبح
ضلت ساكته وما حجت
سامر: من احجي وياج تجاوبين مو انبح مثل الجلب كدامج
سما: من تعرف غلطك تجي تحجي
رحت عليها لزمتها من اكتافها حيل
سامر: احجي عاد
وخرت ايدي من اكتافها ونترت بعصبيه بوجهي
سما: كافي!! 
احس عيوني صارت بكصتي
ما تحملت ودفعتها على الجربايه
سامر: بابا شبيج اذا انتي مراضيه تحجين شلون اصلح الغلط
سما: كلشي غلط كلشيييي غلط ٫ علاقتنه و صداقتنه وكلامنه كلشي غلط
سامر: شنو الغلط بيهم؟!
سما: ها برأيك ماكو غلط؟ يا محترمه رجلها ما قابل ينام يمها
بنفس الفراش وبليله عرسها يعوفها ويروح وفوك كلشي قلبه يم غيرها

ضليت صافن عليها
سامر: بابا اني اعرف هذا حقج بس شسويلج تحمليني لان ما متقبِّل فكرة اني متزوج
سما: اذا ما متقبِّل الفكره شكووو تزوجت اصلا
لزمت فكها بإيدي وصكيت سنوني
سامر: اذا حلكج هذا ما تسديه اعرف شلون أتصرف  
شفت عيونها غركن بالدموع
عفته ورحت نزلت جوة
ضليت أفر راسي وهل الشي الكاعد أسويه صح لو لا
اجت امي
عفاف: روح يمه ريوكك على الميز
رحت تريكت
جنت اكل ويمي امي سألتني
عفاف: شني يمه مرتك وين
باوعت عليها
سامر: هااا فوك تعزل بالغرفه ليش
عفاف: مو كالت بس يكعد سامر ناكل اني وياه خطيه ضلت جوعانه لحد ما تكعد
صفنت شوية وضربت الكرسي وكمت
صعدت فوك
شفتها متربعه بالزاويا وتبجي
جريت ايدها ولزمتها من المعصم
سامر: غسلي وجهج وروحي نزلي آكلي ولا تضلين جوعانه
باوعت علي وعيونها مورمه من البجي
نزلتهم وراحت للحمام
اخذت السويج وطلعت
خابرت سيف :
سيف: لكككك هلاااا بالضلع
سامر: هلا سيفو هلا بصخلتي شلونك عريسنه
سيف: الحمدلله بخير وبنص الخير واسعد انسان بالدنيا كلها هسه اني
سمعت صوت بنيه تضحك
سامر: ها الظاهر سجى يمك مو
سيف: اي يمي وتسمعك
سامر: هلا سجاوي اميرتي حبيبه اخوها اني هسه  بالطريق اريد جاي معدل منج
سجى: تأمرني سيمو من عيني هاي قبل هاي
سيف: ما طول جاي عندي موضوع وياك همين كلش حلو
سامر: ديلا مسافه الطريق
وصلت لبيتهم
فتحتلي الباب سجى
تلكتني بالاحضان
سجى: اشتاقيتلك لان ليله وحده ما كرزنه وسهرنه على الأفلام
سامر: هههههه حبيبتي
سجى: يلا الجاي منتظرك
دخلت للبيت
ام سيف جانت تقرة قران صدقت بست راسها وسلمت عليها
اجه سيف مبدل مبين يريد يطلع
سيف: هلا ضلع هسه نور البيت ياااب
سامر: هلا بيك بس وين طالع
سيف: غير للشغل
سامر: اذا هيج وطالع للشغل انتظرني نطلع اني وياك اشو احنه نشتغل سوة
اجت سجى شايله صينيه الجاي
انطيتنه جاي وكعدت يمنه
سامر: سجاوي عندي موضوع وياج بس اخلص الجاي ونحجي
سجى: خير شصاير؟
سامر: موضوع يخصني ما اكدر احجيه
سيف: من شوكت تضم علي سيمو
سامر: موضوع عاطفي وغمزتله
سيف: براحتك
شوية ودخلت هدى علينه
هدى اخت سيف الثانيه
جانت راجعه من المحاضرة دروس تقوية
سلمت علينه وصعدت فوك
خلصت الجاي واخذت سجى بزاوية وحجيت الها عن سما
سجى: عود صدك تحجي انت!!
سامر: اي والله قابل مجذب عليج
سجى: بابا تدري بنفسك غلطان لو لا؟ البنيه حقها واني منها ارجع لاهلي ولا ابقه بس هيه حباً بيك ما سوت شي وبقت يمك
سامر: سجى يعني شسوي والله شهد محتله قلبي وما اكدر أطلعها
سجى: شوف سامر شهد ماتت وهيه طفله اصلاً وانت هسه متزوج وبديت حياة جديده وسما بنيه كامله مكمله وما ناقصها شي وتحبك ومدللتك انت هم شوية دوس على قلبك وراح تحبها صدكني
سامر: ما اعرف سجى اني ما اكلج اكرها لو ما احبها لا بالعكس احبها بس مو هذاك الحب الي احبه لشهد
سجى: ايييي نعم مثل ما كتلك انت همتك وياها ترة ايد وحده ما تصفك اذا هيه وحدها مراح تنجح علاقتكم
سامر: الله كريم سجاوي الله كريم هسه اني اترخص رجلج اكل راسي
سجى: بأمان الله حبيبي
طلعنه للشغل اني وسيف
سيف من يوم العرضت عليه الشغل يشتغل

قصة شهد ﴿ دار الايتام ﴾ حقيقيه 🔥-

بارت 21 شاركو القصه مع اصدقائكم @iq_gril📍-

اجه سيف
جنت واكف بالباب
نزل من السيارة ووياه امه وهوووواي ناس
انترس بيتنه ناس
يمشي ويركص وي الطبول  ويصيح اليوم اليوم أخذت حبيبة الروح
مبين عليه طاير من الفرح
فات من يمي ابتسمت وغمزتله
بين ما طلعو بالطرمة وكفت بالباب
الدموع بعيني واني اشوف سجى تطلع
رحت عليها
شافتني وحضنتني حيل
سامر: ما اعوفج سجى وياج وياج والله كل يوم اجي عليج اخذج واجيبج هنا يمي ونلعب بلي ونكرز وناكل حلويات بس لتبجي جبار
باوعتلي والدموع بعينها
ابتسمت وبستها برأسها
سامر: يحفظج ويحرسج علي بن ابي طالب والزهرة حبيبتي
سيف: يلا يابه اريد مرتي
سامر: سييييييييف!! ههههههههه موفق حبيبي
رحت صعدت بالسيارة
واني زفيتهم للفندق
خلصت الزفه وكلمت رجع لاهله
دخلت للبيت وجان اول يوم
بدون سجى
وأول يوم واني عريس ببيتي
دورت على سما ماكو
صعدت فوك بالغرفه
طبعاً بس غرفتي وغرفه لخ فارغه فوك
دخلت للغرفه
شفت سما كاعده على الجربايه تبجي
فز قلبي وتربعت جواها ولزمت ايدها
حجيت بهلع
سامر: شبيج حبيبتي بيج شي خو ماكو شي صاير شبيج سما
باوعتلي وعيونها ما ينشافن من الدموع
حضنتني حيل عبالك راح أطير
استغربت شكو!!
صارت تشهك حيل وزادت بالبجي
حضنتها همين ولميتها بحضني
سما: عليك الله لتعوفني والله اموت لتعوفني سامر لتعوفني
سامر: كافي اهدي حبيبتي اهدي واحجيلي شكو بهدوء
هزت راسها بمعنى اي
اخذت نفس ولزمت ايدي
سما: راح احجي بس ما أريدك تعصب
سامر: وعد مني ما اعصب بس احجي مو فتيتيه لقلبي
سما: هاي مدري شتصير منك هيج بنيه عيونها كبار سود  ومعانيها شوية حاده ما اعرف شنو المهم تكلي لا تفرحين هواي سامر ما يدوم الج وراح اخذه منج لا يكون ببالج اعوفه الج اني ما تحملت ودفعتها على حافه الجربايه وضلت تتلوة من الوجع طلعت وضليت ابجي حاولت اتصل عليك تجي تأخذني بس استحيت لان هاي زفة اختك وصاحبك الي هو اخويه بنفس الوكت ما كدرت

من حجت هل حجي
إحس نار وراح تطلع مني
كمت من مكاني بسرعه واخذت السويج
سما ضلت تصيح وراي
نزلت جوة
جام ابويه كاعد وامي على التلفزيون
شافوني ألهث نار
ثائر: بوية شكو صاير وجهك احمر من العصبيه
سامر: هاي بت اخوك المحترمه رايحه وكايله لمرتي رجلج ما يدوملج ويصير الي ترضه بهل حجي لو هذا حجي مال وحده شريفه خليني اني أتصرف

امي ضلت فاتحه حلكها ومصدومه
ثائر: أصبر خل اجي وَيَاك ونفهم السالفه
طلعت صعدنه بالسيارة
شخطتها بسرعه ورحت على بيت عمي
فتح عمي فاضل الباب
فاضل: هاااا بوية خيركم شصاير وجوهكم ما تتفسر ودنيا ليل
ردت احجي وحجه ابويه
ثائر: يا خويه تعال جوة ونتفاهم

حجيتله السالفه وكوة لازم نفسي اريد اروح اكطعها واطم عارها
جنه كاعدين بالاستقبال
وسمعنه بالصاله صوت الصياح والتكسير
اجه عمي ووياه سرى لازمها من زندها
شمرها بالكاع
اني كمت على حيلي
فاضل: هاي كدامك شتسوي سوي ايدك الك
ضليت صافن عليه وعليها واباوع بوجه ابويه
سامر: لا عمي مو هيج مو اني الي يأذي مرة فوك ما نعلمها ما تغلط بعد نجي نكتلها ؟! هيه حرمه والحرمه بشارب الخير خلينه نحلها بسلام احسن من هيج هل همجيه هاي وكلشي ما رايد بس بعد ما توصل يم مرتي ولا تجرحها بالكلام

خليت وكمت
صعدت بالسيارة انتظر أبوية
فتحت الموبايل
سما وامي هواي مخابرين علي
اكيد ضَل بالهم
ما رديت ولا رجعت خابرت
شوية واجه ابويه
ورجعنه للبيت
جانو امي و سما كاعدين بالصاله منتظرين
عفاف: هاااا يمه شصار
سامر: مصار شي بس توبناها و بعد ما تعيدها ولا توصل يم مرتي
ثائر: سويت عين العقل وعجبتني بتصرفك
سامر: ادري قابل منين متعلم غير انت مربيني غير اني الشبل ابن ذاك الأسد
ثائر: يروحلك فدوة الأسد واهله
اترخصت منهم وصعدت فوك
نزعت قاطي وبدلت
ذبيت روحي جفت على الجربايه
طلعت موبايلي وفتحت البوم الصور
ضليت اكلب بصورنه اني وشهد
واسترجع الذكريات
دخلت سما وسديت التلفون
اجت نامت بصفي على الجربايه
كمت من مكاني ورحت على القنفه
ضلت تباوعلي ورجعت نامت
فتحت الكنتور وطلعت غطه
ونمت ..

يتبع...

*سامر*
اليوم جمعه وصباحيه عرسي
كعدت متكسر لان نايم على القنفه
باوعت منا منا
وين سما !!
سمعت صوت مي بالحمام
عرفت تسبح
طلعتلي ملابس حتى ادخل وراها
دكت علي امي
عفاف: هلا عريسنه صباح الخير شلونك
سامر: هلا بيج غاليتي صباحج سعاده الحمدلله انتي شلونج
عفاف: بالفرح يمه بالفرح غير البارحه عرس ابني واليوم بتي
سامر: اوف يمه لا تذكريني كل ما اتذكر سجى راح تتزوج قلبي ينقبض احس من راح تتزوج راح تروح طفله من البيت مثل ما راحت شه..
ما حسّيت على دمعتي نزلت
سحبت التلفون من اذني وسديته
لزمت راسي ورفعت شعري
سمعت باب الحمام انفتح
مسحت دموعي وكمت
طلعت سما من الحمام
باوعتلي وصفنت
رفعت حاجبها بتعجب
تقربت مني وبوجهه تساؤلات
لزمت وجهي بإيديها
مشت اصابعها على عيوني
رفعت اطراف اصابعها و صعدت على جف رجلي وباست عيوني
حجت بصوت هادئ
سما: ليش هل عيون الحلوة مدمعه
ضليت اباوع عليها وارمش عيوني
حضنتني وكالت
سما: طول ما سما تشم الهوى وتحبك ما تريد تشوف بوجهه حزن اتفقنه حبيبي
وخرت مني وابتسمت بوجهي
ضربت على اكتافي براحه أيديها وباوعت بعيوني
سما: انت قوي واني صرت منك قوية لان شفتك رغم كل صعابك الي واجهتها ضليت تتقبل الواقع وتمشي وانت قوي وخليتك قدوتي بمصدر القوة ما أريدك تضعف ابد واني اعتبرني اختك وصديقتك وحبيبتك وزوجتك وكلشي بحياتك لان ببساطه اني احبك هواي
ابتسمت على كلامها
مدري شلون طلعت مني وبستها بخدها
سامر: ان شاء الله سمسم
اخذت ملابسي ودخلت للحمام
خلصت وطلعت
شفتها كاعده كدام المرايا وتمشط
شعرها نازل ولونه هيج احمر
وهي منا حنطيه مايله للبياض ومعانيها هادئه وحلوة
باوعتلي بالمرايا وابتسمت
سما: نعيماً حبيبي
سامر: الله ينعم عليج سما
سما: خابرت خاله عليك وجاوبتها كالت خلي سامر يجيبج ويجي لان الزفه مال سجى راح تبدي
سامر: لعد هسه احضر روحي على السريع شلون ما جان واروح هناك ابدل
بين ما بدلت هيه خلصت
سما: تعال اسويلك شعرك سيمو
لزمت وجهي بإيد والثانيه بيها المشط
ضلت تمشطلي وتباوع على شعري
واني اباوع على عيونها
نفس عيون سيف بالضبط
همين كبار وعسليه واطارها الي محددها اخضر
عبالك نعناع وغركان بعسل هيج وصفت عيونها
خلصنه
سلمت مفاتيح الغرفه لابو الفندق وطلعنه
الطريق كله مشغلين اغاني ونركص
لحد ما وصلنه لهناك
تلكتني بيبي فخريه
تهوس وتركص وتباركلي
صار واهس وكله كامت وياها
سحبونة بنصهم اني وسما
ضلينه نهوس وياهم ونضحك
اجت باستني وحضنتني
بيبي فخريه: يمه سلطان تعذرني ما اجيت بعرسك وليدي تعرف تعلعلت واليوم دست على روحي كوة واجيتك هوستلك بحيلي
سامر: لا يجده معذوره والله حبيبتي الغاليه انتي شرايد غير راحتج يروحلج فدوة سلطان وعشيرته
اجه ابويه يحم حم
ثائر: احم احم شكلت ولَك سلطان وعشيرته يروحولها فدوة ها ولَك تضحي بينه
سامر: بس سامر يروح فدوة لتراب رجليها
بيبي فخريه: اني هذا زلمتي وانت ضَل زلمه مشورب وشكدك والشيب تارس راسك وترزلك امك
ثائر: ها يمه ما كلت شي ترة ههههههه تعرفين دا نشاقه غير اروحلج فدوة ونذر يا يمه شعندي غيرج رويحتي انتي
اجه باس ايدها وراسها
سامر: يحفظج النه يلغاليه
بهل اثناء سمعنه الهلاهل من فوك
نزلت سجى على الدرج
مو بنيه تكول حورية
ضليت صافن ودمعت عيوني بالفرح الممزوج بالحزن
فرح لفرحها وراح تتزوج وتبدي حياة جديده
حزنان لان راح تتزوج وتعوفنه
خلصت الدرج
تقربت عليها وهي تقربت علي
سامر: اختي حبيبتي طالعه احلى عروس بالدنيا
راسن حضنتني وصارت تبجي
صرت ابجي وياها
شوية وكلت الها
سامر: كافي بجي هسه المكياج يخرب ويطلع جبار الي نعرفه
وخرت مني وضربتني
كلنا ضحكنه هههههه
رحت لبست قاطي لان كلهم لبسو بس اني بقيت
لبست قاط ماروني واسود
دا اعدل بالرباط بالمرايا
واندكت الباب
سامر: تفضل تفضل
باوعت بالمرايا
ضليت صافن من المنظر
انداريت
يا ربي كتلة من الجمال
لابسه فستان ماروني مفصل على جسمها عبالك مخيط الها خاص
تقربت علي وصوت الكعب يدك براسي
اجت عدلت الرباط
باوعتلي وابتسمت
سما: أميري الجميل و زلمتي بكل حالاته يجنن
حجيت شلون نطقتها ما ادري
سامر: حبيبتي وزوجتي الحلوة بكل حالاتها ملكة على عرش الجمال
سما: اول مرة تكلي حبيبتي وطلعت كلش حلوة منك
سامر: والله متعجب على نفسي
سمعت امي تصيح علينه
سما: يلا ننزل
لزمت ايدي ونزلنه على الدرج
جانو اكو نسوان
ما كدرت ابقه
طلعت برة يم أبوية والنَّاس
اجه ماهر
ماهر: هلا بحبيبي العريس ولي العهد هههههه
سامر: ولَك ميهو اخوية الغالي شلونك
ماهر: الحمدلله بخير
دا نسولف وما سمعنه بس صوت الطلق والطبول والموسيقى

قصة شهد ﴿ دار الايتام ﴾ حقيقيه 🔥-

بارت 20 شاركو القصه مع اصدقائكم @iq_gril📍-

سامر💬: ي صح بس ليش كاعده
سما💬: جنت نايمه وصليت صلاة الفجر ودعيت الله يوفقنه
سامر💬: جنت بالنجف اني
سما💬: صدوك!! ما كلت الي
سامر💬: طلعت ضايج من البيت ورحت بدربي لهناك
سما💬: اذا هيج روح ارتاح ونام كم ساعه
ودعتها ورحت نمت
كعدت الصبح على صوت سجى
وهيه تهوس ووتتمركص يمي
سجى: عريسنه جكليته حامض حلو باكيته
واليوم اركص ركص وأكسر الكاشيه
افرح واركصلك يا ماي عيوني وضلع من ضلوعي اليوم معرس
شلت المخده وضربتها
اجت دغدغتني وتضحك
وكعت من الجربايه وجريتها وياي وانضرب راسها بالكاع
همزين جانت مفروشه زوليه ما تأذت
وكعنه وهيه بعدها تضحك
سامر: سدي حلكج كافي
سجى: يلااا لك اليوم اخلص منك وتاخذك وحده بس هُـُـا مو تتزوج وتصير اخو مرتك وتنساني اموتك واكتل صاحبك
حضنت راسها وضليت اضرب بيها بالشقه
سامر: لج اكو وحده تكول هيج ليش اني انسه روحي والكبد وضلعتي
سجى: يمه احبببك ولَك
سامر: يلا كومي اريد ريوك
سجى: ٺــڊٍلَل عريسنه
كمت سبحت
باوعت على عيوني بالمرايا بعدهن مورمات
وهنه منا كبار ولونهن اصفر فاتح والجفن صاير احمر
طالع عبالك وحش بريء ههههههه
نزلت تريكت
وكالعادة مثل الخطوبة كلها متجمعه
اجو علي باركولي
صاحت علي امي
عفاف: يلا يمه شوية وتبدي الزفه والنَّاس تمشي هم يالله تحضر نفسك
صعدت فوك
لَبْست القاط
ضليت أدور على الحذاء
وينه ماكو ما لكيته
صحت على امي
حسّيت على ايد كرصتني
انداريت
سجى
لابسه فستان احمر مخصر ومرتب وطالعه ملكة وشايله بيدها الحذاء
شالت الحذاء بوجهي وتبتسم بخباثه
سجى: هاك لا تصرعنه بصوتك استاذ سامر العريس
سامر: بت ثائر شمسويه بنفسج
سجى: بعد اخت العريس غير لازم اتالق واطلع احلى وحده بالساحه وأكسر على العروس لوووو حضرتك تغار موووو هههههه
سامر: انجبي بله ههههههه الخبله
لبست الحذاء
سجى: يلا الزم  ايدي وخل ننزل على الدرج ونسوي اجواء الاخ واخته
سامر: حضرتج عايشه الجو
سجى: اخويه وادلل عليه
سامر: شعندي غيرج ادللي
لزمت ايدها ونزلت
هلاهل والديجي والصلوات على محمد ترست البيت
اجت امي شايله حرمل وفرته علي
ضحكت ومشيتها الها
تلكاني سيف بالطرمه يهوس
سيف: زوجناه وخلصنه منه
حضني وباركلي
ضربني بعكسه وغمزلي
سيف: باجر الآلي واخذ اختك
سامر: خل يخلص العرس واني الك هههههه
سيارة عرسي جان السايق ماهر
ما قصر بالركص
وصلت لبيتهم
جانو مغشينها ولابسه البدله
رفعت الغشاوة وبستها براسها
كعدت بصفها وهمست الها
: طالعه تخبلين سمسم
ابتسمت ودنكت راسها
كمت وحطيت الكبوس عليها
ومشينه بالزفه
رحنه راسن لقاعه الفندق
هناك احتفلنه
خلصنه احتفال
زفوني لغرفتي
سيف: دير بالك على اختي لك نذل ما اوصيك وغمزلي
سامر: انجب هههههه
دخلت للغرفه جانت كاعده على طرف الجربايه
رحت كعدت بصفهه
رفعت الغشاوة منها
نغزني قلبي واجت شهد ببالي
دمعت عيني
دنكت راسي وحجيت
سامر: سما اذا جوعانه هذيج الصينيه روحي آكلي راح ادخل اسبح اني
اخذت ملابس وفتت للحمام
فتحت المي البارد
اريد اطفه نار وتعسر بيه
بقيت جوة الدوش
شوية وطلعت
فتحت ضوة خفيف
نازعه البدله والصينيه ما مفتوحه ونايمه
رمشت عيني
باوعتلها
مبين باجيه ونايمه
اخذت بطانيه ورحت نمت على القنفه ..

يتبع...

*سامر*
مرت الايام وانتقلنه للبيت الجديد هذاك البيت ما بعناه قفلناه وعفناه
وتعامل سما بارد مو مثل اول محادثه
صارو بيت عمي يجون ولاحظت سرى ما تجي وياهم
واليوم أربعاء يعني باجر عرسي
جنت كاعد على سفرة الغده وياهم
ناكل ونسولف
جابو طاري شهد بالغلط
غصيت ونغزني قلبي
كمت وانسدت نفسي
اهلي ضلو يصيحون علي ارجع اكل
سديت باب الغرفه بقوة وغضب
طلعت ملابس سود من الكنتور ولبستهن
شعري جان مرتب وخربطته
وعيوني من الخنكه صارت حمرة
ضليت خازر نفسي بالمرايا والغضب مستحلني
لزمت شيشه العطر وشمرتها على المرايا
سمعت دكت الباب
اخذت سويج سيارتي
فتحت باب الغرفه ونزلت
ما اهتميت لاحد
رحت ركبت السيارة
أخذني كلبي للنجف
هناك دوة علتي هاي
نزلت للمكابر
ودموعي ما رضت تسكت
طفل ومضيع امه
مضيع حضن دافي
صحراء وما بيها مي
ورده ذبلانه ومحتاجه احد يرويها
جنت ضايع أشبه بصافرة روز وهيه بالماء من غركت التايتنك
وصلت لغرفتها
وشمرت روحي
ما اكدر أوصل كميه الوجع
كأنو هسه جديد فراكهه وجرحي جبير
تمددت يمها على الكاشي البارد
وجانت شته بوكتها
الكاشي رغم بارد بس حرارة قلبي طاغيه
ما جنت احس بشي عبارة عن كتله وجع
عبارة عن وجع طفل يتيم بيوم العيد وما يمه اهله
هيج جان شعوري
احجي وياها واعاتبها
ليش رضيتي بالفركه وعفتيني اتلوة بفراكج وحدي!!
شهد حبيبتي دريتي باجر عرسي !!
دريتي اكو عروس منتظرة أصير الها!!
دريتي بقلبي شكد يحبج وما يكدر يحب غيرج!!
درررريتي!!
يا طفلتي يا حبيبتي يا عسولتي
مشتاق لعيونج الي جانت بستاني الأخضر
لوجهج لتصرفاتج
اريد احضنج حيل وتاخذيني وياج
ما اريد هل دنيا بدونج مالها طعم
تعبت واني امثل القوة بلياج
مليت جزعت
كل يوم انتظر شوكت الله ياخذني
حتى يجمعني بيج لان الدنيا ما رضت تجمعني وياج
ارجعيلي!!
حطيت راسي على صورتها الي ع الكبر
وما دريت بالدنيا طشت لو رشت
صحيت على ايد دافيه
جانت عيوني مغوشه
شهد!!
فتحت عيني ووضحت الرؤيا
طفلة لازمه مي ورد وتبيع
:عمو ليش نايم هنا بارده
ضليت صافن عليها
عمو!
تمنيتها من حبيبتي الصغيرة وقابل بيها
: عمو اشتري مني وأسفه لان كعدتك
نطيتها فلوس وما اخذت منها مي
: الله يسعدك عمو ويرزقك
ابتسمت بإلم وراحت الطفله
تربعت ودنكت راسي وعيوني غركانه بالدمع
حسيت على سيارة طبكت
باوعت
نزل منها ماهر
ماهر: الله يساعدك سامر
كعد يمي وحضني من اجتافي
شهكت وبجيت
سامر: ماهر شهد سوتها صدك وبعد ما رجعت!!!
ماهر: اششششششششش صير قوي بعد اخوك
سامر: ما ضَل حيل بيه اني مكاني هنا مو يم احد علتي هنا دواها ماهر
ماهر: باجر عرسك وامي بقت مقهورة بالبيت عليك
سامر: كلمن يفكر بمصلحته ماهر محدً يحس بيه
ماهر: قدر الله ما تكدر تسوي شي مكتوب هذا وهسه كوم وياي خلي نرجع كلها ضَال بالها عليك
سامر: شعندي راجع شعندي هناك
ماهر: كلنا هناك اهلك وناسك ننتظرك
والدنيا شوفها ليل تدري الساعه هسه ب11 وضالين على ضوة السياره
باوعت على ضوة الغرفه محترك
سامر: هسه روح جيب ضوة مثل هذا خلي اخليه الها اعرفها تخاف بالليل
ماهر: ما اعرف شكلك والله رايح اجيب واجي
راح ماهر
لزمت القران وقريت الفاتحه ودعيت الها بالمغفرة
وادري بيها هسه هيه طير من طيور الجنه وكاعد تشوفني وتحس بيه
اجه ماهر
وشديت الكلوبات وعدلت الغرفه
رحت على سيارتي جنت جايب بطانيه جديده
وخر القديمه وحطيت الجديده
بوست الكبر وودعتها
رحت وما التفتت بعد
وصلنه للبيت الفجر
البيت هدوء جان عاتم
دخلت لغرفتي
قاط بيجي واسود معلك على الكنتور
ووياه شياش مال عطور
وباقات ورد
وجان اكو بوكس(صندوق) مكتوب عليه ورقه
قريت
من سما ..
رساله اعتذار :-
سامر حبيبي يا جميلي يا حبي الطفولي والي نولد وياي وانزرع بداخلي يا زوجي ورجل بيتي المستقبلي او بالأحرى باجر تصير الي وملكي وحلالي وتصير كلك اني وأخبط دمي وي دمك وأصير شخص واحد وي روحك ونبضك اسفه واشدد اعتذاري على الي صار شلت بخاطري عليك شوية بس فكرت بالموضوع وانت معذور وهذا من حقك وأتمنى تتقبل هل هديه وباجر أريدك تتأنق بيه وتطلع احلى عريس بالدنيا واقهر البنات بيك ههههههه احبك.
ابتسمت على كلامها
هل بنيه صدك خبله مثلي
طلعت تلفوني من جيبي
رسلت الها رساله
سامر💬: وصلت الهديه مشكورة سمسم
سما💬: هلا حبيبي عجبتك؟
سامر💬: اكيد تعجبني غير منج بعد
سما💬: حبيبي فديت ان شاء الله باجر تطلع تجنن بيه واكيد انت راح تحلي القاط مو هوه يحليك
سامر💬: وانتي راح تطلعين أميرة وحلى عروس بالدنيا
ويجي الامير يخطفج ونروح بعيد
سما💬: ما بقه بس ساعات قليله ويطلع الصبح

قصة شهد ﴿ دار الايتام ﴾ حقيقيه 🔥-

بارت 19 شاركو القصه مع اصدقائكم @iq_gril📍-

سامر: ليش منو كلك مرتاح مثلاً وفرحان على هل زواج هو كله علمود ارضي امي وأهلي بس اني ولا الي نفس أزوج
سيف: قابل تضل طول عمرك ما تتزوج المحروسه شهد الله يرحمها وراحت لدار حقها وهذا وعد الله وكلمت مكتوبله هل يوم
سامر: اني مو اول ولا اخر واحد يوفي لحبيبته وباقي على العهد متدخل قلبي غيرها هذا ( اشر على قلبي) ما هوى غيرها ولا راح يهوه
كمزني واحد من اصدقائي
صادق: اللللله علللللييييك اللللله عليك يا عمار كوسوفي انت بطل ووفي
يوسف(صار ياشر بيده على شكل كيتار): تيرررااا تيراااا تيرااااا امممم تيراااا
ضلينه نضحك على تصرفاتهم
سامر: بابا شبيكم تخبلتو هههههههه
صادق: متأثرين بالبطل
سامر: حب حقيقي هذا
يوسف(لزم كلنسه وصار يلحن بإيده): حببببب اييييه الي انت كايه تقووول عليه
كرار: تيررررراااااا ترارااا
شمرت عليهم خاشوكه الجاي
سامر: ولكم كل واحد بطول النخل شوكت تكبرون كل واحد وشواربه جنها خيوط شليف وتغنون وتصرفاتكم الطفولية
صادق: اني صراحه تبت
يوسف: تبت لو عصير ابوووووااااه
سامر: خرب تفاهتك بابا توب
يوسف: توب مال سيارة كر كر كر
صادق: لتحاول وياه ههههههه
ورة شويه
يوسف وصادق ترخصوا وراحو
بقينه اني وسيف
جان يكلب بالتلفون ويضحك
سامر: شبيك تضحك ضحكنه وياك
سيف: دا احجي وي اختك حرام
سامر: واني هم قبل شويه جنت احجي وي اختك
سيف: هااا يعني وحده بوحده مو
سامر: ي طبعاً السن بالسن بيب
خطر ببالي موضوع
سامر: سيوفي راح اكلك طلب بس أريدك ما ترفض اريد مصلحتك
سيف: غالي والطلب رخيص كول سيمو
سامر: شوف حبيبي سيف اني عندي مكان بالشركة وي ابويه فارغ أريدك تصير وياي موظف مو قصه اقلل من قيمتك بس بنفس الوكت تبقى يمي وبنفس الوكت شغل اني وياك شتكول
سيف: افتهمك واعرف نيتك والله بس خاف تصير زحمه منك ومن ابوك
سامر: لا ليش هو ابويه يكيف بيك وكلش يفرح اذا اكله
سيف: الي تشوفه صح سويه واني ان شاء الله كدها
كمت وكفت وفتحت ذراعي بمعنى حضن
حضنته حيل هذا ضلعي
سيف: احبك سيمو
سامر: سيفو الغالي نفس ريتي حبيبي
سيف: طول عمرك ضليت اصيل وابن اصيل وما تغيرت
سامر: لو ما انت هيج ما تشوفني هيج
سيف: لسانك ينقط عسل مثلك
دكت عليه امه
سيف: يلا اترخص
سامر : سيف سلملي على اختك
سيف: وانت هم سلملي عليها
سامر: ههههههه يوصل ضلع
طلعت رحت كعدت بالصاله يم اهلي
جانو كاعدين يشربون جاي
كعدت يمهم
ثائر: سامر ابني احنه هسه بيتنه الجديد خلصناه يبقى بس نكعد بيه شوكت عاجبك نكعد بيه
سامر: خلينه من باجر نكعد بيه ما اريد نسوي ثكل على بيت جدي وكاعدين بالمشتمل علمودي
ثائر: ان شاء الله على عرسك يكون وجه خير
سامر: ان شاء الله بوية
باوعت على الساعه ب12
تذكرت سما
خرب نسيتهااا
طفرت من مكاني على السريع
امي صاحت علي شكووو
صيحت
يمه الحب يمه
لزمت موبايلي
الشاشه بعدها بصورة شهد
طارت فرحتي بسما وضليت اباوع على الصورة
دمعت عيني وبست الصورة وحطيتها على صدري
اهتز الموبايل وهو على صدري
سما💬: تصبح على خير♥️.
خرب شكد فشله من البنيه
سامر💬: ﺁﺇﺃﺱـف سمسم هستوني جاي افتح الموبايل ودزيتي و تعرفين جانو يمي اصدقائي وبقه سيف شويه وراح
سما💬: اي وسلامك وصل
سامر💬: هههههههه الله يسلمج سمسم
سما💬: العرس يوم الخميس يعني بعد خمس ايّام وتصير الي وتتحقق امنيتي الي من الطفولة
ضليت صافن شوية
سامر💬: تحبيني؟
سما💬: من زمان من كعدت على هل دنيا وانت صديق اخويه وحبيتك وهويتك من جنت طفلة بس ما جنا ابين هل شي وانتضرت الكليه بفارغ الصبر حتى اداوم وياك
سامر💬: جنت اشوفج طفله صغيره شبسرعه كبرتي وصرتي ويانه بالكليه
صح معجب بيج وبشخصيتج وتصرفاتج النازكة مثلج بس ابد ما مفكر يجي يوم وتصيرين مرتي
سما💬: وهسه؟
سامر💬: لا طبعاً صارت سما مرتي بعد ومسجله بإسمي
سما💬: ادري بيك جنت تحب شهد وبعدك تحبها
سامر💬: اتمنى الشي ما يضوجج بس الشغله مو بيدي
سما💬: نعست اني تصبح على خير.
سامر💬: وانتي بالف خير.
دزيت الرساله بس ما شافتها
معقولة ضاجت
هسه يا يمه ورطتي بت الناس وياي وفوكاها اخت صاحبي
شدعي عليج يمه
لفيت راسي ونمت

يتبع....

#الكاتبة_نبأ

.................................
*سامر*
اجه يوم الاحد
كعدت من الصبح
فتحت تلفوني
تلفوني الخلفيه مالته صورتنه اني وشهد
اجت عيني بعينها
ودمعت
ضليت احجي وياها
سامر: شهودة طفلتي المدللة وحبيبتي صحيح اليوم راح اخطب بس هل شي شكلي مو بقلبي بس انتي الي انزرعتي بقلبي وما طلعتج ومهما يكون حبيبتي راح ابقه احبج نامي بسلام
مسحت دموعي
وكمت بقوة
اليوم جمعه
والعائلة ببيت جدي كلها مجتمعه
لان اليوم الخطبه مال ولي العهد هههههه
بس نزلت من الدرج
شمرو علي جكليت والهلاهل
سلمت عليهم
خوالي وعمامي والجيران ماكو واحد ما جاي
رحت للمطبخ
وطلعت كدامي سرى
جانت عيونها مدمعه
ضلت تباوع علي وبعدين طختني بجتافي وراحت
صفنت وضحكت
هاي شبيها استغفر الله
كعدت بالمطبخ تريكت
خلصت واجت امي علي
عفاف: يلا يمه حضر نفسك ترة فد شوية ونروح الهم عيب المرة خابرتني كالت محضرين كلشي
سامر: عليمن مستعجلين يا يمه
عفاف: لا تنسه مو همين وره العقد مالتك العقد مال اختك
سامر: هاااااا هم صدك لعد اذا هيج رايح احضر نفسي
صعدت فوك
دخلت للغرفه
ولكيت سرى وجه على الكنتور
وجان تطلع بقاطي
طلعته واندارت علي
جانت عيونها مليانه دموع
ابتسمت بألم وباوعتلي
سرى: اليوم يوم خطبتك يعني خلص راح تروح لغير وحده واني راح ابقه هنا طالما تمنيتك الي بس حظي ما كعد وياي شكد اذيتني وما ردتني بس بقيت احبك الك وما فد يوم كرهتك ابد وهسه اتمنى الك السعاده وشوف حياتك وأريد منك طلب اخير خليني اني البسك القاط
تحجي وهي تبجي وتشهك
هزيت راسي بمعنى اي
جنت لابس اسود ونزعته اليوم لأول مرة
نزعت ملابسي
رمشت عيوني ودمعت
تقربت علي وصارت تلبسني
عيونها من كثر ما باجيه مورمه وصايره رموشها ليفوك
سرى صاحبه عيون كلش كبار وسود و رموش طوال
لبستني وخلصت
وبقت بس السترة
سرى: مد ايدك خل البس اياها
لبستني اياها وصارت وره ظهري
حطت راسها على ظهري
وصارت تبجي
انداريت عليها
سامر: لتبجين ترة هذا الي كاتبه الله اني مو اخر شاب بهل دنيا سرى تلكين الاحسن مني ويستاهلج شبيدي عليج بت العم بس قلبي ما هواج وهسه روحي غسلي وجهج وكافي صيري قوية
باوعتلي وصفنت وجانت شفايفها ترجف
دنكت راسي وهيه كامت وراحت
سديت الباب بقوة وضربته
طبيت للحمام حتى اسوي شعري
وتعطرت
فتحت الباب ونزلت
صارو يشمرون علي ورد وجكليت وهلاهل
طلعت بالطرمه وتلكوني اصدقائي بالكليه
حضنوني لان ما شايفيني من زمان
وصارو اهلي وناسي واصدقائي كلها تهوس
صعدت بالسيارة
ورحنه لبيت سما
كعدنه الزلم بالاستقبال
اجه الشيخ
عقدنه وخلصنه
بعدين صاحوني حتى نلبس حلقات وذهب
دخلت
وجانت كاعده لابسه فستان ابيض وجتافها كله طالع وعليها غشاوة
كعدت يمها
وبعده قلبي يتذكر شهد
عيوني دمعت
وصارت سلسله افكاري كلها على الذكريات
قطعتها للسلسلة امي
عفاف: هاك يمه لَبْس مرتك
لبستها
ناس فرحانه وناس تمثل الفرح
واني جنت امثل الفرح بس بداخلي يحترك
خلصنه المراسيم
وصار وكت الصور
اخذنه صور النه
اجو اخذو ويانه
ومن ضمنهم اجت سرى اخذت ويانه
جانت تبتسم او بالأحرى تتصنع ابتسامتها
وره شويه عقدو لسيف وسجى
وصرنه كلنا بالصاله كاعدين
شغلو اغنيه
وركصنه سلو على أنغام الاغنيه
من جنه نركص عيني بعينها
بس مجنت اشوفها هيه
جنت اشوف شهد بمكانها
تتراوالي وتتخيلي شهد
خلصت تخيلاتي على صوت الهلاهل
اجت امها اخذتها
واحنه رحنه رجعنه للبيت
اتفقنه يصير العرس الخميس الجاي
وسيف وسجى ورانه بيوم الجمعه
بدلت ملابسي
وتمددت على فراشي
اخذتلي غفوة
وكعدتني سجى
كالت
سجى: اصدقائك جوة كلهم يريدوك
سامر: هسه شويه ونازل
راحت سجى
شفت إشعارات على شاشه الموبايل
سما💬: جنت طالع تجنن حبيبي يا رب يوم الي يجمعنه بسقف واحد
ابتسمت بس بداخلي ماكو سعاده
جاوبتها
سامر💬: هلا جنت نايمه هههههه وانتي ما قصرتي بجمالج سمسم جنتي طالعه مثل الأميرة
راسن شافت الرساله وجاوبت
سما💬: صح النوم قلبي هذا اكيد جمال عيونك أميري الجميل
سامر💬: سمسم يمي اصدقائي منتظريني زحمه اعوفهم بعدين نحجي
سما💬: اخذ راحتك
غسلت وجهي ونزلت
لكيتهم بالطرمه
تلكوني اصدقائي بالهوسات
سيف جان وياهم
شالني على اجتافه وصار يهوس بيه
وهمه يذبون علي ورد وجكليت
جنت امثل الفرح وابتسم بإلم 
جايبين هدايا
كعدنه بالاستقبال
وصرنه نتداول الحجي والسوالف
جنت مشتاق لكعدتنه سوة وأيام الكليه
هذولي صحبتي وأصدقائي
سيف: ما ناوي ترجع للكليه حرامات انت وصلت مرحله ثالثه وما بقالك سنه وتخلص
سامر: شي اكيد ارجع لان حلمي هذا بس مو هسه تعذرني
سيف: انت هسه شوية راجع طبيعي ومقبل على الزواج وحياة جديده لازم تخلي الكليه من ضمن اولويات حياتك

قصة شهد ﴿ دار الايتام ﴾ حقيقيه 🔥-

بارت 18 شاركو القصه مع اصدقائكم @iq_gril📍-

رجعنه لبيت جدي
ما لكيناهم
ماهر: لعد رايحين للمشتمل خلي نروح هناك
رحنه للمشتمل ولكيناهم
سيف واهله وأهلي
بقو صافنين علي
اجه سيف حضني حيل
سيف: مشتاقلك سامر ضلعي
سامر: سيفو الضلع
سيف: تعال خلي نكعد كعدتنه الحلوة وبالعافية ونعيما على التغيير
سامر: الله ينعم عليك حبيبي
سلمت على الباقين
سما سلمت علي وابتسمت
يعجبني ثكلها ودمها
عفاف: فرحتني من شفتك هيج
ثائر: اي والله اني همين اشتقينه لسامر ابو ضحكه الحلوة
سامر: اهمشي راحتكم يمه تفرحوني من اشوفكم فرحانين
اجت سجى شايله السفرة
باوعت لسيف وسيف باوعلها
تبادلو النضرات والابتسامة
فرحتلهم بقلبي
راح اخذ السفره منها وفرشها
وضلينه نرتب بالاكل
ثائر: يلا تفضلو لا تستحون البيت بيتكم واحنه نسايب وأهل واحد
سيف وسجى كعدو سوة
سما صارت مقابيلي
ما شفتها رفعت راسها وتآكل وهي ساكته
حبابه وأعرفها من زغري
صاحبه مواقف ومسؤوليه
نازكه ومرتبه وجميله
جنت صافن عليها والأفكار براسي
كرصتني سجى
وهمست
سجى: ها ولَك شو تباوع
سامر: ادري غير راح تخطبولي اياها حرام اباوع
سجى: اممممممم بس ترا انفضحت
صاح علينه سيف
سيف: ولكم تبسبسون
سجى: اخت وأخوها انت عبي حلكك ومعليك
سامر: والله عدكم هيج ميانه وما ادري
سيف: امممم امممم طبعاً غير اني ومرتي
سامر: وهمين ٲٍنٍـّي واختي
سجى: كومو تكافشو بعد شبيكم
سيف: ترا هاي مرتي
سامر: هاي اختي قبل لا تصير مرتك
سجى: هههههههه كافي يلا اكلو عليمن تتعاركون علي اشو اني احبكم ثنينكم
ثائر: عفاف همين مرتي قبل لا تصير امكم
سامر: ها ابو ماهر انت هم حطيت عقلك بعقلنه
عفاف: ربنه وحد عيني هو رجلي قبل لا تصيرون جهالي
ماهر: عفيه عفيه بأمي
ثار: كافي احترمو النعمه واسكتو
خلصنه اكل
وشربنه جاي
وبين الضحك والسوالف
اني صافن على سما وعلى تصرفاتها
كلش يهمني بالبنية ثكلها وأخلاقها
وهيه ثنينهم عدها وجمالها وعبايتها وسترها زايدها عفه وجمال
قطع سلسله افكاري أبويه
ثائر: احنه اليوم متجمعين وتعرفون سبب التجمع
عفاف: رايدين بيتكم لابنه واجينه هنا حتى نتفق على المهر والمشيه شوكت
شيماء (ام سيف): اني أتشرف بيكم وبابنكم وتعرفون سامر مثل ابني سيف واكثر احنه جاهزين وباقيه الشغله يمكم واذا تريدون قبعوها وأخذوها ما عدنه مانع
ثائر: ونعم منكم خوية ام سيف احنه اليوم جمعه ان شاء الله الاحد
جايينكم اجيب الشيخ ونجي يمكم نعقد ونتشرف بيتكم تصير جنتنه
سيف: يمه اكلج لعد واني اختي راح تعقد واني بعدني المتعذب
ثائر: عندي فكره هو يوم الاحد نعقد الكم كلكم وفكونه شركم لاحكين ع الضيم
عفاف: يا ضيم هذا ثائر شتقصد
ثائر: هاااا اقصد لاحكين على الخير والدلال
هههههههه
ضحكنه كلنا

اجه يوم الاحد

يتبع...

*سامر*
بعد التحقق
عرفنه ايمن
عساس متفق وي جماعه يجون يحطون كامرات وحراسه على البيت
وهمه غادرينه وصار الي صار
ايمن مات
اهلي وناسي كلهم لحو علي ابقه هنا
واني قلبي هناك بالنجف
ضليت كل يوم باليل اكعد بالسطح مال بيت جدو
اشرب جكاير واجر حسرة وابجي
مرات يجي وياي ابويه يكعد يسولف
يواسيني لو يضحكني
احاول اساعد روحي اضحك اشاقه
ما أكدر
الحزن غلب عليه
وصارت روحي أشبه بالموت
جان سبب بقائي هنا يم اهلي
هيه امي!!
امي بفترتي من ابتعدت عنها
تمرضت
وصار بيها سكر وذبحه بالقلب
ما كدرت اعوفها
بس يضل قلبي هناااك هناااك بالنجف
جنه كاعدين ببيت جدي
يم امي على الجربايه
ويمها شادين مغذي
اجت سجى جايبه مي وياها والعلاج
امي شربت العلاج وجانت كلش تعبانه
بابا وماهر ومرت اخويه واني وسجى
العائله كلها موجوده
عفاف: ما طول كلكم موجودين خل احجي وياكم بموضوع
سامر: ي يمه تفضلي
عفاف: يمه سامر انت بعدك شاب وعمرك بعمر الورد والي يشوفك يكول عمرك سبعين سنه الي اريده منك كافي شيل الحزن من كلبك وغير نفسك وخليني اخطبلك وافرح بيك وشوف حياتك والله ترا الي راح ما يرجع وشهد صارت بالجنه واكيد تريدلك السعاده وصارت طير من طيور الجنه كافي يمه كافي دتشوفني شلون مدمره لان اشوفك هيج وما بيدي شي عليك بس احجيلك هل حجي

كلام امي جان مثل الدوة
احسه مر بقلبي
بس روحي الي بداخلي تكابر تسوي شي
جنت صافن وسارح بأفكاري
عفاف: ها يمه شكلت
سامر: يمه الله كريم ان شاء الله يصير الي يريحج
عفاف: ما عرفت البنيه الي اريدها الك؟
سامر: لا ولا زغرن بيها منو؟
عفاف: اخت صديقك سما
سامر: سما؟ بس يمه ا..
عفاف: بلا كلام بله كافي يمه ما مليت من الحزن مغيم روحك صرت غيمه سودة وهيه البنيه مبينه تحبك من نظراتهه وشفايتلك تلكه وحده مثل سما خلقه واخلاق وبت شرف وتعرفها اخت صديقك بعد شتريد
سامر: يمه سوي الي يعجبج ما امانعج
اجت سجى حضنتني
سجى: لو ما عيب منك جان هلهلت
عفاف:وانتي هم الولد حاجزج من عدنه حتى اذا اخوج طخت براسه نسوي عرسكم سوة
سامر: يمه من كل عقلج اسوي عرس وافرح ما اكدر تريديني انزع الأسود واعدل نفسي اوك قبلتها بس مال اسوي العرس واكفه يمه واكفه
عفاف: اووك انت لا تفرح بس اختك وصاحبك يردون يفرحون انت بس راح نعقد الك
سامر: اتفقي وي اَهلها وشوكت ما هاي نسوي المشيه واروح اعقد
ثائر: الله يوفقك ابني واشوفكم دوم فرحانين

كمت من يمهم
جانت الدنيا عصر وراح تغيب الشمس
صعدت ع السطح
اخذت هوة وورثت جكارتي
شفت باب السطح انفتح
اجه ماهر وكعد يمي
حط ايده ع كتفي وحضني
ماهر: اخوي الزود المشتاقله
سامر: اني هم كلش مشتاق الكم
ماهر: مشتاق لكعداتنه وسوالفنه صح جنت اجيك بين فتره وفتره هناك بس وضعك معاجبني جان وأعرفك كسرك مو هين عليك ومثل ما سمعت كلام امي وجان كلامها عين العقل وبالصواب انت لازم تسمع كلامها والشي لمصلحتك
سامر: اني حسوي هل شي لامي مو لاي شي ثاني وهمين راح اورط بت الناس وياي لان لا عرس لا فرحه وفوكاها زوج الها ما يحبها
ماهر: الحب يجي وره الزواج حبيبي سامر انت توكل ومعليك واذا ما تحبها اني معتوب
سامر: ههه ..اني سكنت قلبي وحده وراح تبقى هل وحده
ماهر: احنه كاعدين هنا ببيت جدي علمودك لان ندري بيك ما تكدر تروح هناك لان بيه ذكريات وبابا اشتره بيت جديد بغير منطقه
سامر: كلشي بيد الله ماهر الله كريم
سحب مني الجكارة
ماهر: هاي بطلها مرض هاي مرض بعدك صغير
سامر: جيبها هي هاي بس الي أذب بيها الوجع مالتي
ماهر: دعوووفها هنا هسه وتعال وياي أريدك بشغله
سامر: وهيه؟
ماهر: هسه معليك تعال وياي
كمنه وصعدنه بالسيارة
وداني لحمام البصرة
سامر: شعدنه اجينه
ماهر: نلعب بليارد ..يعنيييي هوه حمام شنسوي بيه غير حتى تسبح وتغسل روحك وتذب تراب النجف منك وتطلع جديد حتى وراها نروح للحلاق وترتب نفسك
سامر: والله عليك سوالف بس يلا  امري لله

خلصنه وطلعت صدك جديد
رحنه للحلاق
صبغت لحيتي وخففتها
وزينت شعري
ماهر جان منتظرني برا
طلعت اله
ضَل صافن علي
حضني
ماهر: جنت مشتاق لسامر القديم وهسه اجه
سامر: هههههه الخبل
ماهر: وهسه نروح نشتري ملابس كلها جديده والملابس القديمه مالتك كلها ننطيها للفقره خل تولي اريد اجدد حياتك
سامر: احبك اخووووي انت

رحنه للمحلات واشترينه ملابس وكلشي
خابرو على ماهر
ماهر📞: هلا يمه..ي هسه راجعين..ليش..هاااا هلا بيهم هلا ..تمام تمام يلا باي
سامر: شكو؟
ماهر: امي عازمك سيف واهله يمنه اليوم
سامر: زين اوك هلا بيهم بس شلون احنه ببيت جدي
ماهر: نروح نكعد بالمشتمل الي بصف بيت جدي وهناك ناخذ راحتنه