الشاعر سجاد الدراجي

@imxnta6

علي الحق

القناة الرسمية للشاعر
سجاد الدراجي

بصرة
07733973839

الشاعر سجاد الدراجي

10 Oct, 21:21

https://youtu.be/DaSAKLmtu-8?si=F4psVk0Ji4VfDJXB

290

الشاعر سجاد الدراجي

08 Aug, 11:54

https://youtu.be/xkDZ1_tCt8I?si=1igt649gE5xDxdi0

920

الشاعر سجاد الدراجي

29 Jul, 13:21

اســـولف عـــن جمال الكافل وضيه
اليــحلاله الـغزل هــوه ومــحاچـيه

المصفن الجمال بطوله والـريشــات
ابو الشارب الكضه وصــاح مگضيه

ابو عيون العليهن يســتراح حسين
ومـــا يرتاح اذا مـــاشـــافه يومـيه

الامير الخادم المنه الادب مــعروف
المـــا داير ضهر دوم بــوجـه خـــيه

بزمن چان الاخو يبيع الاخو بـدينار
نذرها اسنينه ابـوفاضل لبـــو ارقيه

الـمــا يسجد لبوفاضل حرام ايگول
عنــدي اخوان لـــو چان الـعدد ميه

لأن ديــن الاخــوه الاسـسه العباس
وغــير الدين هذا الـخــوه چـذبـيـه

يامن قبلاها اچفوفه داحـي البــاب
وصــارت بـالـمـلاحــم ايده حربـيه

النعم گالوها بس لأسم الگمر تنگال
وثـلـث تـنـعـام بس ل امه الكلابيه

بــعداد الـصـالـحـين اولـهم العباس
اليــريد ايـصير صالح الا مـــن فيه

گـــمر ويـضـــوي عــد عدنان ليليـه
يــا انـــس العقيله وواهـــس ارقيه

غــريــب الهوه ومـا تشتمه علويات
يــشــمــن ريــحــة الــعباس للــريه

وحته الماي عدهن جرم لو ينضاگ
اذا مــو هــــوه جايب بيده الاميه

ابوفاضل البي حارت اعقول الناس
ويــحلاله الغــزل هــوه ومــحاچيه

سجاد الدراجي

1,591

الشاعر سجاد الدراجي

24 Jul, 13:03

https://youtu.be/RQbU5von4iU?si=3_AoQNzzmD1HpCmT

1,145

الشاعر سجاد الدراجي

20 Jul, 04:35

الحسن اول واحد تسود ادلاله
الحسن لمن يكرم تشيم افعاله
ملائكة الله ابيته تصعد تنـزل
تجي بس تتبرك عذب افضاله

حسن ،، خــالــق الـكرم
حسن ،، مــالــك الامــم
حسن ،، من اسمه كريم
حسن ،، عالـهـاك انفطم

جدره ما طفه ، مكتفه ، هم يصب بعد

يكثر بـالـهله ، وكـربـلـه ، عزبـهـا بـولـد

حيرها العرب ، وانگلب ، عاليهـم حـدر

ماشافو گبل ، هالفضل ، طالع من احـد

$$$$$$$$$$$$$$

بجمال اسمه وذكره الخلگ مفتونه
دخيل الله الحط الـعـشگ بـعيونـه
منو الما يصفن من يمر عالـمسجـد
لأن مـحـد شـايــف شـبـاب بـلونـه

حسن ،، بيده الغانمـه
حسن ،، الله امسلمـه
حسن ،، سيد الشباب
حسن ،، ابــنُ فاطمه

طــالع مـن علي ، وينجلي ، الـهم بشوفتـه

لو سار الحسن ، بالوطن ، تـذهل كشختــه

سـيـد هـاشمي ، والـنبي ، چـنـه لــو مـشـه

وناس اتزاحمت ، واركضت ، تشتم ريحته

$$$$$$$$$$$$$$

المعارك خالسها الحسن من يحضر
اذا ســرفـن ردنه البــشـر تـتـطـشر
يــويل الكضاهــم منـو يـخلصـهـم
ابـد مـا يـرحـمـهـم يـمـيـن الحيدر

حسن ،، عـاگـر الـجـمــل
حسن ،، والشافه انذهـل
حسن ،، بملاگه السيوف
حسن ،، كـالنـار اشتعــل

لو كض الرمح ، ينذبح ، عسكر بأكمله

قد حان الردم ، والزلم ، تركع كلها الـه

بفنون الحرب ، الصعب ، مايهتمله ابد

غيرة حيدرة ، باتره ، حل الـمعـضـلـه

$$$$$$$$$$$$$$

شـرف كـل الـديره بـوجـوده الطاهر
گمر شـعـشـع نـوره اعله لـيل الـغـابر
الكره من يشتد كالشمس من تگصي
لـچن فـيّ مــولانا الحسن حب كاسر

حسن ،، الحب مصدره
حسن ،، اصل المفخره
حسن ،، مولانا الجميل
حسن ،، دنـيـا واخــره

عنوان الشرف ، والسلف ، تـنـدل جـبـلـتـه
يصلح بالخلگ ، وانعشگ ، بيته وحضرتـه
بمضيفه الادب ، والطلب ، ينطيله الحسن
مـا رجـع بـشـر ، والـدهـر ، يـشهـد غيـرتـه

$$$$$$$$$$$$$$

سجاد الدراجي

1,578

الشاعر سجاد الدراجي

20 Jul, 04:34

سافر الضعـن
وانه عيوني بچت عتب
اضل بلاوطن
الـگـلب مايحمل وتعـب

وانتضرت تصيح الي
لـــــو تــوديـلـي علي
الاكبر بچفه ويأشرلي اعله هودج
فـوگ ناگـه وي هلـي

لچن ماصـار المــراد
ولبّست گلبي السواد
اتوادعن عيني وي عينك بالنواضر
گلي شيطيب الفـؤاد

ليش عـفـتـوني عليله وحيلـي رايح
حيلي رايح،،حيلي رايح
ماتت الضحكه اعله وجهي والملامح
والمــلامح،،والمـــلامح

$$$$$$$$$$$$$$

انــــــه فاطمه
حبيبت روحك حسين
اخذني خادمه
اخدمك بويه بالـعـيـن

حالي ابد ما ينوصف
والوجع ماضن يخف
كون وي اهلي المشو اصعد واروح
ما يضـلـلني السگف

من بعدكم راح اضيع
واليحب لازم يـطيـع
لچن خلولي اخوي وانسه علتي
علتي فراگ الـرضيع

بـــويــه خـلـيلـي سكينه لــو رقيه
لــو رقيه،،لــو رقيه
بلايه حسهم ليلي وحشه يمر عليه
يمر عليه،،يمر عليه

$$$$$$$$$$$$$$

وانتظر بقيت
صعب حاله الفگد اهـل
بدمعتي حچيت
وحيده ابيتي راح اضل

وحدي بالبيت انتظر
بهدمك اشتم الـعطـر
كسرت الخاطر يبويه ماتطيب
وداعتك مـا تـنـجـبـر

الفارگ عيون الگمر
يعيش بعيونه القهر
لطيفك وطيفه ابقه اسولف وانتظر
والله أذاني السهــر

انغمت گلبي من گلتلي انه رايــح
انه رايــح،،انـه رايــح
روحتك ماضن وراها بس نوايـح
بس نوايح ،، بس نوايح

$$$$$$$$$$$$$$

ردت وي الاهل
حرگ خيمه وارض جمر
واتيه بلايه حل
اراكـض بالـفـلـه الـضهـر

كـون للـشـام انـه اروح
وياليتامه ابچي وانوح
وامشي مسبيه وي عمتي بهالدرب
واكتم بگلبي الـجـروح

واركب النوگ الهـزل
وتنچتف ايدي بحبل
يصيرلي الصاير عليهم كون واكثر
والله ما اجزع وامل

ريـــت وي عـمـتي ابـاتـن بالـخـرابه
بالخرابه ،، بالــخرابه
حته اعيشن كل جرح وبكل مـصابه
كل مصابه،،كل مصابه

$$$$$$$$$$$$$$

سجاد الدراجي

1,299

الشاعر سجاد الدراجي

20 Jul, 04:33

بالـگوه يجـر حسـين الانفــاس
مكسور الضهر ويحـاجي عباس
بيـه تشـمتت يا خـويه هالنـاس

اخيّـك يـا ابـو السـجاد جـاويـن

$$$$$$$$$$$$$$

فـدوه اگـعد يخـويه النه وتعنه
ارجــع ما تـريـد الــمـاي سكنـه
تگـلي شـلون عمي ابـتـعد عنه

اگعـد لا تخلـي الجـرح جرحـين

$$$$$$$$$$$$$$

جمال الله يقاسـم فـدوه لتـروح
گـلـب رمله يعمي فايـض جروح
عـدل رادت تـزفك موش مذبوح

مـن اتـذكرك يعمي تحـنّي الايديـن

$$$$$$$$$$$$$$

شـاب الـراس ويـه نسـمه الـريـح
الجابـتله خبـر بالاڪـبر يصـيــح
خطيه حسين ضل يگـوم ويطيح

عـالاڪـبر اوليـده شيب حسين

$$$$$$$$$$$$$$

مصـيبه منـين مابـاوع مصـيبه
يحـير حسـين بخـيامه عجـيبه
غريب وصارت اخته هم غريبه

وانـدارت عـليه الخـيل صوبـين

$$$$$$$$$$$$$$

غريب وضل وحيد بلايه خوّان
لا نــاصـر الــه ولاضـلـه عــوّان
لخـيامه يـعـاين كلـهه نــسـوان

يـدري بالـيسر حـال النسـواين

$$$$$$$$$$$$$$

كـل هذا الجـره وحسين صابـر
يتـلوع دلـيلـه وحــيـره حــايـر
بح صوته الحسين بيوم عاشـر

كون من اللطم اعميهه هالعين

$$$$$$$$$$$$$$

سجاد الدراجي

1,090

الشاعر سجاد الدراجي

20 Jul, 04:32

( مولاي الحسين وعلي الاكبر صلوات الله عليهم)

من الخيمه جيتك ركضي ملهوف
ولــگــيــتـك امـــوذر بالســـيـوف
من شـفـتـك بـهـل الـحاله يـهـواي
اتـكـسـرت بالـسـانـي الـحـــــروف

كـون انه يـولـيـدي ايـتـعور
ولا شعره تنجاس امن الاكبر
چـنه بـمـحـبـتـنـه انـتـافــس
ياهـو الـيـحب الثاني اكــثـر

لخاطر حبنه گوم ويـاي
ذابـح گـلبـي يا نومـــك
ضل مثل الطفل مبچاي
من گد شـمـي بـهدومك

$$$$$$$$$$$$$$

سـالـم يـبـعـد الـروح سـالم
وشــــلـون اردك للـفـواطـم
من ودعتني وانته عطشان
بـچـيـتـهـا دمـوم الهـواشم

امن اونيني ماضلت لـهـاتـي
وطاحتلك عمامه وعـبـاتــي
تخليني وحدي تروح للموت
الـمـن بـعـد رايـد حـيـاتـــي

يالهديت حيل حسين
يالتـيـهـتـه كل عمره
الـوالـد بالبـزر يـرتـاح
وانـه المـنـكـتـل بزره

$$$$$$$$$$$$$$

الطول الخفت لا تحسده الناس
صـار بــحـوافـر خـيـل يـنـداس
الشاف الجمال اگـبـالـه مـذبوح
مو حـگـه لـمـن يـلـطـم الــراس

غم الرمح ماشافك شلــون
امرتب وحـلـوات الـعـيـون
حيرنه اخـوتـك انـه ويــاك
لصياحي لو لجلك ينوحون

يارايـح عـليـك وجــاي
يـا انـعـاك يا انـحـــــب
اليفك صبحه بعيونــك
صعبه ايشوفك امسلب

$$$$$$$$$$$$$$

مـعشوگـك الگـاعد يـكـلمـك
انداريت فدوات اعله اسمك
خـلـيـت ابوك ابلا ضهر صـار
وشـيـبـته راسه بـفيض دمك

اول ولـد انـتـه الـتـجـيـنـــي
وسـويـتـلك فـرحـه بـسـنيني
بس هسه من اگبالي مطروح
طـفـيـتـها امن المبچه عينـي

ادواك انچانه موتي يصير
چـا داويــتــك بـمــوتــــي
علي بويه شكثر نـاديـــت
اسـمك عـايـش بــصـوتـي

$$$$$$$$$$$$$$

يا ليله اجيت وجبته ويـــاي
بس جبته ميت عشگ دنياي
يا ليله خل نرجع نـنـاغـيــــه
بس لا يفز خل نبچي بـهداي

راح الـــولـد يـا لـيـلـه مـنــــي
اشگد ردت اشبگه وما شبگني
وچي احله من لمعات السيوف
اتـسـابـگـن كـلـهـن على ابـنــي

افك بعيونه ويسدهن
ردتـه يـبـاوع اعـلـيــه
من لـمـيـتـه من الگاع
مـا عـانـنـي رجـلـيـــه

$$$$$$$$$$$$$$

سجاد الدراجي

989

الشاعر سجاد الدراجي

20 Jul, 04:31

( ام البنين صلوات الله عليها)

منو يگلي بعزيزي حسين
ويـــن بيا نويه يـكــــون
منو يگلي سكن ياصـوب
وانطيله الـثـنـين اعيـون
طـالـــت غيبته وضليــت
حــالـي ايبچي الينطرون

كلما تمر اضعون من الــــمدينه
اسئلها وين حسين طول علينه

هاي الـفرگه تاليها
تـمـوتـني بمآسيها
الدار وراح راعيها ،، ييمه حسين

رد يا دمعة اعيونـــي
بهجرك منخطف لوني
تره خلافك يشيعونـي ،، ييمه حسين

$$$$$$$$$$$$$$

امنهد ذاك الموادع چـان
وانه وگلبي مـتـغربـيــن
هوه يگلي خاف يمــوت
گتله المن بعد عدليــــن
العلينه نتاني يمته يعود
ونـگـلـه هـلا بـــــحسين

حي ميت نتانيه يا گلبي للــــوح
وننذبح انه وياك لو جانه مذبوح

بــدون حسين ما نقبل
حسين ابن امه المدلل
نحيله صرت وتـعـلعل ،، ييمه حسين

اتانيك بجدم خاوي
بيك بولدي ماساوي
رد كتلتني الانـعاوي ،، ييمه حسين

$$$$$$$$$$$$$$

واخـيـراً مـــن بـــعد فـرگه
اجه الطارش وصاح الناس
وگلــــي بـجعفر وعثمــــان
وبـــــعبدالله وبـــــــــعباس
راحــو گلــي گتلـــه حسين
صاح اعله الرمح بس راس

گلي بعزيز الروح داست عليه خيل
واهله العله التربان كلهم مچاتيـــل

فجيعه وحلت بــهاشم
شمسها وذبحته الوادم
صدگ مالك اثــر سالم ،، ييمه حسين

انه وبنتك التانينه
وما ترجع بعد لينه
شيسكت بواچـينه ،، ييمه حسين

$$$$$$$$$$$$$$

ورجـعـن نسوة الـمذبوح
بس رجـعـلــي مسبيــات
ومن كثر الـبچي والـنوح
بـحـت للـعـلاوي اصوات
وحته الـطفل لـمـن عــاد
شفت براسه بس شيبات

يـاكـربله ابيا ضيم رديـتـي الـعـيـال
لليكبر ايحگ شيب مو حگ الأطفال

رد الــضعن مـــن هيمــه
وبيهــم ريحــة الخيمــه
من النوگ اعرفت ضيمه ،، ييمه حسين

بعد ذبحك بعاشـــرها
ماكو لروحي اليسرها
اروح لگبري اخــــرها ،، ييمه حسين

$$$$$$$$$$$$$$

سجاد الدراجي

943

الشاعر سجاد الدراجي

20 Jul, 04:28

( مولانا الحر صلوات الله عليه)

جذبة حبه جابتني
واجيت حسين بس ندمان
وسامع انه بالرحمه
لچن ما شايف الرحمن
وشفته وبينت بيه
جذبته التجذب اي انسان
لگيت حسين لليندم صدگ عشگان
لگيت خيامه مفتوحات للضيفان
وشفت فارس شگد ينهاب
من شافاني ضل مدنگ وخجلان
اثاريهم سوه يدنگون
من يجبل عليهم طاري للندمان
اجاك الحر يبعد الحر
غيرك ما لگه اليستر
طالب توبه يا مولاي
مجرد مالي اي عنوان
نضرتك زرعت بگلبي
عشگ ماواصله الولهان
اجيت انه بطرگ ذنبي
ولگيتك سيد الغفران
اجيتك ضايع من الدين
وبدينك اريد امچان
دخيل اعيونك اقبلني
حبل بخيامك اتحطني
ماي بجربه وزعني
جايك صوت مذنب بلكي تسمعني
اجيت من الضلام لنورك ادفعني
انه الگاطع عليك الماي ، عذبني
انبني الضمير وجيت ساعدني
هنا گلي هلا وحياك
وانته بأول الصحبان
رغم ما جعجعت ضعنه
شبگني بأجمل الذرعان
شفت حسين لكن يا جمال حسين
ما ينوصف بالالوان
شحلاته وواگف ابصفه گمر عدنان
واه ياهضمتي ونوحي
يرحب بيه بس عطشان
من گلي هلا بحري
هنا انه ابتده عمري
وتمنيت ارجع لزغري
واضل وياه لحد الموت
ويگضي بخدمته دهري
يناس الاعمه مو بالشوف
الما شافو حنان حسين ذول اتسمو العميان
صرت رابح بحب حسين ما خسران
وقبلني حسين لكن سر قبولي الچان
من گلالي ثكلت بيك
امك گتله بالقران
لو غيرك لردها اعليه
وحد السيف مو بلسان
لكن امك الزهراء
فاطم خيرة النسوان
هنا سر القبول الچان
بداية كلشي لازم تقبل الزهراء
وتلمه من الحسين احضان

سجاد الدراجي

886

الشاعر سجاد الدراجي

20 Jul, 04:24

جت صلاته
ابو عبدالله وصـــاح اوليده الاكبر
گله بويه
اذن وخلــي الهواشـم كلها تفخـــر

يأذانـك ،، اللهُ اكبر
يحنانك ،، اللهُ اكبر
يزمانـك ،، اللهُ اكبر
يمنانــك ،، اللهُ اكبر

اذن بكل صوتك صوتك كمال الحـــب
وهد على الخياله اوين الشجاع اطلب
وردد بــأعــــلاهــــــا علي ولـــــي الله
جدي گلهم حيدر والــحــومـه لليغلـب

$$$$$$$$$$$$$$

حب حياته
علي ابنه وروحه وانفاسه ودلاله
ويا حلاها
من يگعده ابصفه ويباوع جماله

يخصاله ،، اللهُ اكبر
يدلالـــه ،، اللهُ اكبر
يكمالـــه ،، اللهُ اكبر
يجلالـــه ،، اللهُ اكبر

اشگد يشمه ابراسه وشكد يحب عينه
وما اجت اي عشره البـيــن اكبر وبينه
حگ ابن للــوالــــد لا ما حسب لحضه
واعله اسم الاكبر فاديــهـن اسـنـيـنــه

$$$$$$$$$$$$$$

بالولاده
بذاك الاگماط وبده يناغي بحبيبه
ما مثلها
قصة حسين وعلي الاكبر عجيبـه

من اجاله ،، اللهُ اكبر
كبـــرالـــه ،، اللهُ اكبر
ولمه شاله ،، اللهُ اكبر
شع جماله ،، اللهُ اكبر

واعتنوا بني هاشم بالفرحه يم داره
وبالــسمه وجواها شعت علي انواره
وگلهم اسم اوليدي يصبح مثل جده
بي شـمـائـل حيدر بالـغـيره والشاره

$$$$$$$$$$$$$$

وبشبابه
وذاكه طوله وكشخته واشجع مقاتل
بالحرايب
بيمنته اشگد ساطر اوجوه البواسـل

بكبريائــه ،، اللهُ اكبر
بأنتمائـــه ،، اللهُ اكبر
رف لوائه ،، اللهُ اكبر
بكربلائــه ،، اللهُ اكبر

امن الفخر والهيبه حسين اخته صاحاها
وگلها شوفي اوليدي شگد قاده بچــاهــا
ذكرانـــي بـحيدر مـن يـدخــل بـــحومه
مـــا تــهـم اشــواربـه بـكـثرتـهـا لاگـاهـا

$$$$$$$$$$$$$$

الخيمه بيها
گــاعــديــن اثـنـيـنـهـم گـعـدة حـبايــب
والاجاها
ايضل يشم من عدها بس عطر الاطايب

يالوسامه ،، اللهُ اكبر
يالشهامه ،، اللهُ اكبر
يالامامه ،، اللهُ اكبر
يالزعامه ،، اللهُ اكبر

ومن دخل ابوفاضل گال لعلي امشينه
خــل نطـر الـعـسـكـر ونـذله ونـهـيـنـه
انـته اخـذ اليـمـنـه وخـل اخذ اليسره
وبـجـدمنه اندوسـه الـفكر يصل لينـه

$$$$$$$$$$$$$$

سجاد الدراجي

974

الشاعر سجاد الدراجي

20 Jul, 04:21

خويه ياگمر جرت دمعتـي
وهل اجيتك ارحم بغربتي
ضجت بحرمها الك خيمتي ، خيمتي ، خيمتي

اجيتك يا حلو الصوت
فگد خوتك وراه مـوت
سهم عينك گبل عينـك تره بگلبـي بده يفــوت

يمن لخيامي سگاي
بعد ماريـدن المــاي
طولك بس اشوفنه الاريده تبقه ويــاي

الخوه والشهامـه
لو رايح يعني احسبها راحت
ولو تستمع كلامه
ذباحك صاح چفوفه طاحت

$$$$$$$$$$$$$$

الجـدم ركضـلك بلهفتــه
خيك وكبر صعب عثرتـه
المنكسر گفاه تجع گومته ، گومته ، گومته

شيقنع روحــي ياهيـل
متت وتسحگك الخيل
انه الماشوفن الكثره صرت هسه بلا حيل

هدمته وگالت الناس
عـافـاه هـسه عبـاس
لأن ضلو يشوفوني عليك الطم على الراس

ياكسرة الخواطر
عالخويه الردت اسمعها منك
وبذمة الحوافر
الـبـچـني ومن عيني خذنـك

$$$$$$$$$$$$$$

وين الاگي مثلك بعشرتــك
مالي حيل ابد عله فرگتــك
گاعد ابچي واشبگ بجربتك ، جربتك ، جربتك

وداعك يخنگ الــروح
والاصعب منه مذبوح
يمن جوه النهر طايح اخيك باقي للنوح

شرايد منـي هـالـبـيـن
ويفارگنه احنه الاثنين
يبوفاضل بعد وجهك يضل محتار الحسين

بين ارجع لـحرمنــه
وبين ابقه ليمك حد منيتــــي
وشلون اهدي اختنه
وشيب امصابك تارس لحيتي

$$$$$$$$$$$$$$

ماگمت اشوفه درب الخيم
كلشي بيه يالچفيل انـهـدم
والهضم دليلي طـاح الـعلـم ، العلم ، العلم

حسافه اتلمك الگاع
ولا يـبـقـالـك اذراع
حسينك من اثر فگدك يبوفاضل صدگ ضاع

بـقيت اتلـوع اعليك
ساكت وانه احاچيك
يكون بگلبي يندارن جمع كل الاجن بيك

بس كونك انته سالم
وخله الموت الياخذ حياتي
ياشـمـعـة الـهـواشـم
يــردنـك بـخـيـمـهـن بناتـي

$$$$$$$$$$$$$$

سجاد الدراجي

957

الشاعر سجاد الدراجي

20 Jul, 04:13

( الحسين وعلي الاكبر صلوات الله عليهم)

جمال الله اخذ لونه ،، مــنـك ،، مــنــك
ذكر الله اليـذكـرونه ،، بأسمك ،، بأسمك

بيك
روحي تفاخرت بيك
ويـعـيشـنـي طــاريك ،، عالم من جمالك

اعليك
گــلبي تعود اعليـك
تروح وابقه احاجيك ،، غفه بعيني خيالك

يالاڪبر ،، واهس الـعـمر
ما اگـدر ،، شـيبي والكبر
واتحسر ،، صعبه انـتـضر
عونك الصبر

$$$$$$$$$$$$$$

مـاضـن اگــدر بـدونك ،، اصــبر ،، اصبر
واهيم بشوفت عيونك ،، وانضر ،، انضر

ليش
خـلـيـتـك تـصـد لـيش
وحدك يبني ضد جيش ،، وريجك بويه يابس

بيش
اعوض شوفتك بيش
شـلون بدونك نعيـش ،، لخواتك ياهو حارس

انا ادري ،، بدونك اختنـگ
ياكـسري ،، طـايـح العشگ
حن صدري ،، حنت الشبگ
گلبي محترگ

$$$$$$$$$$$$$$

بقت هالكلمه وي بالي ،، عطشان ،، عطشان
مثل حالك علي حالـي ،، لـهـفـان ،، لـهـفــان

جروح
غده طف كربله جـروح
وعلي گبال امه مذبوح ،، گمر ليلى توذر

ينوح
شنو والد بقه ينوح
ابن راح وترك روح ،، عله فـگده اتفطر

دلالـي ،، بـويه مايـطيـب
ياغـالـي ،، ما الي حبيـب
من بالي ،، يبني ما تغيب
راح اضل غريب

$$$$$$$$$$$$$$

مشه خطوه واخذ روحي ،، وياه ،، ويـاه
تـفـز احـزاني وي نـوحـي ،، بلياه ،، بلياه

صاح
فجأه ولن علي صاح
وحلم ذبحتلي لرماح ،، وتطشّر كل حنيني

راح
يـگـلـولـي علي راح
واگلهم ابني ما طاح ،، يجي ويگطع ونيني

مـن شلته ،، كلشي بيه مـات
وسـدتـه ،، بحضنـي ما يبات
وحضنته ،، وجرحه بيه فات
فارگ الحياة

$$$$$$$$$$$$$$

على الدنيه العفا بعدك ،، بـويه ،، بـويه
اخوتك صاحو ابفكدك ،، خويه ،، خويه

شلون
ارد لـخيمتي شلـون
ومنتضرتني ام عون ،، نرد نمشي سويه

كون
تفز من نومتك كون
وتمسح دمع العيـون ،، وفجأه تكض بديه

تچيلي ،، خـويه وين افـوت
يهد حيلي ،، ابني لــو يموت
لحگيلي ،، خويه ماله صوت
بعده راح اموت

$$$$$$$$$$$$$$

سجاد الدراجي

883