МӘНИСИ ТУЎРЫ, БИРАҚ НАТУЎРЫ ҚОЛЛАНЫЛАТУҒЫН СӨЗЛЕР
📌 Үлкен мәнини қамтыған, бирақ тәғдир мәселесин натуўры түсиниўден келип шығып, орынсыз қолланылып атырған гәп-сөзлер талай ғана. Оларды турмыста қолланыў, надурыс қолланыўдан сақланыў мақсетинде айырымларын келтирип өтемиз. 👇👇👇
"ҚУДАЙДЫҢ АЙТҚАНЫ БОЛАДЫ"
✅_Ҳақыйқый мәниси: Пүткил барлықта Аллаҳтың қәлегени ғана жүз береди. Оның қәлеўисиз ҳеш нәрсе болмайды.
Бул мәниниң туўрылығына зәрреше гүман жоқ.
❌*Ҳәзирде қолланылыўы:* Ҳәр қандай жуўапкершиликтен қашатуғын, бирақ буны ашықшасына тән алмайтуғын адамлар тәрепинен көп қолланылады.
*"ҚУДАЙҒА АҢСАТ"*
✅*Ҳақыйқый мәниси: Аллаҳ ушын қыйын истиң өзи жоқ. Ҳәмме ис Оған аңсат.
Бул мәниниң де туўрылығына гүман жоқ.
❌*Ҳәзирде қолланылыўы: Қолын салқын суўға урмайтуғын яки ҳеш нәрсе қылмай ҳәмме нәрсели болыўды қәлейтуғын адамлар көп қолланады
"ӨЗИ ИНСАП БЕРСИН"
✅Ҳақыйқый мәниси: Бендеге ҳәмме нәрсени Аллаҳ береди. Ақылды да, парасатты да, байлықты да. Барлықта Аллаҳтан басқа бериўге қәдир болған ҳеш ким жоқ дегени.
Бул жүдә туўры гәп.
❌*Ҳәзирде қолланылыўы: Аш қарным, тыныш қулағым деп жасайтуғын, турмысын жақсылаў ушын ҳеш нәрсе қылмайтуғын адамлар өз айыпларын жасырыў ушын қолланады.
❗️_Бундай сөзлер оғада көп.
❗️*ЕСЛЕТПЕ:* Әпиўайы адамларға түсиниў аңсат болыўы ушын илажы барынша ақылый дәлиллерге сүйенилди. Аят ҳәм ҳәдислер келтирип өтилмеди. Өйткени, әҳли илимлеримиз қайсы аят ҳәм ҳәдиске муўапық келиўин жақсы биледи.
📚"Мусылман ушын зәрүр билимлер" китабынан.
🍁🍁🍁🍁🍁🍁🍁🍁🍁🍁🍁🍁
Биз бенен социаллық тармақларда бирге болың!
Telegram | Instagram | Youtube | Facebook