عذبه القصّيد.

ياصباح الخير يا منتهى السحر المباح
‏يا نعيمٍ في حياتي قطوفه دانية

‏رمش عينك خارج معاهدة نزع السلاح
‏ما أعترف في حلف ناتو وحلف المانية

‏و إلا أنا راضي لو أسقيتني سمٍ ذحاح
‏يا رصيدي من حطام الحياة الفانية

‏تصبح الدنيا وأهلها على شمس الصباح
‏وأنت شوفك صبح ثاني وشمسٍ ثانيه

ياشين الظروف اللي على شوفتك عيّت

‏الليل ذنب .. وطلّة الفجر توبة

‏بيني وبينك لو مضى العمر ماتبت
‏حبك ملكني ياخطاي وصوابي

أنت لو تدري عن شعوري اتجاهك
تترك الدنيا على جنب و تجي

‏سترت الغلا و أقفيت عنه بدون وداع
‏وصديت صدّة مقفي ماهو بـ ودّه.

‏جيتك أبي عمرٍ بين يدينك الثنتين ضيّعته

اخترت روحي في زحام العلاقات
‏وقويت مع روحي تفاصيل روحي

‏لا أحاتي الآتي و لا اندم على الفات
‏أتبع خرايط رسم ربي .. بـ لوحي

‏اللي رسم هالأرض تحت السموات
‏وكلت مكتـوبه يلـوّن .. صروحي

اسر يـ الليل القصير اللي تفاصيلك طويلة
العوض في ليلةٍ .. ماتظلم الدنيا بختها

يداري ظلام الليل لا يفتح الموضوع
يبي يحتفظ في نص قلبٍ تبقى له

من اللي يقول إن الفضا والبلاد وْسيع
انا لي أكثر سنة والأرض ماهيب توسعني

مشاعري لك لو توَزَّع من يسار، ومن يمين
‏صاروا جميع الناس عِشاق، ونشامى، وشعراء

‏شعوري يوم أشوف ان النصيب أقوى من الأهداف
‏شعور اللي تصيبه فـ الضلوع .. رصاصة المحتلّ

‏وصلت لمرحله إني احب كل شي يجمعنا
‏بنفس الوقت ماودي معك يطول مشواري

‏لك الله ضاقت ثياب القصايد وأمتليت إلهام
‏ولا أدري كيف ألوّح لليباس .. وأكسر غصوني

‏خاف على قلبٍ يحبّك إلى ذاب
‏لا تقطع حبل الرجّا في يديني!

عليك الغلا والشوق ينساق لك بإهدار
أساس المشاعر انت يا سيّد اشواقي

فدا طلّتك قدامي الدار واهل الدار
ابيع العمر كلّه فدا حْضورك الراقي

أنا كلّما شفتك نبت فـ ضلوع ازهار
دخيل العيون الناعسه ترخي وثاقي

وش الحب لولا طلةٍ تخطف الانظار
من المبسم الآسر مغيبي ومشراقي

أملّ الاماكن والبشر واكره التكرار
ومعاك اعشق صغار التفاصيل باعماقي

سريتك عمر ماقلت يا طول هالمشوار
على جرتك سقت الخطى وانكسر ساقي

كبير القدر دايم جروحه تصير كْبار
وانا مابكيت إلا على هونت فراقي

عقوقك دمَحْها الحبّ لانّه الابن البار
عداك الملام وشرهتي واشين اخلاقي

عذرتك جعل عذري فدا كذبة الاعذار
اذا ماتت الاعذار؟ ظلّ العمر شاقي

عسى قلبك الخيّر يخالف هوى الاشرار
وترجع على خبري وعلى هقوة الهاقي

عرفتك كريم ومجلسك مدهل الخطّار
جعل دكّة خطاهم فدا صيتك الباقي

أمانه تشحّ بضحكتك كبْر واستهتار
بلا ضحكتك وشلون ينشاف برّاقي؟

اببقى على عهدك مدام الغلا مدرار
لنا ماضيٍ لاجله رميت آخر اوراقي

خطاطيبي الواجد رفضت ايهم اختار
أنا ما أبي إلا -انت- يا كلّ عشاقي

يهون الفراق وسيفه الدامي البتّار
اذا ان الوفا ما وقّف بوجه خفّاقي

ما عاد لي فالصدام الفوضوي قو حيل
‏محتاج أعانق هدوئي واحتضنه إحتضان

‏انتبهلي عليك و تحرص على نفسك وآجد
‏ترى فيني عليك من الخوف الشي الكثير