١٤٢٤

بعد ما حسبت إني نسيت
‏ذكرتك أول ما تجلى الظلام
أول ما أشرقت الأرض بشمسٍ تواري كل دُجى الليالي

عليك الغلا والشوق ينساق لك بإهدار
أساس المشاعر انت يا سيّد اشواقي

فدا طلّتك قدامي الدار واهل الدار
ابيع العمر كلّه فدا حْضورك الراقي

أنا كلّما شفتك نبت فـ ضلوع ازهار
دخيل العيون الناعسه ترخي وثاقي

وش الحب لولا طلةٍ تخطف الانظار
من المبسم الآسر مغيبي ومشراقي

أملّ الاماكن والبشر واكره التكرار
ومعاك اعشق صغار التفاصيل باعماقي

سريتك عمر ماقلت يا طول هالمشوار
على جرتك سقت الخطى وانكسر ساقي

كبير القدر دايم جروحه تصير كْبار
وانا مابكيت إلا على هونت فراقي

عقوقك دمَحْها الحبّ لانّه الابن البار
عداك الملام وشرهتي واشين اخلاقي

عذرتك جعل عذري فدا كذبة الاعذار
اذا ماتت الاعذار؟ ظلّ العمر شاقي

عسى قلبك الخيّر يخالف هوى الاشرار
وترجع على خبري وعلى هقوة الهاقي

عرفتك كريم ومجلسك مدهل الخطّار
جعل دكّة خطاهم فدا صيتك الباقي

أمانه تشحّ بضحكتك كبْر واستهتار
بلا ضحكتك وشلون ينشاف برّاقي؟

اببقى على عهدك مدام الغلا مدرار
لنا ماضيٍ لاجله رميت آخر اوراقي

خطاطيبي الواجد رفضت ايهم اختار
أنا ما أبي إلا -انت- يا كلّ عشاقي

يهون الفراق وسيفه الدامي البتّار
اذا ان الوفا ما وقّف بوجه خفّاقي
- مها

‏ترا من فقد بسمتك ما عاضته قمرا الليال
‏أنا تبسّامك هو اللي كان يضوي لي دروبي

حساافة كل يوم يمر مالك في ذراه ظلال
‏لا أسمع فيه صوتك
‏ولا تزور و تحاكيني

إن ظما قلبي من الوقت وإجحاف السنين
من مناهل وجهك السمح عيني ترتوي

هيا أجرحيني بس عيشي بقلبي
‏الجرح.. أرحم من فراقك وبعدك

‏ أعرفك لو تحبين القسى يطغى عليك اللين
‏ و تعرفيني معك ما ملّ لو هو طال مشواري

‏يروحون كل الناس مني شوي شوي
ولا فيه أحد يبقى على البال غير انتي

عسى الله يبرّي ذمتي من خطا فرقاه
‏كثر ما انتظرته في الدروب وتحرّيته

‏الظاهر إنا بنتغلى يا الإثنين
‏على بعض لين الغرام يتبدد

حتى لو إن الأرض جرداء والسماء تلفح-هجير-
‏للحين في صدري ربيع السنين وأنت أولى بها

‏تمر السّنين و تاخذ العمر و تكمل ..
‏ولاعاد باقي حاجه أصدق من العزلهّ