اول مره نحس اني منبش نحاول ولا نبي نقاش حد ولا نعاتبً ومنبش نتغير ومنبش اهتمام من حد ومعندش نيه نتكلم مليت من اللمه الكذابه منبش شي من حياه غير نقعد بروحي من لا خير فقدت شغف بكل من كل شي حتقولي ليش حنقولك مش عارف .
البخت .
@iiiijq3
اللهم صلِّ وسلم على سيدِنا مُحمد .
البخت .
20 Oct, 22:08
ف جمله قريتها اليوم تقول "قسوة الغالي بيتوجع "وهذي مش جمله ولا مجرد كلام جديات هذي اكثر حاجه حقيقيه فعلًا قسوة الغالي توجعك لو جت من حد غريب مش حتأثر بيها تزعل يوم واثنين وتبلط لكن القسوه لما تجيك من حد غالي عليك ولا قريب تقعد معاك عمر كله ومننسهش بكل .
البخت .
19 Oct, 22:55
عز نفسك وقدرها لأن لو ماعزيتها محد بيقدرك مترمش روحك ع اي شخص وتقوله سامحني وعطيني فرصه اخيره وكلام هضا خلاص لي راح ان شاء الله ربي يسهله عدي كمل طريقك وشوف حياتك وانجح ولا تفكر ف ماضي ولي يتغير عليك هضا حال دنيا بني ءادم قلاب انت عيش ولا تذل روحك .
البخت .
18 Oct, 23:22
الظروف عمرها ماجبرت حد يبعد ولا يتغير عليك ف شي اسمه رغبتي فيك انتهت الظروف هيا بس سبله اي حد لقا غيرك ولا لقا لي يقضيله حاجته .
البخت .
17 Oct, 22:43
وصلت بيا مرحله عادي انه كل الناس تشوف فيا بحياتها غلط عادي نا موافق انتو كلكم الصح ونا الغلط لأنه حرفيا معندش خلق نعاتب انسان .
البخت .
16 Oct, 22:30
الزعل يخليك ساكت لا تهتم ولاتعاتب ولا مستني حد اصلا يطيب بخاطرك وتقعد بعيد لعند الوقت يخليك أحسن يا تنسى وتبلط يا دير روحك ناسي وتتعايش وخلاص لاكن الأكيد مستحيل ترد زي قبل .
البخت .
16 Oct, 11:58
ميفهموش انك تمر بفتره صعبه كلها تعب وضغط وعليك من كل نواحي كل لي يفهمووه انك قعدت متوحد ونكدي ومعش فيك جووتغيرات عليهم ومقعدتش زي قبل .
البخت .
14 Oct, 22:49
ووانت ف أسوء ظروفك ركز من لي معاك ومن لي يشوف ف شي الحلو لي فيك وحتى وانت الغلطان وحتى اكبر غلطاتك ركز من لي بيسامحك ويقدرك وحتى وانت مختفي ومتبش تشوف حد ركز من ليسأل ويطمن عليك ركز من لي معاك ف اوقاتك صعبه هما لي بيقعدو ديما معاك .
البخت .
13 Oct, 22:22
أنا شخص صابور جدًا يعني مستحيل نفارق حد ونصكر عليه بسبب موقف واحد بس انا ديما نهلب ونمشي الدينا نخترعلك اعذار عشان ما نزعلش منه بس لو لقيتني مره واحده مشيت اعرف انه مش بسب اخر موقف لكن هذي نتيجه تراكمات الواجد لي صارآ منك ولو وصلنا للمرحله هذي اعرف انه خلاص زقتت منك .
البخت .
12 Oct, 22:12
ما تحكي عن شخص انه كويس بشكل عام قول انه كان كويس معاي اليوم صدقني النفوس تغير والمحبه مؤقته والناس اغلبها تعامل مع بعضها ع حسب احتياجتها ومزاجها يجيك يوم تكرهك العشره والغلطه معاهم مصيبه ف موقف ينسو كل شي درته عشانهم لي يتعامل ع حسب مزاجه انساه ولي يتغير عليك بدون سبب عادي انساه زبده ماتضيقش روحك فانيه راه .
البخت .
11 Oct, 22:03
مرات لازم تهون عليك عشره بدل ماتهون عليك نفسك العشره تعوض عادي وزي ما درتهم دير غيرهم وزي ما درت معاهم ذكريات دير معا غيرهم لكن لو نفسك هانت عليك بتعيش وانت مكسور ومقهور لما تلقاهم يديرو معاك ف الغلط وبتهون عليهم لي هوا انت جيت ع نفسك وماهنش عليك عشرتهم لكن انت هنت عادي عشان هكي اعفس ع عشرتهم وكمل لأن العشره لي مايصونهاش الطرفين عشره فاسده .
البخت .
11 Oct, 09:10
مفش اسوء من احساسك وانت وجعتك روحك ف اليل وانت تبحت ف سقف الدار وتبدا فقرة المشاكل لي مابين عقلك وقلبك وجدال ينتهي بسؤال من ٣ حروف .
البخت .
10 Oct, 00:08
بعد تقعد فتره بدون وجود حدفحياتك بشكل يومي حتلقى روحك مش محتاج حد والأغرب من هكي تقعد مش متحمل وجود حد بشكل يومي ولا حد الكلام معاه يقعد مستمر طول اليوم بتقلي مكلامتك اشويه والشات فاضي حتى رغبتك ف اكتشاف غيرك ولا حد يهتم بيك مش معبرها هضا مش اكتئاب ولا حاجه شينه هضا من احسن مراحل لي ممكن توصلها فحياتك .
البخت .
08 Oct, 22:44
مجربين احساس انك تقعد مش كويس ومتبش حد يعرف انك مش كويس وفنفس الوقت محتاج حد تحكيله انك مش كويس فاهمين حاجه ؟.
البخت .
07 Oct, 00:12
خلي سرك لروحك وماتخذش راحتك بكلام مع اي حد كان من كان لي معاك اليوم بكره بيقلبوو عليك .
البخت .
05 Oct, 04:24
ارقد وماتزعلش من قسوة الحياه ومايلة الدنيا عليك بكره تنوض تلقى ربك مختارلك الأصح والصالح لك ومراضيك .
البخت .
02 Oct, 23:23
حال غايتي نههـلب خفيف ظريف
ومايشيل همي من خلايق واليي
-
ويحين الرحيل ونا عفيف شريف
طاهر امنقي من الاعمال حلالي .
ومايشيل همي من خلايق واليي
-
ويحين الرحيل ونا عفيف شريف
طاهر امنقي من الاعمال حلالي .
1,509
subscribers
19
photos
3
videos
