🇮🇹 Rowaýatda aýdylşy ýaly, ölüm jezasy berilen Rimli Kimon, höküm ýerine ýetirilýänçä türmede saklanylýar.
Kimon naharlanmasa şeýle-de öler diýip, oňa nahar bermegi bes edýärler.
Onuň gyzy Pero kakasyny her gün baryp görmäge, arassalamaga, suw içirmäge rugsat berilýär, emma oňa nahar getirmek gadagan edilýär.
Ýaş çagasyny emdirýän Kimonyň gyzy, açlykdan horlanýan kakasynyň ejir çekişine döz gelip bilmän oňa gizlinlikde öz süýdüni bermeklige karar berýär.
Şol döwürlerde ululary, ene-atasyny emdirmek gaty günä hasaplanypdyr. Ýöne gyz öz janyny töwekgelçilige salyp, kakasyny halas etmek üçin ähli zatdan geçýär.
Bir aý geçýär, ikinji aý geçýär, ýöne ýaşuly açlykdan ölmeýär. Gözegçiler ony yzarlamaga başlaýarlar, gyzynyň kakasyny süýdi bilen emdirýändigini görýärler. Bu ýagdaýy kazylar mejlisine habar berýärler. Kazylar gyzyň eden hereketine haýran galyp, hem gyzy, hem-de kakasyny bagyşlaýarlar. Şeýlelikde, gyz öz janyny orta goýup, kakasyny halas edipdir.
“Rim rehimdarlygy”, Rubens, 1616. Ermitaj.