အောက်တိုဘာ ၂၁ ၊ ၂၀၂၄
ရန်ကုန်တိုင်းပြည်သူ့ကာကွယ်ရေးအဖွဲ့ ဖွဲ့စည်းတည်ထောင်ခြင်း (၃)နှစ်ပြည့် အခမ်းအနားများကို ရန်ကုန်တိုင်း ပကဖ လက်အောက်ရှိ တိုက်ခိုက်ရေးတပ်ဖွဲ့များနဲ့ ခရိုင်အဖွဲ့များက အောက်တိုဘာ ၂၀ ရက်က သက်ဆိုင်ရာနေရာအသီးသီးမှာ ကျင်းပပြုလုပ်ခဲ့ကြပါတယ်။
ရန်ကုန်တိုင်း ပကဖ တာဝန်ခံ ရဲဘော်နောင်ရိုးက တိုက်ခိုက်ရေးတပ်ဖွဲ့(၄) ၊ တိုင်းဒုတာဝန်ခံ (စစ်ရေး) ရဲဘော်မင်းရန်နိုင်က တိုက်ခိုက်ရေးတပ်ဖွဲ့(၃) နဲ့ ခရိုင်တာဝန်ခံများက သက်ဆိုင်ရာခ ရိုင်တပ်ဖွဲ့များရှိရာနေရာများမှာ အသီးသီး ပြုလုပ်ခဲ့ကြတာဖြစ်ပြီး ကာကွယ်ရေးဝန်ကြီးဌာနမှပေးပို့တဲ့ သဝဏ်လွှာ နဲ့ ကာကွယ်ရေး ဒုတိယဝန်ကြီးနိုင်ကောင်းရွတ်ထံမှပေးပို့တဲ့ သဝဏ်လွှာတွေကို ဖတ်ကြားခဲ့ကြ ပါတယ်။
တိုက်ခိုက်ရေးတပ်ဖွဲ့ ၄ မှာ ပြုလုပ်တဲ့ ရန်ကုန်ပကဖတည်ထောင်ခြင်း (၃)နှစ်ပြည့်အခမ်းအနားကို တိုင်းတာဝန်ခံ ရဲဘော်နောင်ရိုး နဲ့အတူ မွန်ပြည်နယ်ပကဖတာဝန်ခံ ရဲဘော်ရန်ကျော်၊ ဧရာဝတီတိုင်းပကဖ ဒုတာဝန်ခံ(စစ်ရေး)ရဲဘော်ဂျိုကာ၊ ရန်ကုန် PDF ၅၁၀၁ တပ်ရင်း-တပ်ရင်းမှူး ရဲဘော်ဩကာသနဲ့ ဖိတ်ကြားထားတဲ့ ဧည့်သည်တွေ တက်ရောက်ခဲ့ကြပါတယ်။
ဒါအပြင် ၃ နှစ်ပြည့်အထိမ်းအမှတ်အဖြစ်ကျင်းပပြုလုပ်တဲ့ အမျိုးသားသေနတ်ပစ်ပြိုင်ပွဲ၊ အမျိုးသမီးသေနတ်ပစ်ပြိုင်ပွဲနဲ့ အမျိုးသားပိုက်ကျော်ခြင်းပြိုင်ပွဲ ဆုရရှိသူတွေကို ဆုချီးမြှင့်တာတွေလည်း လုပ်ဆောင်ခဲ့ကြပါတယ်။
အလားတူ တိုက်ခိုက်ရေးတပ်ဖွဲ့၃ မှာ ကျင်းပတဲ့ အခမ်းအနားကို စစ်ဒေသတပ်ရင်းတပ်ဖွဲ့များမှ တာဝန်ရှိသူများ၊ တိုင်းရင်းသားမဟာမိတ်အဖွဲ့အစည်းများမှ ဧည့်သည်တော်များ တက်ရောက်ခဲ့ကြပါတယ်။
ရန်ကုန်အနောက်ပိုင်းခရိုင်ပကဖ ကတော့ မြို့နယ်ပကဖတွေကို ဖိတ်ကြားပြီး ရန်ကုန်ပကဖတည်ထောင်ခြင်း ၃နှစ်ပြည့်အထိမ်းအမှတ်ပွဲကို zoom meeting ကနေ ပြုလုပ်ခဲ့တယ်လို့လည်း သိရပါတယ်။
#SpringRevolution
#PVTV
#PVTVNews
#PVTV Telegram Channel -https://t.me/pvtvmyanmar
#PVTV ၏ ရုပ်သံအစီအစဉ်များကို PVTV ၏ Youtube Channel ဖြစ်သော https://youtube.com/c/pvtvmyanmar တွင် ဝင်ရောက်ကြည့်ရှုပေးခြင်းအားဖြင့်တော်လှန်ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။