#رسالة_إلى_زملاءنا_بالمرحلة_الأولى
ابدا مو عيب إنك تكون طالب مرحلة أولى
ابدا مو عيب إنك ما تعرف كل اجواء 《الجامعة》
مو عيب إنك تكول 《أستاذ》 بدل 《دكتور》
مو عيب إنك ما تعرف شتسوي اول ايام الكلية
مو عيب إنك تشيل وياك اكثر من ملزمة واقلام
مو عيب إنك تسمي الريست 《فرصة》
مو عيب إنك تكون في 《البداية》
مو عيب انك تكول الكوز (امتحان يومي)
مو عيب انك تكول الاستول (رحلة )
اني واحد من ملايين الطلبة الي دخلوا الجامعة
كل شي بالنسبة إليه كان غريب وجديد !
لكن بمرور الوقت والأيام اتعلمت ..
العيب إنك متريد تبحث ..
لا تتصور طالب مرحلة اعلى منك يسخر منك هو احسن منك !
مرات تشوف طالب واصل ومتقدم بس سخريته منك دليل كافي على جهلة وعدم ثقافته !
ماكو شخص بالعالم وصل لمرحلة بدون ما يبدأ من الصفر !
نقطة البداية أبد مو عيب بل هي واجب !
اخر نصيحة ؛
خلي عندك ثقة بنفسك وأبدأ بداية مختلفة
البس لبس محتشم وانيق , لاتتاثر بالافكار الهمجية الي يحملها البعض , خليك متزن واجعل الايمان يتوسد كل جوانب حياتك
لا تخلي احد يفرض رأيه المغلوط عليك
كلي ثقة باصراركم وان شاء الله تنالون ماتطمحون اليه 🤍