🇵🇸ሐምዱ ቋንጤ🇵🇸

✍
ጀነት ከላይ እየተጌጠች,
ጀሀነም ከታች እየተቀጣጠለች

በሁለቱ መሃል ሆኖ ተኝቶ የሚያድረው እንዴት ያለ አስገራሚ ሰው ነው??
/ይላል ከሰለፎች አንዱ/



https://t.me/hamdquante

✍
ከሰዎች አላህን አብዝቶ የሚታዘዝ ሰው ማለት፦
አላህን ማመፅ አብዝቶ የሚጠላው ነው!!
/አቡ በክር አስ_ሲዲቅ/







https://t.me/hamdquante

✍
    የዱንያ ምሳሌ……………

📖{…فَجَعَلْنَاهَا حَصِيدًا كَأَن لَّمْ تَغْنَ بِالْأَمْسِ…}
{…ትናንት እንዳልነበረች የታጨደች አደረግናት…}


☝️ላ ኢላሃ ኢለላህ!!
እቺ ናት ዱንያ
   ስንት ዓመት ተደክሞ, ስንት ትግል ታግሎ, ስንት መከራ እና ስቃይ ተጋፍጦ የተሰበሰቡ ሚለየኖች ይኸው በጥቂት ደቂቃዎች ውስጥ ብቻ ሁሉም ትናንት እንዳልነበረ ዐይነት ወደ አመድነት ተቀይሯል።

"ዱንያ ከሀዲ ናት" የሚባለው ለዚህ ነው። የለፋላት የደከመላት የማታውቅ ውለታ ቢስ ከሀዲ!!


ወንድሞቻችን አብሽሩ………
🤲አላህ በተሻለ ምትክ ይቀይርላችሁ!!
🤲በደረሰባችሁ ሙሲባም ይመንዳችሁ!!





https://t.me/hamdquante

✍
    ቁጣህን አንሳና እዝነትህ ላክልን
በዳይ አጥፊዎች ነን ዐይተህ እለፍልን!!



🤲ረሕማከ ረበና🤲
https://t.me/hamdquante

✍
አትዘን!!

ምክንያቱም፦
ትናንትና ብዙ አዝነህ ዐይተኸዋል: ግን በማዘንህ የተቀየረ ነገር አለ??

ንግድህ ከስሮ አዝነሃል: ከዝያ ተርፎልሃል?
አላማህ ተከሽፎ አዝነሃል: ከዝያ ተሳክቷል?
ያሰብከው ተበላሽቶ አዝነሃል: ከዝያ ተመልሷል?

ሀዘን…………
የትናንቱ ኪሳራህ ላይመልስ
የነገው ስኬትህ ላያመጣልህ
የዛሬው ደስታህን የሚሰርቅ ብቻ ነው።





https://t.me/hamdquante

✍
📖{وَآتَاكُم مِّن كُلِّ مَا سَأَلْتُمُوهُ…}
{የለመናችሁትን ሁሉ ሰጥቷችኋል…}
[ኢብራሂም:³⁴]


ከለመናችሁት "ከፊሉን" ሳይሆን {ሁሉንም}
አዎን…………
አላህ የለመንከውን ሁሉ ይሰጥሃል!!

ወይ ቀጥታ የፈለከው ይሰጥሃል፣
ወይም በእሱ አምሳያ ሙሲባ ይመልስልሃል፣
ወይም ለአኼራ ድልብ አድርጎ ያስቀምጥልሃል።
ከአንተ የሚጠበቀው መለመን ብቻ ነው!!



https://t.me/hamdquante

✍
  ወንጀሌን ሳስበው  ብዛቱ ያስፈራል
የአላህ እዝነት ግን  ከሁሉም ይሰፋል!!

   ያድነኛል ብዬ  ምለው ስራ የለኝ
እዝነትህ ብቻ ነው  ተስፋ የሚሰጠኝ!!





https://t.me/hamdquante

✍
    ላጤነት ስቃይ እንደሆነ የምታውቀው፦
ሚስቶች ከጀነት ፀጋ ውስጥ ተጠቅሰው ስታይ ነው!!

   ትዳር ፀጋ እንደሆነ የምታውቀው፦
ጀነት ውስጥ ላጤ እንደሌለ ስትረዳ ነው!!


📖{قُلْ أَؤُنَبِّئُكُم بِخَيْرٍ مِّن ذَلِكُمْ لِلَّذِينَ اتَّقَوْا عِندَ رَبِّهِمْ جَنَّاتٌ تَجْرِي مِن تَحْتِهَا الْأَنْهَارُ خَالِدِينَ فِيهَا وَأَزْوَاجٌ مُّطَهَّرَةٌ وَرِضْوَانٌ مِّنَ اللَّهِ وَاللَّهُ بَصِيرٌ بِالْعِبَادِ}
{ከዚህ ሁሉ የሚሻል ልንገራችሁን? በላቸው: (እሱም) ለእነዝያ አላህን ለፈሩት ጌታቸው ዘንድ ከስሮቻቸው ወንዞች የሚፈሱባቸው የሆኑ ጀነቶች፣ ንጹህ የሆኑ ሚስቶችም፣ ከአላህ የሆነ ውዴታም (በጀነቷ) ውስጥ ዘውታሪ ሲሆኑ አላቸው፤ አላህም በባሮቹ ተመልካች ነው።}
     [አል_ዒምራን:¹⁵]


📖{…وَلَهُمْ فِيهَا أَزْوَاجٌ مُّطَهَّرَةٌ وَهُمْ فِيهَا خَالِدُونَ}
{…ለእነሱም እሷ (ጀነት) ውስጥ ንጹህ የሆኑ ሚስቶች አሉላቸው፤ እነሱም እሷ ውስጥ ዘውታሪዎች ናቸው።}
  [አል_በቀራ:²⁵]






🤝ጋብቻ ይለምልም……ላጤነት ይመንምን!!
https://t.me/hamdquante

✍️
      ሁሉም በስራው ነው‼️

📖{كُلُّ امْرِئٍ بِمَا كَسَبَ رَهِينٌ}
{ሁሉም ሰው በሰራው ተያዢ ነው።}


💫ፊርዓውን በጀሀነም አዝቅጥ ሲቀጣጠል;
ሚስቱ ግን ከፍ ባለው ጀነት ትጠቃቀማለች።

💫ነብየላህ ኑህﷺ ከፍ ባለው ጀነት ሲጠቃቀሙ;
ልጃቸውና ሚስታቸው በጀሃነም ይቀጣጠላሉ።

💫ነብዩላህ ሉጥﷺ ከፍ ባለው ጀነት ሲደሰቱ;
ሚስታቸው ጀሀነም ትወርዳለች።

💫ነብዩላህ ኢብራሂምﷺ ከፍ ያለው ጀነት ሲወርሱ;
አባታቸው ወደ ጀሀነም እሳት ይወረወራል።

💫ነብዩ ሙሐመድﷺ በጀነት ሲነግሱ;
አባታቸው ጀሀነም ይገባል።

💫ዓልይ ወደ ጀነት ሲጓዝ;
አባቱ አቡ ጧሊብ ወደ እሳት ይነዳል።


ምክንያቱም፦         👇👇👇
{كُلُّ امْرِئٍ بِمَا كَسَبَ رَهِينٌ}
{ሁሉም ሰው በሰራው ተያዢ ነው።}


"ዘሬ መሰረቴ ከእንትን ነው” ብለህ አትታለል
    ማንነት የሚለካው በስራ ነው!!


👇  👇  👇  👇  👇  👇  👇
https://t.me/hamdquante

✍
የወጠንኩት ባይሳካ
ሊጡን ገና ባይቦካ

እንዳሰብኩት ባልጋግረው
ግን አይቀርም ለእኔ ያለው።


የዛኔ ግን ሁሏም አልፋ
ስኬት ለኔ ተንሰራፋ
ለሰው ልጅ ነው ዋናው ተስፋ!!



  🌌መልካም_ምሽት
https://t.me/hamdquante

✍
አንድ ሰው በሚሞት ጊዜ…………

በታሪክ ተሰምቶ የማይታወቅ የሆነ ሁለት ኪሳራዎች በንብረቱ ላይ ይከስራል። አለ

"ምንና ምን ናቸው ኪሳራዎቹ?"
ተብሎ ሲጠየቅ

"ሲሞት ንብረቱን በአጠቃላይ ይወሰድበታል;
ከዝያም
ስለ እያንዳንዱ ንብረቱ ይጠየቃል።" አለ
/የሕያ ኢብኑ ሙዓዝ/





https://t.me/hamdquante

✍
    ጊዜው…………

  ከምን ጊዜውም በበለጠ ሙስሊሞች በአንድነት ገመድ ተሳስረው ሊያብሩበት እና ሊጠናከሩበት አስፈላጊ የሆነ ጊዜ ነው።

ስለሆነም………
  ሙስሊሞች መሃል መለያየት እና መከፋፈል አምጥተው ለመነቋቆር ምክንያት ከሚሆኑ ነገሮች ሁሉ ርቆ:
  ሕብረት እና አንድነት እንዲመጣ ሊያግዙ በሚችሉ ነገሮች ላይ ብቻ ማተኮር የበለጠ አስፈላጊ ነው!!




https://t.me/hamdquante

✍
   የዩሱፍ ወንድሞች ከአባታቸው ጋ ጥቅም እንደ ሚያገኙበት ባሰቡ ጊዜ ለዩሱፍ፦
    "ወንድማችን" አሉት።

ልክ ጥቅሙ አብቅቷል ብለው ባሰቡ ጊዜ
   "ልጅህ" ማለት ጀመሩ።

በዚች ዱንያ ላይ ብዙኃኖች ካየን አነጋገራቸው ከጥቅማቸው ጋ አብሮ ይቀያየራል!!


💫የምንወደው ሰው ሲታመም;
        "ፈተና ነው" ብለን;
የምንጠላው ሰው ሲታመም ደግሞ
      "ቅጣት ነው" እንላለን።


💫በምንወደው ሰው ላይ ሙሲባ ሲደርስ
   "መልካም ስለ ነበረ ነው" ብለን
በምንጠላው ሲደርስ ደግሞ
"ሰዎችን ይበድል ስለ ነበር ነው" እንላለን።


ወዳጄ……
የአላህን ውሳኔ በስሜትህ ልክ ለክተህ ከማከፋፈል ተጠንቀቅ።
  የአላህ ግርዶሽ ከልሎልን እንጂ ሁላችንም አንገት የሚሰብር ወንጀል ተሸክመን የምንዞር ነውረኞች ነን!!


🤲አላህ የተሻለ ለሆነው ይግጠመን🤲
https://t.me/hamdquante

✍
      ምድር………

“የሚፈፀሙብኝ ወንጀሎች፣ የሚደረጉብኝ አመፆች ከብደውኛል፤ አቅሜ አልቻለም።”
ብላ የምትንቀጠቀጥ ነው የሚመስለው።

  ጎርፍ
    ድርቅ
     አውሎ ነፋስ
       የመሬት መንቀጥቀጥ
                  የፀሀይ ግርዶሽ
ሁሉም ከአመፃችን እንመለስ ዘንዳ ማስፈራሪያ ናቸው።
ማን ነው የሚነቃው??




https://t.me/hamdquante

✍
    ዱንያ ላይ ሆነህማ አታስበው…………

ኢማሙ አሕመድ አላህ ይዘንላቸው ተጠየቁ፦

  "መች ነው የምታርፈው?" ሲባሉ
"ጀነት ውስጥ የመጀመሪያ ተረከዜን ሳሳርፍ" አሉ።


ዱንያማ………
   ከጫፍ እስከ ጠረፍ በድካም እና በእንግልት የተሞላች ናት።



https://t.me/hamdquante

✍
"ትክክለኛው የፈጣሪ እምነት እስልምና ነው, እኔ ግን አልችለውም………"


  እድሜዋ ከወጣትነት የተሻገረ ቢሆንም እሷ ግን "እምቢ አላረጅም" እያለችው እንደሆነ ንግግሯ እና ውጫዊ ገፅታዋ ያሳብቁባታል፤ አለባበስዋ ሸይጣን ለፊትና የሚፈልገውን ፕሮቶኮል ያሟላ ዐይነት ነው። እንደ ማንኛውም ደምበኛ አገልግሎት ፈልጋ መጥታ የምትፈልገው ዕቃ በመምረጥ ላይ ሳለች በመሃል……

"አክራሪ ሙስሊም ነህ ኣ?" አለችኝ
"እንዴት?" ብዬ ጥያቄዋ በጥያቄ መለስኩላት።
"ሴት አትጨብጥም ምናምን ኣ?" ብላ ሁለተኛ ጥያቄ አስከተለች።

ንግግር ላለ ማርዘም ብዬ "ያው………" ስል
"ባክህ እኔም ድሮ እንዳንተ ነበርኩ" አለችኝ።


አሁን ጨዋታው አጓጓኝና በፍጥነት እና በመገረም "እንዴት!?" ብዬ ጠየኳት።
ሳቅ አለችና "ድሮ በልጅነቴ ሙስሊም ሆኜ ነበር" አለችኝ።
አሁንም በድጋሚ "እንዴት?" አልኳት

  "ሰፈር አብረን የምንማር ሙስሊም ጓደኛ ነበረችኝ። በቃ በጣም እንዋደድ፤ ብዙ ጊዜም አብረን እናሳልፍ ነበር። እናም እሷ የምታደርገው ነገር እየማረከኝ እኔም ሙስሊም ሆንኩኝ።" አለችኝ

"እሺ ከዝያስ?" ብዬ አሁንም በጉጉት መጠየቄ ቀጠልኩኝ
"ከዝያማ እኔም እሷም ሁለታችንም ኒቃብ ለበስን፣ ወንድ አንጨብጥም አልን፣ ከቤተሰብ ከሁሉም ተጣላሁኝ። ሁላቸውም ይቅርብሽ ሲሉኝ እምቢ ብዬ መኖር ጀመርኩኝ። እንደውም ኡስታዝ… …… ጋ ነበር የምንቀራው" ብላ አዲስ አበባ ውስጥ ከሚታወቁ ኡስታዞች የአንዱ ስም ጠራችልኝ።

አሁንም ሳቀችና "አሁን ራሱ ቁርኣን መቅራት እችላለሁ ልቅራልህ?" አለችኝ።
"ኣኣኣይ መጀመሪያ ታሪክሽ ጨርሽልኝ" አልኳት።

"በቃ ሌላ ምንም ታሪክ የለም: የተወሰነ ጊዜ ከቆየሁኝ በኋላ በጣም ከበደኝ" አለች
"ምኑ??" ስላት
"በቃ እስልምና ውስጥ "እንዲህ አድርጉ፣ እንዲህ አታድርጉ" የሚባሉ ነገሮች ጠንካራ ሰው ከሆነ እንጂ አይችላቸውም። በቃ ሴት ከሆንክ ከወንድ አታወራም፣ በቀን አምስት ጊዜ ይሰገዳል፣ የማይፈቀዱ ነገሮች ከሰራህ አላህ ይቆጣል እኔ ደሞ ዘና ብዬ መኖር ነው የፈለኩት። አሁን ሙስሊም ብሆን እኮ ሱሪ ለብሼ አልወጣም ነበር" ብላኝ አሁንም ትስቃለች።


እኔ ግን የሆነ በቃ አሳዘነችኝም ደበረችኝም………
"ኣኣይ እንዳልሽው ለሰው ልጅ የሚከብድ የሆነ ትዕዛዝ የለበትም፤ ግን ደግሞ በዘላለማዊው ሀገር ደስተኛ ሆነሽ ለመኖር በዚች ሀገር ላይ የአላህ ትዕዛዝ ማክበር አለብሽ ነው።" አልኳት

"አውቃለሁ ትክክለኛው የፈጣሪ እምነት እስልምና ነው!! እኔ ግን ትዕዛዞቹ ከብደውኛል" አለችኝ

"እና እንዲው መቀጠል ነው የምትፈልጊው?" አልኳት
"ለወደፊት ፈጣሪ ያውቃል አሁን ግን ዘና ማለት ነው ምፈልገው" አለችኝና………

"አሁንማ ብታይ አንድ ወንድሜ ሙስሊም ሆኖ: በቃ እንዳንተው አክራሪ ሆኗል፤ ሴት አይጨብጥም፣ ሴት አያወራም: እንደውም አምጥቼው አስተዋውቅሃለው።" አለችኝ


  ቦታው የስራ ቦታ እንደመሆኑ ሌላም ደምበኛ እየመጣ ምናምን; እኔም የሆነ የአስተሳሰቧ ድክመት ስለ ደበረችኝ ከዚህ በላይ ማስረዘም አልፈለኩም። መመለሷ ላይቀር ተለያየን።

ከቅናቻ በኋላ ከመጥመም
ከብርሃን በኋላ ከሚመጣ ፅልመት
     🤲አላህ ይጠብቀን🤲
[ከፈረሳው በፊት የተከሰተ የግል ገጠመኜ ነው]




🖊አቡ ሙSሊM ሐምዱ ቋንጤ!!
https://t.me/hamdquante

👇

✍
  በዚህ ዘመን በደዕዋው ዘርፍ ላይ ያለው ምቀኝነትና ክፋት በዱንያ ጉዳዮች ላይ ከሚታየው በሽታ በጣም የራቀና የባሰ ነው።
  አላማችን ዳዕዋውን ማስፋት ከሆነ ለምን እንበላላለን ይሄ ብንደብቀው እንኳ የማይደበቅ አሳፋሪ ግን በገሃድ የሚታይ ነውር ነው።

   በግል ጉዳይ በሆነ ወንድሙ ላይ ያቄመው ሁላ በደዕዋ ሽፋን  እየጮኸ ህዝብ ማደናገር በጣም የተለመደ ሆኗል። ወንድሜ በዚህ ዘመን ያለው እንቅፋት ብዛት በርብርብ ለመጋፈጥ እንኳ የሚፈትን ነው። ትብብሩ ቢቀር አንዱ ሌላውን ከደዕዋ መስክ ለማውጣት አለፍ ሲልም ለማጥፋት መነሳት ግን ለደዕዋው እዳ መሆን፣ ተያይዞ መክሰም ነው የሚያስከትለው። ከፍትጊያው መጨረሻ ደግሞ የሚያተርፈው ሌላ ነው።

ስለዚህ………
    ከወንድምህ ጋር እጅ ለእጅ ተያይዘህ ክፍተቶችን እየተራረምክ ተደጋግፈህ ለመጓዝ ሞክር። ይሄ ካልሆነልህ ከነ ድክመቱ እያስታመሙ የሆነን ቀዳዳ እንዲሸፍን መተው የተሻለ ሊያተርፍ ይችላል።

ልትሰብረው ወይም ከደዕዋው ዘርፍ አሽቀንጥረህ ልታስወጣው ከመነሳትህ፣
ልቡ ባንተ እንዲያዝን ከማድረግህ በፊት
    ደግመህ ደጋግመህ አስብበት።
 

https://t.me/mesjidalteqwawenabo
👆
👇
https://t.me/hamdquante

📖{…وَعَسَى أَن تَكْرَهُوا شَيْئًا وَهُوَ خَيْرٌ لَّكُمْ وَعَسَى أَن تُحِبُّوا شَيْئًا وَهُوَ شَرٌّ لَّكُمْ وَاللَّهُ يَعْلَمُ وَأَنتُمْ لَا تَعْلَمُونَ}
{…የሆነን ነገር ለእናንተ የተሻለ ሆኖ ሳለ ልትጠሉት ትችላላችሁ: የሆነን ነገር ለእናንተ ክፋት ሆኖ ሳለ ልትወዱት ትችላላችሁ፤ አላህ ያውቃል: እናንተ ግን አታውቁም።}
  [አል_በቀራ:²¹⁶]


ይህንን የአላህ ማስታወሻ የተገነዘበ ሰው፦
💫መልካም ነገር ሲገጥመው በደስታ ፈንጥዞ ድንበር አያልፍም።
ምክንያቱም፦
  ከጀርባው ምን እንዳለ አያውቅም!!

💫መጥፎ ነገር ሲገጥመውም ተክዞ በሀዘን ድንበር አያልፍም።
ምክንያቱም፦
  ከጀርባው ምን እንዳለ አያውቅም!!






https://t.me/hamdquante