🌙🕌 Ramazanda sağlam qidalanmaq sağlamlıqdır!
Ramazan ayında oruc tutanların ən çox maraqlandığı məsələlərdən biri də qidalanmadır. Bu barədə İnsanoid komandası sizin üçün araşdırma aparıb.
Nə qədər su istehlak edilməli, yemək fasilələri necə olmalıdır, sahur və iftarda nə yeyilməlidir kimi bir çox suallar bu ayın gündəmində olacaq.
Həkimlərin hazırladığı təkliflərə nəzər salaq:
"Sağlam həyat tərzinin əsasını balanslı və adekvat bəslənmə təşkil edir. İlin geridə qalan 11 ayında verilən qidalanma tövsiyələri də Ramazan qidalanmasının əsas hissəsini təşkil edir. Oruc tutanların ay boyu sağlamlıqlarını qorumaları çox vacibdir. Bu səbəblə ən azı 2 balanslaşdırılmış yemək planlı və kafi olmalıdır. Daim su içməli və nizamlı fiziki məşq etməliyik."
🔹 Su sərfiyyatı necə olmalıdır?
Mədəniyyətimizdə mövcud olan zəngin Ramazan süfrələrini hazırlayarkən tərkibinə kompleks karbohidratlar, sağlam yağlar və zülal qaynaqları daxil etməliyik. Gündəlik su tələbatını ödəmək üçün iftardan sahura qədər su içməyi unutmamalıyıq.
🔹 Nümunəvi imsak menyusu
Sahur menyumuzda yumurta və süd məhsulları kimi qidalar və ya şorba kimi yüngül qidalar qəbul etməli, yeməklər arasında su içməyi də unutmamalıyıq. Tam taxıl çörəyi, yulaf əzməsi, yağlı toxumlar, yüksək lifli tərəvəz və meyvələr toxluq müddətini uzadacaq, gün ərzində enerjimizin azalmasının qarşısını alacaq və qan şəkərimizi balanslı saxlamağa kömək edəcək. Çay və qəhvə kimi tərkibində kofein olan içkilər yerinə tez-tez bitki çayları istifadə edə bilərsiniz. Bundan başqa, sahurda xüsusilə duzlu qidalardan uzaq durmaqda fayda var.
🔹 Nümunəvi iftar menyuları
İftar menyusunda maye və yumşaq qidalardan başlayaraq zülal əsaslı, az yağlı yeməklərə üstünlük verilməlidir. Qırmızı və ya ağ ət, süd məhsulları, göbələk, paxlalılar və soya kimi bitki və heyvan qidalarından istifadə etməliyik. Həmçinin unutmayın ki, bişirmə üsullarına diqqət yetirməklə həzm problemlərinin qarşısını ala bilərsiniz. Əgər tez-tez həzmsizlik və şişkinlik problemi yaşayırsınızsa, yeməkdən sonra fiziki fəaliyyətinizi artırmağa diqqət edə bilərsiniz.
İftar menyusu nümunəsinə aşağıdakılar daxil ola bilər: yarım kasa şorba, zülalla zəngin az yağlı əsas yeməkdən 1 porsiya, zeytun yağı və qoz-fındıq ilə zənginləşdirilmiş salat, qatıq və ya ayran, tam taxıl çörəyi və ya tam buğdalı makaron.
🔹 Ramazanda şəkər istehlakı necə olmalıdır?
Ən vacib məsələlərdən biri, təbii ki, şəkər istehlakıdır. Artan şirinliyi nəzarət altında saxlamaq üçün daha yüngül ləzzətlərə müraciət edə bilərsiniz. Məsələn, yalnız meyvə şəkəri və kompotlar, südlü desertlər, meyvəli desertlər üstünlük təşkil edə bilər. İftar və sahur arasında itirilən mayenin mümkün qədər əvəz edilməsi və lif qəbulunun əlavə edilməsi lazımdır. Qoz, badam, fındıq və balqabaq toxumu kimi qurudulmuş qoz-fındıq da kalium qəbulunuz üçün çox faydalıdır. Bu yağlı toxumları meyvələrlə birləşdirərək şirinliyi nəzarətdə saxlamaq mümkündür.
©️İnsanoid