«صہّفہَنہَُُهِ ْعہوَدِ»

نجوع ونستحي ما نطلب ارغيف
لأن عيب وهضيمه الياكل العيب

من گد ما چبيره جروحنه اشوف
عليهه من الطفوله مخضر الشيب

#نبراس الساعدي

ابلعها واشرب ماي وانت إعله ريجك
واحسبه لگمة عوز غلطة صديجك


الشيخ حاتم #المسرهد العبودي

‏اسف للاسف امنت بيكم
‏وعفت گلبي ابسهوله ابين اديكم

‏حيل استاهل الصار
‏خليت ايدي بالنار

‏محد چان جابرني عليكم

‏#حسن الخزاعي

لاتلوموني على حب الحسين
هيه تركض عالصدر چفيني

#رحيم المالكي

بكثر ما ملهوف لهاوي اشوفه
لو عاثر بجتال ابن أمي اعوفه


لو عندي ممدودات اربع جنايز
وبلا چفن وبضيج ما كله عايز

#ابو طاهر الجابري

كتولنه شيلو وشلنه اعليمن بعد تكشون منه

بسطو بينه بسعر الدنان وصاحو الچوم بيش ما چان

شنهي المعطلك ما تجينه وكلوبنه تدري حنينه

احنه تره نحبلك الزينه
من كون ناسي وانسينه
وديتلك ابنادم علينه

حسبالي لهمك كلبك ادوم
طلعت رسم عل الرمل مرسوم
منكعد اكبالك صاير تكوم
ثاري المحنه موش تعلوم

شسوه الگلبوب البيض عطاب
عل كلشي ماكو وشنهي الأسباب

وي ما نجي تكنسون بالباب
حته اليمر يدمر ارتاب

ابابكم محد حچالي
خليت دمعته تلالي
تريد الصدك انته حلالي
والبزر عند الناس غالي

#ماهر الجاسم

وين ابني اريد انخا يبسطلي ابن هاي

بلكت تجي امه تريد تتعاتب وياي


#سعد الجنابي

ليليه ادعي يخضر بجتفي جناح
ياخذني يمك بس اشوفك وارتاح


يرويحتي اقسم عليك شلونك
يكولون ذبلن مو هذيج عيونك
بعده الربيع يعيش بيهن لو راح

ليليه ادعي يخضر بجتفي جناح

وجهك شلونه المزدحم بالبسمه
وذاك السمار الما عرفنه نرسمه
يا غصن بعدك تنحني وي النسمه
لو كثره بروحه التجاعيد وطاح

ليليه ادعي يخضر بجتفي جناح


سولفلي عن ليلك الفوك اجتافك
يكولون فك حزنه ونساك وعافك
بعده البلابل تشتبه بشفافك
لو ذبلن وما عاد ذاك التفاح

ليليه ادعي يخضر بجتفي جناح

#نهاد الخيكاني

من الباب اجاني وكلت
بابي انه ما ينسد

وعزبته كتله هلا
ما سدلي باب بوجه
وبيبان گلبي شگد

بس للاسف بالغت
حسبالي تعبي حلو

انطيت كل الكحل
والجفن چان ارمد

والله انقهر ع التعب

و للاسف گلبي نقي
المفروض گلبي اسود

# عقيل العرد

من بعت سيارتي بليه مقابل
رحت يم ظابط مرور هناك سويت التنازل

ومن بعت ذيج السنه بفلسين داري
رحت بعد اسبوع اقرر بالعقاري

وهسه أسأل وين اروح
بعت روحي..

هم أكو عدنه دوائر خاص بتسجيل روح

# الكاطع

انا ابن الخايبه وما قللت هاي
من عزمي وحميتي وصوتي من صوت

وطن تذبح بخوتي ومستعز بيك
اموت وخلفتلك واحد يموت

ماعندي شبر بترابك وشوف
گاعك شالت اسمي وفنه اليفوت

ومو من هسه ابشرك طاگنه الضيم
لعبنه ايجار حتى ابيت البيوت

المرحوم جبار رشيد ،

طير وشاف جنحانه
‏شال الناس كل الناس
‏وآنه وياچ خلانه

‏تعبان اشكثر تعبان وانتي وياي تعبانه
‏رجعنه امن المحطه بليل
‏چنه وجوه دفانه

#‏كاظم اسماعيل گاطع

چان عدهم شجرة بالحوش مال البيت وياخذ البطل مال الشرب مالته ويصعد ع الشجرة ويشرب وفد يوم داخ ووگع هو والبطل وانجرح خشمه بس ما خله البطل ينكسر
والدته گاعده وتشوف وهي ملاية وتشعر فصاحت :

( كون بطيلك سالم خشمك شلك بيه )



الشاعر الذي كتب..

يگولون غني بفرح وانا الهموم غناي

بهيمه زرعوني ومشو وعزو عليه الماي
نوبه انطفي نوبه اشب تايه بنص الدرب


#جبار الغزي

الوحشه موش وياك من امشي زاتوت

من ارد راح يصير هجمان البيوت

#حسين حليحل

ااه يا هواهم ....

بأول أيامه شكثر دللنه

متبدل بطبعه الوكت
لو احنه لتبدلنه


#سيد~عريان

اصبحن مرمودات غوش من الدموع
يتهاملن والشوف چن شمعه وتموع

قحطان آل هدهود الخزعلي

تعال الحگ
المحطة المايمرها الريل
تهدم روحها وتزهگ
تعال الحگ

#محسن الخياط

غيره وضمير الناس مرضه وبالفراش ؟
والعدل حي دفنوو والحگ بالنعاش!

المرحوم الشاعر سيد احمد البو غنيمه

بسم غيري صحتلي وما زعلت وياك

وتحاسبني اعله كلمه العام حاجيه.

#سيد راضي الموسوي

انتي حقچ ناسيه يا ذكريات
‏لكن انه شلون شينسيني !!

‏ما تِذكرين الليالي الباردات
‏بحضني من تدفين وتدفيني !!

‏چذبيتي وهيه شنهيه الحياة
‏حتى تخلص بالچذب يا عيني !!

‏
#صاحب الضويري ⁩