يا حلوة بس ممكن سؤال
وتجاوبي من غير تهربي
تديني رد يقنع هواي
واوعك عليا تكذبي
ليه الغرام الفي جواي
عاملاهو لعبة بتلعبي
واشواقي عندك ما بتهم
ولا حتي حبه بتتعبي
ليه السكوت عند الكلام
وبدون سبب تتعصبي
ونا شايل الريد ليك براي
بي كل بساطة بتهربي
كل الحنين والاهتمام
مفترشو ليك تتقلبي
ليه ما بتقدري بس هواي
وتحاولي مرة تقربي
ليه ما بتصارحيني وخلاص
وقليبي يكفي تعزبي
ما دايرة ترحلي من جواي
ومصرة قلبي تغلبي
مرات احس فيكي الوداد
مرات شعوري تكزبي
ونا ما حصل كزبت ليك
ليه بس فؤادي تعزبي
ما تكوني واضحه في موقفك
تديني رد ما تهربي
ما تخافي اني ح اتجرح
الجرح خير من تلعبي
ماف داعي اتعشم وراك
والحلم جواي تسلبي
خليك شجعاعة وقولي لي
رايداني ولا بتلعبي
🌸🍃