شعر مكتوب

.

دكت زماني وياي مامش مثلها
مثل التحب جتال عمها ورجلها

زماني حيل عتعتني .... وعتبي
بضيم ومن صغر روحي وعتبي
بعد ميفيد كل لومي….. وعتبي
خذه حيفه الزمان وخان بيه

نكرني الي زمطلي وانتچالي
وعلة ربي اعتمادي وانتچالي
سيل انة يدهري وانت چالي
اهدمك من يگب الزود بية
#الراحل
#عريان_السيد_خلف

اشتري الغالي ولاتدور الرخيص
الرخيص يبيع ربعه لو عله
واترك الي مو على العشره حريص
الما يقدر خووتك لا تدلله
واحفظ اسرارك تحت زر القميص
غير صدرك بير لا تأمن اله
الحكيم الى على اوضاعك بخيص
يمه محلوله .. تلاگي المعضله
والفضولي الي على اوضاعك شخيص
تدري غاياته وتعرفه من اوله
وعوف المعوز ادب يبقى نگيص
هذا تدري ادواه تركه اتجاهله
طاحت ايامي عليي طيح الگنيص
طيحة المسحاة فوگ السنبله
ودام من خيط الامل يبقه بصيص
ودام بعيون الخلگ نلگه هله
،،(نشتري الغالي ولاندور الرخيص)
(سعره بي الغالي يبقه شما غله)
كلام ولا أروع

الدهر مثل الرسالة دوم يجرا
سطرني وخله دمع العين يجرا
أخبرك بالذي مكتوب يجرا
القدر ما يمنع الكاين عليه

ولا تهددني برحيلك..اني ميت من عرفتك لا تخاف ،،
بابك من تسده ربك لا بد يفك ليه باب
يشهكة مستحه بزفة عرس مسجون
خذوهه الجانت بمگفاه تسد الباب
يشجرة وكاتب عليهه الكتبته عليك
بوكت يوصل خصرهه ويخجل الحطاب
مراد السيف رگبه النفس نص تابوت
دعاء الدم يأذي الغافي وسط گراب
الما ضايك لبنهه بواهس من يگود
ذبيحه ومن جدمهه يجرهه للكصاب
گلت بالريش ..بس كلهن ولا بالريش
بگلبي وچذبت من گلت ظلي انصاب
عاشرت الكرهني وجنت ازامط بيك
گلت لو عافني يتانيني وانطي اسباب
اول ما درت وجهي انته درت العين
ع اليكرهني والله وصرتو هسه احباب
وانا حته بحلم ما اعاشر الكرهوك
راعي بشوگي الك ما عندي وجه ذياب
ضوجني ..ارد اعوفك حته احس بالشوگ ،،
العشگ لوما مذلته لهسه ما ينهاب
وعاشر غيري ..وامشي گبالي..واضحك حيل
اريد احرگ بروحي بفشلتي وانعاب
وسهرني مثل ذاك البچفه يموت اخو
ود وبليل ما بي حته وجه غراب
انا استاهل لان وجه الگفه يرد روح
اذا طاري الاكرهه گبالي ما ينجاب
انا بحلگ الشمس جبت العمر بردان
بس احترگ لو گالو حبيبك ذاب
بحضن واحد بگصته چفوف اليغمون
وسطرات ورزايل من طلع لو طاب
ضميت وتعبتني واجرتلك بير
بي واهس نبي لو خوته كرهو شاب
وانه ارجع واگلك صوچ اليعزون
ما عرفوني واني بوجهي ماكو نگاب
وقروهه الفاتحه عله العرس..عل التشييع
ما ادري وبصدري حروره مال صواب
الرسايل من عفتهن يمك ادري تخون
مثل ما ادري وجهك يحله بس تراب
يالمبچيني ما تدري الحزن مو عيب؟
الجنازه التثگل عله الچتف تهوه عتاب
خذاك الجان يحلم عمره يمشي وياك
الجنت لو شفت وجهه بوجهه وتسد باب
الچنت ما منتبهله بحضنه هسه شلون
تنام الليل يالماتعرف السرداب؟
يتربيتي وتعب عمري ودمع جيلين
يواهس ضحكتي ويا گمر عيني الغاب
لتأذيني..اذيتك الغيره تريد
واحد من يحب لازم يأذي الحاب

ابو_ذيات

وحك حضن الحنينه المسج ودار
لفص عيني سهم فركاك ودار
ابكفاي اسمع صداك اثبتت ودار
كلبي اوفرفحن مكلوب اديه.
.......................................

الوكت يسمت وجف جفاك هاييت
حبل عكلي لما بالخيط هاييت
الشمس ترجي واكل لليل هاييت
هله بمضمام المعسارات بيه
.........................

وسليمان وعرش بلقيس والطور
وحك النزل حدر الكاع والطور
انه خلافك غريب الحال والطور
قفل ومزنجر المفتاح بيه.
.........................................

مناجل هجرك منلكلب يردان
بتوته وكامن مندماه يردان
اعصرج وارجع امسح بيج يردان
ولاخلت عيوني تبان بيه.
..................................

مثلي ما نبض دلال بدماي
إذبحتني او لاغت العسلان بدماي
صحتلك من يجن الليل بدماي
اعله دمي لا هلي ايداعون بيه.

........................................
عَلَي محرب شلك وياي يابين
توكَف دون خيط الشمس يابين
الجروح الخلّفتهن ولِد يابين
الزغير ابجال ولده كسر فيّه.
..................................

اناشد زغب جنح الطير علما
نشد من زنجر البلعوم علما
نزف جرحي او رفع للموت علما
او ركَد علمه ولا للراح جيه.
.....................................

انه الوكته غفل وبليل جاما
وحطّه ابرحّة التنور جاما
شفتني اتلوج بيه النار جاما
شلتني و لحّكت عالظال بيه.
......................................

علَي كلبي نحيش الطفل ينحيش
و انهره او مثل حش العود ينحيش
يكلبي الما يعين الطير ينحيش
ثكل ظلة هوه المجفين بيه.
......................................

يحاديهم لوين ادبرت ونحيت
كلت جفني وراك الريح ونحيت
عمر كَضّيت افت بالصخر ونحيت
أوجوه الصار مكَفاهم عليه
.........................................

هفه يوتار ماغيري لـــــــــهمجان
وغذاجن من لحم ظهري لهمجان
السهام المالكت بيه لــــــهمجان
انبتت فوك السهام الاوليه.
........................................

أون وادرك اطراف الليل وآناه
إمناوب( آ ) يصيح البوم وآناه
عَلَي هد السهر والدمع وآناه
خلكَ ثجله او مرارة ريج بيه
....................................

الكبير عباس العبادي

اصبر بيش جرحك من يلمني
وعلى اللايم شردن من يلمني
انا مطشر بشوكك من يلمني
بجيت وطاحت دموعك علية💚

(هي جم آه واموت)

هاي تاليها الجرح بية يعيش
وصل بية عذابك ماوصل

يابعد كلبي احتظر بية النبض
راح اموت اليوم بجروحي انكتل

راح اموت اليوم وبأاخر نفس
اسحبك دخان وبذكرة اشتعل

راح اموت وكون بجفوفك اطيح
حتى ملك الموت ياخذني بخجل

تنتهي الاشواگ لو مات البشر
وانه اموت وتنتشي اشواگك غزل

جبت دربي وياك عثرات وحفر
وية كل هذا وطريقك ماكمل

عطش همك ذبل بروحي الحياة
ردت من عندك ولو قطرة امل

اروي بيها احلام ذبلها الحنين
لكن انت هواي مستكثر تظل

شكد اكرهك يل صدك ميت عليك
ماكدرت شبيك تاخذني بعجل!؟

شكد اكرهك يلي بفراكك اموت
عفت حبنة يصير مرجوحة طفل!

والله اريدك روح لوخنجر تصير
اشبك الطعنات منك ماامل

والله اريدك حتى لومرك دهر
اجرعة وللموت احس جنه العسل

يل عشكتك نار تجويني واهيد
ومن بلاها تصير صفنات وملل

بس تخيل حزن كليبي اليشوف
حظة بالنضرات مكتوب الفشل

تدري عندي دموع لوهدهن عليك
چا عرفت الضيم بعيوني اكتحل

تدري عمري وياك خلصتة انتقام
من شبابي المات مايرجع عدل

كطع بية العشك وردات الشباب
بعد شمتاني انتظر شيب الوصل ؟!!

جنت اريدنك سند وتظل الي
مو تظلني بليل وتدور علل!!

صبر عمري سنين ضايع بالحجج
مثل عمة تريد من عاجر طفل

مثل عمية وتاهت ابنص الطريق
خرسة شافتها اشتظن كدرت تصل؟

هذا حالي وياك من كومة سنين
لانة صرنة ابيت لارحت ورحل

مر دخييييلك هية چم آآآه واموت
ارد اموتن شبگ ماموتن غفل

Channel photo updated

Channel created