قصص فصليه ♡ عراقيه ♡ حقيقيه

أحب هذا الهدوء إلي عندج وحنيتج ، أنا محظوظ بيج وَهج .
عضيت شفتي والإبتسامة شاگة حلگي ما أعرف شنو أرد عليه .
10
_ بس يكبر مُصطفى راح أسولفه عنك اهوايَّ
راح أسولفله
شلون القدر الغريب جمعني بـ أحسن شخص " صاحب الـ وَقار الغريب"
راح أسولفله شگد قصتنا مُميزة ، وشگد أنتَ أنسان وجودك غير كلشي بحياتي
عميد الدين أنتَ بنظري شي مستحيل أتعوض بي بيوم لو خسرتك .
27
_ وَهج
_ هـاا گـلبي
_ أندار فدوة الگلبج يا بعد كُلهم
_ ما نتحمل هيج كلام عُمدة أرحم بحالنا .
حسيته مثل المتوتر ومصاحبته حيرة طبگت حواجبي
وَهج : بيك شي
عميد الدين : جبتلج هدية بس ما أدري إذا تعجبج أو لا .
9
_ ياااا
_ وداعت اليااا إلي يحبها گلبي بس منج
_ شنو جايبلي وشنو المناسبة
_ بدون مناسبة رجال حب يهدي مرته بس خايف ما تعجبج .
طوقت رقبته بايديَّ
_ اصلاً أنتَ كلك تعجبني ، ما بالك لو جبتلي شي من ذوقك
_ ويلي ويلي .
14
طلعها بعلبة كانت قلادة مبينة مصنوعة خصيصًا إلي
من خلال التصميم مالتها ، كلشي بيها مُميز بيها ، منقوش عليها " أنيسة الروح "
أبتسمت و عيوني تتفحص جمال نزاكتها ، رفعها گدام عيوني
عميد الدين : شلعت گلب الولد بيها علمود يطلعها مثل إلي أريده
أختاريت كلشي هادئ بيها مثلج أتمنى أتعجبج
33
لزمتها بأيدي و رفعت أنظاري اله
_ مو مهم شلون تكون المهم أنصنعت بحُب منك حيل عجبتني .
اخذها مني ، رفعت شعري وگف ورايَّ يلبسنياها
درت وجهي اله من كمل تلبيسها نثر شعري حول أكتافي طبع قبلة علىٰ جبيني و أردف بكل حُب وهُيام .
_ " أنتِ إلي زدتيها جمال وَهج " .

صرت أعيش أحلى أيام حياتي والدنيا ضاحكتلي
واني بين عائلتي و زوجي و أولادي مُصطفى يمشي ويوگع
هستوه بدأ بخطواته الأولى و عميد الدين رايح عليه
بس مستحيل قل أهتمامه أتجاه سَند إذا ياخذ مُصطفى الحضنه
يخلي سَند بصفه ويبقى يسولف وياه وأبني سوالفه عبارة
عن كرة القدم شحجت الكرة وشصارت الكرة حتى بأحلامه يتحلم بيها .

بحيث بالعطلة ولا أشوفه ينهزم ويا زيد يروحون للملعب
وما يرجعون إلا للمغرب ، لو يطلعون بالليل ومأمنه لأن ويا زيد
مرات آدم هم أيروح وياهم وياخذ رائد وياه من أيشوف صفا تشتغل وأبنها مرات مايخليها تاخذ راحتها بالشغل .

أمنت عليها ويا آدم إلي عيونه ما أتشوف غيرها
أمنت علىٰ اسراء ويا ظافر إلي يگول دائماً هي صح خبلة بس أحبها و أداريها مثل عيوني
عاش الكُل اليوم بسعادة
بعد سنين من أفتقاد الفرح والأمان وكل شخص بينا
لگى أمانة و أتمسك بي ، وثمرة عشق كل طرفين كانوا النعمة الي رزقها النا رب العالمين هم " أطفالنا " إلي كملوا سعادتنه .
"ورائد بقى ذُكرى بقلوبنا وبقلب رونق للأبد"

خطيت اخر كلمات من قصتي بدفتر مذكراتي مبتسمة
بخط أيدي ، جملة أنگالت إلي أول مرة من العُمدة
وأني بقمة ضياعي بيوم من الايام وحسستني بالأمان
" ألمج من الضياع و أدليج الطريق " وكانت جملته أفعال ليس فقط كلمات لا معنى لها .

عِند انقاذِها لُقرّة عَينها بدأت الحكاية
وفِي اعماق وِقار الغَريب انتَهت الحكاية
كَان يَا مَكان .. وَهجٌ في ظلام
سوادٌ حالكٍ بأحكام
أمراةٌ قوية شديدة الصلابة.. لا تَخشى احدًا ولا تأبه
تعيشُ مَع كائناتٍ اشبَهُ بالغابة
إمرأةٌ مُضحية وَفـية
تبدأ مسارُ حَياتُها بالخَسارات ، وأول خَسارةٍ كانت هيَّ ، لرائدٌ شامخٌ قُتِل بأيادٍ خَفية .. فاصبحت تَخشى الخسارات ، وسعّت لحماية عائِلتُها من ايادٍ تَنوي الحِطام
بُمساعده الوِقار الغَريب ذَاك الرّجُل .. العَمد الصلب الجليد
الذي عَن الحقيقة لا يُحيد .. وبالاقتراب من الوهج لا يُريد
ولكن القدر انفًا على الكُل مُبيد .. وعلى الباطل يصبح عِربيد
قَويٌ رّضيٌ رَجُلٌ بَسيد ... وبالانقاذ هُوَ أديد
فارِسٌ شُجاعٌ رَفيد ... يَكَُّر كُل مَكارٍ لَكيد
وحياتُـه صقرٌ تائهٌ في سُحام ..
فَظَهر الوهَج امامُه بعد الظلام
مِن بَعد الليلُ الدامس الذي اقاده ..
ذاكَ الجليد الوَقِر الذي جعل غاليتَهُ فـي أياديه لا تخشى.. انسٍ ولا جَان
فَوقعت الانيسه في شباكِه ، شِباك الحُب ...
وِقار الغَريب الذي اصبح لروحها مَسكَنٌ وَحبيب ..
" الخُتام هو السلام من الآلام.. "

كَلماتٍ كُتبت بِعناية
وارضائكم هيَّ الغاية
جَف القلم وحُسمِت النهاية ..

" أبرونة الذمة "

❤️ النهاية ❤️

شكرا لوجودكم بالقناة 💓

الي عنده تعليق يدز هناه ❤️

✔️ عآبـــــد. @EEEIEEl

ارشيف لسهوله ايجاد القصص⭐️

اضغط على الرابط ويظهر لك اول بارت من القصه 🤍🌿

https://t.me/+Q8vvRebV35Q4Mjgy

#تفاعلكم_يسعدنه_ننشر_قصه_جديده_تصويت

تحياتي لكم احبتي 😘❤️

كل بداية الها نهاية حبيناها وتعلقنا   بيها لو  بقينا سنة نكتب ونقرأ فصولها هم يجي يوم وتنختم .

شكرًا الكم ✔️🦋

وجاكيته بأيده سحبني من أيدي عرفت شنو إلي أباله .
46
من عرف أحب المطر ، كل ماتمطر الدنيا يخليني
أعيش اجواء هذا الشي ، دخل للمطبخ سوا گهوة النا
وطلعنا وگفنا نشرب بيها ونستذكر ذكرياتنه
عميد الدين : الگهوة ، ومطر ، و عيونج هذا أحلى جو عندي .
أبتسمت اله حضنت أيده أباوع للجو واگفين جوا السقيفة
وبخار الگهوة يطلع من الگلاص الي بأيدي .
50
وَهج : أوف عميد الدين أحضني شو باردة .
أخذني الحضنه نزع الجاكيت إلي لابسه لبسانياه علمود اتدفى
_ حطي ايديج بالجيوب مالت الجاكيت راح تدفين .
سويت مثل ما گالي وملت براسي علىٰ كتفه
اثنينه ساكتين
بس صوت المطر واضح وصوت الرعيد المسموع .
5
رفعت نفسي طبعت بوسه بخده ، سحبني جوا المطر يضحك
خلانه نتبلل وصوت ضحكنه عالي
_ هسه يگعد أحد عميد الدين
_ محد يگعد .
سحبني من خصري اله عيونه غوشت من المطر
_ أعترفلج بشي
_ أيي أحب الاعترافات بهذا الجو أحسها حقيقية
_ أعشگج ورب العرش
_ يمااا گـلبي .
37
_ بعد أعتراف ثاني
_ الله يوم الاعترافات هههههه
_ما جنت أحب المطر حبيته بسببج
_ عميد الدين
_ غاليتي
_ شيصير لو ما رجعت للعرق ولا شفتك..؟!
_ " چان العُمدة ما التقى بـ أنيسة روحه وبقى عايش بصفحات الماضي "
_ باقين علىٰ العهد مو
_ للموت .
60
فرني حول نفسي ، أضحك و هو علىٰ صوت ضحكاتي يضحك
_ أغدي فدوة لهذا المبسم
_ أحبك عميد الدين.
رفعني من خصري يفر بيَّ طايرة بالجو ، نزلني حاضني
ودخل بيَّ الداخل البيت ملابسنه كلها ماي بله هسه إلي
أيشوف سوالفنا يگول ذوله عندهم طفلين ضامه وجهي برقبته .
15
وصعد بيَّ حاضني للغرفة ، دخلنا كبل شغل التدفئة
عميد الدين : غيري ملابسج لا تتمرضين .
طلعت ملابس الي وطلعت للحمام غيرتهن وهو هم
رجعت ضميت نفسي بحضنه من البرد شفايفي يرجفن
بست تفاحة آدم گرصني بأيدي
_ اوووي شبيك
_ أدوخني هالحركة
_ جعل محد غيرك يدوخ عُمدة
_ وجعل محد غيرج يبوسهااا .
39
ضميت وجهي بحضنه و نمت ، للصبح گعدنه اثنينه نعطس
عميد الدين : هاي تالي الرومانسيات بالمطر
وَهج : سوالفك بعد
_ فوگ ما أونسج
_ لا شبيك أقصد تخبل سوالفك .
20
نزلنا جوا وأثنينه نعطس آدم يضحك من جوا لجوا
عرفته شايفنه لو لامحنه هذا واحد لوتي
آدم : يگولون اكو ناس صايرة تخلق أجواء جوا المطر
رونق : منو..؟!
آدم : ناااس
رونق : أفهم بس منو تقصد .
سوالها حركة بشفايفه بمعنى ما أدري عميد الدين يباوعله بطرف عينه .
عميد الدين : بيتنه ونلعب بي شلها غرض بينا الناس
آدم : أكيد أكيد .
62
صار صوت عياط مريم طلعت ريم الها شوي ورجعت
شايلتها وعبالك أتريد تبجي وياها
ريم : هي شنووو آدم ألزم أبنك
آدم : گتلهااا..؟!
ريم : أي شوف شسوا بشعرها
آدم : ووولك رائد اليووووم أسمط أبو أبوك ، هسه ريم وإذا گتلها شبيج راح تبجين وياها .
17
گعدت مبرطمة مثل بنتها
ريم : رائد كل مايختل بيها يگتلها بنتي ماتعرف تتعارك
آدم : سودة عليَّ تعاي عمو اليوم أنعلج والدي
صفا : أبنك صاير مستهتر ، وهاي رونق خلته يستهتر هيج
رونق : قابل معلمته يضرب بيها
_ دلالج هذا
_ هم أطفال طبيعي اكو هيج شي بينهم لا تكبروهاا .
5
طلع آدم يصيح عليه شوي ورجع بأيده لازمه أشرله بهدوء
آدم : راضيها وليدي هاي أختك ، بس إذا كبرت وزحفتلك
بعد أنشوف الوضع منا لذاك الوگت عود .
أجه رائد يمها وهي لازمه شعرها عيونه الشهل مدمعة وأنفها أحمر
رائد : أفس
آدم : وولك اسف شنو أفس
رأيد : أفس
آدم : أمداني بس لا تطلعلي كيكي .
187
رفعت راسها الأمها
مريم : ليم اني ما أهب لائد
ريم : ماما گولي شنو ليم
_ مااا
_ زيد كله صوووج زيد علمهااا .
آدم : يله بابا أخذ بنت عمك وألعبوا مو تتعاركون يله وليدي .
أخذها رائد من أيدها وطلع بيها هي أكبر منه بس ناعمه
رائد واضح مستقبلاً يطلع مثل بنية جسم أبوه
13
أكيد تتسائلون مُصطفى طالع يشبه منو فـ طلع نسخة
أبوه ما مخلي شي منه لا عيون لا شعر لا لون بشرة لا ملامح
وَهج : شسالفة ولا واحد من ولدي يشبهني
عميد الدين : عادي حَبيبي خليج هيج مُميزة نادرة
_ لا بله
_ وعيونج العمص
_ عيوني صغار بس مفعولهن قوي عليك هاا..؟!
_ أي بالله العظيم صدقتي .
31
ضحكت وحضنته محتمية بحضنه للأبد أبقى أخجل منه
من يتغزل بيَّ ، وعن نفسي نادراً اتغزل بسبب خجلي المفرط وياه
وهذا الشي لا ارادي ، مرات أتفاعل وياه ومن يخلص وقت
الغزل أبقى اضحك وحدي واني أتذكر كلامنا
هو يعوفني علىٰ راحتي
لأن يدري بطبعي ، ويعرف أحبه أكثر من يتغزل
بيَّ ويخليني أعيش شعور مختلف من السعادة
2
_ للأبد أحب كل كلمة تطلع منك
_ أحب هذا خجلج ، أرتباكج من أتصيرين يمي كأنما وحدة
هستوهه متعرفة عليَّ ،أحب خدودج الي أتصير وردية من أتغزل بيج

عندج العُمدة الي يتفداج بروحه ، وعندج أسدين " سَند ، مُصطفى "
حگج تمشين وأتشوفين روحج بيهم .
30
أبتسمت الكلامه ، كبر مُصطفى و كبرت أحلامي وياه
وكل وحدة بينه حياتها عايشتها مثل ما أتريد
ريم وبنتها وزوجها
اسراء وبنتها وزوجها ، صفا وأبنها وزوجها
الكل عاش
مثل ما أيريد ورب العالمين عوضهم كل التعب الي عاشوا
إلا أثنين بقت حياتهم ناقصة وما أكتملت قصي كان أكو أمل
بس رونق غلقت كلشي بحياتها ، وعاشت منتظرة
اليوم الي أتروح يمه الوحيدة بينه الي كان نصيبها الفقد منتصر عليها وما أتعوضت ..
43
وگفت أضحك ما الحگ عليهم كلهم أيريدون لفات
مريم ورائد وسَند وفاطمة بس مُصطفى بعده صغير
وضافوها من دخلوا رحيق و أخوها زين العابدين
سويتلهم كلهم لفات وطلعوا يلعبون بالساحة مال البيت
محد طلع من البيت جدي ما يقبل علساس ردنه ننتقل
البيت عميد الدين الي عنده بس جدي زعل منه ولغينه كل الفكرة .
7
مريم تنوص بصوتها وبس أحد يحاجيها مدت لسانها وگالت أهتلم نفثك
بعد الماما منو ، كل جمعة الكل ينجمع بيت أكرم كلهم
واسراء هم تجي بس آدم وزيد يلعبون بيها لعب .
آدم : هسسسه ما صدگنه زوجناج نوب تجين كل اسبوع هنا
زيد : نوووووب مو وحدهاا وياهاااا بنتهااا
اسراء : شبيكم ويايَّ ،شبيكم متعاجزين من لگمتنه .
11
هاي هنا واگفة وتاكل وتتعارك وياهم
آدم : شبيججج ظافر ما يوگلج تجينه فاكه حلگج
اسراء : هذا ابو فاطمة العلم مامخلي شي بنفسي
بس من اجي عندكم نفسيتي تنفتح أكثر
زيد : ولك جذابةةة تلكاهم الدجاجة إذا جابوها يبقون شهر ياكلون بيها
اسراء : المهلس أنتَ مو جاي النا وشايفنه ليش تجذب ما تستحي .
26
زيد : ذكرررررت ووولكم ، تعالوا اسولفلكم عليهم من رحت الهم
اسراء : بس لا تخبط جذب وصدگ
زيد : آدم تذكر من ظافر عزمنا ورحنا
آدم :أي ، المايستحون جايبين سمچة وحدة صرنه من الروس عليها .
اسراء : عززززززا وحگ الله جذب بيومها جاب ظافر أربع سمچات شويتهن بنفسي .
25
زيد : لااا ولك تذكر من بنتها باكت حذائي وانگلها جيبي تگول حذاء أبوي
آدم : ووولك مو بس هيج شفتها من خذيت كليجة
من الصحن إلي قدمته اسراء بنتها تخزر بينا وتطرد بينه .
خلوا اسراء أتشيل روحها وترگعها لأن يلفقون جذب عليها .
31
اسراء : وحگ الله كله جذب بنتي تضل ماكو شي ما أتجيبه الكم من تجون النا
زيد : راح تبجي هههههههههههه
قصي : مالج علاقة بيهم أبوية هذوله فارغين
آدم : حچى راس الحية
قصي : ليش أتضوجونها تقبلون أضوج رونق
آدم : الااااا رونق .
32
صاحت رونق وهي گاعدة تاكل
رونق : وعلي أبوووسك بعد روحي .
طلعنا كلنا للحديقة لأن گالوا نتعشى بالحديقة سوينه مشويات ودولمة
كل واحد گعد هو و عائلته ، رونق دحست روحها بصف جدي
رونق : كثرولي دووولمه تررا تعبت واني أسويهاا
قصي : راح نتسمم
رونق : شششگلتتتت
قصي : اگول عاشت ايدج خوية
رونق : عبالي چان خليت ذولاك الناس يشتغلونك .
31
قلب عيونه ما عاجبه كلامها وبدينا ناكل مُصطفى
أخذته باجي سلمى مني علمود أتعشى عدل
عميد الدين : عاشت أيدج أم سَند الدولمه طيبة
رونق : شنووو أوگف شنووو عاشت أيدها وعلي اني سويتهاا ولججج وَهج احچي
وَهج : هههههههه صح رونق سوتها وتعبت عليها
ريم : واني لفيت وياها والله ، التس الجذابة تگول وحدها .
15
رفع وارث أيد ريم باسها
وارث : عاشت ايدج ام مريم
ريم : الف عافية .
ضلت رونق تعيط وتضحك شلون يگولون علينا هم نصبوا عليها أخوانها .
رفع آدم السلطة وصاح بصوت
آدم :أسكتووووا ، صفصف شسويتي أنتِ
صفا : بس السلطة الحجي بينه
آدم : يااا بعد الروح تعبتي اكيد .
64
زيد : شتعبت هي سلطة شطابخة المفطح
آدم : أنتَ أسكت ، صفصف بعد لا أتعبين نفسج
السلطة أتعب ترا ، واني ما اريدج أتعبين
صفا : اي هو هم هيج .
وگف زيد يلطم مثل النسوان و هو يگول
زيد : ولجج رونق گومي گابليني واحوووو أمدهااا من خوووة احووووو بوووويااي
رونق : يحتاج نشغل محمد الصافي من ينعى ونبجي باعونه علمود نسوانهم .
96
رجعت الضحكات حولنا بعد كل تعب راحة هذا كان أيماني
كلنا تعبنا وكلنا اتأذينا وجاهدنا وحاربنا والحمدلله حصلنا ثمرة كل هذا التعب لليل كلش أجه
ظافر أخذ اسراء ما قبل يدخل ، يمكن من أتزوج اسراء
لليوم مماكل عندنه غير كم مرة وبالتجمعات نادراً يجي ونتوسل تواسيل يله يبقى يستحي لأن يگول ما
أريد البنات يتقيدن بوجودي يقصد علىٰ زوجة أكرم وريم
هن مايگعدن يمه وهو من يجي يگعدون بالديوان گعدتهم أتصير وحدهم .
5
وگفت يم الباب أباوعلهم صعدت اسراء وياه وراحوا لبيتهم
صار صوت رعيد يمكن الجو بي مطره الكل دخل جوا
نومت مُصطفى و أطمنت عن سَند حَبيبي إلي كبران
الكل نام والدنيا زختها مطرة ردت أصعد نزل عميد الدين من فوگ

18
اسراء : راح أموت گلبي يمه راح يوگف .
حضنتها و دموعي نزلت بخوف مثلها الي جوا هاي أمنا مو أختنا .
أسمع الكلام عميد الدين وروحي راحت من كال
عميد الدين : جدي وصتني بولدهاا تگلي تصيرلهم كلشي إذا مارجعت .
أنتهى كلش عميد الدين عيونه نطت حمر وعمليتها
بسبب وضعها صار بيها تأخير ، بقينه ننتظر رفض عميد الدين
أي علاج ياخذ وكلنا ندري الشخص بينا من القهر والتفكير
وبهيج حالات يصاحبه ارتفاع ضغط بقى منتظر وحاله يبچي .
12
بقينه نقرأ بالأدعية ومنها حديث الكساء حتى الممرضات
من شافن حالتنا وحالة عميد الدين بقن يدعن ويانه
حد ما طلعت الدكتورة بقيت بمكاني ماعندي الجرأة أسمع شي
ركض أول واحد عميد الدين الها بضياع يسئل بيها
عميد الدين : دكتورة وَهج عايشةةة موووو .
الكل نظراته أتجاه الدكتورة
منتظرين تنطق الجواب ، غمضت عيوني ودموعي أتسللت من گالت
الدكتورة : الف الحمدلله الأم وطفلها بخير وهاي نادراً
أتصير هيج حالات أعتبرها معجزة من رب العالمين لأن زوجتك
جان وضعها خطر ونسبة تعيش هيّ أو الطفل نسبة قليلة جداً .
77
جاوبها عميد الدين مامصدگ كلامها
عميد الدين : حاط كافل زينب الحوراء عليج مرتي عايشة عايشة
يعني وَهج رجعتلي ما بيها شي و أبني وياها ضحكت الدكتورة الردت فعله و أكدتله كلامها
مجرد أكدت اله
طلع من المستشفى و هوَ يصيح بنص المستشفى
_ رايح الكافل العقيلة أتشكره من بعد رب العالمين رجعوا إلي .
135
راح وراه آدم حضنه قصي اني واسراء بس هذا كله
المستشفى مايقبلون الكل يتواجد وأحنا مو شي قليل
طلعنا برا فرحانين خابرت رونق وريم أنطيتهن خبر
إلي جاننن ينتظرن بكل خوف ، بقينه ننتظر وَهج ترجع لوعيها
بس رجع خوفنه من رجعت صارت عندها مضاعفات
بحيث بهذا اليوم أنتهينا الله لا أيشوف ضيم هيج يوم لعبد صالح .
عميد الدين ، مارجع إلا بنص الليل من كربلاء وأتخبل من عرف حالتها رجعت ساءت .
12
چان الكل ينتظر خارج المستشفى لأن مايقبلون
الثاني يوم يله زال الخطر عنها واتنفسنا طبيعي رجعت لوعيها
فتحت عيونها بتعب و أول مناطق لسانها عن أبنها تسئل طمناها عنه .
هو صحته الحمدلله ما بيها شي الخطر كان بالأكثر علىٰ وَهج
طلبت أتشوفه جابوا الها ، عكمشت وجها بألم بسبب العملية
حط عميد الدين بحضنها ، أنرسمت أبتسامة علىٰ و أردفت بدموع .
وَهج : " انتصرنا أني وياك ماما " .
84
. وَهج .
4
حطوا تعبي بين أيديَّ ، أباوعله صغير حيل اني بطني
مو من النوع إلي تربي ، سَند من ولدته هم جان كلش صغير وناعم
طلع الكل بقينا اني وعميد الدين إلي يباوعلي وما مصدگ رجعتله
رفعت راسي اله حضن وجهي يوزع بوسات عشوائية عليه
عميد الدين : " متت ألف موته وانتِ جوا أتصارعين ويا الموت " .
وَهج : رجعتلك عُمدة .
18
أبتسم و عيونه تحسها أتريد تشبع نظرها مني
_ عميد الدين شنو أنسمي
_ بكيفج
_ سمي انتَ
_ أنتِ إلي تعبتي بي
_ وانتَ أتحملت تعبي كله
_ يفداج أيامي و عمري و وقتي أغدي فدوة الج .
7
_ حيره الاسم
_ شنو إلي أبالج انا وياج يُبا
_ ساعدني
_ هسه حتى أسم رائد خذوا صفا و آدم
_ " مُصطفى " علىٰ أسم الرسول محمد صلى الله عليه وسلم
_ عليه افضل الصلاة و السلام .
125
أجه جدي دخل وأذن بأذنه وثبت الاسم وصاروا عندي
سَند و مُصطفى ملاكين بالنسبة الي هذوله إلي راح يكونون سند الكبرتي
أتمنى تربيتي الهم بيوم ما تغيرهم ، طلعوني من المستشفى
وره يومين بعد ما أطمنوا علىٰ صحتي للبيت راجعين عمليتي
اتأذيني بس مجرد أباوع الـ أبني أنسى كل هذا الألم
أستقبلونه ذاك الاستقبال فرحانين بينه .
5
زيد : الله يكثرررر الولد عند بيت حجي عزام ولا تجينااا
مثل مررررريم تصيح أهتلم نفثك بس تتورط تحاجيها .
أخذت غرفة سَند بهالفترة نفسها غرفة البنات القديمة
سَند فرحان ويباوع الاخوه گعد يمي أخذته الحضني أشم بشعره .
وَهج : أنتَ أخوه الجبير ، لازم تحبه و أديربالك عليه
سَند : يعني ماما هو راح يكبر
_ أكيد هههههههه
_ يعني من يكبر يگدر يلعب ويايَّ كرة قدم
_ أن شاء الله ، حضنت وجهه يباوعلي مبتسم بملامح بريئة " حب أخوك مثل ما حبيت أخواني " .
31
بلشت الأيام تمشي البنات ما قصرن حتى اسراء
تجي كل يومين إلي لأن دوام عندها ، عميد الدين ذب الشغل
كله علىٰ زيد وگابلني وبقى يساعدني بـ أبنه
عميد الدين : اگلج وَهج .
رفعت راسي اله جنت ارضع بـ مُصطفى
وَهج : عيونها
_ سالمات ، خاف احجي وتضحكين عليَّ
_ لا ما أضحك .
حك طرف لحيته ويباوع الـ مُصطفى
_هسه انا. ابو مُصطفى صرت ، لا تضحكين يمعودة والله ما مصدگ صرت أب .
64
أجه أخذه مني رفعه قريب الوجهه يباوع بي يضحك فرحان بي
عميد الدين : وَهج تدرين شي
وَهج : شنو
_ هسه أنتِ صاروا بظهرج ثلاثة مو واحد ولا أثنين

وانتَ گاتل إلي من دمك ولحمك بس أشرحلي هل النقطة وطفي ناري .
12
عيسى : غلط ويتحمل نتائج غلطه .
رفعت عيوني اله إلي أحسهن جمرن
وَهج : غلط..؟! بشنووو غلط گول شنو غلطه غلطه واگف
بصف الصح لو غلطه حب بنت عمه شنووو غلطه
_ روحي منا
_ احچي ليش تتهرب ، وولك گلبك مارف علىٰ أخوووك وانتَ تموووته
شلووون عشت حياتك ودم ناس ابرياء برگبتك .
8
نزلت دموعي مصاحبها أنكسار
وَهج : عمت عين روحك إلي خلتك تباوع الأخوك يموت گدامك
عمت عين الخوة إلي بينه ، چااان ذكرت طفولتك وياه
تذكر من جان يشتري الشي لو ياكل شي يقسمه بينك وبينه
ووولك عيسى أنتَ سالفتك سالفة ولك أنتَ گتال أخوووك أخوووك
إلي أندفن و هو بشبابه ، ودفنتوا روح وحدة لليوم عايشة بذكراه .
32
عيسى : رونق رجعت..؟!
وَهج : صدگني لو بيوم رونق شافتك ماراح أترحمك
ولو بسبب سوالفكم أنتَ و أبوك وجرائمكم انحكمت مؤبد
شنو الي أستفاديته..؟! ضيعت عمرك بالحرام وعالم الأجرام
مو بعدك هم ببداية عمرك ليش دمررت نفسك
و
9
الله جنت
بأمل بيوم تتغير وأسامحك علىٰ كل أخطاءك بس اخخخ يا فشلتي .
3
وگفت منتهية جانت زيارة قصيرة بس خذت من حيلي
من شفته ما مهتم ولا اله علاقة وما أهتم غير الرجوع الرونق
طلعت منه ما حجيت شي زايد لأن ماكو فائدة
شخص مريض نفسي متلذلذ بعالم الأجرام عميد الدين
ما دخل لأن ما يتحمل أيشوفه ، بقى ينتظرني خارج السجن .
18
طلعت شفته واگف يم سيارته مشيتله بخطوات هزيلة
ذبيت نفسي بين أحضانه اناشغ مناشغ بدموعي
عميد الدين : مو گالك لا تجين
وَهج : ما متندم عميد الدين ما متندم بعده مقتنع بكلشي سوا .
وگعت بالأرض گعد يمي أبچي بكل شوغة بروح أشتعلت بنارها
_ استغفرالله و أتوب إليه
_ يگلي بكل برود غلط ويستحق الموت لا لا مستحيل أصدگ هذا أخوي اني .
6
_ گومي غاليتي .
گومني مثبتني بأيديه صرت أسحل بنفسي فاقدة قوتي
بسبب أنهياري وكان هذا اخر أنهيار بحياتي وبعد ما وصلت لهذا المكان
بنفس اليوم رب العالمين سد باب وفتحلي باب جديد إلي هو خبر حملي بعد عدة سنوات من الانتظار
الكل فرحان النا ، جبر بخاطري وخاطر عميد الدين بهذا الطفل .
43
مرت أشهر حملي بتعبها وفرحها ، وفرحتي أنكسرت
من گالت الدكتورة ، اكو مشاكل ومضاعفات عندي
ولازم أجهض الطفل ، تعبت نفسيتي من جديد ونفسية عميد الدين
رفضت أجهض الطفل ، صارت مشاكل بيني اني وياه بسبب خوفه عليَّ .
عميد الدين : سمعتي الدكتورة شجاي تگول وَهج ليش تعاندين
انا شسوي بالطفل إذا أنتِ رحتي مني لا تعذبيني هيج .
23
وَهج : لووو أعرف أموت تعرف شنو أموت أبني ما أجهضه .
ضرب الميز وطلع حضنت بطني بأيدي شلون أيريدوني
اقتل نفس ، وهذا روح مني خليني أموت ولا أموته
أعيش عمري كله بندم لو فكرت أجهضه وجان جاييني أخ السَند " ولد"
جان عندي أمل و أحساس هل الطفل راح يكون خير علينا .
4
أجه يوم ولادتي ، و عملية بسبب صعوبة الولادة
إلي واجهتني ، ما أدري شنو السبب أني واخواتي
بولادتنه نوصل الموت ، عميد الدين واگف فوگ راسي
وهم يجهزوني أدخل الصالة العمليات فكه يرجف من القلق والخوف
عميد الدين : ثاني مرة أرجع أرجف خوف الاولى جانت
بـ آدم واليوم أنتِ ، وَهج روحي بيج .
14
وَهج : إذا ما طلعت بخير ، ولدي أمانة يمك .
حط أيده غالق شفايفي خازرني عيونه دمعت ويا دموعي إلي نزلت
عميد الدين : لا تحجين هيج ، راح ترجعين وتربينهم وتكبرينهم بنفسج .
حضنت وجهه ، أباوعله أنتهى قبل لا أدخل للعمليات
_ لا تضعف
_ ليش يا قوا هاي تجيني وانتِ داخله النص الموت .
31
_ إذا رب العالمين كاتب النا عمر راح أرجعلك وأنعيش باقي عمرنا
بس خليني احجي خليني ، تعرف سَند شنو بالنسبة إلي
_ روحج
_ أني تعبت بـ سَند اتأذيت علمود أحافظ عليه ديربالك عليه
وهذا الطفل إلي راح يجي كون اله أب وأم مثل ما صرت الـ سَند .
14
ما گدر يتحمل كلامي أول مرة تنزل دموعه حضني
بكل قوته حضنه خوف من الفقدان ، أردف مختنگ
_ راح ترجعين كافي تحجين هيج
_ هههههههه هذا الكلام بحال مارجعت .
دخلوا أخواتي وقصي وضعهم مو أحسن من عميد الدين
ودعوني ودموعهم ما نشفت ، أجوا اخذوني لصالة العمليات .
18
طول الطريق للصالة مال العمليات عميد الدين لازم أيدي
حد ما وصلنا يم الباب و أيدي بدأت تترك أيده بهدوء
عيونه جانت طاغيها الحزن ، بلشوا بشغل العملية بدوأ يخدروني
واني كل الذكريات الحلوة وياه صرت أسترجعها
حد ما غمضت عيوني بس ياترى راح أرجع اله..؟! لو لهنا و أنتهت قصتنه .
56
صفا : دخلت وَهج وأخذت گلوبنه وياها هم دخلوها منا
عميد الدين وگع عندنه منتهي عليها يبجي بجي عليها
لزموا آدم وقصي يهدونه وجدي اجه هم جان خوفنه عليها اكبر من كلشي
بس وَهج جان رأيها عكسنا ومستحيل تجهظ هل الطفل .

35
هز براسه و هوَ يگول
_ اليوم أفين حظج وحظ أخوج و ولد عمج صبريلي .
طفرت من مكاني أضحك وجدة أتصيح بينه
_ أش كافي عيب شوف جدة سمعتنا .
فتحت الباب ، أبتسمت إلها.
أمل : شمالكم چنكم ديج ودجاجة تتعاركون
ظافر : عقليهااا عقليهااا .
5
دگ جهازه أخذه وطلع ليش ما جاوب يمنه..؟! هسه لزمتك ظافر أصبرلي
اسراء : هسه اجي جدة .
طلعت وراه أمشي بهدوء واگف بالطارمة يخابر ويحجي بهدوء
غميت كصتي كلشي ما أسمع ومالگطعت غير بعض الكلمات من گال
ظافر : وين تجي هين ، غير إلي عندي تورك وتورني وياك هساع جايك
لا تفتحو بقي مثل ماهو ، ساعة زمان و يمك .
12
رجعت قبل لا يحس بيَّ ، سويت نفسي اشتغل بالمطبخ
وهو دخل بدل وطلع ، گال عندي شغل عفية شغل ما يكمل
دخلت للغرفة فتحت كنتورة يمكن عادة مو حلوة أفتش
بأغراضه بس خوفي وقلقي عليه أكبر گلبت أغراضه گلاب
مالگيت أي شي يوصلني الشي ولا طرف خيط .
2
القبل الغده رجع بأيده ظرف
ظافر : أتروحين الأهلج
اسراء : لا بطلت
_ مو ردتي أتروحين
_ غيرت رأيي .
أستسلمت للأمر الواقع وگطعت أدور وراه لأن ماخذ أحتياطه بكلشي
11
كملت المرحلة الأولى لأن أجلتها قبل بسبب حملي
بديت أجهز للمرحلة الثانية وأم أطياف أتوفت وچان صدمة
الخبر النا لأن علساس جاية البنتها لهنا للبصرة وسيارتهم
وسيارة ثانية متضاربات زوجها گالوا وضعه خطر بس أمها للأسف أتوفت .
31
گال ظافر كلنا أنروح ونوگف ويا أطياف بهاي المصيبة
طلعنا للأنبار حازم أخذ أطياف قبلنا بيها هو هنا چان موجود
وأحنا رحنا وراهم جدة ويانه ، بحياتي ماواصلة
للأنبار ولا شايفتها ، دخلنالها بقيت أباوع لمناطقها
أهل أطياف بالفلوجة ساكنين ، وصلنا الهم ناس مگلوبة گلاب .
45
دخلنا للبيت وصوت أطياف و أخواتها يگطع الگلب
بقينه بين ما كمل الثالث مال الفاتحة بس أطياف بقت يم أهلها
والله ما تستاهل خوش بنيه ، مايحس بيها بس الفاقد
طلعنا البيت هند حلفت إلا تجوني اني ماواصله الهم
كله هم يجونه ، وصلنا البيتها ماشاء الله كلش جبير
رحبت بينه وزوجها هم موجود بقينه يمهم يومين .
1
ظافر : اسراء تعاي هين .
طلعت اله واگف يم الحمامات يغسل وگفت بصفه
اسراء : هاا ظافر
_ أتشوفين الأنبار..؟!
أبتسمت هزيت براسي
_ أي
_ يله ضبضبي بنتج وتعالن .
36
رجعت للبيت مبتسمة جهزت نفسي وبنتي طلعنا وياه
مشينا بشوارع الأنبار وطلع بيَّ للرمادي هم وبكل
مكان ندخله يسولفلي عنه ، صرت أحفظ بأسماء المناطق
اسراء : لو اگدر ابعد عن أهلي چان گتلك نجي نعيش هنا
ظافر : لا مترهم ، اني وعمامي مو علىٰ حال يدوخون راسي بطلايبهم .
15
وره يومين رجعنه للبصرة صار وصولنه بالليل كبل ذبينه روحنه نمنه
من التعب ، طلعت جهزت للجامعة والحمدلله اني اليوم
عندي حياة مستقرة ، بعد ما عشت حياة المُتشردين
عندي زوج والنعم منه ، رب العالمين رزقني ببنوته أشوفها
من هسه حنونه عليَّ ، ظافر طول معاشرتي وياه ما قصر بشي
إلا موضوع شغلة لليوم مايقبل يحجي بي وبقى مجهول .
أخواني يبقون غصه بگلبي ، لأن أبشع موته ماتوها بعمري ماراح أنساهم .
92
فتاةٌ ذَاتَ عُيونٍ نَاعسة
ولالحَانِ الحُبِ في قَلبِ الظفر هامسة
سيدةٌ بَالخَوفِ لا تَفخَر
وعن الحِرمان موضوعَهُا يَتمحور
وكان الفقد ذَا النَصيب الأكبر
ولَكِنَ قَلبِها بالورودِ يَزهَر
وفي اعماق الشِبلُ تَبحَر
فـَ رأت رائِضٌ طَويل المَظهَر
وفي بالقَوارِبِ يَتبَختر
كَـحَجر اليَاقوت الاحـمَر
رجَلٌ ليثٌ اجهر
ثابت كَجبلٍ لا يَتقهقر
فـ أتت تِلك السيدة لتأسر .. صاحب الهيأة الاسمر
فـ خَطت تِلك الخطوات
لتصبح مالكة الرَجُل الاسهَـر
هيَّ تِلكَ الحَوراء الفاتنة
التي أسّرَت القُلوب الداكنة
تِلكَ الفَتاةُ التي يَطغى الحُزن على مَلامِحها المَليحةُ
لا تَخافُ اميرٌ او مَلكٍ ولا ذو سُلطةٍ يَملُكَ اسلِحة
أنها تخشى ذَلك الرَجُل ذو تصرُفاتٍ قَاسحة
وعقولهِ ذاتُ سَيماءٍ رَاجِحة
في هيبَتِه تَبقى سارِحة
" رائِضٌ مَغرور تَبَختر .. وَ مَليحةٌ في حُبِ مّجنونِها تَتجبَر "
" البداية هِيَ خطٌ اسودٌ للنهاية "
184
. وَهج .
61
گاعدة بمكاني وشعور سيئ محاوطني شعور مو حَلو
تلتقي بـ قاتل اخوك ، والمصيبة الكبرى نفسه أخوك
أنفتح الباب ودخلوا لازمينة ، تغيرت ملامحه من شافني گدامه
بس للأسف مو ملامح ندم لو ملامح أشتياق ملامح كانت غاضبة .
18
عيسى : أنتِ..؟!
وَهج : أي
عيسى : شتسوين هنا
وَهج : أجيت أشوفك
_ تشمتين
_ ياريت
_ شرايدة جاية هنا
_ أريد اسئلك سؤال واحد و أروح منا .
10
بقى يباوعلي ، باوعتله هيئة وحش ماكو ذرة ندم بوجهه
ولا رحمه بملامحه ، يباوعلي بكره ، أموت وأعرف ليش هالكره
وَهج : من گتلت أخوك شگالتلك روحك..؟! شلون گدرت عيونك تغمض

بس صارت عندي خوفة من يطلع صار حتى من يطلع
مايتأخر ، بس مرات تمر أيام يغيب بيها اگطع روحي تگطع
وما يحجي شي ويگلي مو ضروري نحجي كلشي وهذا اني يمج وكلشي مابيَّ .
12
راحت أطياف الأهلها بالانبار وحازم بدوامه جدة نايمة
سويت ريوگ ، صوته هو وبنته جاي من الصالة
صحت بي علمود يجي رحت گعدت جدة علمود تتريگ ويانه
دوام ما عندي اليوم گعدنه كلنا نتريگ ناكل واحد يخزر بالثاني ، باوعتلنا جدة امل تضحك
6
أمل : شمالكم ولكم تتخازرون
ظافر : جدة هاي المهيلكة طالعة عينها
اسراء : بس أكمل دراسة إلا أشتغل شغل ماتعرف عنه شي
وأعيشك حرگان الگلب إلي اني بي سهلة يا ظافر
ظافر : خوب گولي شدهن و أگعد بالبيت واني العب بكيفي .
61
اسراء : أريد أروح الأهلي
ظافر : شتعملين هناك مو يوميا تخابرين خواتج
_ تمنعني من أهلي..؟!
_ يولي شبلااااج سئلنه سؤال
_ هسه أخابر أخوي يجي ياخذني
_ أحلف عليج تحبينو أكثر مني
_ چاا ياهو گالك أحبنك أكثر ، هذا أخوي سندي أروح فدوة لطوله يا بعد طولي .
18
رفع أيده يأشرلي بمعنى مخبلة طاكات عندج
_ هسه تاخذني لولا
_ آدم يطردنه
_ ليش..؟!
_ بنتي وأبنه يتذابحون
_ أروووووح
_ ومحمد راح أوررررج ورررررر
_ صرت أرجف من الخوف
_ جبل ما يهزك ريح .
36
قلبت عيوني وطلعت من يمهم ، وگفت بالصالة أرتب بيها
أنحضنت من وره كمزت بس سويت نفسي مامهتمة
الحمدلله ما فاهم اني أتسرسح عليه من أيصير سرسري.
ظافر : زعلتي
اسراء : لا
ظافر : تدرين شنو أنتِ بالنسبة الظافر
اسراء : لا وين أدري گلي أنتَ .
17
باس رگبتي لأن بدون حجاب ماخذه راحتي حازم ماموجود
_ حب حياتو
_ مبين
_ من تبتعدين عني أهجس بروحي تبهت .
درت وجهي اله
_ اني أخاف عليك
_ كلشي أجاوبج عليه إلا موضوع الشغل .
13
_ خوش يله أبتعد لا تجي جدة أمل عيب
_ أحبج
_ اممم .
ضرب خدي بخفه يضحك
_ طنكرنا
_ أتغزل بيَّ بالجنوبي
_ عش الانباري ميعجبج
_ لا الجنوبي بي ملوحة وطعم
_ مو هوَ اكله .
49
_ مو صوجك صوجي اني الواگفة أخذ وانطي وياك بالكلام
هوووو صوووجي ما أتزوجت جنوبي بصراوي ركضت عليك أمداااني .
رحت أركض للغرفة أضحك من ركض ورايَّ
دفع الباب مالحگت اسده
قفلة ، يباوعلي مقلص عيونه ، طفرت للجهة الثانية
اسراء : أفضحكككك
ظافر : عيب هساع يگولون هم بغرفة نومهم شيعملون يعني .
24
_ فاسد فاسق مو بيدك
_ أموت بالفساد ولفسوق
_ ايعععع وخر وخر خلي أطلع .
كاتمة ضحكتي أريد أطلع مايخليني سحب وجهي باسني بوسة غصب
_ مهيلكة
_ ابو راس .
14
رجع أخذني گعد و گعدني بحضنه
ظافر : من زمان ما طالبة طلبات
اسراء : أي والله ذكرتني
_ شمحتاجة
_ أريد سيارة
_ نعال أحسن
_ يماااااا ليششش
_ شتعملين بيها بس أجيبها تصعدينها ماتضل سيارة بالشارع ماتضربيها .
69
_ تعزها عليَّ
_ لا يعيني ، لا يراحتي لا يروحي بس أريد سلامة الناس مهمة بالنسبة الي هههههههه
_ عندي أقتراح الك
_ شنو
_ نتطلگ وترجع تمشي عليَّ وما اوافق إلا سيارة إلي خاصة .
26
أجتني كفخة علىٰ راسي ردت أرجعها بس گعدت عاقلة من خزرني
_ لااا تكفخ
_ صيري عاقلة
_ هسه ماتشريلي سيارة
_ لا يعيني واجب سلامة الناس منج
_ أنتَ صاير ماتحبني والله ، هسسسسه تأخذني الأهلي
_ يله نتوكل .
2
بقيت أباوعله أرمش بعيوني عبالك راح يتوسلي أبقى
_ أهلي أهلي
_ أي مو أتريدين تروحين
_ وووولك أهليييي أبقى عندهم
_ عادي من حقج
_ أتوسلي شبيك گول اسراء لا أتروحين ما أكدر أعيش بدونج
أنتِ النفس والهوا أنتِ الحياة أنتِ الـ...
_ أختصريها وگولي گول أنتِ نشيد الوطن .
41
_ الله والله أحب نشيد الوطن ، تدري اني بالصيف
اشبع العراق سب وبالشتاء أحبه لو من أگلب بالجهاز
و أكو اغاني عن الوطن أتصير عندي غيرة عراقية وأرجع أحبه موووووطنيييي موووطني .
رفع راسه يضحك ضرب جبينه بجبيني
_ والله ما أتصيرلج چارة
_ بس عليك الله اني گدام الناس مو ينحلف بأخلاقي وثكلي
_ أي نحجي الحق
_ بس يمك عادي اني وانتَ ضلوع ابو الشباب.
54
غطى وجهه بأيده بس جسمه يهتز من الضحك
_ متزوج صاحبي
_ شتسوي بالأنوثة مو طلعتها الك كم مرة كافي شبع
_ أنوثة.؟! وينهااا اسراء يولي دحگي انوثتج ما أطول دقيقتين وتنقلبين الصاحبي
_ شنسوي بيها شبيك ظافر احبك وتحبني وخلفنه بنيه
للأسف الشديد طلعت لا تشبهني ولا تشبهك تشبه عمتها هند
بعد كافي خلي نعيش حياتنه اني وياك مثل الصحبان .
46
ضل يباوعلي صافن بكلامي ، اخخخ بوية راح أنفجر بالضحك بوجهه
_ شبيك
_ أنتِ بقواج العقلية..؟!
_ كفخاتك سوت عندي ترضرض بعقلي
_ وراح أسوي ترضرض بكل شكلج
_ شحدك تعرف شگد بظهري .
مديت أيدي احسبله بأصابعي
_ جدي عزام ، وأخوي قصي ، ولد عمي خمسة شايف لو مديت أيدك
عليَّ شيسسوووون بيك أويلي عليج يمه.

عساهاااا حووووبة اخوووواني ما تتعداچن .
سحبتها جدة أمل أتسد بحلگها وأتگلها
أمل : فشلتيناااا .
خذتهاا هند دخلتها جوا بالغرفة وسدتها عليها ضل صوتها يلعلع
ما أهتميت ولا إلي خلگ أهتم اني إلي يهمني يرجع ظافر وين صار شصاير وياه وهيج اختفى .
9
لزمت راسها وَهج طابگة حواجبها بألم راحت للحمام
دقائق ورجعت وجهه أصفر رحت عليها
اسراء : بيج شي .
بقت أتباوع بوجهنه بضياع
وَهج : عندي أعراض حمل ، بس أخاف مثل كل مرة ويطلع كلشي ماكو .
صفا : الله كريم ، أگعدي أرتاحي هسه .
31
درت وجهي بخنگة طلعت برا وگفت أنفتح الباب
أكيد حازم رجع ومثل كل يوم ما عنده أي خبر عنه
مسحت دموعي ودرت وجهي ، أتبسمرت بمكاني
وعيوني بقت متجحظة من إلي گدامي أردفت بلا وعي
اسراء : ظافر..؟! .
15
ملابسه متربات شكله مگلوب كلاب جنت حافي
ما لابسة شي برجليَّ ما أهتميت لوجود لأي أحد ركضت ناحيته
حضنته بكل قوة أبجي بصوت عالي لمني بحضنه ساكت
اسراء : ظافر أنتَ رجعتتت .
حازم : لا بعدو هذا خيالو .
خزرته سكت عني بقيت مثل المخبلة أضحك وابجي .
41
ظافر : يولي دحگي يالعثرة .
رفعت عيوني مغوشات من دموعي ، أشرلي بعيونه علىٰ حازم
أبتعدت منحرجة ، طلعت جدة تهلهل شنو معرس يمه اسم الله
حضنته هي و أخواته يبجن ، أخواتي طلعن هم سلمن عليه
و اتحمدن اله بالسلامة ، اندگ الباب حازم أشر النا ندخل جوا
لأن مبين زلم جايين دخلنا كلنا جوا وگلبي يفور أريد أعرف وين چان .
1
بقيت أفتر بالبيت واكل بأظافري من الانتظار
سحبت أيدي صفا
صفا : شبيك راح تگرطين أظافرج
اسراء : أريد اعرف وين چان شفتي شكله صفا
مال يگلي ماكو شي هل السوالف المطگطگتهن
ما يمرن عليَّ .
صفا : بالتفاهم مو تتخبلين ويخابرونه يگولون اختكم سوت جريمة قتل
اسراء : والله إذا ما حچالي لا تستبعديهاا صارلي فترة متحملة عليه .
13
اجت وَهج گالت
وَهج : اجو جدي والولد هنا صفا نرجع وياهم سَند ورائد
باقين هناك يم رونق والبنيه هم عندها شغل ريم گالت
باجي سلمى و عمه نجاة أجن وياهم هي ماگادرة تجي تتعذر منج اسراء
اسراء : معذورة .
2
أجو أهلي وياهم عماتي نجاة وسلمى گعدنه
وهن يسولفن
اجت أطياف جايبة ضيافة قدمتها الهم دخل ظافر سلم عليهن
بقوا ساعة وراحوا والبنات راحن وياهم وهن يوصن أتفاهم وياه مو أتعارك .
3
راح الكل واكو ناس أقاربهم هم أجوا وراحوا البنات كلهن
بقن يمنه خوات ظافر ، أخذ فاطمة يحضن بيها
ويباوعلها بنظرات غير عن نظراته بالعادة رجع حضنها الگلبه
أخذها حازم ودخل للغرفة دخلت وراه أريد احجي سد حلگي بأيده
ظافر : مو هسه خلي أرتاح .
4
هزيت براسي باس راسي و أبتعد دخل للحمام حضرت ملابس اله
والله ما أنام إلا أعرف اليوم كلشي هسه حتى إلي يسئلني
شنو شغل زوجج أضل حايرة بالجواب بقى بالساعة بالحمام
شنو نام..؟! دگيت الباب أجاني صوته مثل الشخص المختنگ
أول مرة أسمع هيج نبرة منه جاوبني وهو داخل الحمام
ظافر : دقائق اسراء .
31
رجعت المكاني مرت دقائق طلع ، عيونه حمر ما أدري
من البجي لو من الماي لو شنو بالضبط رحتله أباوعله بغرابة
اسراء : ظافر شبيك ليش عيونك هيج
ظافر : تعبان .
حچابها بنبرة تعبانة حضنته مهضومة عليه
_ عادي أشيل التعب عنك .
شدني الحضنه أكثر ساكت ، خلاني بقمة استغرابي .
7
تحسه منتهي بصعوبة واگف علىٰ رجليه نام حاطني بحضنه
وأيده تمشي علىٰ خدي يباوع بعيوني باس رموشي و هو يگول
_ " ناخذ جرعة قوة منهن "
_ شصايرلك ليش هيج حالتك ، بهذا الأسبوع أنتهيت ظافر
أنتَ شنو ما أتفكر بيَّ ، بنتك..؟! أخوك جدتك أخواتك كلنا خفنه عليك
_ منو گال ما أفكر..؟!
12
_ تگدر أتفهمني وين جنت
_ الصدگ..؟!
_ أي
_ بالموت .
أتوسعت عيوني علىٰ جملته
_ شنوووو .
ردت أگوم من مكاني رجعني حط رجليه فوگ رجليَّ مقيدني .
8
_ لا تتسودنين أبقي هيج
_ مووووت شنووووو لا أتخبلنييييي
_ يولي صوتج .
نزلت دموعي واني أدفع بي أريده بس يعوفني أختنگت بس هو أقوا مني رغم تعبه
_ شنووو موووت فدوة احجيلي .
حط أيد جوا راسي وأيد لازم فكي بيها
_ شغلي ما اگدر أصارحج بي ، وأختفائي صار بسببه
يمكن إذا اگلج اخر دقائق جنت أحسبهن واني بنص الموت
ما صار گدامي غيرج أنتِ وبنتي .
29
_ وين جنت
_ گتلك شغل
_ شنو شغلك ، ظافر اني مرتك المفروض أعرف شغلك شنو
_ مو شرط ، ولا كلشي ينحجي
_ شغلك بالقانون..؟!
_ أي .
حاولت وياه أفهم شنو نوع شغلة رفض رفض قاطع يحجي شي
ولا عرفنا وين چان غير سبب اختفاءه سببه شغله
سويتلي زعله أسبوع كامل بس ما أتنازل ولا حچى عن الشغل
ومحد يعرف شي غير حازم و عميد الدين وهذوله الاثنين لو تنمد جنازة گدامهم ما يحجون .
80
وهاي مشت حياتي وكلشي أتمناه يحققه إلي بدون ما يگول كلمة لا

صاروا رفعة راس إلي گدام عيالي ، بحيث حازم من يحجي
ما يگول غير هاي بعد بنت بيت حجي عزام والنعم منهم
حازم يموت علىٰ جدي والولد وإذا أيشوف بلسم
تبسمر يطگها بحجاية يخليها بعد ماتحجي .
16
بس هم خطية ماكو أطفال عنده لحد الآن وهم
ما مستعجلين لأن مرته موظفة ، اجه زوج بلسم ياخذها
عود أطياف حجتها حجاية من باب الاحترام والتقدير گالتلها
أطياف : ابقي هنا بلسم ماشفناج زين اجيتي الصبح وهسه رايحة.
باوعتلي أطياف غمزتلي وضامه ضحكتها گالت بلسم وهي تلبس عبايتها .
بلسم : والله صدگ لو گالوا النسب والتربية معروفة
ما حسينا بالنسب الزين الا من ناسبناكم .
23
لبستها هي وكلامها ولا عبالك أسمع طلعت راحت
اجت أطياف تهز بأيدها ، هاي وين بنت ناس مثقفة
من أتشوف هيج سوالف تبقى متعجبة عليها
أطياف : شنو هاي عقلية بلسم كلش ماتعجبني
اسراء : بس هي هيج أخواتها مو مثلها وبعد تعرفين ليش هي تضوج مني .
2
_ الله يهديها شنگول غيرها قابل
_ آمين .
باوعت الفاطمة اجتها تمشي سريع فاتحة أيديها الها
_ يمهههه فطوووشتي گعديتي يا عيني .
ضحكت عليها سوالفها جنها ريم خذتها مني تفر بيها .
اسراء : چاا وين جدة أمل
أطياف : گالت رايحة واجب هنا بالمنطقة .
2
حطيت أيدي جوا خدي بالي يم ظافر گلبي مامرتاح
وهي تلعب ويا بنتي وتضحك أبتسمت المنظرهن
همزين ما عندي مرت حماي تس جان انتحرت كافي عليَّ بلسم .
أطياف : وين صفنتي
اسراء : بالي يم ظافر وين أكو وحدة ماتعرف شغل زوجها
_ حتى اني من سئلت ابو عضلات المنفوخة يگلي خشمج خلي بعيد
_ أكيد يعرف شي بس ما يحجي .
25
لليل هو ماكو اتأخر أخابر عليه ماكو يطلع مغلق
گعدت قلقة مرت الساعات وضربت الساعة 11 بالليل و هوَ ماكو
خليت أطياف تتصل بـ حازم بلگي أيشوفه
أطياف : مرته بالها يمه ، أي گالها أرجع بالليل ما أدري أوكف .
جنت واگفة يم الباب اجتني تسئل
_ حازم يگول شوكت اخر مرة خابرها
_ الظهر من رجعت من الدوام وره ساعة هيج شي .
4
رجعت تحاجي وتبلغه بكلامي سدته منها وجدة
إلي رجعت المغرب هم حالها صار من حالي
طر الصبح علينا
محد نام خابرت وَهج أرجف من خوفي
وَهج : شبيج أمي
اسراء : گال بالليل أرجع وهذا طلع الصبح وهو ماكو
وَهج گلبي مامرتاح والله ، أحسه طايح بمصيبة .
_ اهدأي ، هسه راح نجيكم اني وعميد الدين .
12
سديته منها دوام ماداومت ولا بحاله من جهه حالي
إلي تبهذل ، ومن جهه بنتي إلي تبجي نزلت دموعي وياها
خذتها أطياف مني من شافتني كلشي ما جاي أعرف أسوي
أتخربطت كل أوضاعي ، مرت ساعة ودخلت وَهج حضنتها ابجي .
6
وَهج : تعاي عميد الدين أيريدج قصي هم أجه ويانه .
لبست حجابي وطلعت وياها شفتهم واگفين بالطارمة مال البيت
سلمت عليهم بقى عميد الدين يسئلني وأجاوبه
عميد الدين : خير أن شاء الله ، لا أتخافين يُبا ماكو شي
اسراء : عميد الدين خوية شلون ما أخاف گال أرجع بالليل
وهسه أحنا بالصبح ، وجهازه مغلق ماكو أي خبر عنه .
2
أنفتح باب البيت دخل حازم بملابس الدوام سلم علىٰ الولد
حازم : خليت جماعتي يتابعون الموضوع
اسراء : حازم اني متأكدة ظافر شغله خطر بس أنتم ما تحجون .
ضل يباوع الـ عميد الدين وهم الواضح من نظراتهم
يعرفون شغله شنو بالضبط بس محد يحجي
وَهج : هو ظافر شنو شغله..؟! كل ما نسئله مايحجي .
11
حازم : شغل عادي
اسراء : غير أفهم شغل شنو بالضبط
حازم : شبيج ام فاطمة لا تكبرين الموضوع يمكن طرأ اله شغل وأنجبر يتأخر
اسراء : بس گلي شغل شنووو غيرررر افهم .
حسيت فقدت آخر ذرة من صبري لزمني قصي حاضني .
7
محد أنطاني جواب رجعت للبيت اشهگ بدموعي
طلعت جدة الهم تحجي وياهم و اسمعها تصيح علىٰ حازم
صوت بنتي گطع گلبي واني اسمعها تبجي اخذتها من أطياف
حضنتها ودموعي اخذت مسارها
وَهج : يمكن جوعانة اسراء أنتبهي البنتج
اسراء : أي هسه .
خذتها وكلتها جانت جوعانة سودة عليَّ لمن شبعت يله هودت .
2
مر اليوم و ماكو خبر عنه ومرن اليومين والثلاثة
والخمسة حد ما مر أسبوع كامل عقلي أنتهى روحي أنتهت
وَهج كل يوم تجيني وصفا وياها اختفاءه سبب ضجة
بينه وحال أخواته مو أحسن من حالي گامت بلسم أتصيح وتأشر ناحيتي
بلسم : من أتزووووجج لليوم ماشاف الخيررر.
52
رفعت حاجبها صفا أتباوعلها ما قابلة علىٰ كلامها
و وَهج تباوعلها بطرف عينها ، أما اني مالي نفس أنطق كلمة
كل حيلي باد بهذا الأسبوع ، رجعت تحجي وتصيح
بلسم : مادررري منين جاابج ولفاااج
صفا : تررررررا زوووودتيهااااا ، صارلج ساعة تشمرررين بالكلام
محددد تايهلللج إذا هووو اخووج ، فـ هوو زوجهااا
وابووو بنتهااا أحترمييي نفسج عاد مصختيهاا ما أتشووفين الوضع إلي أحنا بي .
25
بلسم : ابووووجن مجرررم من الف لعنة علىٰ روحه أنتن شطلعننن

بس قسم يعني لا بأس بي دخلت أهلية بسبب معدلي الناصي
لگيت بلسم عندنه ، سلمت عليها ردت السلام من وره خشمها
من اخر مشكلة صارت بينه بعد ما أتقربت إلي وعلاقتنه گد السلام
بس إذا ظافر ماموجود تبقى تبسمر أغلس عنها تجنباً للمشاكل .
بس هم زين ويا زوجة حازم زينة يمكن لأن أقارب الهم .
6
دخلت للغرفتي بنتي نايمة " فاطمة " بوستها وطلعت
ظافر ماموجود قالقني اني لليوم ما أعرف شنو شغلة بالضبط
ومن أسئلة ما ينطيني جواب مقنع لو يغير الموضوع
أجرلي خط ويا رجال وبالمنطقة هنا أكو بنات يداومون بنفس جامعتي وهم مأجرات ويايَّ .
21
أطياف : سرو تعاي صبيت غده اني هم ممتغدية أنتظرتج
اسراء : اتأخرت اني اليوم لأن عمو ابو الخط وصل البنات
عندهم عرس ومستعجلات فوصلهن أول وبعدين أحنا
أطياف : عادي حبيبتي ، اني گعدت متأخرة أتريگت وبعد ما أشتهيت .
13
گعدت وياها نتغده ، بس أحسه طلع سم مو غده عليَّ من وره بلسم .
بلسم : اختج وَهج ما صارت حامل
اسراء : لا
بلسم : خاف بيها شي أو زوجها بي شي
اسراء : مابيهم شي والدكاترة أكدوا هذا الشي وحتى زوجها
گالها بعد ما نراجع رزق رب العالمين هذا دام مابينه شي .
20
_ هي مو عندها ولد اكيد مو منها المشكلة يجوز من زوجها بس مطمطين السالفة
_ شنووو هالحجي هذا جاي اگلج مابي شي الرجال أنتِ مو أحسن من الدكاترة
_ وشكوووو تصيحين هيج .
أطياف : بنات شسالفة شبيكم
اسراء : استغفرالله ياربي ، بلسم عيب كلامج وتحجين هيج علىٰ الرجال .
16
_ واني شحجيت دشوفي إذا ماطلع كلامي صح
اختج من زمان أتزوجت هاي أنتِ حملتي وخلفتي
وذيج اختج هم خلفت ليش هم بعدهم
_ عادي اكو ناس تبقى سنين وبعدين رب العالمين
يرزقهم بأطفال وهم عندهم سَند حتى لو ماصار عندهم
_ بس سَند من طليق اختج مو أبن الرجال الي متزوجته هسه .
أطياف : حبيبتي بلسم مو من حقنه ندخل شي خاص بيهم كـ عائلة .
19
سكتت وتباوعلي ما عاجبها ، أدري بيها تتقصد تحجي هيج
علمود تغثني ، كلت قليل وأبتعدت عن الأكل
أطياف : ماكلتي شي
اسراء : شبعت عمري تعبانة راح أنام لأن باجر عندي أمتحان
أطياف : فطومة نومتهاا أنطيتها الممه مالتها بسرعة نامت ما شلعت گلبي
اسراء : شكراً الج لأن جاي أديرين بالج عليها بمكاني .
18
بلسم : هسه انتِ شكووو رجعتي تدرسين شنو ظافر
مقصر بشي وياج ، اگعدي كابلي بيتج وبنتج مرت حازم
هسه لأن أجازة مهتمة بيها باجر بس تخلص منو يبقى يم بنتج
اسراء : جدة أمل موجودة ، وبنتي ما أتعب
بلسم : والله بطرانه لو مكملة من الاول لو گاعدة وساكتة .
أحس طكت حوصلتي منها ومن كلامها المسموم
اسراء : هسسسه شعليجج زوجي وقابل بنتي ممقصرة بشي وياها
شحارررگج ، إلي مضوجج لأن تكرهينييي تحجين هيج مو محبتاً ببنت أخوج .
11
عفتها تلعلع بلسانها وطلعت طلعت جدة أمل خطية جانت نايمة
هزت راسها بيأس من سوالفها ، أبتسمت بوجهه
ودخلت الغرفتي دمي محترگ منها أطياف منومة بنتي
علىٰ السرير مالتنه وحاطتلها مخاد داير مداير رفعتها حطيتها بسريرها
إلي جابه حازم الها هدية من جبتها ، ولادتي جانت عملية
وشبعت ضيم بيها لأن لزمتني حرارة وضغط وأيام نمت بالمستشفى .
3
أتمددت بمكاني وقهر بداخلي من بلسم عبالها ما أسمعها
من تجي هنا شلون تبقى تحجي براس أطياف تگلها
لا أتساعدينها وقسمن الشغل بينجن وتصل تعبي براسها
بس هم الله هادي أطياف عليَّ وتعرفها أتريد تخرب ومطنشتهاا
سحبت جهازي أتصل بـ ظافر جاوبني .
6
ظافر : هلا عيني
اسراء : وينك أنتَ ظافر ، طالع من الصبح ولحد الان ما راجع
ظافر : ليش يولي بيج شي فاطمة بيها شي
اسراء : مابينه شي ، بس أريد أفهم شنو شغلك صارلي
شگد من متزوجتك ما فاهمة شغلك شنو ظافر اني أخاف عليك والله .
1
_ لا أتخافين بالليل راجع ، عش ضايجة
_ مابيَّ شي بس تعبانة قبل ساعة رجعت من دوامي
_ عجل أكمل شغلي وأجي ، عندنه أحد
_ أي بلسم
_ هين الشبكة مال الاتصال ضعيفة خاف تتصلين وما أتحصليني لا يضل بالج .
وفعلاً واني احجي وياه انقطع الاتصال عصرت راسي
بـ أيديَّ ، من أنقهر و أكتم راسي يصدع جبرت نفسي أنام .
17
للمغرب گعدت علىٰ صوت بنتي تبجي اخذتها من مكانها
اسراء : هاا يماما هاا يروحي .
طلعت غسلت وجها وافتر بيها بالبيت يله سكتت
بلسم ما تقربها الها عكس هند إلي تموت عليها ومن تجينه
حاجات فاطمة وحدها لا ملابس لا حلويات ماتجيبهن
من غير حصتي إلي أتجيبها إلي هم هند حنيتها دائماً تذكرني بحنية وَهج .
8
لأن نفس الحالة وَهج من تجي هم ملاعيب وحلويات ملابس
إلي والبنتي ماتجي بأيد فارغة ، وتضل تگول حرت شجيب الچن
وهي ماضال شي ما جايبته النا حتى ظافر يضحك من أيشوفها
تدخل ومحملة ، هي وقصي لو هي وصفا مو بس هم كل أهلي

آدم : نام برغد وأتهنى ، يالحققت أمالي
يا ثمار گـلبي وعزمه
هيچ الولد يريدونه ، ما يعز دمه الغالي للدين يصب دمه
ورفعت بالعز راسي ، أدريك نعم الوالد ..
134
بقى يقرأ بالقصيدة بصوته الحنون هذا آدم عصبي
بس يا حنيته علينا و هسه ويا أبنه ، أجت وَهج
تباوعلهم مبتسمة ، رائد بس شافها عاف أبوه وأجاها
حضنها يبوس بخدودها حقه إذا هي غامرته بحبها وحنيتها
ويا كل أطفالنا وَهج تتصرف بحنيه مو بس ويا أبنها أو أبن اختها
بحيث يموتون عليها لأن اتلبيلهم كلشي وأتعلم بيهم .
14
رجع الأبوه شوي النطق مالته بي مشكلة ومن راجعوا
دكاترة علمود المشكلة گالوا طبيعي اكو اطفال يتأخرون بالنطق
بعدين يصيرون طبيعي ، بس هالشي أشوفه قاهر أمه و أبوه
هو يگول ماما و بابا بس مو كل الكلام يكون مفهوم الدكتور گالهم دائماً حاولي تحجون وياه .
32
وَهج : رونق راح أنروح للنجف اني والبنات ذني الأيام
أتروحين ويانه ، إذا أتحبين .
بدون أي تفكير جاوبتها
رونق : أي أروح .
مرت يومين وجهزنه نفسنا طلعنا للنجف اني وعميد الدين
و وَهج وصفا بس أبنها ماخذته بقى يم آدم وقصي هم ويانه
واسراء إلي صارت عندها فاطمة هم بقتها يم أبوها .
49
جان الجو الشتاء ، والطريق صار زين لأن البصرة
عن النجف بعيدة ساعات طويلة بس لان الجو بارد زين ماحسينا بالتعب
وصلنا للنجف بالاول زرنه الامام علي عليه السلام
بعدها أتوجهنا للمقبرة أنزور رأئد و أمه ، وأم وَهج
گالوا نكمل منهم ونطلع للمقبرة إلي مدفونين بيها أخوان اسراء الله يرحمهم .
13
وصلنا للمقبرة مالتهم ، أيدي صارت علىٰ گلبي
واني اقرأ
اسمه علىٰ قبره ، بلعت غصتي والنفس ضاگ بصدري
قرينه الفاتحة الهم وذبوا عميد الدين و قصي ماي ورد
علىٰ قبورهم ، گعدت وَهج تقرأ قرآن الهم ودموعها تنزل بهدوء
نزلت دموعي واني أسمع همسات صفا وهي تبجي و تحجي يم قبر رائد و اتگله
صفا : سميت أبني علىٰ أسمك ، ما أريد بيوم ننساك .
47
بقيت واگفة بمكاني منتهية حضني عميد الدين
بچيت بشوغة من عمق قلبي يمسح بدموعي
عميد الدين : لا أتسوين بنفسج هيج
رونق : مو بيدي ما جاي أتقبل فكرة بعد ما أشوفه بحياتي كلها
_ الله يرحمه .
سهام وتنضرب بگلبي من يگولون الله يرحمه صرت
مثل المجنونة و أعيش بأوهام واگول بلگي يطلع حلم كل هذا
ويرجع رائد وترجع حياتي إلي فقدتها من يوم الي فقدته بي .
79
كلنا التفتنا علىٰ صوت الأم إلي تحچي بلوعة وتعاتب بأبنها
گاعدة گبال قبره وتجيب بالتراب وتذب علىٰ راسها
تضرب علىٰ صدرها وتبچي بحرگة وقهر ، عفت مصيبتي
وبچيت علىٰ مصيبتها ، صورة جبيرة حاطينها الأبنها ومكتوب جواها المغدور فلان
يعني هم أنغدر مثل حبيبي أنغدر مثل رائد .
30
بهذا اليوم أنتهيت علىٰ إلي شفته بالمقبرة نزلت جنازة
وياها مجموعة شباب لازمين قاط رغم مو كلش قريبين
إلا صوت بُكائهم الحقيقي والنابع من أعماق قلبهم واصل النا
بقت عيوني تفتر حول المقبرة الهدوء إلي بيها كافل يخليك تفكر بأخرتك
مامسموع شي بيها غير صوت الفاقدين بُكاء الأم ، الأب ، الاخت ، الأخ ، الحبيبة . الصديق .
14
ابتعدوا أهلي وَهج بصعوبة سحبوها من يم أهلها منتهية
تحسها طلعت كلشي مكتوم يمهم اليوم وهي تعاتب بيهم
اخذها عميد الدين للسيارة هو وأخواتها بقينه اني وقصي
إلي گاعد مدنك راسه ، ما أشوف شي منه بس أكتافه إلي تهتز بصمت .
وگف يمسح بوجهه ، عيونه حمر من البجي أبتعد عني تاركني براحتي .
13
مديت أيدي الترجف لقبره لزمته
رونق : رائد ، أريد أعاتبك بس أخاف عتابي يأذيك .
شهگت بدموعي حتى عتابي وياه مستصعبته
أكتفيت بعدة كلمات خاتمة كلامي وياه
_ باقية علىٰ الوعد ، گلبي يحرم عليه غيرك للموت والله للموت
إذا هل الدنيا ما جمعتنا ، اتأمل بالأخرة ربي يجمعني بيك رائد ماراح أنساك كل عمري راح أبقى رونق إلي عرفتها
ومكملة حياتي وحدي مو ويا غيرك الحياة الماضحكتلي وياك
ما أريدها تضحكلي ويا غيرك يجي يوم وأجي يمك هنا وأصير قريبة عليك
رائد خذنه ثأرك بس يا ثأر إلي يرجعك إلي..؟! .
180
فِي قَديمِ الزَمان
حكايةٌ لأحد الخِلان
صَبيةً فِي الرَيحان
تَعَشقُ رَجلٌ فَتّان
واحمقٌ بالغَدر قَد خَان .. بِقَتلِ اخوهُ وهو في الريعان
كَبشُ فداءٍ
لِجَريمةٍ خَطط لَها الأقرباء
اوَ بالخساراتِ أولى الأبرياء ؟
أم اخٌ تَستر عَن جَريمَتهِ بالاختباء ؟
ووالدٌ في أفعالهِ حَيَّر الاُدباء ! .. وامام الملأ يَدعي الرِياء!
وتِلكَ الرَونَقةُ
كانت ضحيةً لحُبٍ ِدَمرّهُ الخُبثاء
فَـ ضَلَّت وَفيةٌ تنَعى الرَثاء
فأخَذت حياتُها مَشَقةً وَ وَعثاء
قتيلُ غَدرٍ مِن احد الأشقاء وجِنحُ فراشةٍ سَقَط عَيّاء " الوّفاء هُوَ رَمزٌ للضِياء " .
195
. اسراء .
14
رجعت من دوام الجامعة مثل ماردت دخلني ظافر جامعة

12
قصي : واني خال رائد
آدم : لا هلا ولا مرحبا
قصي : بيك .
هم يتناكرون بينما رونق گاعدة وحاطه رائد بحضنها تسكت بي
حتى بالليل من أتسمعه يبجي تجي يمنه لو تاخذه يمها
رونق : كافي نصوا صوتكم نام لا يگعد .
13
الكل خنس بعد محد حچى ، وهيج مشت حياتي
ويا أبني طيح حظ حظي الحمدلله ، لمن صار عمره كم شهر
يله بدأ وضعه يستقر ، فتحت عيوني من شفت آدم
گاعد يمه ويلاعب بي ورائد يضحكله وآدم ميت بي
آدم : بوية أروح فدوة الك .
رفعه من مكانه حاضنه يلاعب بي و أثنينهم يضحكون صوت ضحكات أبني تارسة غرفتنه.
16
حسيت بي نام ورايَّ
آدم : أم خشه
صفا : هههههههه آدم شعليههه إذا طلع ابنك بس يشبهني ما يشبهك
_ چاا مو گتيلي بالمستشفى خشمه مثل خشمك شو حتى الخشم طلع مثلج .
درت وجهي عليه مشيت أيدي علىٰ محياه
_ مو چنت أتريد طفل يشبهني رب العالمين أستجاب الك
_ أنتم نعمة من الباري
_ أنتَ نعمتي .
8
لزم أيدي وصار يعد بأصابيع أيدي
_ أدمنت ضحكتج ، من أول مرة سمعتها صفصف
تدرين شي والله أعشگج أني ، اليوم إلي ما أشوف ضحكتج
لو ما أسمع صوتج أحس بنقص بيومي بعد ما جنت فاقد الأمل
بيوم أربحج بسبب أبوج ، صار إلي ما أتوقعته وربحتج وربحت كلشي وياج
حبج يمشي ويا دمي ، دنك باسني ، رجع يكمل بكلامه الي
خلاني مبتسمة طول ما هو يسولف .
14
آدم : إذا هوسي بس بيج هيج قابل طول عمري أبقى مهووس بيج
اني انسان أقترفت اخطاء اهوايَّ وما أتصححت إلا
بعد ما دخلتي الحياتي ، خليج يمي دائماً ميخالف أتحمليني
حتى لو صرت عصبي ، اني عصبيتي مو بيدي بس أحاول أبتعد عنها
الخاطرج وخاطر أبني أتحمليني صفصف لا أترخين أيدج عني بيوم .
23
حضنت وجهه بكفوف أيديَّ طبعت قبله بشفته
صفا : قابلة بيك بكل حالاتك و راح أحبك بكل أوضاعك
سميتني هدايتك من بعد هداية الله راح أبقى دائماً بظهرك وأيدي ما تترك أيدك .
آدم : يـا بـعد الـروح .
فَرسٌ اسودٌ ادهَـم
يَجهَلُ كَلِماتِه الابكَم
رَجلٌ غارقٌ في المَعاصي والنَهَم
وتِلك المرأةُ التِي فِي باله مِن وَهم
مَراةٌ قويةٌ ثائرة
وللطاعةِ جابِرة
ولكِن هيَّ لَبوةٌ كاسرة
تِلَك حَواءُ ' الصفا '
التي كانت هدايةُ ادم وصَحوة ضَميره
وغفران ذُنوبِه
احتوتهُ من الاثام
وابعدتَه عَن الحرام
وبَعّدت عَنه كُل من يريد لَه الحِطام
ودمرت كُل شخصٍ أراد إيذائه مِن الانام
وقفت أمام كُل مَن أراد الخِصام
رَجلٌ قَويٌ جَهّام
صارع مَرضة الذي كَان يأتيه كَالسِهام
فَـ أتت الحورية لمُعالجة روحَهُ السِقام
والهداية " روحٌ " مِن رَب عَـلّام
فَكانت كَالنجم المُضيء في ليل مُعتم
"فَرسٌ اسودٌ ادهم ، وحوريةٌ في بقاع المأتَم"
" النهاية هيَّ تَخطي البداية .
277
. رونق .
38
رجعت من المحكمة ، و گـلبي متلهف علىٰ رائد
تعلقي بهذا
الطفل ، صار أشبه بتعلقي بـ رائد الله يرحمه
أتلگاني يم الباب
يضحك إلي شمرت كلشي بأيدي واخذته الحضني
رونق : روح عمتك
صفا : أجت أمه الثانية بعد أني أسحب نفسي.
18
صفا كل هل السنوات ما منعتني بيوم عنه لو اروحلهم
نص الليل هم ما تحجي أخذه يمي ينام أحطه بحضني
وابقى أسولفله عن خاله و هوَ يبقى هادئ يتسمع إلي
وإذا أيشوفني أبجي من أسولفله يبقى يمسح بدموعي طابك حواجبه
عصبية آدم هههههههه وحنيته ، صبيت غده الي وهوَ يفتر ورايَّ .
32
رونق : رائد جبتلك نستله من إلي تحبها .
ضحك فرحان
ما أدري شنو الوضع بس جهالنل الأخيرين طالعين ايشبهون أمهاتهم
مريم نسخة أمها بس عيونها وشعرها علىٰ أبوها
نعومتها تنعوصها بياضها والمصيبة فنك تحاجيها كبل تگلك " اهتلم نفثك " عود أحترم نفسك وآدم يشيل روحها ويرگعها بالگاع .
179
عميد الدين و وَهج لحد الان ماصار شي عندهم
بس لا زالوا متأملين رغم طولوا و وَهج راجعت يم الدكاترة
يگلولها ماكو شي عندج ولا عند زوجج وهي تنقهر علىٰ عميد الدين
من أتشوفه شلون نفسه بالأطفال وشلون يحب رائد ومريم
بس كلشي بيد رب العالمين لا أعتراض عليه .
38
فتحت جنطتي انطيته النستله مالته فتحتها اله گعد ياكل بيها
دخل آدم ركض الابوه رفعه من الأرض يحضن بي
آدم يا آدم ، مثل ما گالوا فاقد الشي يعطي وهذا الي صار
آدم عنده ابنه روحه من الدنيا كلشي أنحرم منه بطفولته
اليوم هو وصفا قدموا لأبنهم ، نسيت اگلكم صفا بدأت تشتغل ويا قصي
بعد ما رائد كبر بس وَهج رفضت تشتغل ومكرسة حياتها
لأبنها إلي ما شاء الله بدأ يكبر والله يحفظه أخلاق وحنية وَهج
عنده أمه كلشي بالدنيا أول مايرجع من مدرسته يضل يباوع بعيونه
أول كلمة ينطقها هي " وين ماما " .
42
نزلت دمعتي وأني أسمع صوت آدم و هو يقرأ أحد القصائد
نبرة صوته تخلي دموعك تنزل ماتگدر أتسيطر عليها
دائماً يگعد هو و أبنه ويبقى يقراله قصائد ورائد أتعلم علىٰ هذا الشي

صفا : سميتوا رائد
آدم : مثل ما طلبتي .
43
أبتسمت فرحانة رفعته بهدوء شميته غمضت عيوني
رجعت فتحتهن نايم مغمض عيونه ، مشيت أصبعي علىٰ خده
الكل عافنه وطلع بقينه بس أني وأبوه ، گعد يمي يباوعله وعيونه تلمع بفرحته
آدم : أدعي أدعي يطلع عنده ضحكة مثل ضحكتج .
ضحكت من بين دموعي الكلامه ، أشرتله
صفا : تاخذه..؟!
آدم : اني..؟! خاف يطيح مني شوفي شگدوته
صفا : أنتَ تطيح نفسك ولا أيطيح هوَ .
20
أبتسم بتوتر مد أيديه إلي رجفتهن واضحة من توتره
أخذه مني رفع عيونه إلي
آدم : أخاف أبوسه ويتحسس من لحيتي .
باسه بهدوء بقى صافن بي لمدة يباوع بي ومبتسم
صفا : آدم
آدم : أحس روحي بحلم ، أني آدم الي گضيت حياتي
أمشي بالدرب الأعوج ، شوف اليوم نعم رب العالمين إلي .
34
_ بس أنتَ تبت مو آدم القديم
_ بفضل الله ثم فضلج ، حُبج چان هدايتي
_ شوف شوف مبين مثل خشمك مو خشمي
_ بعده صغير ما مبين يشبهمن .
بقى يسولف فرحان بي ومامصدگ هو نفس الشخص
إلي سوا أثم بحياته اليوم رب العالمين هداء عائلة يتمناها گلبه .
17
آدم : ما راح أعيشه إلي عشته ، راح أكون أب زين
أب ما يأذي ولا يترك ندبة بداخله ، ما أريده يعيش مثلي
أريده يمشي بالطريق الصح ، لو أدري أموت ما أمد أيدي عليه عهد علىٰ نفسي أكون اله صديق قبل لا أكون أب .
مسحت دموعي إلي نزلت بسبب مشاعرنه المشابهه بهل الدقائق .
51
حطه بمكانه و اجه يمي لمني الحضنه
آدم : صفصف أطلب منج طلب
صفا : أطلب عيوني الك
آدم : لا تحرمين رونق من أبنه شوگت ما أتريده خلي تاخذه .
قوست شفايفي أمنع دموعي تنزل
_ عرفتها راح تتعلق بي من أول ما تسمع بأسمه
_ وهذا إلي صار ، صارلها يومين مكابلته
_ أبني أبنها مستحيل أبعده عنها .
67
طلعوني من المستشفى ، اتلگونه بالبيت بالهلاهل
الكل موجود حتى اسراء وزينب ، اجت اسراء تباوع اله مبتسمة
اسراء : اكلك اكل ووولك يمااا ماتتت اسراء بهذا الكائن .
صفا : ههههههههه يوم إلي الج
_ خفت عليج
_ الحمدلله عدت .
حضنتني وراسها علىٰ كتفي ، وزيد يتمرگص علينه .
4
زيد : شنووو عميد الدين و وَهج ماتحركون روحكم شو كلشي ماكو .
ضربة آدم علابية لأن سؤاله محرج
آدم : شعليك بيهم
زيد : مو أريد اجمع جهالكم و أبسط بيهم احجيلهم قصصكم
ريم : اوي فدوة ابنكم شعجب هادئ مامرعوص مثلكم .
آدم : شگلتييييي..؟!! .
145
راحت يم وارث تتحامى بي
ريم : يعني أقصد شسمه شبيك أنتَ مو هادئ وصفا لغوه فـ متفاجئة ابنكم هادئ
آدم : وينننن الچفجيرررر
ريم : ابو مريم زوجي ما يخليك تتقربلي
آدم : راح أسامحج لأن مزاجي حلو
زيد : وعلي ريم خلاسهاا بس آدم
ريم : واررررث شووووف شيگلي .
26
هز راسه بيأس منهم ولبسهم مغلس عنهم أخذ رائد مني
وأتبارك النا رجعه الحضني ، لزم زيد من ياخة قميصه
وارث : انتَ تدري بيهااا عقلها مثل عقل رحيق ليش ما تسكت عنها
ريم : منو تقصد..؟!
وارث : أنتِ عزيزتي
ريم : بسيطة
_ هااا راح تأخذين مخدتج وتحولين يم أمج
_ دشوف إلا أسويهاا اليوم بسيطة يا وارث .
22
باوع وارث الـ عمه نجاة إلي تضحك عليهم
وارث : عمه لگيتلج رجل
زيد : وشرط أشغلج نجوته بس كولي بلي بيج خير و أدللي وطم طح طم طح .
نجاة : عمت عينكم ، تالي عمري أتزوج .
ريم : أي والله يووم ما يستحون يريدون يزوجونج .
35
ملت البيت ضحكات الفرح من جديد صعدوني الغرفتي
مجهزينها إلي ومجهزين كل شغلات رائد إلي اشتريناهن اني وآدم اله
حطيته بمكانه و ساعدني آدم أغير ملابسي أتمددت تعبانة
حطني بحضنه يمسد علىٰ شعري وعيوني بدأت تقفل
آدم : صفصف
صفا : همممم
آدم : أحبج
أبتسمت الـ آخر جملة منه غمضت عيوني داخله بقسط من الراحة
قبل لا أبلش بالتعب مال السهر سوالف الولادة.
5
مرت الأيام السهر كأبني هاي ريم الچلبة حسدت أبني
صار بالليل يبجي وما ينام وبالنهار يگضيها نوم
صرت أنكس من ريم بولادتها رغم وَهج وآدم ويايَّ
آدم : ماكو غير هالفاهية أم وجه الاصفر حسدت أبني .
طلعت هداده من المطبخ بأيدها المجلافة مال المواعين
ريم : شبيكممم هي حجاااايةةة حجيتهااا ترا كل الاطفال هيج
ماتذكرون مريم شسوت بيَّ .
31
آدم : لا أنتِ حسدتي عينج تگتل حاسودة ماتستحين .
عيونها دمعن عبالها صدگ نحجي اجت أتقربت يمنه تباوع الـ أبني .
ريم : والله جنت أشاقة والنبي محمد ماحسدته
اني من شفته صليت علىٰ النبي ماحسدته والله .
نزلت دموعها الفاهية مصدگة ، ماتدري آدم ناصب عليها .
46
آدم : هههههههه شبيج خوية أشاقة وياج
ريم : أي بس اني ما حسدته
آدم : لا حسدتي
صفا : آدم شسالفةةة لا تگلبها علينا مناحة للصبح وشيخلصنا من وارث .
وَهج : ندري أمي هذا آدم رفع خشمه من صار عنده ولد وضل يضوج بالناس .
آدم : يحلالي والله اني بعد صرت ابو رائد .

32
وگف السيارة ودار ناحيتي بتعجب ومصدوم من كلامي
_ شنووو..؟! أمهااا ميتةةة..؟!
_ أي بالولادة صايرة عندها مضاعفات وخطية أتوفت
_ استغفرالله ياربي
_ شبيك..؟!
_ ماكو شي بس اتفاجأت من عرفت أمها متوفية الله يرحمها
_ بس لا چافص بشي وياها
_ لا وين متجنبهاا بس گد الشغل احاچيها .
27
رجع يكمل سياقه بس حسيته أنقهر مثلي
قصي : زين زوجة أبوها زينة وياهاا
صفا : أي خالة سلوى كلش زينة وتحبها مثل بناتها
_ أوف الحمدلله ، صح ماتنبلع بس خطية
_ هيثم يوسف شيگول
_ ما يگول شي أسكتي انتِ
_ هيَّ عندها عيون حلوة
_ عيوني أحلى
_ لا صاير صدگ مغرور شو
_ ههههههههههه كافي أبوية سدي الموضوع الله يحفظ البنيه ويستر عليها مو ذوقي .
93
سكتت چاا لا هاي ذوقك ولا غيرها ذوقك غير أفهم شنو ذوقك
والله عاجبه يبقى للشيب وحدة ، و وَهج هم ماحجت شي بعد
وصلنه للبيت نزلنه ، اتلگتنه ريم وبنتها تريد تشمر روحها علىٰ وَهج
خذتها من أمها ومريم بس وَهج أتشيلها أتسنح عليها و أتصير هادئة .
18
ريم : شلونها اسراء
صفا : الحمدلله
بدأت الأيام تمشي و موعد ولادتي أقترب وفد جبانة اني
اسراء وره كم يوم خابرتنه فرحانة وفرحتنه وياها من گالت ودموعها واضحة من صوتها
اسراء : اني حامل والله هسه الدكتورة أكدتلي حملي .
43
ويا فرحتنه بيها أتمنيناها يمنه وتنطينه الخبر بس أتصلت أتصال
أتباركنالها واتباركنه الظافر إلي من نبرة صوته مبين شگد فرحان
آدم : يا بووووياااا اسراء أتصير أم شدو روسكم يكرعان
صفا : ليش تحجي هيج علىٰ اختي
آدم : تجينه اسراء الصغيرة وتخبصنه مثلها مثل ما هسه شايل هم
شلون مريم من تكبر واحاجيها متأكد راح تگلي أحترم نفسك مثل الماما .
18
ريم جانت گاعدة بس سمعته ضربته بوحدة
ريم : أحترررم نفسك ولا تحجي علينا اني وبنتي
آدم : هااك أتفضل .
أنطتني وَهج صحن فواكة لو ماهي فلا أكل هي تمشي وتحجي
وترزلني إذا ما اكل ، والله ما أدري شلون أرجعلها كل هذا .
هستوني بادية اكل وصار عندي ألم بلعت ريگ بخوف
وگـلبي ما أدري شصار بي شنجت جسمي من خوفي كلهم لاحظوني .
9
آدم : شبيج صفا .
بقيت خانسة من خوفي بس دموعي إلي صارت تنزل
وَهج : شبيج امي
صفا : يمكن صار وگت ولادتي لا حبابين ما أريدد .
عافت كلشي وَهج واجتني گعدت بصفي تمسح بدموعي
وَهج : اهدأي .
25
آدم : شسمه وَهج ، نأخذها للمستشفى
عميد الدين : آدم عبالك هو راح يطلگ شبيك وجهك صوفر .
صعدت وَهج بدلت ونزلت سريع باجي سلمى هم لبست عبايتها
وطلعوني صعدوني بسيارة آدم واني حتى الگعدة ما اگدر اگعد انتهيت
الطريق كله ابجي بصمت أستحي اصرخ كاتمة صرختي بداخلي
رغم ماكو أحد بالسيارة بس آدم و أمه و وَهج .
39
قصي و عميد الدين أجوا ورانه ، دخلوني للمستشفى
شافتني الدكتورة سوتلي فحوصات و گالت موعد ولادة
گالت الدكتورة ندخلها الصالة الولادة
آدم : عاد دخلي أختهاا وياها دكتورة
الدكتورة : ما أيصير ، أحنا نهتم بيها .
طلعت الدكتورة وهو ثنى ركبته گعد يمي دموعي تنزل
خوف وتوتر من الولادة ، باس راسي
آدم : كم ساعة ويخلص كلشي لا تخافين .
11
من خوفي حتى ما اگدر احجي ، بقن وَهج وباجي سلمى
يطمني ، دخلوني لصالة الولادة و أنرعبت من النسوان الموجودة
والعياط مالتهن هن يصرخت واني ابجي حطوني بمكاني
وبدأت ولادتي أنتهيت بيها ماكو طلوگ سهل وحدتنه تنتهي بي .
الممرضى تصيح بوجهي لأن دفعي مو قوي روحي طلعت ويا الروح الي جاي تطلع مني .
32
ولدت أبني بعد معاناة ساعات أسمع صوت بُكائه
بس جسمي أنتهى عيوني غوشت ، غمضت عيوني
هذا كلشي أتذكره بولادتي ، رجعت لوعيي بس بغير مستشفى
ما فهمت شصاير ، شفت آدم گاعد يم راسي مجرد شافني
طفر من مكانه يحضن بوجهي ويبوس بي
آدم : يا روح آدم گعدتي .
أباوع الدنيا تفتر بيَّ لعبانة نفسي همست بخفوت
صفا : أبني .
31
_ بخير بخير والله ، شلون صرتي .
بقيت أباوع بعيونه إلي مليانه قلق وخوف أتجاهي
_ ليش اني هنا مو ولدت طبيعي
_ ماكو شي بس لأن تعبانة نقلناج الغير مستشفى .
_ آدم
_ هاا يا بعد الروح
_ شصاير..؟! أبني بخير فدوة لا تضم عني
_ وعيونج بخير هسه اجيبه الج ، بس أنتِ صارت
عندج مشاكل ودخلوج مستشفى لا أتخافين
_ شگد صارلي هنا
_ يومين .
48
دخل الدكتور بدأ يسويلي الفحوصات وطمنه ماكو شي خطر
ويگدرون يطلعوني ، دخلت وَهج الميتة بخوفها حضنتني
وَهج : الحمدلله ياربي
صفا : أريد أبني فدوة .
طلع آدم يجيبه ، قصي گعد بصفي حاضني الدقائق
دخلوا رونق و آدم أبني بين أيدين رونق مبتسمة وهي تباوعله .
7
حطته بحضني وأتحمدتلي بالسلامة
رونق : رائد الصغير وهاي ماما .
مجرد تنطق اسم رائد الغصه تبين بيها ابتعدت وگفت يم عميد الدين.
نزلت أنظاري علىٰ أبني بين أيديَّ ، دموعي اخذت مسارها

عميد الدين : براحتج ، أشوف وقت مناسب أخذج اله أتمنى ما تتندمين إذا شفتي .
15
فزيت علىٰ صوت آدم من صاح
آدم : صفصف دزيتج علىٰ ماي مو تطبخين باچه
صفا : أي اجيت .
طلعت الهم أنطيته الماي وعقلي أتشوش شعندها وَهج
رايحة الـ عيسى ، گعدت أصفن و أحاول الاگي جواب مقنع
آدم لاحظ شرودي ضل يباوعلي بعدم استفهام أشرلي بمعنى شكو
صفا : ماكو شي .
3
بقيت كل ما أريد اسئلها أتردد ، الثاني يوم أخذنه
قصي الـ اسراء بس أحنه الثلاثة وصلنا الهم رحب بينه ظافر
وهي اتلگتنه من الباب تضحك فرحانة بجيتنه وتحضن بينه
اسراء : مشتاقتلكم .
حضنها قصي
قصي : والله أحنا مشتاقين أكثر صارلج شهر ماجايه النا
اسراء : والله ما فارغة مشغولين بتحضير زواج ابو عضلات المنفوخة .
11
ظافر : يول قصي زين اجيت هساع جنت احاجيها
أختك صاير ما تاكل ، حاچيها بلگي تقنع .
أبتسمت علىٰ كلامه من يحجي يهبط باللهجات خبط .
وَهج : ليش ماتاكلين أمي ، حتى وهج صاير أصفر
ظافر : الف رحمه علىٰ أمج ، ماتصدگني
من احچي
اسراء : ما أشتهي شبيكممم
صفا : هسه تطلعين حامل .
50
ضلوا كلهم يباوعولي ، قصي غلس سوا نفسه يحجي ويا ظافر
اسراء : أني هم شاكة بنفسي
ظافر : لعد يولي ما تحچين اخذج للدكتورة
اسراء : أستحي
ظافر : احمممممم احممممم ، أنتِ والخجل شجابكم البعض .
رادت تحجي لزمتها وَهج تضحك تدري بيهم هسه يتمالخون .
39
اسراء : والله أخجلك أنتَ وعشيرتك بخجلي وأخلاقي
ظافر : واني أشهد ههههههههه
_ اني أعلمك بس يروحون أهلي والله
_ أخذوا أختكم وياكم معنفتني
قصي : يله أحنا هم مشتاقيلها بعد أجت
من الله
ظافر : أنكتم مو صدگت الله يغربلك تريد تاخذ مرتي مني .
59
ضحكنه علىٰ سوالفهم جدة أمل ماموجودة عند وحدة من أخوات ظافر
اسراء : يمكن ذني الايام تجي لأن هند مسوية عملية وراحت الها
صفا : بلسم شنو وضعها وياج
اسراء : تجي قليل هنا ومتجنبتني گد السلام
صفا : بعد أحسن مالنه خلگ مشاكل
وَهج : حازم شوگت موعد زواجه
_ هو هل الفترة هو أيريد يستعجل بالزواج يخاف أبوها
يغير رأيَّ لأن شلع گلبه بالخطوبة هم صارلهم أسبوعين من خطبوا
بس يريد يستعجل لهذا السبب ظافر گاله بكيفك وهل جاي يشتغلون بالترتيبات .
3
صفا : الله يوفقه
اسراء : أييي يمعودة خلي تجي وحدة ويايَّ مليت من الگعدة وحدي
وَهج : ليش وجدة أمل وين عنج
_ موجودة بس هي مرة چبيرة مو مثلنا أحنا البنات الشابات
_ باجر روحي سوي تحليل شوفي نفسج شكلج مال وحدة حامل بس اتأكدي
_ يمه گلبي ، اني أصير أم
_ أن شاء الله مو بعيدة عن رب العالمين .
7
بقينه يمهاا ساعتين و أترخصنا
اسراء : اكو واحد يطلع هسه شوفوا ماباقي شي لأذان المغرب
ظافر : صح كلام أختكم مو طلعة هاي أتعشوا هنا وبعدها أدعبلوا لبيوتكم
اسراء : أي حبابين أبقوا
قصي : غير مرة أن شاء الله نخسركم
ظافر : جيب عشاك وياك
قصي : جاي الاختي قابل الك .
ضحكت وَهج و گالت
وَهج : سَند بقى هناك ماقبل يجي و عميد الدين بالشغل .
3
ودعناهم واسراء تحضن بينه وتحجي
اسراء : والله مرة ثانية ما أخليكم تروحون شو من أتزوجت
لحد الان مماكلين عندنه تجون بس زيارات كم ساعة و أتروحون
صفا : بالجايات بالجايات .
رجعنه للبيت ، بنص الطريق وَهج سئلت قصي عن أماني
وَهج : شلونه وضعك ويا أماني .
30
قلب عيونه بملل
قصي : ماشي حاله
وَهج : ههههههههه البنيه حبابه ترا
قصي : والله أنتِ الحبابه
وَهج : چااا ليش رفضتها ورجعت قبلتهاا إذا ماتعجبك يعنى بالشغل
_ لا من ناحية الشغل نحجي الحق خوش تشتغل البنيه
بس عندها معارضات اهوايَّ وتگعد تتناقش وتتورط تحجي شي
كبل گالتلك اني امرأة واجب احترامي واحترام وجهة نظري .
78
صفا : اني حبيتها شخصيتها حلوة
قصي : اني رفضتها گلت بلكي شويَّ أتوب ويكون هذا
الشي جرة أذن الها ، دخيلك ربي زادت ما نقصت
وَهج : بس حلوة هاا
_ منو..؟!
_ أماني
_ شمدرينييي
_ تناسبك
_ الله لا يگولها هه
_ مو چنك شادها ويا البنيه
_ لا بالعكس ، بس جاي أحجي براحتي يمجن گدامها أتورط احجي كلمة تبلعني بلع بلسانها .
47
صفا : قصي لا تزعل من كلامي ، بس أنتَ جاي تكبر
وتحتاج أحد بحياتك ، غلط تبقى كل عمرك هيج وماناقصك شي
إلا إذا جنت بعدك أتفكر بروزه
قصي : لا والله ولا أبالي شلتها البنيه من عقلي وگلبي من زمان وحرام أفكر بيها وهي متزوجة
_ زين فكر بـ أماني تناسبك أحسها
_ هسسه ليش لازگات بهاي البنيه شنو ماكو غيرها .
13
_ لا أكو بس هي مو صغيرة ، ومبينه تناسبك أنطي نفسك فرصة من جديد شخسران .
صفن ساكت مستمر يسوق
وَهج : قصي مو إلا أماني ، بس أنطي نفسك فرصة
قصي : الله كريم
صفا : اني أنقهرت عليها من عرفت أمها متوفية بالولادة
وإلي ربتها زوجة أبوها بس الحمدلله زينة وياها .

صفا : إذا گدرت ، اخخخخ متتت من الثگل
وَهج : هانت أمي هانت مابقى شي
صفا : اني خايفة
_ منو شنو
_ من ألم الولادة والطلوگ أخاف والله
_ علمود أبنج تتحملين المايتحمل ، وبعد هذا الحال
مجرد أيصير ابنج بين أيديج تنسين كل ألم .
12
_ متحمسةةة يجي أبني ، والله أدلله دلال ماصاير
وأشبعه حُب وحنان مني ما أخلي يكبر ويگول أمي ما حبتني
لو ما شفت شي من دلالها وحنيتها ما أريده يحس بشعوري .
مسحت دمعتي إلي نزلت لا أرادياً مني گعدت يمي لازمه أيدي .
وَهج : متأكدة أنتِ و آدم راح تكونون أهل مثاليين
صفا : أن شاء الله ، وَهج البارحة حلمت بباجي نادية الله يرحمها .
17
_ شنو حلمتي
_ مو كلش أتذكر بس إلي أتذكره لابسة كله أبيض ماحجت شي
بس باوعتلي ومبتسمة بقت أتباوع البطني ، وفزيت ما أدري شنو معناه
_ خير أن شاء الله ، هسه نسئل باجي أو عمه عنه يمكن يفهمون بتفسيره .
38
كملت وَهج شغلها بالمطبخ ، ورحنه الهن گاعدات يم
جدي بالحديقة سولفت الهن الحلم إلي أتذكره لأن مو كلشي أتذكر منه
سلمى : خير أن شاء الله لا أتخافين
صفا : يعني زين
سلمى : أي حبوبة .
فرحت بداخلي اني طول أشهر حملي باجي نادية
تجيني كل فترة بس ماتحجي شي تبقى بس تبتسم إلي
مرة من المرات ردت أحضنها بس ما لحگت وأختفت .
13
مر اليوم عادي مثل أي يوم ، اجت يمنه زينب كم ساعة
ورجعت البيتها ، للظهر رجع سَند من دوامه بس أرتعبنه
من شفنه حاله ، وجهه وعيونه حمر ويناشغ مناشغ
وَهج أتخبلت بس أتريد تفهم شبي بس هو مايحجي حاضن أمه ويبجي .
وَهج : شبيك ماما بس فهمني ليش هذا البجي حبيبي سَند باوعلي .
14
حاولت وياه وهو ضام وجهه بصدر أمه وَهج ماباقي شي
وتبجي وياه ، أخذته منها أريد افهم شبيه الولد أول مرة يجينه بهيج حال
صفا : سنودي خالة ، راح نتزاعل شوف ماما شصار بيها سولفلنه شبيك أحد مضوجك .
رفع راسه شفته ترجف
سَند : خذت بالاملاء ثمانية والمعلم يگلي صاير كسلان .
178
خذته وَهج الحضنها تهدأ بي
وَهج : عادي ماما عادي وإذا خذت ثمانية ولك هبطتني عبالي بيك شي .
أردف من بين دموعه يبچي من كل گلبه
سَند : مااااا ، أريد عشرة صاحبي مرتضى أخذ عشرة ورحيق هم ليش بس اني .
25
صفا : وَهج شنو مامدرسته زين
وَهج : لا والله درسته حتى أختبرته أكثر من مرة .
صفا : سَند وين دفترك شو .
أخذت الجنطة طلعت دفتر الاملاء مالته گلت يمكن المعلم
مشتبها أو شي ، فتحت الدفتر هن عشر كلمات منطينه
وعنده أثنين خطأ يعني المعلم ماله علاقة وهذا گطع روحه تگطع .
12
خذته وَهج شافته
_ قرة عيني ميخالف بالجايات تعدل .
حضن أمه ورجع يبجي خذته وَهج دخلت بي للغرفة
تسكت بي ، صبينه الغده ما قبل يتغده مسوي أضراب
هذا إذا يكبر ويحب وحدة ويتزاعلون شيسوي إذا هو املاء
علمود درجتين هيج سوا حتى ضراب عن الطعام
رجعوا الولد الظهر من شغلهم علمود يتغدون سئلوا عنه لأن بالعادة يگعد وياهم .
17
عميد الدين هو سمع إلي صار عاف الاكل وگام راحله
دخل جوا اله للغرفة ، غرفة اسراء سووها
الـ سند
مرات زيد ينام يمه يبقون يلعبون ويبقى للصبح عنده .
آدم : والله أبن وَهج يضحك ، اني جنت انگتل وأشبع تگرص وعض من أمي يله اجيب العشرة
زيد : خووب اني شبعت گتل بالنعال مال الترك مال أمي .
81
سلمى : شلعتوا گلبي
آدم : يمه تذكرين هاي الزورة مالتج بوووية من تسمطين واحد
بيها تخلينه يكمز تكمز ، بس نحجي الصدگ گتلاتج جابن نتائج
زيد : وتالي تعيين ماكو أمداها من حكومة
آدم : قدم بعقد
زيد : لا خليني ويا عميد الدين شوگت ماطلع التعيين خلي يطلع ما مستعجل عليه قدم أنتَ
_ مرتاح بشغلي ، مو مال أتقيد بدوام
_ بكيفك بعد ، بس خوية اني إذا يعينوني أخبل الطلاب مو مال أدرس أجيال
_ هو ربك هم يعلم ما أتشوف ما طلع تعيينك.
68
طلع عميد الدين شايل سَند ويحجي وياه بهمس
گعده وياه بالاكل ، بقى يوكل بي ويحجي
عميد الدين : الثمانية والتسعة خوات العشرة لا تزعل وليدي
أنتَ رجال لا تبقى تبجي علىٰ هيج شغلات باجر تعوض
وتاخذ بدل العشرة عشرات متفقين بابا .
هز براسه سَند وأخيراً ضحك ، غداه وياه .
34
وَهج : عميد الدين ممكن شويَّ من وقتك
عميد الدين : يفداج .
حط سَند يم الولد وطلع وياها ، حسيتها مثل المتوترة
آدم : صفا بلا أمر عليج جيبي گلاص ماي .
رحت للمطبخ صبيت گلاص ماي ، سمعت عميد الدين
يحجي ونبرة صوته ما قابلة عن الموضوع .
10
عميد الدين : شعندج رايحة أتشوفينه
وَهج : أريد أشوفه
عميد الدين : علمود أتشبعين قهر وترجعين
وَهج : الله يخليك عميد الدين لا تمنعني من هذا الشي
_ هو عيسى بشر علمود أتشوفينه..؟!
بقت ساكتة ما أشوفهم بس أسمع صوتهم لأن شباك المطبخ مفتوح
ضل يحاول يغير رأيها بس هي چانت مُصرة تروح أتشوفه .

73
باوعت النفسي بروب التخرج وبنتي وزوجي يمي
وكل عائلتي حاضرة تخرجي ، نزلت دموعي بفرح وأني
محققة حلم صديقة عمري و حلمي ، أجواء التخرج
عيوني أتباوعلها بدموع ماليها الفرح أنختم كلشي اليوم بختام السعادة
وارث واگف گدامي يعدل بقبعة التخرج مالتي ومريم تتمايل
بروحها بنعومة ويا أغاني التخرج و الطلاب ميتين عليها .
82
الأمهات كلها أطش بالجكليت على أولادها وبناتها فرحانات
بتخرجهم رسميًا دكاترة اليوم ، أمي من ضمنهن رحت عليها حضنتها
ريم : أتمنى بيوم أگدر أجازيج
نجاة : عيشي بسعادة وحافظي عليه .
أشرت علىٰ وارث الواگف هوَ ومريم يرگصون مدلي أيده اروح عليهم .
25
مشيت بخطوات كلها ثقة و أحس بنفسي اتغيرت مو مثل قبل لزم أيدي مبتسم
2
وارث : جبتج يمي وأنتِ مخلصة مشوار السادس
واليوم بنفسي أختم وياج مشوار الجامعة .
نزلت دموعي أكثر علىٰ كلامه
ريم : أحلى مشوار مشيت بي بحياتي وانتَ ويايَّ أبوية ..
وأما ذَلِكَ الرَجُل الدَيسّـم
الـَذي فِي هَوا الرِيمِ مُتيم
نَظراتَـهُ كَالصَقر الهَيثم
وأفعالَـه كَالاسد الاقتَم
كَان ضَحيةً فِي اِتفاقٍ مِن رَهَن
فَـ صار مُزحةٌ بينَ صديقاتٍ لَكِنَه لَم يتَكهن
ليرى الريم الرَقيق المُلتَحم
وفيِ عَيناها الحِزن يُقتَحم
إمرأةً خَاسرةً لأبٍ
فَيكون لها ارثٌ وَوَهب
رَجلٌ عنيدٌ الهَب
كَالسَحابِ في سماءٍ ضُرِبَ بِها أشهب
وأسدٌ ازأرَ فأرهب
وأصبح لَون عَيناهُ اصهَب
جُمِعَ حُبَ الإرثُ مع الميرال
فَتَبدلت الأحوال
وَفي عُشقهما صارَ يُضرب الأمثال
" الانتِهاء هو الابتعاد عَن البَلاء "
377
. صفا .
25
فتحت عيوني و آدم نفس الحالة باوعنه للساعة بـ 6:30 الصبح
آدم : شنو هذا من الصبح هل الردح..؟!
رجعت راسي للمخده بنعاس
صفا : سوالف زيد هاي
زيد : إذا ما احرگ أبو من الصبح هل السافل .
لبس تشيرته ونزل جوا ، رجعت أكمل نومتي زيد بعده متأثر
بعرس عميد الدين إلي صارلة أشهر من خلص .
53
النومة طارت ، مال هسه أضربك بدعوة يا زيد يا أبن هادي
نهضت من مكاني بطني صايرة الخشمي ومورمة
لأن بشهري ، أتعقدت من الثكل إلي اني بي يگولون
علساس لأن بيَّ ولد هيج أيصير وضعي و أورم
أتذكر ريم بنتها شكلها ما أتغير وما ورمت مثلي
غيرت ملابسي لبست حجابي طلعت أسمع رزايل آدم الـ زيد
بس ولا عبالك يطب الحجي من هل الاذن يطلع من الثانية .
18
طلعت وَهج من غرفتها گوا فاتحة عيونها
وَهج : صباح الخير ، شنو السالفة الناس تگول يا الله الصبح وتشغل قرآن
أحنا أغاني منو هذا مشغل هل الاغاني..؟!
صفا : صباح النور ، يمكن زيد نزله آدم .
11
لزمتني من أيدي نزلتني جوا علىٰ كيفي غسلنه بالحمام
الجوا ، طلعنا ، طلعنا للحديقة زيد واگف وجدي وآدم
نازلين بي دگ رزايل و هو بكل صلافة ما مهتم ويضحك
زيد : هسه شكو هو شغلت راية يعباس آدم أنتَ مو أتحبها
آدم : انجببب موووو من الصبح والناس نايمة
زيد : حبيت أسويلكم أجواء مامليتوا كل يوم تگعدون بنفس الأجواء .
كفخه علىٰ راسه و دخل جوا ، جدي يسقي بالحديقة لأن هو يگعد من وگت .
17
رجعنه جوا اني و وَهج و بدأت العائلة الكريمة كلها تگعد
طلعوا هم سامعين الصوت بس مغلسين لأن يعرفون منو وراه .
وارث : ريم كملتي
ريم : بس خلي أشرب چاي لا راسي يبقى ياذيني .
بقى واگفلها يم الباب علمود يطلعون الدواماتهم
ريم لابسة رسمي وهو كذلك لابس رسمي لاحظته اكثر لبسه بدوامه رسمي .
16
قبل لا تطلع رجعت يمنه ويم أمها
ريم : فدوة ديروبالكم علىٰ مرايم اني مجهزة كل شغلاتها بغرفتي تلگونهن
نجاة : روحي الدوامج لا يضل بالج يمه .
أبتسمت رجعت حضنت أمها باستها بخدها
ريم : الله يديمج إلي يووم ولا يحرمني منج .
بوست بنتها وطلعت ويا زوجها ، ضحكنه اني و وَهج علىٰ فرق الطول بينهم .
13
وَهج : حلوين
صفا : كلش هههههههه .
دخل قصي هم أيريد يطلع الدوامه صبتله وَهج ريوگ
أكل سريع وطلع لأن عنده شغل
وَهج : ما أكلت زين .
سحب راسها باسه وباس باطن أيدها
قصي : اتأخرت عندي شغل لازم أكمله من التعب
البارحة عفته للنص ولازم هسه أكمله لأن عنده شغل بي اليوم .
51
صفا : واني قصي شو ما بستني .
ضحك اجه حضني باسني بخدي
قصي : وهسه رضيتي
صفا : أي بس بعد لا تخليني أطلب منك أنتَ دللني بدون طلب
قصي : هو أنتِ أنطيتي مجال ، بعدني مامكمل من وَهج .
19
آدم : قصي وصلني وياك للشغل سيارتي ما أدري شبيها
قصي : يله تعال دام طريقي علىٰ طريقك .
طلعوا هم الاثنين هم ، عميد الدين طلع هم وزيد وياه
بقينه بس أحنا وعمه نجاة وباجي سلمى وجدي
سَند هم اجه السائق مالته مال المدرسة واختي ما تطمن
إلا بنفسها تطلع تصعده أو مرات عميد الدين ياخذه يصعده طلعن باجي وعمه .
2
وَهج : صفا باجر أنروح الـ اسراء اني وقصي أتروحين ويانه

عميد الدين : شطالعة يا عمو عين الباردة عليج .
31
زيد : ريم شنو مطقمين كله سمائي شعندكم
ريم : عليك الله حلو غير..؟!
زيد : لا
ريم : أحترررم نفسك طالعين نخبل تغار من عندنه حقك ما ألومك
_ هو ضلت بس الفاهية تشمت زوجوووني
عزام : گنالك تگول مو هسه
_ أريد من ذوقك حجي عزام ، بسس لا أتجيبها فاهية
كفيلك العباس اني الفاهيات يمطن گلبي مط .
65
عفناه يتلاغى ويا جدي هو جذاب ما أيريد يتزوج
بس من أيشوفنه أيضل بس يحجي أنطاني وارث مريم
علمود يسوق صعدت بصفه ، طلع زيد ورانه علمود أيسد الباب مال البيت
زيد : جيبولي وياكم عشه
وارث : شتريد
زيد : جيبلي مندي
وارث : ما أتمل منه شگد تاكله
_ اكو واحد يكره المندي هذا بس الماعنده ذوق بالاكل غير من تدوس بي بالخمسة تنسى روحك .
180
ضحك وارث وطلعنه من بيتنه ، أجه أبالي من صارت سالفتي
شو آدم و عميد الدين چانوا هادئيين معقولة هيج يبقون
بهذا الهدوء مو من عادتهم ، التفتت الـ وارث إلي عيونه بالطريق .
ريم : وارث سؤال
وارث : جواب
ريم : أنتَ متأكد حليتوا السالفة بتفاهم
وارث : يا سالفة برنسس..؟!
9
_ سالفتي ويا البنات
_ لا
_ لعد
_ إذا أنتِ ما تدرين اكو كروبات بين الطلاب واسمج جاي بيها
و أكو واحد أيصير صاحب وحدة من ذني إلي حچن عليج
هو إلي يمشي ويحجي بسمعتج ، وصلتلي تسجيلاته وكلشي عنه
والله بنت ابو قتيبة هاي رفعة راس ما أدري بشنو أجازيها
من وصلتلي هي وأخوها كلشي ، و عيب ينحجي عن عرضنا ونسكت .
31
_ شسويتوا..؟!
_ ما سوينه شي ، بس أدبناه وهايهية
_ لا تگلي آدم وياكم
_ چاا شلون
_ أتوقع الولد طلع جنازة من أيديكم
_ طبه مرض وإذا رجع فك حلگه وحچى أذبحه بأيدي .
38
طلعنه من أجواء حديثنه من صفت سيارات زفه
گطعوا الشارع الشباب إلي بالزفه نزلوا يرگصون بنص الشارع
ومريم بسبب صوت الاغاني صارت أتشيل روحها وترجع الحضني
عود ترگص حقها ، إذا آدم وزيد من ياخذونها يشغلون راية يعباس ويضلون يهزون بيها .
41
بقينه واگفين حد ما مشت لأن السيارات وگفت كلها
من أتحركت سيارتهم ، كملنه طريقنا وارث يضحك علىٰ حركات مريم .
وصلنه للمطعم نزلت اني وگفت يم الباب و هوَ راح أيصف السيارة .
طبكت حواجبي من شفت نريمان اجت ولازمة أيد واحد
ركزت بأيديهم لابسين حلقات ، حسيتها من شافتني اتفاجأت .
37
درت وجهي عنها ولا كأنما أشوفها بينما هي عيونها
صارت علىٰ مريم ، دخلت گدامي جوا ، أجه وارث
شافني عافسة خلقتي ضل يباوع بعدم فهم
وارث : شبيج ريمه
ريم : ما حبيت هذا المطعم
وارث : هسه أنتِ شنو شفتي بي وماحبيتي
ريم : أي ما حبيته خلي أنروح الغيرة بداعتي .
9
_ اوكي تعاي .
رجعنه للسيارة ورحنه الغير مطعم ، ما أريد ليلتنه تخرب بسببها
متأكدة راح أتسوي سوالف مُقززة مجرد أتشوفنه
_ وارث ناريمان بعدها أتداوم وياك
_ لا أنقلت السنة ، ويمكن سمعت مخطوبة
من المدرسات
_ هسه من رحت علساس أتصف السيارة أجت هي و واحد
وياها لأزمة أيده ولابسين حلقات شكيت بيها مخطوبة .
2
_ اممم هسه عرفت ليش ما حبيتي المطعم
_ بذمتك لو أنتَ بمكاني وخطيبي السابق موجود تقبل
_ لاااااا ، شكووو گاعدة بنفس المكان الگاعد بي
_ شبيك لا أتعيش الدور سئلت سؤال ههههه
_ لا تسئلين هيج اسئلة مو حلوة
_ لا عيوني بس ردت أحسسك بأحساسي خاف الك نيه تگول عادي وشعلينا .
24
باوعلي بطرف عينه
وارث : شناكل
ريم : بكيفك .
وصى علىٰ ذوقه ، حط أيده جوا ثغره صافن بوجهي .
_ شبيك وارث
_ أنتِ مسؤؤلية ما اگدر بيوم أفرط بيها
_ ومن أغلط
_ أتحمل و أفهمج الغلط من الصح
_ خاف يجي وتمل
_ لا ما أمل ، وانتِ جاي تكبرين وتفهمين وتتعلمين .
16
مديت أصبعي الصغير اله
_ خلي لعد نتصالح .
مد أصبعه حطه بأصبعي مبتسم
_ أنتِ سوالفج ترجعني طفل
_ وين لاگيلك وحدة سوالفها تخبل مثلي
_ صايرة نرجسية برنسس .
65
جابوا الاكل وبلشنا ناكل ، كل فترة من يجي يوم عطلتي
يطلعني علمود أغير جو من جو الدراسة علىٰ گولته
إذا تبقين من البيت للدوام تتخبلين علينا هو يمكن هنا قصفني..؟!
بس يله نغلس عيب كبرنه وصرنا ماما وبابا مو مال نتمالخ .
39
مشت حياتي وياه ، بنتي بدأت تكبر وتمشي وطايرين بيها
بس الحقيرة أول كلمة نطقتها بابا مو ماما گعدت يوم كامل
ابجي لأن نطقت ببه مو ممه بلهجتها ، وآدم يضحك عليَّ .
آدم : خطية بنتها گالت بابا مو ماما
ريم : وارررررث
وارث : أشتعلووووا عووووفهااا بهيدة بهيدة سكتتها .
آدم : خطية ، حتى بنتج ما تعترف بيج .
94
نزلت دموعي من كل عقلي شگد يخبثون ويايَّ ويبچوني
ومحد واگع بيها غير وارث بينه ، أنتقلت حياتي من عالم
" المأساة الى عالم الأستبشار عالم السعادة "
بوسط كلشي صار
اليوم أني أنهي مشوار حلمي أكتمال دراستي .

_ أي
_ و گلت النا راح تعرفون مصلحة هذا الزواج بعدين ، وصح كلامك
حبيت اگلك شكراً الك ، بالنسبة إلي لو مهما دورت
ما راح الگى مثل وارث ، رغم فرق العمر بينه إلا هو أحتواني
وسندني بكلشي ، أتحمل كل أغلاطي وچان دائماً ويايَّ .
51
طبطب علىٰ أيدي مبتسم
عزام : الله يسعدكم بنتي ، بس هم احفادي بيهم سالفة
طايح حظها من يزعلون يشلعون گلبك يله يرضون
يكابرون ، مثل هل السرسري عميد الدين هنا يبيع ثكل يمي تالي طلع مسافر وراها .
ضحكت من كل گلبي علىٰ سالفة عميد الدين لأن بنفسي
سمعته بيومها من چان يم جدي وشلون يگول بعد ما أريدها ويكابر .
71
_ يله روحي الرجلج راضي ، ما اريد زعل بهذا البيت بعد
خلوا السعادة تملي ، أولادي انتم تعبتوا سواء أنتِ و وارث
لو عميد الدين و وَهج لو صفا و آدم دفعتوا ثمن هالسعادة
لا اتخربوها بيوم بسبب شغلات ما تستاهل خليكم دائماً متمسكين ببعض
و مو لأن أحفادي و ولدي وربيتهم بس ماراح تلگن أزلام مثلهم يحبونجن هيج .
53
ريم : جدو دائماً انگول اني والبنات شلون ولدك هيج طلعوا
و احفادك هيج سبحان الله يعني من اتفكرلها تصفن
أحفادك مثلك طيبين عكس ولدك أقصد خالي أشرف و هادي .
أبتسم وجانت ابتسامة قهر طالعة منه
عزام : كلشي بي إرادة و حكمة من رب العالمين
ريم : ونعم بالله ، أتمنى خالتي ناهدة ماتبقى حاقدة طول العمر هيج
عزام : الحقد والخبث يضرن صاحبهن .
28
طلعت من يمه و عقلي يفكر جدي انسان حكيم
ربى هل الولد و ورونق وتربيتهم والنعم منها بس ليش أولاده
هيج معقولة الطمع هيج يخرب الأنسان بس للأسف اي ويعمي العيون
ويخلي ما يفرق بين الصح و الخطأ يمكن خالي هادي أحسن
من أشرف ، صح بسببه آدم أتعذب بس ماسوا إلي سوا أشرف
أشرف من خطط الموت رائد ما دمر شخص واحد دمر أشخاص .
16
بسببه أنحرمت أم من أبنها ، و بسببه أنحرمت حبيبة من حبيبها
إلي لليوم ما قابلة تتقبل أحد غيره وكثرة مشاكلها
ويا أمها بسبب هذا الموضوع ، بس أخوانها وجدي واگفيلها دائماً
لأن يعرفون برونق إذا ينضغط عليها أكثر تدمر وهم ما صدگوا ترجع تمارس حياتها طبيعي .
11
ريم : وارث خلي نتصالح
وارث : أفكر بالموضوع
ريم : مو أني أحبك ابو مريم
وارث : اني هم
_ شنو أنتَ هم
_ أحبج
_ لعد لا تبقى زعلان
_ خوووش .
15
_ وارث لا أطلعلي گلبين ، غلط صار وبعد مايتكرر
_ جهزي نفسج نطلع
_ وين..؟!
_ ما أدري بس مختنگ من البيت ، باجر عطلة عندج
بدلي المريم وبدلي أنتِ هم
_ هسه..؟!
_ العصر كلش .
21
للعصر بدلنه و جهزنه نفسنا طلعنا وياه لبسنه اني ومريم
فساتين نفس اللون أمي أشترتهن النا من فترة لون سمائي
فتح الكنتور راد يبدل رحت وراه وگفت
ريم : وارث عندك قميص سمائي ألبسه هم
وارث : ليش
_ أنطقم كُلنه
_ حاضر .
طلع قميص سمائي ونسقه ، گعدت أسوي بشعر مريم
إلي ماشاء الله مثل شعره ثخين وجهه طالع هلگدوته من وره شعرها
حطيتلها قراصات ناعمات كلش وهي تصرخ المفضوحة .
38
وارث : ريم هسه وينها وين القراصات
ريم : شبيك وارث غير نطلعها نازوكية وأنيقة
وارث : هي برنسس بدون ما تحطيلها قراصات .
اختفت أبتسامتي رفعت راسي اله
ريم : شنو برنسس..؟! لقبي هذا
_ مسجلة بي طابو
_ واررررث
_ أي أي فهمنااا عمي أنتِ برنسس ومايجي بعدج شنو مريم شنو غيرها .
45
باوعتله بطرف عيني مبتسمة ، والله يا الله هل الفصمة
اجت امس وأتريد تاخذ لقبي المُميز ما أغار بس تررا لقبي هذا
رفعتها أضحك بوجهه أبوس بيها ، مرات من ضوجتي اگعد أسولف وياها
وهي تبقى صافنة بيَّ يمكن تگول شبيها أمي أتخبلت تحجي وحدها .
39
وارث : كملتي
ريم : أي بس ألبس مريم حذائها والبس حجابي
وارث : أنطينياها اني ألبسها ، لبسي حجابج .
اخذها گعدها علىٰ رجله
أنطيته حذائها لزمها يلبس بيها باوعت للمراية مكسورة
رحت المرايا مال الكنتور بقيت أشوف بيها .
_ وارث المرايا مال الميز
_ باجر أسويهاا .
4
بقيت واگفة اعدل بحجابي و عيوني تراقب بيهم
لبسها حذائها وهو مكزكز عليها ، راح الأغراضها طلع
طوگ ناعم حطه بشعرها ، رفعها يبوس بخدودها
كملت اخذت جنطتي بأيدي ، وطلعت حذائي البسه جوا من نطلع .
ريم : اني كملت ، يله نطلع .
10
نزلنه جوا صفگ زيد أيد بأيد
زيد : چاا مو زعلانين
وارث : منو گال زعلانين خوب أنتَ تكيف
زيد : أخوي الجبير غصباً عني أحترمك
وارث : فولت السيارة بانزين
_ أي وخذيتها للغسل هم مثل ما گلت
_ عاشت أيدك .
59
عزام : وارث السالفة بعد فضت مو
وارث : أي جدي ، اني حجيت إلي عندي وهم واجبهم بعد يلزمون بناتهم .
عزام : يعني ما أتريد فصل
وارث : لا جدي شسوي بي ، صار تفاهم وانحلت هايهية بس بناتهم خليهن بعيدات
عن ريم .
دخل عميد الدين جاي من برا شاف مريم لزم أيدها باسها

ريم : وارث نمت..؟!
ما رد ولا حرك نفسه غمضت عيوني بنفس الثواني فتحتهن من گال
وارث : گومي أدرسي
ريم : مداركز .
تأفأف بملل وگعد علىٰ حيله
_ تعاي أدرسج .
ماصدگت بسرعة ركضت جبت الملازم و أتربعت گدامه .
37
بدأ يساعدني و أندمجت وياه لأن أيسويلي واهس بالدراسة
مرت الساعات للـ 1:00 بالليل يله كملت حطيت ملازمي
بمكانهن وجهزت ملابسي لباجر مال الدوام أباوعله رجع نام
رحت بصفه نزلت أيده من عيونه باوعلي بأنزعاج
وارث : شبيج ريم
ريم : الله يخليك لا تنام وانتَ زعلان مايهون عليَّ
وارث : كلشي من أيدج
ريم : وعد ما تنعاد شوف أنطيتك وعد .
18
ما رد عليَّ ، عفته براحته نمت بمكاني بس أجذب
أذا اگول نمت لو غمضتلي عين متعودة إذا مو بحضنه ما اگدر انام
والقاسي أبن القاسي تركني ولا خلاني بحضنه
مانمت للصبح
بدلت عيوني منتهية ، طلعت وياه للدوام وصلني للجامعة
وارث : مالج علاقة بأي وحدة أهلهن وصار خبر عندهم
أي كلام تسمعينه تجين تحجيلي لا تتصرفين من وحدج
ريم : خوش .
18
دخلت للجامعة ، أريد أعرف هاي البنيه منو نوب نسيت
اسئل عن أسمها ، گعدت بالقاعة مالتي مثل عادتي
ما عندي أختلاط بأحد ، أجي گد الدراسة وأروح
مرت المحاضرات ودوخة الدكاترة والطلاب حد ما كمل دوامي
طلعت لگيت آدم جاييني مو وارث صعدت وياه سلمت عليه .
5
ريم : ليش وارث ما أجه
آدم : راح ويا جدي و أكرم علمود سالفتج
ريم : هاا تمام .
أتوجهنه للبيت وكل شويَّ متثاوبة من النعاس وصلني للبيت
نزلني يم الباب آدم وراح ما أدري وين دخلت للبيت هدوء
يمكن نايمين لأن الظهر ينامون بالاكثر صعدت الغرفتي
ذبيت ملابسي وجنطتي وأغراضي وبدلت بدون غده
لفيت روحي بفراشي ونمت غفيت بسرعة من تعب الدوام والبارحة ما نايمة بنتي يم أمي .
22
لليل أسمع صوت وَهج ، فتحت عيوني شفتها بصفي
وَهج : دنيا ليل ريمه يله گعدي
ريم : وارث رجع..؟!
وَهج : أي رجعوا ويا أذان المغرب .
نزلت وياها الكُل موجود گاعدين سلمت
و گعدت
هو يسولف ويا جدي ولا باوع ، همستلي وَهج مبتسمة
وَهج : أحفاد عزام زعلهم ثكيل اسئليني اني .
85
آدم : تعاي عمو تعاي فدوة الهل عيون .
أخذ مريم و گعد بيها بجهة يلعب وياها
عزام : هايهية وارث
وارث : ماكو هايهية يطبقون إلي گلت عنه وأنسد السالفة
عزام : راح تجلطوني بعنادكم .
14
سلمى : شيريد وارث عمي
عزام : أهلهن اليوم قدموا أعتذار وصارت گعدة وأتفاهمنا
وياهم ، ابنج يريد أعتذار منهن هن البنات يعتذرن من مرته .
عميد الدين : من حقه چاا سالفتهن مو گليلة
عزام : چااا والشيوووخ إلي گعدت
وارث : علىٰ عيني وراسي بس شرطي واضح وبكيفهم .
31
خابر جدي وبلغهم بكلام و وارث ، مشت الليلة مثل إلي قبلها
و فعلاً ثاني يوم بالدوام كل وحدة حجت عني
گدام طلاب
الجامعة قدملي الأعتذار ، بلحضتها شگد حسيت بالفخر
من عندي رجال بظهري مثل وارث عاند الكل وخلاهم يقدمون الاعتذار إلي
ومن يومها بعد محد أتقربتلي ولا وصلت إلي .
33
رجعت من الدوام فرحانة بس أريد أشوفه لأن آدم إلي رجعني هم
شفت وَهج گدامي ركضت الها
ريم : وين وارث
وَهج : أخذ مريم وصعد بيها لأن نامت .
صعدت أركض فوگ ، وأبتسامتي مو گادرة اخفيها
فتحت الباب شفته واگف يم مكان مريم إلي تنام بي .
9
سديت الباب و شمرت الجنطة ركضت عليه حضنته
بكل ماعندي قوة ، الثواني من الصمت بادلني الحضن
وارث : راجعة فرحانة اليوم
ريم : كلش أحبك وارث
_ اممم شعندج اليوم .
أبتعدت علمود أسولفله أريد أعبرله عن مشاعري بهذا الوقت
رجعني الحضنه و هوَ يگول
وارث : أبقي هيج وسولفيلي .
52
ريم : شوف اليوم البنات كلهم أعتذروا مني بالجامعة
وارث : صدگ..؟!
ريم : والله والله
وارث : فرحانة لهذا الشي
_ لا
_ چاا
_ فرحانة لأن عندي زوج مثلك ، أنتَ مو بس زوج لا أب إلي
فخورة والله فخورة عندي أنسان بحياتي مثلك .
49
_ المفروض تشكرين جدي ، لأن بيوم گال راح تكتشفون
هذا الزواج شگد راح يكون المصلحتكم وتجون تشكروني .
أبتعدت عنه مبتسمة و عيوني مدمعة
_ وفعلاً كلامه طلع صح .
ردت أطلع لزمني من أيدي
_ وين رايحة
_ أتشكر جدي .
ترك أيدي وطلعت من الغرفة أدور علىٰ جدي .
39
شفت صفا و آدم واگفين يسولفون
ريم : وين وين جدي
آدم : بيج شي..؟!
ريم : ههههه لا بس أريده
آدم : گاعد بالديوان بس لا أتروحين يمه رجال خلي يروح أنتظري .
بقيت واگفة أنتظر علمود أيروح الرجال بين ماراح آدم گال روحي .
7
دخلت للديوان شفته گاعد ، باوعلي و أبتسم
عزام : تعاي جدي .
رحت عليه گعدت بصفه لزمت أيده بستها
ريم : جدو حبيبي أجيت أشكرك
عزام : كلشي ما سويت بسالفتج رجلج سوا كلشي ما أنطانه مجال
نسوي شي إذا تريدين تشكرين أحد أتشكري اله
_ لا مو هيج ، بس تذكر من أتزوجنه أجباري اني و وارث قبل