Шайх Фаридуддин Аттор (қуддиса сирруҳу) 🍂

Мойчечакларни «кимнидир» эслаб эмас, ўзимга ёққани учун севаман...

ماشاء الله،
Аллоҳ паноҳида асрасин, ислоҳ қилсин, ниятларимизни зурриётларимизни ислоҳ қилсин йигит ва қизларимизни ислоҳ қилсин. Уларни ёмонликдан асрасин васваса ва ёмон дўстларнинг ёмонлигидан асрасин.

ҲАЗРАТИ ИБРОҲИМ ИБН АДҲАМ
Қуддиса сирруҳу зикри


Жунайд (Бағдодий) айтди: «Бу тоифа (тусаввуф аҳли) илимларининг калити Иброҳим Адҳамнинг қўлидадир».

****

Бир куни Иброҳим ибн Адҳам, Имоми Аъзамнинг ҳузурига келганда, Имомнинг ёронлари унга таҳқир кўзи билан қарадилар. Шунда Абу Ҳанифа: «Саййидуна Иброҳим Адҳам» – «Бизнинг саййидимиз Иброҳим Адҳамдир», – деди.
« У Саййидликни нимадан топди?» – дейишди.
Имоми Аъзам:
- Доим Ҳақ билан машғул бўлмоқдан топди. Биз эса бошқа ишлар билан машғулдирмиз», - деб жавоб берди.

****

Иброҳим ибн Адҳам ҳазратлари бир кеча тушида фаришта Жаброил алайҳиссаломни кўрди, унинг қўлида қалам ва довот бор эди. «Бу не иш учундир?» – деб сўради. «Ер юзидаги авлиёларни ёзурман», деди. «Мени ҳам ёз», – деган эди. «Сенинг учун амри Илоҳий йўқ», – деди. Иброҳим ибн Адҳам: «Мен авлиё бўлмасам ҳам, уларни севаман», – деган эди, бир муддат сукут сақланди. Сўнг Жаброил алайҳиссалом марҳамат этдики: «Фармони Илоҳий келди, дафтарнинг бошига сенинг исмингни ёзгайман», – деди.

****

Иброҳим ибн Адҳам ҳазратларининг ҳикматли сўзларидан

****

«Мўъмин кишининг белгиси булардирким, сукути фикр бўлур; қараши ибрат бўлур; юргани тоат бўлур».

****

«Бир инсон уч пардани кўнглидан чиқармагунича унга маънавий давлат эшиги очилмас:

биринчи – унга бу дунёнинг ҳаммаси берилса ҳам, севинмаслик, агар севинса, ул ҳарисдир, ҳарис эса тилакдан маҳрумдир;

иккинчи – кавсари дунёни ўзига бериб, яна қайтиб олсалар, мутаассир бўлмаслик (ғам чекмасликдир);

учинчи – мақталган чоғида мамнун бўлмаслик, ёмонланган чоғида ҳам қайғурмасликдир».

****

«Ҳар ким валийлар мартабасига восил бўлмоқ истаса, фақат ёлғиз Ҳақ таъолога қалбини бериб, ҳалол луқма есин».

“ҲИКМАТ ХАЗИНАСИ” китобидан.
Мусанниф Устоз Мирзо КЕНЖАБЕК.
@m_kenjabek

Тафаккур қилгувчиларга оятларда аломатлар бордир!

027. Намл сураси
https://www.islamonline.uz/quran/content?id=1663

ИСЛОМНИНГ АДОЛАТИ

Андалус давлатида бир роҳиб бор эди. У ўзи хизмат қиладиган черков томида ноёб бир гул ўстираётган эди. Роҳибнинг бир эчкиси ҳам бор эди. Эчкиси ҳар-ҳар замон черков томига чиқар эди.

Роҳиб бир куни гулга қараш учун томга чиққанида гулнинг узилганини кўрди. Бундан ниҳоятда дарғазаб бўлди. Шу вақтда черков томида эчки кўриниб қолди. Гулни шу эчки еган деб ўйлади. Жаҳл устида эчкини тутиб олиб томдан пастга улоқтирди. Бечора эчки тап этиб ерга тушди-ю тил тортмай ўлиб қолди.

Бу ҳолни кўрган қўшнилар ҳайвонга нисбатан шафқатсизлик қилганликда айблаб, роҳибни қозига олиб бордилар. Қози:

– Ҳайвонлар қилган ишлари учун жавобгар эмасликларини билмайсанми? Ўзи у гулни эчки еганинини қаердан билдинг? Кўзинг билан кўрдингми ёки сенга эчкининг еганини бирор киши айтдими? – деб сўради.

Pоҳиб:
– Йўқ, кўрмадим, кўрган киши ҳам йўқ. Бироқ у томга мендан бошқа ҳеч ким чиқмайди. Эчкини у ерда кўрганим заҳоти у еган деб ўйладим. Унга ғазаб қилдим, жазо беришимда ҳақсизлик йўқ, – деб ўзини ҳимоя қилди.

Қози эса:

– Исломда бароати зиммат асосдир. Бир кишининг жиноят қилганига гувоҳ бўлмаса, уни жиноятда айблаб бўлмайди. Боз устига ҳайвонлар қилган ишларига масъул ҳам эмасдир, Унга бундай жазо беришинг зулмдир, – деди. Сўнгра роҳибга ҳайвонга нисбатан шафқатсизлик қилгани учун таъзир жазосини берди.

Роҳиб қозининг бу ҳукмини ҳақсизлик деб ўйлаб норози бўлиб юрди. Унинг тушунчасига кўра, эчкиси айбдор эди ва уни ўзи истаганидек жазолашга ҳақли эди.

Орадан қанчадир вақт ўтди. Бир куни роҳиб кимсасиз йўлакдан ёлғиз келаётган эди, қаршисидан гандираклаб келаётган одамнинг йиқилиб тушганини кўрди. Унга ёрдам қиламан деб югуриб борди ва у одамнинг орқасига ханжар санчилганига кўзи тушди. Ханжарни тортиб чиқармоқчи бўлаётган чоқда шаҳар муҳофизлари келиб қолди ва уни одамни ўлдирганликда гумон қилиб, тутиб олдилар.

Маҳкамага чиқардилар ва:

– Тақсир, у ерда роҳибдан бошқа ҳеч ким йўқ эди, шунинг учун у ўлдирган деб ўйлаяпмиз, – дедилар.

Роҳиб бўлган воқеани қандай бўлса, ўшандай қилиб гапириб берди ва ўзининг айбдор эмаслигини айтди.

– Воқеа содир бўлган жойда сендан бошқа кимса бўлмаса-да, у одамни сен ўлдирганингни кўрган бирорта гувоҳ йўқ. Шу сабабли Ислом таълимотига кўра, сени айблашга ҳаққимиз йўқ, – деди. Сўнг қози унга ўтмишда кўрган бир даъвони хотирлатиб:
– Ўшанда сен эчкининг гулни еганини кўрмасдан туриб, унга жазо берган эдинг. Агар ҳозир мен ҳам сен каби хулоса қилсам, сени қотилликда айблаган бўлар эдим. Аммо Исломда айби исбот этилгунга қадар ҳар қандай инсон айбсиз саналади. Энди Ислом адолатининг тўғри эканини тушундингми? – деди.

Роҳиб бир ғайримуслим бўлишига қарамасдан, уни айблашдан кўра оқлашга мойил бўлиб турган мусулмон қозига:

– Сиз ҳақсиз, сизнинг адолатингиз устундир, – демоқдан бошқа чора топа олмади.

Дамин ЖУМАҚУЛ таржима қилди.
манба: fitratuz

@fariduddin_attor🍂

«Муҳаббат шамолга ўхшайди, уни кўрмайсан, аммо ҳис қиласан».
Николас Спаркс

(Флюра Умрзоқова таржималаридан)

@fariduddin_attor🍂

Бисмиллаҳир Роҳманир Роҳийм
Ассалому алайкум вараҳматуллоҳи вабарокатух!

Жаноби Расулуллоҳ соллаллоҳу алайҳи ва саллам шундай марҳамат қилдилар:
-“Мени кўриб имон келтирган кимсага жаннат хушхабари бўлсин!
Мени кўрмасдан менга имон келтирганларга эса етти марта жаннат хушхабари бўлсин!” (Табароний, “ал-Мўъжам ал-кабир”, 8/8009).

@fariduddin_attor🕌 Жума айёмингиз муборак бўлсин. Кунларимиз офиятда ўтсин...

#оқшом_ғазалёти
БАНДАМАН

Бу жаҳон айвонида бир лаҳза меҳмон бандаман,
Гулларин сар-сар ўриб кетган гулистон бандаман.

Бу ҳаёт сўқмоқларида йўл йўқотдим бедарак,
Бенаво бечоралик даштида сарсон бандаман.

Ҳам юрак номли қабрга сирларин кўмган тирик,
Зоҳири бўстон, вале ботин гўристон бандаман.

Сийна сандиғида чўғ дардларни сирли сақлаган,
Имтиҳонлар тийғидан дил пора,  ҳайрон бандаман.

Руҳим истарсиз агар, зулм ичра зулматдан сўранг,
Ашк — ёғ, киприк — пилик, шамъи шабистон бандаман.

Лек ҳаким Роббимга шукр айлаб қўюрман ерга бош,
Розиман, ҳар не қадар қилса, мусулмон бандаман

Ҳусайнхон Яҳё Абдулмажид

@fariduddin_attor🌙✨

#тавсия

https://t.me/translationsofflyura

👍👍👍❤

Унутиш ҳурриятнинг бир шаклидир.
Жуброн Халил Жуброн

(Флюра Умрзоқова таржималаридан)

@fariduddin_attor🍂

Бир кўнгил ол, Ҳажжи акбар бўлсин,
Бир кўнгил топ, Сиротда роҳбар бўлсин...
✍umidaaziz

Бисмиллаҳир Роҳманир Роҳийм
АССАЛОМУ АЛАЙКУМ!

ТОНГДА УЙҒОТГАН, ҚАЛБЛАРГА МЕҲР-МУҲАББАТ СОЛГАН, РИЗҚИМИЗГА БАРАКОТ БЕРГАН АЛЛОҲ ТАОЛОГО ҲАМДЛАР БЎЛСИН!!!

ХОНАДОНИНГИЗДАН ҲУЗУР-ҲАЛОВАТ, ҚАЛБИНГИЗДАН УМИД, АМАЛЛАРИНГИЗДАН ЭЗГУЛИК, ЮЗИНГИЗДАН ТАБАССУМ АРИМАСИН!

ЯНГИ КУНГА, СОЛИҲ АМАЛЛАРГА БИСМИЛЛАҲ...
КУНИНГИЗ МАЗМУНЛИ ЎТСИН...

@fariduddin_attor🍂

Шаҳид

Мадинада "Ухуд ғазоти"да шаҳид бўлган шаҳидларнинг қабристони бор.
Атрофи девор билан ўраб қўйилган. Ўтган 20 асрда қаттиқ сел ёғиб, ўша қабрларни сел ювиб кетади. Сел ювиб кетиши оқибатида қабрдаги баъзи маййитларнинг жуссалари ерни устига чиқиб қолган. 1400 йил олдин кўмилган жасадлар кеча кўмилагандек чиқиб қолган.

Шайх Муҳаммад Маҳмуд Саввоб раҳимахуллоҳ айтади: "Ухуддаги шаҳид"ларни дафн қилиш маъросимига мени хам чақиришган эди. Мен хам қатнашдим.
Мен кўмган сахобалар ичида Хамза ибн Абдулмутталиб розияллоҳу анху хам бор эди. Хамза розияллоҳу анху улкан жуссали, қулоқ ва бурунлари кесилган, қорни ёриқ, қўлини қорнини устига қўйиб ётарди. Биз уни қимирлатиб, ўрнидан жилдирмоқчи бўлганимизда, қўли қимирлаб, жарохатидан қон оқди. Қони оққанда атрофни мушк анбарни ҳиди тутди.
1400 йил олдин кўмилган шахидларни қайта дафн қилдик деб хикоя қилади.

Шайх Муҳаммад Маҳмуд Саввоб.

Абдуллоҳ домла ҳафизихуллоҳ.
"Ниҳоя қиссаси" дарслигидан
(6-дарс Рух ва ўлим, шаҳид.)

(Мўминнинг қалби/ фб саҳифаларидан олинди)

@fariduddin_attor🍂

Бисмиллаҳир Роҳманир Роҳийм
Ассалому алайкум вараҳматуллоҳи вабарокатуҳ!

Муаммолар гирдобида ўзингизни кучсиз ҳис этасиз, баъзан. Ҳамма омадли, ҳамма хушвақтдир гўё...
Гўё сизга ҳамма эътиборсиз.
Аслида биз ўзимиз ўзимизга эътиборли бўлишимиз керак экан. Ҳеч кимдан хафа бўлмай яшашни ўрганишимиз керак экан.«Мен уларга нима бераолдим», деб мулоҳаза қилишимиз ҳам керак...
Билинг ки кимдандир ёрдам, тасалли кутдингизми, тамом «у» сиздан баланд келаверади! Ёрдам бериш-бермаслигини аҳамияти йўқ.
Ўша кимдир сизга ожиз, кучсиз деб қарадими, кетинг ундан. Ким бўлишидан қатъи назар!
Ахир донишманд шоир нима деган эди:
Қўлингдан келганча ўзинг билан бўл!

Куз _ файласуф, ҳаёт ҳақидаги фалсафаларини такрор-такрор эслатаверади. Сиз эса, Кузлар баҳор бўлолмайдими... денгу йўлингизда давом этинг))

Кунларимиз офиятда ўтсин, қалби баҳорларим!

Ҳурмат ила bintu Ismoil

@fariduddin_attor🍂

#КУН_ҲАДИСИ

Шаддод ибн Авс розияллоҳу анҳудан ривоят қилинади:

“Пайғамбар соллаллоҳу алайҳи васаллам: “Саййидул-истиғфор – “Аллоҳумма анта Роббий, лаа илааҳа иллаа анта, холақтаний, ва ана ъабдука, ва ана ъалаа ъаҳдика ва ваъдика мастатоъту, аъузубика мин шарри маа сонаъту, абуу’у лака бинеъматика ъалаййя, ва абуу’у лака бизанбий, фағфирлий, фа-иннаҳу лаа яғфируз-зунууба иллаа анта” (Маъноси: “Эй Аллоҳ, Сен менинг Роббимсан. Сендан ўзга илоҳ йўқдир. Мени Сен яратгансан. Мен Сенинг бандангман. Мен кучим етганича, Сен билан аҳдлашган ва ваъдалашган сўзимда тураман. Қилган гуноҳларим ёмонлигидан Сендан паноҳ сўрайман. Менга берган неъматингни эътироф қиламан. Гуноҳимни ҳам эътироф қиламан. Мени мағфират қилгин. Зеро, Сендан ўзга гуноҳларни мағфират қилувчи зот йўқдир”), деб айтишингдир”, дедилар ва: “ким буни кундузи ишонч билан айтса ва шу куни кеч киришидан олдин вафот этса, у жаннат аҳлидан бўлади. Ким буни тунда ишонч билан айтса ва тонг отишидан олдин вафот этса, у жаннат аҳлидан бўлади”, дедилар”.

Имом Бухорий ривояти
fitratuz

@fariduddin_attor☔🍂

Бисмиллаҳир Роҳманир Роҳийм
Ассалому алайкум вараҳматуллоҳи вабарокатуҳ!

Ким нафснинг тўйиш нима билмайдиган хоҳиш-истакларига забун бўлса, бажараётган яхши амаллари ҳам саробга айланади.

Ҳазрати Али розияллоҳу анҳу
_____
Инсон табиатан доим хайрлисига толибдир...
Кулсак ҳам, йиғласак ҳам хайрлиси... Яшасак ҳам, ҳатто кетар чоғда ҳам хайрлиси бўлсин деймиз...
Майли, истаганларимиз бўлмасин, Аллоҳ таоло биздан рози бўлсин! Ана ўша ҳаққимиздаги энг хайрлисидир...

Кунингиз солиҳ амалларга, Аллоҳнинг раҳматию мағфиратига тўлсин.

Хайрли кунлар!..

@fariduddin_attor🍂