မနက်ခင်းမိုးလင်းတ်ိုင်းမှာ ဒီကနေ့မှာလည်း အသက်ရှင်သန်ခွင့်ရတဲ့ အတွက်ကျေးဇူးတင်ပါတယ်လို့ အာရုံပြု ရွတ်ဆိုကြည့်ပါ။
မိမိရဲ့ အသွေးအသားများ
DNA ဆဲလ်လေးများ
အာရုံကြောစနစ်များ
ကိုယ်တွင်းအင်္ဂါများ
ကြွက်သားထုထည်များ
အရိုးအဆစ်များကို အသက်ရှင်ရန်ထောက်ပံ့ပေးထားတဲ့ ကျေးဇူးတင်ပေးပါ။
သဘာဝတရားကြီးမှ နေ့စဉ် လက်ဆောင်ပေးထားသော အစားအသောက်များ
အသက်ရှုရန် သန့်စင်သောလေထု
သောက်သုံးရန် ရေ
ခိုင်ခံ့စွာ ရပ်တည်နေနိုင်သော မြေကြီးထုထည်များကို ကျေးဇူးတင်ပါ။
ကျေးဇူးတင်တတ်သောနှလုံးဟာ ကျေးဇူးတင်စရာများကို မိမိဘဝထဲကိုဆွဲခေါ်ဖန်တီး ပေးပါတယ်။
တစ်ခါတစ်လေမှာ ဘဝမှာ ခက်ခဲပင်ပန်းလွန်းတဲ့အခါ မိမိရဲ့ အသက်ရှင်နေခြင်းကို ကျေးဇူးတင်ဖို့ မေ့သွားတတ်ကြတာဟာ သဘာဝဖြစ်ပါတယ်။
ဘဝရဲ့ အတက်လမ်းတွေဟာ ခက်ခဲတဲ့အခါ သန်မာစွာ လျှောက်လှမ်းနိုင်နေတဲ့ မ်ိမိရဲ့ ခွန်အားတွေကို ကျေးဇူးတင်ပေးဖို့ မမေ့ပါနဲ့။
ဘဝရဲ့ အမှောင်ဆုံးသော နေ့တွေမှာ မိမိရဲ့နှလုံးသားလေးက ချစ်ခြင်းမေတ္တာ အလင်းမီးအိမ်လေးကို ကျေးဇူးတင်ပေးဖို့ မမေ့ပါနဲ့။
မိမိကိုယ်ကို သေးငယ်တယ်လို့ခံစားရတဲ့နေ့တွေမှာ ကြီးမားလှတဲ့ စကြဝဠာကြီးထဲမှာ မိမိရဲ့ ဖြစ်တည်မှုဟာ အဓိပ္ပါယ်ရှိနေကြောင်း အသိအမှတ်ပြုပေးဖို့ မမေ့ပါနဲ့။
ဒီနေ့မှာလည်း အသက်ရှင်သန်ခြင်း ဆုလာဘ်ကို ရရှိထားတဲ့ အတွက်ကျေးဇူးတင်ပါတယ်။