أنا ما خايف اموت
انا خايف لا اموت و مو بحضنك
انا خايف لا اموت وما شِفت كل البياض الشاله سِنك
أدعي من الله يموتني أعلى ايدك
كافي چم دوب اشتهيك
عَ الأقل ارتاح يوم بموتي يمك
عَ الأقل ريتي تشمك
ولو ما ينشبع مِنك
لچن أنا شگد قنوع ؟!
بنسبة مِنك
بشمّه مِنك .. بحضنّه منك
آخ مني و آخ منك
أنا خايف اموت بعيد عنك
أنا خايف
و اليخوفني بعد اكثر حناني
خاف أتعبك من اجيك
خاف أعذبك و اچوي بيك
خاف ما تگدر على النار
البصدري خاف تذبل
مثل عمري .