- اني مليت وتعبت ماكدر اقره ماكدر اكمل😩!
تعال تعال :-
اقره ،اتعب، اسهر، ناضل، جاهد، اتعب هواي
الحلم أعظم من يتحقق بشي سهل لازم تتعب حتى تذوق طعم التحدي والصبر✨🍃
اسمع مني:-
" إن لم تكن لك بداية محرقة، لن تكون لك نهاية مشرقة" ♥️🌿
- باقيلك شكم يوم للأمتحان وانت بعدك لازم الفون وكاعد تلتهي وتضيع كل وكتك لاتكلي كاعد اقره بالفون 🙂 تريد تقره الغي النت واقره تمام ؟؟ لهسه كاعد اشوف طلاب بالكروبات ، الي يسولف الي يريد تأجيل الي يريد تراكمي ، بربكم شدتحسون ها !
الأمتحانات محتتأجل والتراكمي ماكو، ارتاحيتوا؟
صارلك من الشهر ٣ لهسه كاعد بلبيت وتريد تأجيل ، ونوب تكلي عندي ملل😃 طبعا غير أنت كاعد تصنع الملل 🦉.
- الدراسة: متعة، هِواية، راحة، علم، تقدم، تطور، سلاح، حب دراستك واعشقها وراح تتفوق بيها #وعد🫣♥️.
- اذا بعدك مملحك وممكمل منهجك المقرر، لتكول فاتني الاوان مدام عندك ساعة وحدة للأمتحان معناها عندك وقت حتى تكمل دراستك، وأنتوا افهموها 🤍🖇
- انتوا راح تكونون أقوى دفعة، كدرتوا تتجاوزون كل الظروف وقريتوا وتعبتوا ، إن شاء الله ربكم مايضيع تعبكم ، إسعى واطمئن ♥️🌿.