ស្រីក្មេងម្នាក់សួរទៅនារីចំណាស់មួយរូប:" តើខ្ញុំចាំបាច់ត្រូវមានមិត្តភក្តិទេក្នុងជីវិត?"
ស្រីចំណាស់ឆ្លើយតបវិញ:" ត្រូវហើយ ជីវិតប្រាកដជាជួបការលំបាក។ អ្នកគួរតែមាននរណាមួយនៅក្បែរដែលអ្នកអាចជជែកគ្នាបានដោយមិនខ្លាចគេរិះគន់ ដែលអ្នកអាចចែករំលែកទុក្ខព្រួយនិងជួយគាំទ្រអ្នកខាងផ្លូវចិត្ត។ នៅពេលដែលគ្មាននរណានៅជាមួយ គឺគេនោះហើយដែលសុខចិត្តនៅក្បែរអ្នកទាំងពេលសុខសប្បាយទាំងពេលលំបាកលំបិន។
ស្រីក្មេងក៏សួរថែមទៀត: " តើជាការពិតទេដែលមិត្តក្លែងក្លាយគ្រោះថ្នាក់ជាងសត្រូវ?"
នារីចំណាស់ឆ្លើយ:" ពិតមែន ពីព្រោះអ្នកអាចស្គាល់ថាសត្រូវអ្នកជានរណា ហើយអ្នកមិនអនុញ្ញាតអោយគេមកក្បែរខ្លួនអ្នកទ្បើយ។ ប៉ុន្តែមិត្តក្លែងក្លាយ កាលណាអ្នកជឿទុកចិត្តគេហើយ គេនឹងរកចំណុចខ្សោយអ្នក ដឹងការសម្ងាត់អ្នក គោលបំណងអ្នក រួចគេស្គាល់កន្លែងណាដែលអាចចាក់អ្នកពីក្រោយខ្នង។
ស្រីក្មេងក៏សួរថែមទៀត:"ចុះធ្វើម៉េចបានយើងដឹងថាជាមិត្តក្លែងក្លាយ?"
នារីចំណាស់គិតមួយស្របក់ក៏សួរ:" រវាងសួនច្បារតូចមួយនិងព្រៃធំ តើមួយណាសំបូរដោយសត្វអសិរពិសជាង?"
ស្រីក្មេងឆ្លើយ:" ប្រាកដជាព្រៃធំហើយ"។
នារីចំណាស់ញញឹមរួចនិយាយថា:"ល្អ បើអ្នកមានមិត្តភក្តិក្នុង រង្វង់មួយតូចដូចជាសួនច្បារ អ្នកក៏មិនពិបាកនិងព្រួយពីសត្វអសិរពិសដែរ។ បើអ្នករាប់អានមនុស្សតិច អ្នកក៏ជួបបញ្ហាតិចដែរ។ កាលខ្ញុំនៅក្មេង ខ្ញុំមានមិត្តភក្តិច្រើនណាស់។ តែដល់ពេលខ្ញុំចាស់ទៅនិងជួបបទពិសោធន៍ រង្វង់មិត្តភក្តិខ្ញុំកាន់តែរួមតូចទៅ។ ខ្ញុំសង្កេតឃើញថាគុណភាពសំខាន់ជាងបរិមាណ បើនិយាយពីមិត្តភាព។ កុំសង្ឃឹមថាគេទាំងអស់គ្នាសុទ្ធជាមិត្តភក្តិអ្នកនោះ អ្នកអាចស្គាល់គេច្រើនគ្នាមែន តែមិត្តពិតប្រាកដមានតែប៉ុន្មាននាក់ដែលអ្នកស្រទ្បាញ់និងទុកចិត្តបានតែប៉ុណ្ណោះ។ វិធីដ៏ប្រសើរបំផុតដើម្បីការពារកុំអោយខ្លួនអ្នកធ្លាក់ក្នុងអន្ទាក់របស់មិត្តក្លែងក្លាយគឺត្រូវចេះគិតពិចារណាពីរង្វង់មិត្តរបស់អ្នក។
សួស្តីថ្ងៃព្រហស្បត៍។
ប្រភព : Facebook