БИШКЕК КЫЗ КУРАН КУРСУ

Бишкек кыз Куран курсу жана Гүлзар Диний уюму сиздерди “Сооп сомдон кымбат” аттуу күз жарманкесине чакырат. Жарманке 2024-жылдын, 5-октябрында болот. Жарманкеге бардык айымдар жана мырзалар катыша алат.
Үй-бүлөңүз, жакындарыңыз жана досторуңуз менен келип эс алып кетиңиз.

Биздин дарек: Репина 200Б/Ахунбаева к.
Дата: 05.10.2024

Бөлүшүп коюңуздар☺️

23-сентябрь тил күнүнө карата Бишкек кыз Куран курсунда, кыздар арасында программа болуп өттү.

Программада кыргыз элинин баалуулуктары, салттары, кийимдери көрүнүш аркылуу көрсөтүлүп, кыздардын көпчүлүгү таза кыргызча сүйлөөгө ашыгышты.

Кыргыз тили – кыргыз тарыхы. Ал, кылымдан кылым ашып, эне тилибизде оозеки түрдө жаралган “Манас” эпосу аркылуу ата-бабадан урпактарга жетти. “Эне тили болбой, эл болбойт” дегендей, мына ушунун өзү эле эне тилибиздин ыйыктыгын, өлбөс-өчпөстүгүн, улуулугун, кадыр-баркын билдирет.

Улуттун баа жеткис байлыгы, руханий куралы болгон эне тилибиз – мамлекеттеги улуттардын ортосундагы байланыштын, пикир алышуунун куралы.

Офлайн семинарларыбыз башталды✨

Сүйүктүү Пайгамбарыбыздын с.а.в төрөлгөн күнү бул жылы 15-сентябрга туура келди. Курсубузда салаваттар айтылып, бардык “ Уммати Мухаммад” үчүн жамаат менен дуба кылынды. Каза намаздар окулуп, сүннөттөрдүн аткарылуусуна басым жасалды. Кыздарга Пайгамбарыбыздын с.а.в жашоосунан элестер айтылып, Пайгамбарыбыз с.а.в таанытылды.

Куттуу айдын кириши менен куттуктайбыз✨

31-август Эгемендүүлүк күнүнө жана 1-сентябрь Билим күнүнө карата Бишкек кыз Куран курсунда “Мекенди сүйүү ыймандан” аттуу семинар өтүлдү. Семинар кыздардын мекенге болгон сүйүүсүн күчөтүү, патриоттук сезимин ойготуу жана өлкөбүздүн тарыхын кыздарга таанытуу максатында уюштурулду.

Өтүлгөн семинар кызыктуу суроо-жооптор менен коштолуп, ата-мекен жөнүндө көркөм окуу жана ыр-саптар менен жыйынтыкталды.