QIZGʻONAVERAMAN
Qizgʻonaveraman hatto tushda ham,
Uygʻonsam yostigʻim boʻlib ketar nam.
Tishlar orasida ezilar tilim,
Koshki qizgʻonmasdan yashasam birdam.
Qizgʻonaveraman , qovrilib tanam,
Yorishmay qoladi yuragimda sham.
Shamollar , bulbullar qushlar mayliga,
Hatto qizgʻonaman kapalakdan ham.
Qizgʻonaveraman , topolmay darmon,
Koʻzdagi yosh emas , yurakdagi qon.
Unutib qoʻyar deb bu jonim halak,
Qalbingda yashagim keladi har on.
Qizgʻonaveraman , toʻxtamay bir pas,
Axir sen sababli olyapman nafas.
Guldan kishan solib oyoqlaringga,
Ishqdan solgim kelar boʻyningga qafas.
Qizgʻonaveraman , nuqul oʻt boʻlib,
Tunlar uxlolmayman hasratga toʻlib,
Xavotir olaman oʻzimdan goho,
Bir kuni rashkingda , qolmayin oʻlib.
Maktuba SHAYDO
🛸𝐓𝐞𝐥𝐞𝐠𝐫𝐚𝐦 | @Baxtliman_sevganm