Bakıda yağan yağış nəticəsində Sabunçu rayonundakı su basmış tuneldə iki nəfər boğularaq ölüb. 1976-cı il təvəllüdlü Elnur Fazil oğlu Şirinovun və 1995-ci il təvəllüdlü Abbasov Köçəri Fərman oğlunun cəsədləri tapılaraq sudan çıxarılıb.
Dünən Moldovada ölkənin Avropa İttifaqına üzv olması üçün vətəndaşların mövqeyinin öyrənilməsi məqsədilə referendum keçirildi. Referendumda iştirak edənlərin çoxu Moldovanın Avropa İttifaqına üzv olması kursuna səs verdilər. Eyni zamanda ölkədə prezident seçkiləri keçirildi.Hazırkı prezident Maya Sandu 42 faiz səslə birinci oldu və ikinci tura keçdi.
ABŞ, Almaniya, Böyük Britaniya və Fransa rəhbərləri Almaniyada keçirilən toplantıda Ukraynaya bundan sonra da hər cür dəstək verəcəklərini bəyan ediblər. Eyni zamanda Ukraynaya daha 50 milyard dollar yardım edəcəklərini bildiriblər.