Dr.ayman mehdi 🦷

بهالقناة بخانة الـ files
اقوى كتب الاسنان
ومنها تطورون نفسكم وتنطلقون

كيس اليوم

طبعاً اليوم وصلت للتشخيص مالتها، بس الكيس صارلها كم يوم تروح وترجع وكلساع اطلب منها فحص معيّن او أقوم بفحص حتى تكمل عندي الصورة.

البيشنت عندها ألم بالأسنان العلوية، عمرها ٤٥ سنة، فيميل
تشكو من الم حاد يصيب اسنانها العلوية في بعض الاحيان..
اول شي اجه ببالي هو افحص الاسنان لكن كانت كلها سليمة، عدم وجود تسوس او بوكت او اي شي!

ثاني شي اجه ببالي ان يكون عندها
Acute sinusitis
وهم دزيتها استشارة لطبيب الانف والاذن والحنجرة وهم ماعدها التهاب بالجيوب!

أجيت أجمع المعلومات اللي عندي كلها🤦🏻‍♂️
⁃ الم بالاسنان العلوية دون وجود سن محدد!
⁃ الالم اذا جان خلف الاذن او حول الاذن فممكن يكون التهاب بالغدة اللعابية parotid لكن الالم بس بالاسنان!
⁃ اذا الالم هم قريب ع الاذن فممكن تكون اكو مشكلة بالمفصل لكن استبعدت هالموضوع همين!
⁃ او ممكن التهاب بالاذن الوسطى، وهالشي نفاه وحدد عدم حصوله طبيب الانف والاذن!
⁃
الخيارات بدت تتحدد عندي..
امّا :
Sjögren’s syndrome
Or, salivary calculi
Or, malignant neoplasm

گلت بعد ما بيها مجال، هذا أكيد malignant tumor صاير بالجيوب الانفية!
لكن اثناء تفكيري هي گالت، من يصير الألم قبلها يصير ألم بصدري، ومرات بأيدي او رگبتي او اثنينهم سوية، ويضرب ع الفك!

اول سؤال اجه ببالي بوقتها هو:
الالم يبدي بالفك الاسفل وبعدين ينتقل للفك الاعلى ويبقى بيه؟
گالت: اي، نعم!

تذكرت شغله وهي:
Mayocardial infarction usually causes constricting or crushing pain substernally, but pain may radiate down the inside of the left arm or up into the neck or jaw.
“Cowson’s page 434”

گلت ما خسران شي، خلي ادزها لطبيب الامراض القلبية..
وإجاني الجواب، انها مصابة ببداية جلطة قلبية، وتحتاج لقسطرة وبالون فوراً.

هنا كمل التشخيص، وكملت الحالة..


چانت تحتاج شغلتين، شخص يفكر ويتفكر بالاعراض وما يستعجل، وشخص يتعاون واللي هو البيشنت.

سويه وصلنا لحل ينقذ حياتها.

وهيج اكتمل يومي بسعادة بالغة ♥️

الموضوع اللي اغلبنا نعاني منه وهو
"رجفة اليد" - Tremor or trembling

نتفق اتفاق ؟
انو الرجفة اللي عدنه اسمها essential tremor وهي تعتبر طبيعية وموجودة بكل انسان وتختلف بالدرجة من شخص لآخر .. ونبتعد عن الامراض القوية اللي تسبب هاي الرجفة مثل الباركنسون.

هل احنه كلنا عدنه رجفه ؟
1 اكيد ..

ليش من نريد نشتغل حشوة او بروسيجر يحتاج ايد ثابته يزيد الارتجاف ؟
خلي ببالك صديقي انّو كلما حاولت تثبت ايدك وكلما ركزت وياها انو تثبتها راح تزيد رجفتها اكثر واكثر 🙂


من الزم التلفون احس ايدي ترجف ، ليش ؟
هذا هو الـ essential tremor واللي هو حركة لا ارادية وايقاعية للعضلات وممكن تصير بأي جزء بالجسم بس اكثر تصير بالأيدين 🤦🏻‍♂️ وخصوصاً من تسوي شغلات بسيطة مثل تلزم تلفون او تشرب گلاص ماي او من تربط قيطان الحذاء .. الخ


صدگ التوتر anxiety تزيد من رجفة اليد ؟
اي كلش .. لان من تكون توتر فجسمك يدخل بحالة الخطر danger يعني يترقب حدوث شي خطير لذلك العضلات تنقبض اكثر وتصير رجفة اكثر وهذا يسموه
Psychogenic tremor


اسبابه ؟ 🙄

عادةً يصير من وحده وبدون سبب ، ومرات يكون نتيجة لأمراض عصبية معينة (وهذا مو موضوعنا) ومرات اكو اشياء تسببه مثل :

1 استعمال ادوية معينة مثل ادوية الربو او الستيرويدات او ادوية نفسية وعصبية 🤷🏻‍♂️
2 شرب القهوة بكثرة 🤦🏻‍♂️🤦🏻‍♂️🤦🏻‍♂️🤦🏻‍♂️ (هذا السبب يخصني 🤦🏻‍♂️)
3 شرب الكحول بكثرة 🍸 .. رغم انّو الكحول يخفف من الرجفة ، لكن بس يزول مفعول الكحول راح ترجع الرجفة واقوى من قبل 😬
4 فرط نشاط الغدة الدرقية overactive thyroid
5 فشل الكبد او فشل كلوي (مستبعد عادةً)
6 واخيرا والاهم هو الـ anxiety 😥


من خلال هاي الاسباب نگدر نگول
خفف من شرب القهوة واصنع بيئة مريحة اثناء العمل وتجنب شرب الكحول واذا تاخذ ادوية معينة فحاول تستشير طبيبك وتشرحله المشكلة واذا الرجفة مضوجتك سوي فحص وظائف الكبد والكلية والغدة الدرقية حتى تطمئن مابيهن شي 🤦🏻‍♂️😏

زين اكو علاجات معينة للرجفة ؟؟

اي اكو ادوية وما احب اذكرها حتى لا احد يشتريها بكيفهت ويجربها .. الافضل والاحسن انّو النيورولجست هو اللي يوصفها 🙄

بس اكو نصائح او تمارين معينة 🏋️ اذا نسويها راح تخف الرجفة ..
انتبهولي هنا كلش زين لأن هاي الزبدة🧈

موضوع الرجفة هو موضوع محرج ومزعج اذا احد يراقب تحركاتنا .. ممكن اكو ناس يستحون يلزمون كوب گهوة ويرفعوه ويشربون كدام البقية لان ايديهم ترجف ..

لذلك او نقطة لازم تصنع بيئة مريحة وتكون ريلاكس من تريد تشتغل .. واذا اول مرة تشتغل فد بروسيجر فحاول تشتغله بالبيت وتدرب عليه بدونما احد يشوفك وبعدين اشتغله گدام احد ثاني يراقبك (سينير او طالب او طبيب مثلك) ..

قبل لا تشتغل اي بروسيجر .. فكر بالخطوات اللي راح تسويها او اكتبها ع ورقه وادرس الكيس ، وروح اشتغل ، لان ممكن اثناء الشغل يصير شي مامفكر بيه وتصير anxious 😬 والرجفة تصير رگص 🕺🏼

اذا انت من النوع عندك رجفة مستمرة فلا تخلي احد يوگف ع راسك ابداً ، حتى اذا يريد طالب او طبيب يجي يشوفك تشتغل فد شي ويتعلم منك فلا تقبل لأن اثناء وجودة راح تزيد وتصير مشاكل 🤦🏻‍♂️

لا تركز ويه ايدك من تشتغل .. خلّي تركيزك ويه البروسيجر او ويه الخطوات او سولف ويه البيشنت وابعد تركيزك عن ايديك قدر الامكان لأن بس تفكر 💭 (عندي رجفه ⬅️⬅️ راح تزيد بنفس اللحظة 🥳)

لا تستعجل 🙂 .. كلش اخذ وقتك بالشغل واهم شي بالبداية من يجي البيشنت لا تفكر انّو اريد اخلصه بسرعه .. لان بس هيج تفكر راح تبدي الرجفة تزيد .. بالعكس اذا انت تعاني من الارتجاف فلا تستقبل عدد مراجعين هوايه ، واكتفي بالقليل بس انطي وقت لنفسك والهم .. من تحس عندك وقت هوايه حتى تشتغل شي بسيط ، انت اوتوماتيكياً راح تهدأ وتخف الرجفة
لذلك استمتع بالبروسيجر وتونس بيه 😏

اذا الرجفة تزيد وانت گاعد ؟ فحاول توگف وتشتغل .. مو كل البروسيجر بس ع الاقل شويه اكعد وشويه اوگف ، هذا راح يشتت دماغك ويبعد تركيزك عن ايديك

اذا بعدك قليل الخبرة ، فاقرأ هوايه عن الكيس الراح تشتغلها وشوف فيديوات كومه عن اطباء يشتغلوها واحفظ شيسوون حتى ما تنصدم اثناء وجود البيشنت وتصير stressed

واخيرررررراً والاهم
الافضل تكون تغذيتك سليمة ومسوي دايت منتظم مو بس هبيط 🤤 وتشريب ، ضروري وجود كل الماكروس بالدايت مالتك
Balanced diet between each of carbohydrates, protein & healthy fats

طبعاً كـ trick ممكن تخفف الرجفة
هي حمل اوزان ثقيلة بالأيد قبل العمل 😬😬

چاااااووو ♥️

Tip:

من تنطي تخدير للـ upper 8
وتگول للبيشنت اكعد بينما تتخدر

من يجي، انطي قطرات PDL بالـ mesiobuccal root
وقطرة قطرتين palatel

واقلع وانت متطمن دون حصول أي ألم.



Tip2:

اذا بيشنت ما يتخدر وانت تدري التكنيك صحيح مالتك!!

كرر التخدير بكابوربوله ثانية.. واذا نفس الوضع شنسوي؟

ننطيه موعد، وقبل الموعد بنصف ساعة نخليه ياخذ حبايه بروفين.. وننطيه تخدير..
واذا هم ما تخدر؟

ننطيه موعد جديد.. وقبلها نكتبله فاليوم ٥ ملغ حبايه قبل الشغل بنصف ساعة، وننطي تخدير.

واذا ما تخدر؟

راجع التكنيك، اكو غلط معناها.

اكرر: التدخين، الكحول، المدري شنو ما عليه بالتكنيك مالتك اذا غلط يعني غلط.

واذا قبل الكيمو
ف ب ٣ اسابيع تگدر تقلع، تسوي حشوات
بس اقل من هيج لا ممنوع

٣ اسابيع هي المدة الطبيعية لحصول الـ
Wound healing

كيس 🙄

شابةٌ في ريعان الشباب، مصابة بالسرطان ♥️

دخلت عليَّ وبأبتسامة تشرحُ الالباب.. كانت سعيدة جداً رغم مرضها، على عكسي انا الذي اتذللُ واتدللُ بالاكتئاب احياناً وبالحزنِ دائماً.

هي قلعت سنّها السادس السفلي عند احد الاطباء
وجائتني وهي تعاني من التهاب متقرح، ورائحة كريهة بالفم.

رغم علم الطبيب السابق انها مصابة بالسرطان، فقد فضّل ان يأخذ ٢٥ الف كأتعاب لقلع السن دون ان يراعي وضعها!

هي عندي اليوم.. بألتهاب عظمي شديد.. ماذا يجب أن افعل؟

خاطبت طبيب الاورام ان كان يمكنه ايقاف العلاج ريثما اقوم بعملي، وقد وافق
قمت بتجريف المنطقة وازالة جميع الانسجة المتضررة.

بعدها خاطبت طبيب الاورام انّه يمكنهُ الاستمرار بعلاجها بعد اسبوعين.

ماذا كان سيحدث لو لم تجيء بها الصدفة عندي؟
سيموت معظم العظم، سنضطر لأزالة جزء من الفك.. كل هذا بسبب الـ ٢٥ الف السابقة.

نستنتج شنو؟
اي بيشنت ياخذ كيمو او راديو .. نشتغله بعد ٦ اشهر
لحد يجازف.

و كاوسن العظيم همين

بسبب البودكاست صار طلب ع هالكتاب
Fragiskos
نزلوه 🥳

Flare up 😏

عندما يستشيط السن غضباً 🔥

هيج ترجمتها ، وهالكلمتين ضروري جدا تعرفوها لأن يمثلون جزء مهم مهم مهم بعملك
وعدم معرفتك الهم وعدم معرفتك لأسبابها وعلاجها راح يهز الثقة بينك وبين البيشنت وبالتالي راح تخسر البيشنت صدگني 💔

نگدر نعرف ال flare up على انه نوبات شديدة من الالم والتورم بعد قيامك بحشوة جذر بيرفكت وماشي كلش حسب الخطوات الصحيحة 🤷🏻‍♂️

تره كارثه 🤦🏻‍♂️ مهتم ومسوي حشوة جذر بيرفكت وتالي البيشنت يحس بألم أشد من الالم اللي اجه علموده
وهيج راح يگول عليك مو خوش طبيب ويروح لواحد غيرك يگوله هاي شنو شمسوين بيك ويقلعله السن ويخلص من الوجع ويصير الطبيب الثاني هو البطل الاسطوري المنقذ

الفلير اب بيه عدّة كومه اسباب بس اختصرها الكم بـ :
تروما للنسيج السني او بقايا من ال pulp tissue او تروما للنسيج حول السن وخصوصا من تسوي انسترمنتيشن وتعبر الابكس وتضرب الانسجه هناك ..
وهمين تصير اذا انت ال gutta percha تعبر الابكس يعني
Over extended


وهمين همين ، انتبهولي هنا 😒
شايفين الحالات اللي ينشروها اطباء الاسنان وتشوفون مادة السيلر عابرة الابكس او مثلما يسموها
Sealer puff 💭
وهنا الطبيب اولما يشوفها يصور الحالة وينشرها ويستعرض عضلاته 💪

بس يمكن ما تعرفون ان البيشنت وره هالجلسة راح يعيش يومين او ثلاثه من الالم 🙂

لذلك نصيحة ابد لا تخلون اي مادة او اداة تعبر الابكس وخلّو شغلكم داخل ال channel فقط

اي نرجع ونحجي شلون نتجنبها💡

اولن ن
ينصحون انو بأول جلسة من تسوي pulp extirpation تسوون وياها instrumentation وتشيلون العصب بالكامل وتنظفون ال channels كلش زين

ثانياً
تستخدمون irrigation protocol مضبوط
(شارحه قبل بسلسلة الاندو تلگوه بالهايلايت)

ثالثاً
تخلون intracanal medications مثل ال calcium hydroxide

زين رغم كل هذا والبيشنت وره الجلسة الاولى او بعدما كملنه الحشوة صار عنده flare up يعني ألم شديد شنسوي ؟

من الاخير .. تعيد حشوة الجذر من البداية 😁
وتستعمل هالمرة intracanal medicament يتكون من
Corticosteroid + antibiotic

وهذا اسمه ledermix
البيشنت تنطوه مسكنات واللي هي
Ibuprofen + paracetamol
سويه

واذا اكو ويه ال flare up تورم بالمنطقة فأحسن شي تسوي drainage لان هاي abscess ووراها تعيد الانسترمنتيشن والارگيشن

واخير شي بالعلاج انو تخفف من الاطباق
يعني تسوي occlusion reduction


هسه نجي للحچي المرتب واللي يدل على انك طبيب ممتاز
وهي امكانيتك انو تتوقع راح يصير flare up حتى قبل لا تبدي بحشوة الجذر 😁

اول شي ال females توقع نسبة جبيرة منهم يصير عدهم هاي الـ flare up 🤷🏻‍♂️
(دوم مشاكلهم هوايه 🤦🏻‍♂️😂)

ثاني شي بالاشعة اذا شفت
Large periapical radiolucency
همين توقع تصير عندك

ثالث شي اذا البيشنت عنده حساسيات تجاه علاجات او اكلات معينه همين تصير عدهم

رابعاً اذا البيشنت الالم مالته من يعض ع السن يعني
Acute periapical periodontitis

فمعرفتك ليگدام انو راح يصير flare up راح يخليك تتجنبها وهيج انت تفوز ♥️

وشكرا 😁

ادري يمكن الموضوع شووووويه مزعج بس اذا اكو شي مامفهوم دزولي 🙏

سي يو ♥️

Propylthiouracil 50mg tab or methimazole
وتتصل بالاسعاف فوراً 🚨


في نهاية تلك الليلة ، نال اخيراً منهُ النعاس وقد تعلم جيداً كيف سيواجه مجدداً مريض من هذا النوع ، وقد أخذ عهداً على نفسهِ ان يقرأ كل يوم عن مرضٍ مختلف ، وفي نهاية كل شهر سيكون قد تعلم ٣٠ مرضاّ جديداً لا يعلم عنها شيئاً ، وفي كل سنة ٣٦٠ مرضاً ..

Have a nice day 🤍

في احدى القرى الريفية البعيدة التي لم تكن لتزورها لولا طب الاسنان ورغبتك ان تقوّي يديك المرتخيتين في قلع الاسنان العصيّة وتملأ جيبك بما تجود بهِ عليكَ هذهِ القرية الصاخبة ..
انت جالس في عيادتك التي يستريح على مقاعدها السكون ، تُفكر في طريق العودة الى منزلك الذي يبعد نصف ساعة في السيارة ، تسمع صوت خطوات في صالة الانتظار ، انهِ الصوت الذي يبعث في نفسك الراحة وفوراً تفكّر ان هذا المراجع الذي ستجري لهُ عشر زرعات وتركيبات ، ويحلق فيك الخيال الى احد منتجعات انطاليا او ستشتري الايفون الذي لطالما حلمتَ انك ستشتريه بجهدك ..

يدخل المريض وهي امرأه في الاربعينات على ما تبدوا ، عينيها جاحضتين ، نحيلة الجسد ، وفي يدها قصاصة ورق مكتوبٌ فيها :


Dear dr.

Patient 40-years-old complains from dental pain in her lower jaw ..

for your kind care & management please
Note : patient has Graves’ disease


التوقيع : (الطبيب العام المجاور لك)


يخيم عليكَ الحزن ، ما هذهِ البلوى يا الهي ، وما هذا الگرافز ديزيز 🤦🏻‍♂️
وتذوب خيالاتك في شاطىء انطاليا والايفون الجديد كأنهما فص ثلج على صفيحٍ ساخن 🫠

تقوم بفحص فم المريض وتجدُ امامك
Lower left 1st molar
وقد انهك احد جدرانها التسوس حتى غاص فيها عميقاً

وتقدح ببالك فكرة ان تقوم بأستشارة احد أصدقائك عبر الهاتف فتطلب من المريضه ان تنتظر في صالة المراجعين.

تهاتف صديقك وتطلبُ منه بعد سلامٍ قصير ان يسمعك فلا وقت للتفسير ، وتُخبره بالمصيبة التي حلت على رأسك ..

يجيبك ببرود وهدوء شديدين :

انهُ مرض مناعي ذاتي حيث يكون هناك فرط في افراز هرمون الغده الدرقية ..
Over production of thyroid hormone
او يمكنك ان تطلق عليه :
Hyperthyroidism
الموضوع ليس صعباً يا صديقي ، فقط اسأل المريض ان كان يأخذ ادويته بأنتظام (controlled) واستعمل تخدير من دون epinephrine وسيكون كل شيء سليماً ، واغلق الهاتف فوراً بعدما انتهى وقد احسستُ بأنّي قد تماديت في طلب الاستشارات منهُ ، ربما ربما حان الوقت الذي يجب فيه ان ابحث عن الاجابات بنفسي 😩

بالتأكيد عملتُ بنصيحة صديقي وسار كلّ شي على ما أروم 🥳

في مساء تلك الليلة لم تجرؤ عيناي على النوم ، قمتُ بالبحث عن الموضوع بصورة اكثر تفصيلاً ..

وقد وجدتُ ان :
1 ان هناك نوعين من المرضى ، منهم من هو مصاب بفرط افراز الغدة الدرقية hyperthyroidism .. ونوع مصاب بخمولٍ وقلةُ افراز فيها hypothyroidism .. وتتفاوت الاعراض لديهم من لا شيء على الاطلاق الى اعراض تهدد حياتهم.

1 مرضى الـ hyperthyroidism يُعتبرون من اكثر انواع المرضى خطراً ، وتكمن الخطورة ان علاجهم بالطرق التقليدية ستشكل خطراً على حياتهم مما قد يؤدي الى الموت 💔

1 غالباً ان مرضى الـ hyperthyroidism تبدوا عليهم بعض العلامات ومنها :
Anxiety - sweaty hands - tremor - high blood pressure & heart rate

1 ان بيئة العمل داخل عيادتنا ستزيد من احتمالية ضهور الاعراض لديهم بصورة اسرع واقوى وذلك بسبب الـ stress الذي يصاحبنا طوال الوقت، فضلاً عن الادرينالين في عبوة التخدير الذي لا تكاد تخلوا منهُ اي عيادة.

1 ان مرضى الـ hypothyroidism قد تصبح حالتهم اسوأ لو كانو يتعاطون بعض الادوية مثل :
Antidepressants & sedatives

1 للمرضى الذي استأصلوا غدتهم الدرقية بسبب ورم فلا بد انهم يأخذون thyroxine للتعويض ولو كان المريض يأخذه بأنتظام فنعامله على انه مريض طبيعي ، ولو كان متقطع في علاجه وغير منتظم فنقوم بأستشارة طبيبهُ.

1 في جانب آخر ، استعمال الـ epinephrine مع مرضى الـ hyperthyroidism قد يسبب :
High blood pressure & tachycardia
واعراض اخرى 🧙‍♂️

1 في مرضى الـ hyperthyroidism الذي يأخذون علاجاتهم بأنتظام نستعمل تخدير من نوع :
Mepivacaine (without adrenaline)
ويمكن التعويض عن عدم وجود الادرينالين بأعطاء جرع صغيرة اضافية من التخدير اثناء العمل ، ويجب ان نبدأ العمل سريعاً ونحاول ان ننهيه بسرعه ايضاً.

1 Thyroid storm ☔️
هذا ما سيحدث لمرضى افراز الغدة الذي لا يتلقون العلاج ..
ببساطة الحال علاجك لمريض الـ
Uncontrolled hyperthyroidism
من دون حيطة ومعاملته كمعاملة المراجع الطبيعي ستكون حياته بخطر بسبب حصول الـ
Thyroid storm or crisis 🧙‍♂️

وفور اعطاءك للتخدير ستبدوا على المريض ارتفاع مفاجىء في درجة الحرارة ، تعرق شديد ، تقيء وغثيان ، عدك انتظام ضربات القلب artrial fibrillation 💗 وانخفاض شديد بضغط الدم ! 🙄

وقد يستمر الامر الى فقدان الوعي والغيبوبة coma ..
فور رؤيتك لفقدان الوعي + ارتفاع مفاجىء بدرجة الحرارة
اتصل بالاسعاف فوراً 🚨

1 من العوامل التي تسبب thyroid storm ⛈ هي :
Trauma - stress - infection in people with uncontrolled hyperthyroidism

1 وكعلاج سريع للـ thyroid storm ⛈ ممكن اعطاء المريض

1 symptoms (pain, tenderness) and the tooth became in infraoccusion
يعني السن يصير تحت مستوى بقية الاسنان وما يكمل طريقة حتى يصير بالـ normal occlusion

الاندو بهيج حالة كالتالي :
اذا ماكو اعراض وممكن يصير
Revasculaarization
فما نسوي اندو وننتظر فد ٣ اشهر وبعدها نسوي sensitivety test .. اذا طلع بوژتف فنعوف السن ع حاله ، واذا نگتڤ فنسوي للسن هذا
Apexification
واللي هي كمختصر نخلي MTA او كالسيوم هايدروكسايد داخل الجذر لمدة ٦ اشهر لحدما تنقفل الـ apex

(محضرلها موضوع مفصل وحدها فلا تستعجلون)

وهاهيه ♥️

Trauma : Avulsed tooth

عادةً الاطفال يتعرضون لأصابات تخلي اسنانهم الدائمية توگع وتطلع من السوكت بالكامل .. وهذا تعريف الـ
Avulsed teeth
وحتى الكبار همين تصير عدهم لكن بنسبة أقل

لذلك لازم نعرف شنسوي من يجي بيشنت سنه واگع بالكامل ، وشنو الاجراءات والطريقة اللي نرجعه بيها ..

عدنه حالتين بهالموضوع :
Open apex vs. closed apex

اولاً : اذا المريض سنه واگع بالكامل .. وبعده السن close apex

في حالة سنه واگع ، واهله رجعوه بمكانه بوقت الحادث ، واجاك للعيادة فأنت كل اللي عليك تغسل المكان بنورمال سلاين او كلورهكسدين وماتطلع التوث من مكانه ..


في حالة جابولك السن ومخليه بكوب بيه حليب ، او سلاين ، او باقي بحلگ المريض يعني اكو سلايڤا .. ووقت حدوث الحادث اقل من ساعه :
فأنت تطلع التوث وتنظف الجذر بالكامل بواسطة نورمال سلاين ، وترجع تنظف السوكت هم بسلاين .. وتخلي السن بهدوء وبطىء مع ضغط جدا جدا خفيف 🍃


وهسه بعدما رجعت السن بذني الحالتين اللي حجيتها ، تسوي سوچر للثة داير ماداير السن ..
وتثبت السن بواسطة splint اللي هي واير وكمبوزت وبحيث يثبت ع الاسنان المجاوره ، وتبقي السبلنت لمدة اسبوعين وتشيلها وهاهيه ..

امّا في حالة صار اكثر من ساعه من وقت حدوث الحادث :
تنظف السن من التراب او اي شي عالق بيه ، وتشيل ال periodontal ligament اللي ع الروت ، وتنظف السوكت بنورمال سلاين ..
وتخلي السن لمدة 5 دقايق بـ sodium fluoride وبعدها تخليه بالسوكت ببطء وهدوء مع ضغط خفيف جدا 🍃

وهمين بهالحالة تسوي سوچر للثة داير ماداير السن ، تاخذ اكس ري وتتأكد ان مكان السن صحيح بالسوكت وتسوي splint لمدة ٤-٦ اسابيع


بكل الحالات تنطي انتيبيوتك :
1 Amoxicillin cap. 1*4 for 7 days

اذا السن واگع بالتراب فالافضل تحول البيشنت للمستشفى بعدما تثبت السن حتى ينطوه
Tetanus booster
اذا نسيت هالخطوه فمن المحتمل البيشنت راح يمر بمضاعفات خطيرة ممكن تؤدي للموت 😕💔


Patient instructions

Soft diet 2 weeks
Brush with soft toothbrush 🪥 after each meal
Chlorhexidine mouthwash twise daily for 1 week


ثانيا : اذا سن المريض چان open apex

في حالة السن واگع والاهل مرجعيه لمكانه بوقت الحادث ، كل اللي تسويه تغسل المنطقة بنورمال سلاين او ماي 🚿


في حالة السن واگع ومخليه بالحليب او سلاين او سلايڤا ووقت حدوث الحادث اقل من ساعه ⏰
تنظف الروت بالكامل بواسطة نورمال سلاين .. وتخلي السن بـ
Doxycycline (100mg in 20ml saline)
وتنظف السوكت بالسلاين .. وترجع السن لمكانه

وبالحالتين تخيط اللثة وتثبت السن بواسطة splint لمدة اسبوعين 🍃

وتنطي انتيبيوتك :

1 amoxicillin syrp 1*4 for 7 days
2 Doxycycline 1*2 for 7 days

وهمين اذا السن واگع بالتراب فگبل ثبته ودزه للمستشفى ينطوه
Tetanus booster



امّا في حالة السن واگع وصارلة اكثر من ساعة 🕰

فالافضل ما ترجعه ابداً لان ماراح تنجح العملية 😕

والتوصيات هي نفسها 🤷🏻‍♂️


وهسه بعدما رجعت السن وبقيته اسبوعين splinted تسويله اندو وتبقى تراقبه كل اسبوعين بالبدايه وبعدين كل شهرين ، وبعدين كل ست اشهر لحدما تتأكد كلشي تمام 👌🏻


اتمنى استفاديتو ♥️

سي يو 👋


هسه شوية ملاحظات عن اللي راح يصير بعدما عالجنا الـ avulsed tooth

في حالة الـ closed apex

اذا نجح العلاج بعد اسبوعين او اكثر راح نشوف :
1 No symptoms, normal mobility, no tenderness.
2 On radiograph ▶️ no periradicular radiolucencies (means no root resorption)
3 Normal lamina dura or loss of lamina dura and ankylosis occurs.

اذا فشل العلاج راح يصير :
1 symptoms (pain, tenderness)
2 Radiographically periradicular radiolucencies (root resorption may occur)

طريقة الاندو لهيج سن شلون ؟

لازم خلال مدة اقصاها ٧-١٠ ايام نبلش بحشوة الجذر لهيج سن ..
الطريقة كالآتي بعدما نسوي access وانسترمنتيشن :
1 calcium hydroxide placement.
2 Replacement of calcium hydroxide by gutta-percha if we see intact lamina dura around entire root surface.
(This will prevent external root resorption)

الخطوة اللي بين الكالسيوم هايدروكسايد والكتابيركا تصير خلال شهر تقريباً .. بحيث من نشوف ال lamina dura طبيعية حول الجذر يلا نسوي الاوبچريشن.

بس اذا شفنه صاير
External root resorption
راح نخلي كالسيوم هايدروكسايد ونبقيه بال canals ونبقى ناخذ اشعة كل ٣ اشهر لحدما يتوقف الـ resorption وترجع الـ lamina dura طبيعيه يلا نسوي اوبچريشن.


امّا في حالة الـ open apex

شنو راح نلاحظ اذا نجح العلاج ؟

1 no symptoms, vital tooth , normal mobility.
2 Continuous root development, pulp lumen obliteration (calcification of root canals) 🧞

اذا فشل العلاج راح نلاحظ :

استفسار حلو هم هذا
نگطع الاسبرين لولا؟

جميع المصادر الحديثة والـ guidelines
تگول عادي ما نگطعه.

لكن يا اصدقاء انتم في العراق، أي مشكلة تصير بسبب عدم قطع الاسبرين راح تكون انت السبب!

لذلك احمي نفسك، واستشير طبيب القلبية او الباطنية واذا قبل نشتغل هاهيه.

بس على العموم، البيشنت الـ
Senile
الكبير بالعمر، دائماً اخذوا استشاره.

سؤال ثاني :

اللسان بيه اجزاء ومن ضمنها الـ
Anterior two third
يغذيه الـ lingual nerve
اللي هو برانج من الـ
Mandibular nerve
واللي هو برانج من الـ
Trigeminal nerve

المهم، هذا الـ
Lingual nerve
اللي يغذي اللسان ينطيه الشعور بالحرارة والالم واللمس
بس ما ينطيه احساس التذوق.

لذلك يحتاج صديق حباب اسمه
Tympanic nerve
وهو فرع من الـ
Facial nerve
هذا راح ينطي احساس التذوق .

وهيج اكتملت الوظيفة النهائية للسان.

هذا العلم والانتومي، لا تخلّون البيشنت يسفط عليكم بكيفه، استعملوا العلم للحجّة.

الجواب :

قد يكون هذا الموضوع متعلق للأسف بضعف شخصية الطبيب ويه البيشنت
بحيث البيشنت ياخذ عليه بحيث يتمادى لهاي الدرجة.

هالشي اكيد يصير ويه البيشنت اللي تدفعله كومه اعلانات ممولة، وتتوسل بيه حتى يجي.
بالنهاية راح يطلعلك مضاعفات ما صايرة بالتاريخ بس حتى يشغل بالك بيها ويصير هو
Attention …

يا اخوان، تره الناس ما لاگيه احد يهتم بيها وكلها لابستها، ف أكيد يطلع عليك كل امراضهُ النفسية.

لا ترخصون نفسكم، هيج بيشنت ارفضه ببساطة، فهمه ان هالشي ماله علاقة بالاسنان.

روح چيك البهارات والمسواگ اللي تشتروه، روح شوف زوجتك او اختك ليش صار طبخها مو طيب! يجوز لأن هو فعلاً TM !!

لا تخلون هيج ناس يتمادون.


اما علمياً، اذا وصل التخدير بصورة قوية للـ
Facial nerve
ممكن يوصل بعدين لطرف اللسان عن طريق الـ
Chorda tympani
وممكن يأثر فعلاً ع التذوق.
وهالشي ينتهي بأنتهاء التخدير بعد ٣-٤ ساعات.

سؤال من احد الزملاء :

- الإجابة :

حسب الصورة، يحتاج بعد ريفلكشن للجينجفا بليتلي، ثم استخدام فورسبس مال
Upper anterior

ثم وضع الفورسبس على حدود السن، وباليد الثانية امسك رأس البيشنت من الاعلى، وأقوم بأدخال الفورسبس اكثر عمقاً، حتى امسك بها الجذر جيداً.

ثم ادفع بأتجاه الاعلى
Apical pressure
وأقوم اثناء الضغط بتحريك الجذر دورانياً، ودائرياً
ثم احركه
Bucco- palatal
حتى يتحرك جيداً، تحتاج هذهِ العملية لدقيقة غالباً
ثم اقوم بسحبهِ نحو الخارج على مهل مع الاستمرار بالحركة بصورة دائرية.

سيخرج عندها بعدما تقطعت الـ
Periodontal ligaments

وبعدها عملنا
Bone expansion
بواسطة الحركة الدورانية والـ
Bucco-palatal

يحتاج تقريباً لـ ٣-٤ دقائق على هذهِ الخطوات، وسيخرج.

وهاي طريقة الـ upper canine
اللي هو فعلاً صعب بالقلع واذا انكسر يحتاج مهارة.
طبقوها زين ♥️

سؤال آخر :