أحس اقبح شي ممكن يصير للإنسان ان يموت وهو متخوم بمشاعره متخوم بحچي چان لازم يكوله بفد موقف او فد لحظة او لفد شخص بس ما كاله متخوم بسؤال او فضول او تبرير او اعتذار بس ماسواهن...
مشكلتنا دنحاول نصنع من ذواتنا ذوات متطورة او بالأدق " آلة " نحاول نبين ان احنا ما مهتمين لنظرة لشخص تجاهنا بس جوانا جزء يريد يكابله ويكله اني مو مثل ما شايفني اني مو بالهيئة المتخيلني عليها وهو هذا التصرف البشري الطبيعي، نتصنع ان احنا ما مجبورين نبرر وبنفس الوكت جوانا شخص ملهوف حتى يدافع عن نفسه.
ندعي ان احنا مكتفين ذاتيا بس كلش زين نعرف ان احنا متوهمين وهواي اجزاء بينا محتاجة واحد يغمرها بالعطف ويعوضها عن السنوات العجاف اللي مضن.
فشگد ما تحاول تسوي نفسك الانسان السوبرمان بالأخير ادري بيك انت واهن وگلبك رچيچ