🇦 🇫 🇮 🇴 🇺 🇳

كلنا حبينا و اتسابنا و اتحبينا و سيبنا و كان نفسنا ف حد معين و مجاش ولا حس وكان فيه ناس نفسهم نحس وماحسناش،كلنا راقبنا وشوفنا last seen و اخر post واخر صورة واتعملنا بلوك و عملنا ،كلنا حبينا البدايات و التلميحات و الاستعباط اللي ف الأول واتبسطنا كتير وزعلنا ف النهاية أكتر وعيطنا واتصدمنا ومكناش قادرين نستوعب إن حد حلو أوي كدا وكان بيحبنا أوي كده هو ال يعيطنا ويبهدلنا،كلنا كان لينا صحاب و بعدوا وكان فيه ناس بيحبونا دايماً قريبين بس احنا بعدنا عشان ناس تانية،كل حاجة بتتنسي بالوقت وكل مرة عيطت فيها اديتك درس وقوتك والـ مشيوا ربنا خلاهم يمشوا لسبب،والـ ماحسوش لو كانوا حسوا كانوا مشيوا هما كمان،و احنا لما بعدنا عن ناس بتحبنا كان خير ليهم برضه.كل حاجة مكتوبة عند ربنا،وقدام كل مرة زعلت فيها رصيدك ف الفرح بيزيد عنده،ربنا محوشلنا حاجات تفرح وتعوضنا كتير بس هي فكرة وقت وصبر بس احنا نرضي عشان يراضينا.

كثرة الشكوى تجلب الهم وتقلل البركة. فكن من الحامدين الشاكرين.

بنسعي ونجري وكل أمالنا وأحلامنا إننا نملك الدنيا وميبقاش حد قدنا ولا زينا بس في النهايه مش بناخد غير نصيبنا ..نصيبنا وبس اياً كان احنا علينا السعي بس والنهايه دي بـ اراده ربنا مش بارادتنا نهائي..🍃

احساس انك تكسب فلوس من شغلك ومجهودك مختلف تماما عن احساس أن يجيلك فلوس ع الجاهز ..
الفلوس اللي بتيجي ع الجاهز أحلى بكتير

"ولستُ أعلمُ ما يُخفيهِ لي قدَري لكنّني بجميلِ الظّن سِرتُ لهُ"

“ربنا يرضّينا بأقداره، ويراضي قلوبنا بعوضه، ويجعل نفوسنا ساكنة مُطمئنة لحكمته”.

بدعي ربنا يلهمني القرار الصح في الوقت الصح؛ يعني إمتى أغامر وإمتى أصبُر، إمتى أَخُد الخطوة وإمتى تتأجل، إمتى أوافق وإمتى أرفُض، لإن كُل حاجة من دول كفيلة إنها تقلب حياتي 180 درجة عشان كدا أنا ما ببطلش أقول الدُعاء دا:
(اللَّهُمَّ ألهمني خير القرار وارزُقني حُسن التصرف ودبر أمري يا رب العالمين).

—
مش قادرة اتخيل -شعوري- لما (ربنا يستجيب دعواتي) والاقيها خير لقلبي وكانت تستحق فعلًا كل الدعوات دي
وكل الإلحاح دا، هي أمنية يارب لو اتحققت كل جزء بي سيبكي من شدة الفرح والله، يارب السنة الجاية اكتب إن أخيرًا فاز قلبي بكل ما تمناه والآن أنا من المجبورين..")

يارب يا كريم.
يارب يا لطيف.
يارب يا حبيبي.

احساسي بقيمتي مش متوقف ع ندمك عليا ولا شعورك بالذنب تجاهي، كده او كده دلوقتي او بعدين مش هتفتكرني غير بالخير عشان انا مش بسيب آذي يخليك تفتكرني، مش ضعف ولكن مش شطاره مني ولكن آصل بردو، فا مهما شوفت وحش مني فا مش هكون اوحش حد عدي عليك وهكون سايب آثر كويس عموما، انا بعمل كل الخير ومبقصرش لحد اخر لحظه، مش مغرور ومش ملاك ولكن انت ونوياك، ولو شوفت مني وحش.. يا مش قاصد وبعتذر يا تستاهله ي اما انا قرر اكون مرايا لافعالك معايا بعد ما عديت كتير.

الموضوع مش مقتصر علي الشغل بس خالص .. التعامل مع الناس السالكة في الحياة كلها مريح و جميل و عظيم و الله ♥️

السلكان مع امكانيات عادية او مش خارقة (في الشغل و الحياة) بيخلي كل حاجه كويسه .. شخص قادر يساعدك بكل اللي عنده .. شخص يؤتمن .. شخص يحب لك الخير زي نفسه .. شخص بيخلي البيئة اللي حواليه كلها نضيفة .. مش هتقلق عموماً في وجوده في حياتك تحت أي مسمي.

‏وَاذْكُرُوا نِعْمَةَ اللَّهِ عَلَيْكُمْ وَمِيثَاقَهُ الَّذِي وَاثَقَكُمْ بِهِ إِذْ قُلْتُمْ سَمِعْنَا وَأَطَعْنَا ۖ وَاتَّقُوا اللَّهَ ۚ إِنَّ اللَّهَ عَلِيمٌ بِذَاتِ الصُّدُورِ

رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ

‏أكيد هيجي يوم وكل حاجة هتتحسن وهتبقى تمام، يارب الدعوات والدمعات والصبر والمحاولات الكثيرة للاستمرار لا تضيع هباء.

يارب غيرنى للأفضل فى دينى وفى نفسى وفى تفكيرى واعطنى خير الأقدار واكفنى شرها

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ إِنَّكَ حَمِيدٌ مَجِيد

اللهم صلِّ وسَلِّم وبارك على نبيّنا مُحَمَّد،
عدد ما ذكرهُ الذاكِرون،
وعدد ما غَفل عن ذِكرهِ الغافِلون.

دلوقتي وبعد كل اللي حصل ومريت بيه بقيت لا أجرؤ أبداً ع المراهنة ع أي شخص ولا أتسرع ف حكمي عليه ، وبقيت بحط علامة إستفهام ع كل شخص أقابله وكأنها حاجز أمان بيفصلني عنه ويخليني أتصرف بمنتهى الحذر إلى أن تثبت براءته وتوضح نواياه وبمنتهى الأمان أرجع وأنا سالم تماماً من غير خدوش ولا أي خيبة جديدة تنضاف لكل الخيبات السابقة ، ف تأكد إن رهانك دايماً مرتبط بثقة عمياء سامة ما بتجيبش غير أذى .. ف إياك ثم إياك إنك تراهن ع حد ..أي حد.