َ

‏الوقت لو غيّر مفاهيم وطبوع
‏أبقى الذّي ما غيّر الوقت طبعه

‏يوم الليالي جفوة أحباب وربوع
‏"ما بار بـ أحبابه..ولا خان ربعه"

‏يا اللي تشوف العمر تابع ومتبوع
‏أنا أشوف العمر موقف وسمعة

لبيه يا ريح المطر والسماء غيم
‏ولبيه يا صوت المطر بعد غيبه 🌧️🤍

‏وداك وقتك ، ماعرف وين وداك؟
‏ماعاد لك طاري ولا عاد لك صوت

‏وانا لازلت احن لك .. واتحراك
‏ولا زال حبك بين الأضلاع منحوت

‏لاتحسب ان حبك يمحيه فرقاك
‏الحب يضعف بس لايمكن يموت

فصل الشتا ردّ السلام وساق ذعذاع البراد
‏ورحّبت به وأنا الهبوب الباردة محتاجها

من أوّل الوقت لا مخطي ولا جاحد
‏ثابت .. لو ان الليالي باهتٍ لونها

‏والله مايجرح الخاطر سوا واحد
‏كنت أحسب انه ورا الهقوه وهو دونها

‏عليك من الوله ما يقصر الطاري على ذكراك
‏نسيّت الغايبين اللي مضـوا ولا هان نسيانك

قلبٍ يعرف الصعب ويطول الاصعاب
‏ماينكسر لو لاهب الوقت مسه

‏أنا كبرت اكثر على كلمة عتاب
‏وعن رفع شيٍ بالأراضي مدسه

‏روحوا ولكن لاتقولون لي خاب
‏ما يخيب اللي يعرف قدر نفسه

سترت الغلا واقفيت عنه بدون وداع
‏وصديت صدة مقفي ماهو بـ ودّه

عليه السلام العذب لا مرني طاريه
‏اضم الهبايب من جهاته .. واسامرها

‏يفز الشعور لكل دربٍ مشينا فيه
‏تبسمت من بسمته .. يوم اتذكرها

‏تعلمت منك الكبر والبعد والتقصير
‏وتعلمت منك الغيبه اللي بلا ردّه

ما بين الدروب اللي تزعلك رايح جاي
أشوف الليالي تسرقك .. ما معي حيله

ما عمري شعرت بكسري وجيتك من أقصاي
ولا أحتجت لك كثر أحتياجي لك الليله

أناديك وأعلّق على نبرتك .. رجواي
ويطيح الرجاء وأرجع على شانك أشيله

يا كثر الكلام ولو معي في جروحي راي
ما ضاع الكلام وضاعت أغلى محاصيله

أشوف الخطأ واقول عادي وانا النّساي
ولي قلب مدري كم طفى من قناديله

هذا عام جاي وعام قفى وأنا وبكاي
عليك السهر ياكم شربنا فناجيله

ولا زلت احبك وأدري إنك اهم أشياي
وأشوفك أمان كل ما أحتجته أجي له

ليا اشتقت لك والارض راحت قصيد وناي
يا صبر المحب ليا بكى من مواويله

لو أمشي على الماء لا ذكرتك نبت ماطاي
خزامى و ورد وكل وادي درج سيله

عسى باقيٍ لي معك ضحكه ترد رضاي
ولي عمر مهما فاتني معك .. باقي له

سريت ولا على صبري ملام و خاطري قد طاب
‏على الله خطوتي لو الدوافع ترهق أقدامي

"من قالها من النهار موقنا بها فمات من يومه قبل أن يمسي فهو من أهل الجنة، ومن قالها من الليل وهو موقن بها فمات قبل أن يصبح فهو من أهل الجنة"

‏الليله اللي وراها يسري الساري
‏فيها من الدمع والحرمان ماريّه

‏وقفت لا بايع اللحظه و لا شاري
‏لين ابتدت في ضميري جمرةٍ حيّه
ٰ
‏يجيبه الليل و النسناس و الطاري
‏ولا يجيب القصيد الا طواريّه

أنا الميال عن وعودي إذا حسيت بالتهميش
وأنا الثابت على الكلمة إذا شفتك تقدرني

يا ضميرٍ فيك من جاير الفرقى رسوم
وبينك وبين الشقى مابقى إلا فاصله

دام ترهقك الطواري وتسهر كل يوم
لو تدور راحة البال .. ماهي حاصله

ادري انك صاير ماش وعلومك علوم
والحزن له مده يواصلك..وتواصله

مبطي من السجه الي تنسيك الهموم
والمزاج الزين و النومه المتواصله

" تدخل الأحزان صدري دخول الفاتحين
‏وتطلع الفرحة طلوع العرب من قرطبة "

أنا النسّاي يا أقسى جروح البال أنا النسّاي
‏ولكن الحنين أكبر من النسيان والصدّة

"تغاضى قد ما تقدر ما دام إنّ العمر محدود
‏ولا تحزن على الفايت رحاب الأرض ممدوده"

العلاقة ميّتة والحبايب عايشين
‏والشعور اللي يجمع مشاعرنا بهت

‏لو تعدّيتك يرجعني لدربك حنين
‏ولو تناسيتك ترى ذكرياتك ما سهت

‏أصعب أنواع العلاقة نكون معلقين
‏لارجعنا مثل أوّل ولا حتى أنتهت