بكره 1/10 بداية جديدة ليكم ♥️
بِاسْمك اللَّهمَّ نَخُوض دُروبًا جَدِيدَة؛ آملين أنَّ لا نَتَعثَّر..
اللَّهمَّ اِجْعلْهَا بِداية لِكلِّ يُسْر ..
وَفرَج لِكلِّ صَبْر وَبَاب لِكلِّ مَغفِرة..
اللَّهمَّ أَغنِنا بِالْعِلْم، وَزِينَا بِالْحلْم ..
وَكَرمنَا بِالتَّقْوى، وجمِّلَنَا بِالْعافية.
اللَّهمَّ اُرْزقْنَا البصيرة والْإخْلاص فِي القوْل والْعَمل..
اللَّهمَّ عِلْمنَا شُكرُك على مَا أعْطيتنَا ومَا مَنعَت عَنَّا لُطْفًا بِنَا..
اللَّهمَّ لََا تبْتلينَا فِيمَا لا نَستطِيع عليْه صبْرًا يارْب ..
أول حاجه عشان تستفاد من فترة الامتياز بنسبة 100% أنك تتعلم مهارات صدقني في وقتنا ده أنك تتعلم وتتقن شغلك ، ده أكبر تحدي وإنجاز ممكن تكون عملته في حياتك . 👏
أولى خطواتك تجاه نفسك:
1️⃣ اجتهد واتعلم ذاتيًا لوحدك ، ابحث واسأل ودور لغاية ما تلاقي المعلومة محدش هياخدك من ايدك يعلمك ودا مش عيب منهم كل واحد بيكون مركز في الي وراه ف انت مسؤولتيك تحاول تعلم نفسك وتطورها في المستشفى .
2️⃣ اتعلم ازاي تكتسب خبرة في اغلب شغل الطوارئ ، لو بقيت شاطر فترة الإمتياز ممكن يكون مصدر دخل ليك بعدين لو فكرت تشتغل برايفت لان التكليف بيتأخر ف لازم عشان تشتغل برايفت ان يكون عندك خبرة .
3️⃣ ابني عادات جيدة في يومك ، حقيقي العادات سحر في حياتك وأفضل مايساعدك على تغييرك للأفضل اتعود تحط حدود بينك وبين زمايلك حتى لو لقيت اختلاط قدامك اتعود تكون شخص بشوش مع كل الي حواليك متفوتش صلاوتك وانت في المستشفى تقدروا تصلوا ف اللوكر او لو في مكان متاح للصلاة اتعود تكون لطيف مع اي مريض يجيلك صدقني الضحكه بس ف وشه وقت تعبه تعتبر صدقه وبتهون عليه ربنا يهون علينا جميعاً .
4️⃣ نظم وقتك دايمًا خلي أهدافك واضحه قدامك عشان تعرف أنت عايز ايه وبتعمل ايه كويس ووصلت لفين يعني حط جدول لنفسك انا انهارده جاي اتعلم مثلا على ال Monitor او ال vent ف انا مش هخرج الا اما اعرف كل حاجه فيه.. بكرا كذا بعده كذا وهكذا ويكون عندك دفتر تسجل فيه الي اتعملته والي لسا حابب تتعلمه🚶♀️.
5️⃣ علاقتك بربنا ، صلاتك ، وردك ، أذكارك ، عباداتك ، دايمًا خلي فلاح وبركة ربنا محاطة بيك في كل مكان حواليك .
6️⃣ نهاية كل يوم هات قلمك والنوت واسأل نفسك ، أنجزت ايه خلال اليوم، اتعلمت ايه النهاردة ، نظمت وقتك صح اليوم، ذاكرت اللي وراك لو هنذاكر من كتب زي Intensivest او نيرسيولوجي او امتيازولوجي وكل دا نزل ليكم على قناة التلجيرام ابدأوا كل يوم خصصوا وقت تراجعو فيه منهم ، وهكذا ..
الخطوة دي هتخليك تنجز وتطور من نفسك بسرعة في الامتياز كل يوم حتى لو مكنتش حققت أي حاجه في فترة سنه تانيه ، وحماسك وتقدمك هيزيد أكتر . 👏
"وأخيرًا متحجمش أداء وقدرة نفسك على حاجات أنت لسه مجربتش أنك تشتغل عليها ، دايمًا خليك واثق في نفسك وخلي التجربة تثبتلك أنت وصلت لفين من مهاراتك أو تعلمك".
بالتوفيق ان شاء الله ♥️
by .. Emergency team