اولا. كدة في حاجة اسمها شهادة تحركات دي بتطلع من الجوازات ناس كتير رجعت من المقابلة بسببها هي وبرينت التأمين دة بيطلع من اي مكتب تأمينات عادي تمام ؟؟
دي كانت نقطة مهمه جدا ✅
ثانيا. الناس بتدخل خمسات كدة كل مجموعة خمس افراد
ثالثا. اللجنه ٥ افراد برضو بيمسك ملفك كدة ويراجعو ويبص فيه ويسأل أسئلة إما قانونية من واقع دراستك زي سؤال الانقضاء ال اتسأل انهاردة لأحد الأفراد كدة ،،، أو يسألك أسئلة في ملفك مثلا
⚠️ ⬅️⬅️ زي اي ؟؟
واحد م اللجنه يقولك قولي كدة اسم المحامي ال انت كنت بتدرب عنده ؟؟
واحد يقولك انت دخلت حقوق لي ؟؟
هتروح تقوله التنسيق ؟؟ مينفعش طبعا عيب اصلا تقولها ❌❌❌
واحد يقولك المادة دي مثلا كنت بتاخدها وانت ف سنه كام ؟؟ طب الدكتور ال كان بيديك المادة كان مين ؟؟
طيب انت اتخرجت من جامعة اي ؟؟
طب انت بتشتغل بقالك اد اي حتي لو كانت مهنه تانية غير المحاماة ؟؟؟
ممكن واحد م اللجنه يقولك انت اتدربت عند المحامي ي قلبي ؟ هتقولوا اه
هيقولك طب اتدربت عنده أي؟؟؟
ودة كان أفظع سؤال ⚠️⚠️ لان ناس كتير مكنتش بتدرب ولا نيلة ✅
واحد يقولك مثلا ايام دفعتك كان عميد الكلية وقتها كان مين ؟؟؟
واحد يقولك مثلا اكتر مادة أثناء دراستك كنت بتحبها كانت اي ؟؟
⏺⏺ كمان في حاجه مهمه اوي
انت المفروض ك محامي مينفعش تبقا واقف مهزوز مثلا او متوتر
اصل أقل حاجه هيقولهالك انت هتقف تترافع قدام القاضي كدة !!!! ❌
⏺ المقابلات بتبدأ من الساعة ٩
⏺ الزي طبعا رسمي
⏺ المقابلات سهله الحمد لله واللجنة بتسألك اكتر من سؤال عادي مش بتوقفك علي ال معرفتش تجاوبه
⚠️⚠️ النصائح :_
⏺ يُفضل تعرف سريعا اسامي المواد ال كنت بتدرسها ف كل سنه من سنين دراستك ✅
⬅️⬅️⬅️ هات المواد دي من بيان النجاح بيبقا قيه مواد كل فرقة ✅✅
⏺ سريعا كدة اعرف ايام دفعتك كان العميد مين ورئيس الجامعة كان مين وكل مادة كان دكتورها مين.
⏺ حط كدة ف دماغك مادة ولا مادتين معلوماتك عنهم حلوة عشان لو قالك اكتر مادة حبيتها تقوله عليها وكمان لو سألك فيها تعرف تجاوب ✅
⏺ اعرف اسم المحامي ال مصدقلك علي الملف بتاعك بأنك كنت بتدرب عنده ✅
⏺ اعرف المحامي دة مكتبه فين بالظبط ✅
⏺ اعرف المحامي كان محامي نقض ولا استئناف ✅
⏺ اعرفلك كلمتين تقولهم للجنه لما تسألك اتدربت اي عند المحامي دة ✅
هذا م استطاعت أن أصل إليه اليوم
ان شاء الله البوست هيتعدل في حالة أن جد جديد
تابعو القناة أول بأول وتابعو البوست دة بالذات عشان هينزل عليه كذا تعديل
تحياتي/ رنا الماحي
منقول