صباح الخير يا أهلاوية --------------------------- - في اليوم الثالث من تولي غوميز مهمته يبدو أنه يسير في مسار التركيز على الإعداد البدني، دون اغفال سرعة التعرف على امكانيات اللاعبين بخوض مباريات ودية برتم تصاعدي . نهاية الأسبوع ستكون مباراة ودية أولى تحت قيادته قبل التوجه لإجراء معسكر خارجي مطلع الشهر القادم.
- التشخيص النهائي لاصابة العرفي ومانزي .. اللاعبان يحتاجان لبعض الوقت وجرعات مكثفة من العلاج الطبيعي فقط.
- فريق السلة يتأهب للسفر لخوض معسكر خارجي استعداداً للمرحلة الثانية من البال قبل التوجه لابيدجان مباشرةً تم إجراء التطعيمات اللازمة للجميع.
- قرارات وتكليفات إدارية جديدة لمجلس الإدارة في طريق الاصلاح وترتيب البيت الداخلي تنشر اليوم عبر الصفحة الرسمية.
- في إطار تحسين أداء المتابعة داخل مقر النادي تم اليوم البدء في تركيب منظومة كاميرات مراقبة للمداخل وأخرى تغطي كل مرافق النادي الداخلية ومحيطه الخارجي بالكامل.
الأهلي المصري آخر 8 نسخ أبطال أفريقيا وصلوا للنهائي 7 مرات وخدوا البطولة 4 مرات وعندهم 12 دوري أبطال أفريقيا و 44 بطولة دوري وعندهم 152 بطولة فريقهم أكثر فريق عنده بطولات في تاريخ كرة القدم، اليوم جمهورهم الشوط الأول تم تعادل ضد سيراميكا كيلوبترا قعدوا يصفروا على ملاعبيتهم مع إنهم شبعانين بطولات، حني السي ساسي بوعون خدينا معاه دوري بعد ما ضيع علينا زوز دوريات بغباء قعد الموسم اللي بعده كل ما الجمهور ينتقد فشل للإدارة أو سوء تنسيق للصفقات يطلعلنا في فيديو في الصفحة الرسمية ويقولك اللي تنتقدوا توا كنتوا تحتفلوا لما جبت الـ13 انتم جمهور مناسبات ما نعدلش عليكم الفيديو سجلوه ولما نروحوا بالـ14 كلموني، بعد ما ضاعت البطولة مرة ثانية بسبب سوء إدارته معاش طلع وضيع علينا صفقة شرارة وآخر شي استقال بدون ما يطلع يتكلم بكللل! والأسوء عقلية جمهورنا لما يشوفوك تنتقد في الأخطاء اللي تصير وقت الفوز أو تنتقد شي وقت الأهلي يكون في قمة مستواه على طول يقولك سوس وتحارب في النجاح وجمهور مناسبات في البطولة تطلعوا تهيجوا، الفرق كله في العقلية صدقوني جمهورنا عقليته محدودة وما يفهمش في الكورة هذه حقيقة لازم نقتنعوا بيها راه!
المفروض يتغير نظام الدوري لـ4 مجموعات ضروري لأنه مستحيل يتم بالنظام المعفن لي توا، يلعبوه 4 مجموعات ذهاب وإياب كل نادي يلعب 16 مباراة وبعدها الأول والتاني من كل مجموعة يلعبو دوري تُماني ذهاب وإياب 14 المباراة ويتم الدوري والهبوط ينزل من كل مجموعة 3 أندية ..
لا الموضوع نفخ راس بديي راه! خشو شوفو التعليقات على كل صورة ليه! الجمهور هذا ما تفهماش كيف المنير ضيع ريقولي وضيع علينا سوبر كلها تطبله وما حد شدها في جرته هكي! مانزي ضيع آخر ريقولي وضيع علينا بطولة وما حد سبه هكي وكلها تمجد فيه! أني حنقولها ديما جمهور الأهلي يحب الأهلي لكن أقسم بالله ما ليهم علاقة بالكورة ولا يفهمو فيها أغلبهم! جمهورنا شبه كله جمهور لحظة لقطة تخليه يطبل للاعب ولقطة تخليه يسبه ولا كأنه دار حاجة!