Type to search
Advanced channel search

عتايچ أهلنا 🚂||🔕

@al_ataej

.
.
.
قناة منوعه

كل ماتداوله اجدادنا سابقاً
شعر
زهيري. عتابه. ابوذيه
قصص وعبر
حكم وامثال
قفشات شعريه

عتايچ أهلنا 🚂||🔕

22 Oct, 13:23

جناب البيه عالو وله گومي ( گرابتي)
وسراب اجدامي تتبع واللگو مي
عگب ذيج الشوارب يولي گومي
نعيلي واني اهيل من التراب

عماد المناضل
41
عتايچ أهلنا 🚂||🔕

18 Oct, 13:37

حمد مابيك جيه ما تردلي

حمد صوتي عداكم ماترد لي
دچِف التراب سمّعني هلا

#منقول
190
عتايچ أهلنا 🚂||🔕

12 Oct, 12:55

مشو والجدام تبريهم معاجيب
وجرعنا من العنا الخافي معاجيب
يطارش صوب المداوي معا جيب
چفن للمايلوگلهم دوا

ابراهيم الحمزة
342
عتايچ أهلنا 🚂||🔕

09 Oct, 06:25

لـ اعن لهم عنين الراحلية
على الصبح ضعنهم راحلية
يـ چم شب مشورب راح لية
زعيم وبيه لگوات الاجناب

#فطيم_البشر
#صباح_الخير
443
عتايچ أهلنا 🚂||🔕

07 Oct, 13:59

اوصيك ياصاح عن درب المعاصي انتقل
ومواصلك للرحم اياك بالك تقل
وعن كلمة الزور اياك تحلف او تقول
والدنيا مو بس حزن هم للفرح لافتة
دنياك مادامت لأي بشر لا شايب ولافتى
تاليها كلمات مكتوبة بوسط لافتة
فلان الفلاني الى رحمة الله انتقل


#مساء_الخير
#منقول
457
عتايچ أهلنا 🚂||🔕

07 Oct, 12:09

مو آه بدليلي حمد ::: آهين
على اللانو حديد الصلب اهين
طبيبي شوف شنهو الوجع أي هين
شعليك من القديم ومابرا

محمد العبد الحجاجي
وسلامتكم
405
عتايچ أهلنا 🚂||🔕

07 Oct, 12:07

جفوني وكابرت من جفو.. بس وار
أشاهج من مشو غرگان بسوار
مثل حال السجين النام بسوار
محكوم ..ومايعرف شگد بگى

.. خالد الهنادة
388
عتايچ أهلنا 🚂||🔕

04 Oct, 20:46

ضعون المشوا ماضنتي يردون
انادي بصوت ولا منهم يردون
يحادي ارجاك لو مره يردون
برساله ومنهم انشوف الجواب

وسام عايد العكلاوي
389
عتايچ أهلنا 🚂||🔕

04 Oct, 19:36

شبدر مني يدنيا اتحاربيني
وعدوي اشفگ عليه وحار بيني
عفى بي الليالي اتحور بيني
ماطول ارحلو مني الاحباب

صبار البجاري
363
عتايچ أهلنا 🚂||🔕

04 Oct, 19:34

حمد فتو وشفتني ماشي فوتني
والـمـداويـن تـدري ماشفتني
حمد يومن مشيتو ماشفتني
على الدربين اشوشح بنخوى..،

وضاح الجبوري
357
عتايچ أهلنا 🚂||🔕

04 Oct, 11:37

لحجت الضعن حافي بس اشوشح
بديّة وحسّي طبّگ بس اشوشح
غزير الدمع يسفح بس اشو شح
تلاشى وهوشلت عيني دما

احمد العبدالرحمن ابو حذيفة
#جمعة_مباركة
362
عتايچ أهلنا 🚂||🔕

04 Oct, 11:32

تِـهت مثل المضيع الراي.. مَس مار
العگل ، والينتظر بـَ إشموس. مسمار
صواب إفراگهم بچلاي.... مسمار
ضربني وطلع من ذيچ.. الجهة

صهيب الحبش
#جمعة_مباركة
355
عتايچ أهلنا 🚂||🔕

03 Oct, 16:42

درست بمدرستهم طالبيني
العليهم طال حزني. وطال بيني
يحادي اشبيك همة الطالبيني
عليش تسوگ الجمال بعصا

راكان الجبوري
370
عتايچ أهلنا 🚂||🔕

03 Oct, 16:41

احث جدمي وره المجفين عناي
وگلبي من لهيب الشوگ عناي
يناهي انچان رب العرش عناي
احيش ضعونهم لو... بالسما

حمد الفرحان
372
عتايچ أهلنا 🚂||🔕

02 Oct, 18:50

حمد جدمك وره المجفين عنه
تاگلب الكسير يهجد عنه
مراجل ياما شلت حمول عنه
نخيتك وأدري لي بيك مهگى

أشجان الدليمي
400
عتايچ أهلنا 🚂||🔕

02 Oct, 18:49

حمد الحگ الضعون إن بيك هِمه
بلچي تزيح عن الگلب هَمه
أظن السايجين الضعن همه
الحوادي..المعرضين أعن. اللگا.

أشجان الدليمي
378
عتايچ أهلنا 🚂||🔕

01 Oct, 21:03

ترف تدري برحيلك مارد لنا
الجواشي وان نشدنا مارد لنا
يغربي المن عربهم مار دلنا
عليهم واخذ مي عيني جواب

المرحوم علي الغثوان
386

2024 All Right Reserved