تجبر أحفاد الدليم الكاتبة اساور حسين

النهاية .....
إلى هنا ونغلق ابواب قصتنا الاكثر من رائعة لي عشنا وياهم حزنهم وفرحهم
انتظرونا بقصة جديدة في العام القادم ان شاء الله😚
انحبكم🫶🍒♡ [ @al9hj ]

أصلًا راح ارجع انام .
باس راسها وطلع صعد ويه تَـــمــوز ودركان
وتحركت السيارات نزلنا جدام المعسكر نؤدي نداء الوطن ...
‎مَرت حياتي أمامي في تلك العهوُد
‎ شاهدتُ أحداثُها شيئًا فشيئًا بكُلِ صمود
‎تأملت المشاهِـد كثيرًا لكن لم يظهر مني غير البرود
‎تجبرٌ منهُ باتَ القلبُ مُقيدٌ بِـ قيود
‎وساكنهُ لا يستطيع فعلُ شيءٍ سوى الشرود !
‎( قصة عشقٍ بدايتُها مَهمة قتلي )
‎هي الجانب الأحَـن والأمِـن ليّ !
‎التي بالرغم من صعوبة واذى بدايتُها
‎أصبحت عشقي ، هيامي ، ذَهبي ... وَ أُم طِفلي !
‎وَ مِـن ثُـمَ ..
‎سُلبَت الروح والألَـم على القَلب خَيـّم
‎بسبب شخصٌ عديم الرحمة ، مُبهم
‎مُتجبرٌ شديد ذو كُرهٍ مَديد يستلذُ بالتدمير والتحكم
‎ألقانـي في بئـرٍ أساسهُ الموت المُحتَـم
‎لكنهُ لم يكن أخي بَـل كانَّ "والدي" الأقرب ليّ بالدم!
‎لا استطيع وصف الشعور عندمـا عنهُ اتكلم ..
‎احسست بـ شجًى كبير في ذلك الموقف
‎وبتُ حائرًا لمن اتجهُ ومن في روحي سوف يرأف
‎القلبُ مِـن فقد عزيزي أصبح مُهددًا بالتوقف
‎والذهبُ من بعد العزيزين على حُزنها تعكُف ..
‎أمـا بعد ..
‎قُسَـمٌ شديدة العناد والحياء
‎روحُهـا شديدُ الحُب و الإباء
‎هيلٌ مُحبة لكنها عُذِبَت في ظلام الارجاء
‎سفاحُها عاشقٌ عانى من الشقاء
‎وَ ذلك الرجل المُعذب مُنذ طفولتهُ
‎أخيرًا إستطاع ان يُكمل حياتهُ مع من تُناسبهُ بعد عنـاء
‎نعم .. لكُل شخصٍ منا عناء
‎الكابوس الاحمر اصحاب البدلات السوداء
‎ إخوتي و لِـ علتي دائمًا هُـم الدواء
‎ إنتهى الظُلم والتجبـرُ والجبروت
‎لكن " لـ قلوبنا ذكرى لا تنتهي ولا تموت "
‎و عشقي لـ ذهبي دائمٌ حتى الموت
‎سنكمل الطريق مَعًا يَدي بِـ يدها الى النهاية
‎وسنخلق من بعد كُل انكسار بـ عشقنا بداية
الــنـهـايـة ..
[@al9hj] ♤

كــانـــون : احلام العصر هاييييي انطيني ابني وروحي الله وياچ .
بكل دم بارت سلمت الطفل وطلعت ولا عبالك
اول ايام جانت صعبة يتأقلم كرم بدون امو
وذهب عامت وياه وهي منا قليلة الكلام
بس يوم بعد يوم صار يفتهم عليها
ويتعايش وياهه ومن طريقتها الحنونة
گدرت تكسب كرم بس مو بصورة كاملة
وانه الداعم الهم بكل دقيقة ..
......................
رجعت انطيتهم الاكل وتوجهت الأبوية گاعد يسولف هو وعمامي
بصفو عكازه: هااااا بوية مضبط روحك .
ابو دوهــان : يريد يتزوج .
كــانـــون : هههههههه هي هاي الناقصه .
دركْان: هذا عصير بارد الأحلى فراس بالكون .
فراس : من وره خشمك الأحلى فراس .
دركْان: ههههههه بعدني ماراضي عليك چثير.
فراس : باجر تاخذني انتَ للجلسة .
دركْان: باجر عليَّ تدلل بس لا تسوي مشاكل .
فراس : بعد وين بيَّ حيل للمشاكل .
دخل تَـــمــوز ؏ خط وصاح : فررررراس خليهم يزفوني .
فراس : مفلفل الساقـ** .
تَـــمــوز : بالتفلفل طالع عليك فروسي ملاهي .

شال العكازة وضربو بيها وصاح عليَّ : ساعدني
اكوم ازفهم حتى نخلص من شرهم .
مشيت رفعتو من ايدو گضب العجازة ويمشي بـ استقامة
رافع راسو وكالعادة فارض هيبتو بالمكان
راح ؏ گازو لبسها سوار ذهب تَـــمــوز
طمس بيها : بس لا بي سحر بشرفك خليني اعرس بشرفك .
فراس : بي سحر محبة هههههههه .
زفهم ؏ تصفيق الكل وفرحهم وأخيرًا
الطفل المعذب تَـــمــوز المتعب حقق
حلموا وصارت عندو زوجة وبيت وعائلة .
حضنت امي رضية إلي من شافت تَـــمــوز وگازو وهي
ما بطلت دموع اخذتها بسيارتي هي واخوات گازو ليوره
وذهب بصفي رجعتهم البيتي والبيت الجديد صار اليوم للعرسان
الكل رجع وظل دركْان وهيلانة الوقت متأخر يجولون ويفترون
بشوارع بغداد الحبيبة ..
><><><><><><><><><>
بعد مرور سنة ..
نزلت ؏ درج اعدل بالبيريه العسكرية وصلت الغرفة
دركان اسمع صوتو عالي دخلت للغرفة شايل بنتو
عمرها ثلاث اشهر : اروح فدوة ونذر بس لعطرهاااا بووووية .
كــانـــون : عوف الطفلة نمردت بيدك شكبرك تصير .
دركْان: يولووو شلون افرگ هيلتي الصغيرة واروح للدوام .
اخذها وياه ونزل وهيلانة تسوي لفات بالمطبخ وترتب بيهن
_ سفاح هاي آلك بالطريق اخاف تجوع .

دز بوسة بالهوى تركتهم ورحت للغرفة الجوة
اول ما فكيت الباب دحگت كرم نايم وعلى يمينو
كاروك صغير حضنت ذَهــب وهمست : شلونو العزيز الصغير .
دفنت راسها برگبتي طبعت بوسة وهمست : مثل ابو حباب .
سرقت شفايفها وبستها : ديري بالچ ؏ نفسچ صار اسبوعين
من ولدتي لا تعبين نفسچ وعلى والجهال گلبي انتِ .
ذَهــب: لا تبطي بالدوام .
تركت المصرف ؏ ميز وطلعت : لا وعد اقل 15 يوم وارجع ..
طلعت ويايَّ للاستقبال امي رضية موجودة
_ من ولدت ذَهــب اخذتچ
من تَـــمــوز كل شوية يخابر يغلط .
رضية: شيريد مني ؟
كــانـــون : هذا اجه جاب گازو عندچ .
طلعت متلهفة اخت بنت تَـــمــوز عمرها
شهر وايام تبوس بيها أخواتها دخلن جوة
رجعت الطفلة ورجعت تخبز دخل تَـــمــوز
وهوستو : ماخذين امي تخبز الكمممممم يولوووووو .
رضية: هلا بـ ابو ريحانة هلاااا .
تَـــمــوز : ابو ريحانة زعلان .
رضية: يولو كــانـــون يحتاجني هو ذَهــب خطية .
ضربتو ؏ راسو وطلعت شغلت السيارة
طلع أبوية من البيت وقفلوا : صباح الخير .

كــانـــون : هلا بوية ..

فراس : هاي كلهم رجعوا للأنبار جدك وجدتك والباقين
راح اسلم المفاتيح اليوم .
كــانـــون : أنـه البارحة صار البيت بـ اسمي اشتريتو رسمي .
فراس : ما دام مرتاحين بي انتَ واخوك هاي ظل هين بغداد
وتموز همات يريد يظل بيت بغداد ، اما الباقي كلهم متعودين
على انبار .
دخلنا كلنا للبيت بين ماتوصل سيارات ابوية
گعد ابوية بالمقدمة والكل داير ماداير السفرة
مجتمعين نتريك ريوگ عائلي لا يخلوا مو البسامير .
بس كملنا تركنا كلشي ؏ حالو وابوية سلم وطلع
للباب بست ذهب من راسها وطلعت وياه ودركان
ودع نواصتو وطلع وتموز ترك گازو عند رضية
وطلعنا بالسيارات ثلاثة مضللة تحت اشراف حرس
صعدنا أنـه وأبوية بسيارة وتموز ودركان سيارة
توجهنا للأنبار نزلت جدام بيت دوهــان دكيت الباب
فتحوا ورجع دخل : يولووو هذا ميار جامع كل ملابسي
بالغسالة وفاتح عليهم الماي .
كــانـــون : هذا مخبلكم .
دوهــان : هو بس خبال امو كافي .
قُــسَـم : ههههههه ابن عمك يغار مني .
دوهــان: البطة مو اهجم .
كــانـــون : وين سارة الصغيرة .

قُــسَـم : حدر ادحگ شلون نايمة تنوكل .
دخلت للبيت بارد بي عطر طيب يبعث الراحة
شلت بتهم بوستها وطلعت عمرها اسابيع
دوهــان: قفلي البيت زين أنـه بليل ارجع گلبي .
قُــسَـم : ماشي عيوني انتَ صار لا يظل بالك
[ @al9hj ]♧

قُــسَـم : ها كــانـــون .
كــانـــون: دوهــان تعبان يمشي ويداوم بيدو مغذي
يعني حلو كل مايخابر لو يشوف ابنو ينفجر ويبجي ؏ ابو .
قُــسَـم : وشنو بيدي ؟
كانون : راح اجي اخذ ميار يظل عند ابو فد اسبوع
بلكي يصير زين .
قُــسَـم : انتوا مو بالأنبار وعدكم شغل يتبهذل اذا تاخذو .
كــانـــون : دوهــان اخذ بيت هين وتأثث بالكامل يعني
يگدر يدير بالو من ابنو وبدون بيت دوهــان گدها وگدود .
اتفقت وياهه وراحت اخذ ميار بنفس الساعة
دخلني عز عليهم خالتها گاعدة تحچي وياهه
قُــسَـم نزلت واسهه ورفعت التلفون شوفتني
رسالة من دوهــان كاتب ( صعبة اكمل حياتي بدونكم )
قُــسَـم : عادي تاخذني وياك البيت دوهــان .
ابتسمت براحة وهمست : اكيد عادي ، قُــسَـم عفتچ تفكرين
براحتچ بس وداعت عزيز گلبي مستحيل يجي شخص يحبچ
كحب دوهــان ، ولا ميار يعيش حياة طبيعية اذا مو بيناتكم
ارجعي وهل مرة ؏ ضمانتي تعيشون احسن وافضل حياة سوية.
بقت ساكته كملت ؏ كلامي : ادري بيچ شكثر تحبي
كافي تسمعين وسواس الشيطان وامشي بعقلچ وكلبچ .
اتفقت وياهه واخذتها بدون علم دوهــان صعد الجنط
ورجعت للأنبار دگيت الباب طلع هو گمز ميار ؏ ابو
هو اخذو بحضنو ودار وجهو مايريد ندحك ؏ دموعو
قُــسَـم وره الباب طلعت وتخصرت وهي تهز برجلهه
_ هاي شنو ارجع اشو ماكو ترحيب بـ ام ميار .

دار متعجب ضحك وهو يرفع براسو ويصيح
_ لاااااا صدك لاااااا قُــسَـم .
+
قُــسَـم : رجعت بدون اجبار وبدون ضغوطات
اختار نكمل حياتنا بلا اهلنا تدخلاتهم نربي ميار
بيناتنا بيئة حلوة مليانه حب .
نزل دوهــان ميار وسحب قُــسَـم بحضنو
وصارت قُــسَـم بمكان ميار هي تبچي ودوهان
يمسح ؏ ضهرها يطمنها: وعد تكونين اميرتي البرنو مالتي
غلطت بحقچ بس الغلط مايتكرر اصير اب واخ وزوج وحبيب
وصديق بس بعد لا تعوفيني غربلتيني .
طلعت وعفتهم وحدهم اتصلت ؏ ابوها وعلى ابو دوهــان
وتميم وبلغتهم مرت ساعة ودخل ابو دوهــان وياه سيد
ومن بعدو ابوها وتميم مصدوم ما مصدگ لان يعرف
بقسم جانت قافلة ماترجع .
دخلنا كلنا بالاستقبال وبعد كلام واتفاقات
اردف الشيخ : الف مبروك زواج الدهر يارب .
دخل علينة تَـــمــوز وطگاها هلاهل وحدة وره الثانية
باركنا الهم وقبل لا اطلع رفعت حاجبي وطلعت
المسدس رفعتو عليهم : ومحمد اذا بعد اسمعععع
مسوي مشكلة طلقتين اخلص من شركم واربي ميار وحدي .
حضنها دوهــان باس راسها وهمس : بعيوني بعد اخليها
وكلبي بيتها وامانها توكل وعرفنا وحدنا .
كــانـــون : ههههههههه الف مبرك هرقل العملاق والبرنو .

تركتهم وطلعت بيتهم وابنهم بينهم يگمز فرحان
وكأن يعرف شنو طلاق ورجوع ضحكتهم
وفرحتهم مطبوعة بكلبي آلى ألان ...
...................
رجعت للحفلة درت وجهي ؏ ضحكت دركْان گاعد وهيلانة
واكفة وهو ياخذ صور واخذها من أيدها راحوا يرگصون
بصف العرسان تَـــمــوز وگازو ..
جذبت انتباهي هوبا ، ذهبي ، هيامي ، وعشقي
هادئة كالمعتاد تشبهني بالهدوء والذكاء
لا إراديًا ابتسم وشعور الفرح يتغلغل گلبي من ألمح شكلها
نهضت من مكاني اخذت عصاير وتوجهت المكانها
انطيتها العصير وبست راسها : ابني كرم اخذچ مني .
رفعت راسها وبابتسامة بريئة جاوبتني : لا تگول تغار منو .
شلت حاجبي وانه اضحك كملت ؏ كلامها : اعرف انتَ اكبر من هيچ .
كرم : جوعان ..
ذَهــب: عفية روح جيب اكل لكرم .
وانه اتحرك متوجهه الطاولة البوفيه رجعت
بذاكرتي بداية رجعتي من السفر تحديدًا
قبل 10 ايام بالضبط ..
بعد صد ، ورد ، أبتعاد ، وكبح مشاعر
اخذت اجازة وگدرت اقنع ذهبي ونسافر
وبعد محاولات گدرت انجح واقتنعت .
عشت اجمل واحلى ايام حياتي وياهه بعد
ايام عذاب وهلاك دمرتنا ، احتويتها وگدرت
ارجع ولو جزء بسيط من ضحكاتها ، ايام
وليلي مع بعض ماردت الإجازة تخلص
جانت عبارة عن حب وهيام .

ومن يومها اثبتنا حبنا حقيقي وغم الضروف
والمعوقات حب كــانـــون والذهب صامد لا ينتهي ولا يموت ..
بـ اول يوم رجوعنا بعدني ما نزلت الجنط
وصارت ام كرم جدامي وبيدها كرم : شكوو يا ستار .
ام كرم : عندي حجي وياك انتَ وذهب .
كــانـــون : ذَهــب مريضة ماكو داعي احجي ويايَّ .
ام كرم : الله شاهد ما ازعلكم بحرف .
دخلتها بعد توسلات اول ما دخلت وياهه
هيل بحضن ذهب گاعدات ؏ تخم وتموز
وكازو ماخذين زاوية يحششون ويضحكون
؏ كل ورضية تسولف هي ودركان
كــانـــون : ام كرم عدها كلام ويانه ذَهــب .
عدلت ذَهــب گعدتها ورجعت شعرها خلف اذنها
وبكل سلاسة همست : شصاير قلبي .
ام كرم : اجيت اسلم كرم الكم ، اجتني قسمة واريد اتزوج
بس مايقبل كرم ويايَّ أنـه عندي ثقة بيچ .
ذَهــب: عندج ثقة بيَّ شنووو يولو هذا ابنچ زواج شنووو ،
ام كرم : بعدني صغيرة عليش اربي طفل مرجوعو الأبو
إلي مايقبل يتنازل ويرجعني الخاطر طفل .
كــانـــون : جيبي الطفل انتِ أصلًا ما تستحقين لقب ام
تبيعين الطفل وتتزوجين شكثر تلعبين النفسسسسس .

ام كرم : عجل رجعني ؏ ذمتك نربي الطفل أنـه وياك .

الكل گعد جهزنا الريوك أنـه وگازو وعفتهن
وصعدت بقيت گاعدة هو فز وشافني
مانزلت بعدها هو للعصر گعد عافني وطلع
رجع بليل تعبان وحاير بين ينام وبين لا ارجع
العب عليَّ ظل يدحگ عليَّ ويهز براسو : الله يهديچ بوية هيل .
هَــيـلانـة: عوفني لا اكتل روحـي عوفني .
دركْان: عليمن تكتلين روحچ ؏ تلفون .
هَــيـلانـة: الي عدهم تلفون بشنو احسن مني هااا بشنووو .
دركْان: اخاف عليچ .
هَــيـلانـة: شنوو المبايل يخطفني لو يغتصبني ؟
دركْان: هيل وتالي .
هَــيـلانـة: التالي يخلص من ادحگ التلفون بيدي .

دركْان: يولو عيونچ صارت تخوف نامي .
هزيت اكتافي بـ (لا) ودرت وجهي منو
للساعة بـ2 بليل صار يغفي شهگت
وصحت بي : اييييي ايييي نام وأرتاح .
فز ومن الخوف رگع تاج السرير بكل قوتو
_ انعل ابووووووووو هيچ حالة يولووووو
تخبلتي غربلتي حالي اريد انام تعبان .
هَــيـلانـة: يعني شكووو بيها يصير عندي تلفون ؟
لف راسو وانه خبصت روحـي مدري اروح
اگعد بصفو وابچي مادري ادردم : تعبان هيل كافي .
تركتو وگعدت ؏ تخم ومن بين دموعي همست
_ حتى من صرت حامل ماعندي تلفون ولا اختي
عدها تلفون وافرحها ويايَّ اجدي بالتلفون
وهاي عود أنـه حرمة المقدم الدرباس .
دركْان: يا صبر ايوب .
بقيت ساكته بس صوت شهگاتي مسموعة
جنت اعرف نقطة ضعفو واشتغلت عليهه
الى ان صار الصبح وهو بس يتگلب مايگدر ينام
ما صدگ صار الصبح بدل وطلع وانه نزلت
عيوني گوه افتحهن حمر دم اريد اشتغل ما اگدر
وعيب اعوف الشغل بس ؏ گازو گعدت ؏ كرسي
ايدي ؏ راسي اجتني گازو وهمست : ها ولچ شبيچ ؟
هَــيـلانـة: دوخة عندي .
رضية: شبيكم انتِ ودركان متعاركين ؟

تَـــمــوز : هو يگدر يتعارك وياهه محبس صاير المقدم
الدرباس مسيطرة علية نواصه .
كملت گازو صحن الفواكه واخذو منها تَـــمــوز
ودركان دخل بيدو علاگة: اخذي واصعدي نامي لا يصير بيچ شي .
رضية: يوجعها شي وماتنام ؟
طلعت باكيت التلفون تَـــمــوز وسع عيونو مصدوم
ورضية بقت تبحلق ؏ ايدي متعجبه ودركان جاوبها
_ يوجعها عقلها طالب تلفون خبلتني صار يومين .
تَـــمــوز : واخر تجبر من الدليم كسرو الحفيد الاول .
بوزت شفايفي ورفعت اصابيعي بعلامة انتصار
وصحت : وبالأخير أنـه انتصرت ؏ حفيد الدليم وتمكنت منو ..
گضبني من طرف دشداشتي من يم الكتف ورفعني
_ امشي نامي جدامي لا اعدم هل عقل الطفل تمزق
لا راحة ولا اچل ولا شرب .
هَــيـلانـة: اروح انام وانه مرتاحة .
صعدت وهو يصعد ورايَّ ويدردم
_ مو خوش سالفة هاي تحارب بالثگيل .
من بين كل الصار رضية بقت ما انطت رد
فعل لا موافقة ولا وفض هيچ بدون تعابير
بس دركْان من النوع مايهتم نهائيًا كلمتو هي تمشي
اذا يريد التلفون او غيرو ، وبالخصوص بعد ما تصالح
ويه ابو صار هو الناهي الآمر .
سد الباب وحضني وهو يبوس بوجهي : المكافأة ؟

هَــيـلانـة: شنو نوعها ؟
دركْان: لبسي لبس ذوق الضباط .
هَــيـلانـة: وشنو هذا ذوق الضباط .
دركْان: جلد النمر ..
><><><><><><><><><><
كــانـــون ...
مرت حياتي كالسماء من نافذة الطائرة
من بعد سنين وعود استطيع الكلام والتعبير ألان
تجبر وعناء إنتهى بالفوز نصر يليق بـ احفاد الدليم ..
گضبت ايد اعز إنسانة ؏ گلبي ومشيت وياهه
صعدت السيارة توجهت القاعة العرس وأخيرًا
تَـــمــوز عضيدي راح ازفو واليوم تكمل فرحتو واحلامو .
دخلت للقاعة سلمت الكل ملتهي ضحك ، كلام ، رقص
گعدت أتأمل اولاد أعمامي وافتخر بيهم بعد كل الصعوبات
مازالوا محافظين ؏ ضحكتهم وافراحهم وحبهم وتكاتفهم مع بعض .
اخذتني افكاري وانه أركز بقسم ودوهان من بعيد
ورجعت ذاكرتي لقبل اربع ايام من هل يوم ..
التفتت يمين ورجعت ادحگ خلفي ركزت بالشباب يدربون
ومن بعيد اجاني دوهــان درت وجهي منو وانتظرت يوصلني
اول ما وگف بصفي تكلم : عادي تخابر ؏ ميار اريد أسمع صوتو ؟

كــانـــون : إتصل انتَ .
دوهــان: هساع بس تسمع صوتي تغلق المكالمة
لو نتعارك صارت معروفة اتصل انتَ .
كــانـــون : تبقون ؏ حال ؟
دوهــان: اتصل بربك .
طلعت جهازي واتصلت ؏ جهاز قُــسَـم إلي اشتراه
تُــمــيم الها من اسبوع جاوبتني بسرعة وصوت
هوسة يمها بعد السلام بلغتها : عيوني انطيني ميار ابو يريدو .
بسرعة سلمت التلفون لميار اخذو مني دوهــان
وصاح : السبع مالتي شلونووو مشتاقلك گلب وروح ابوك .
ميار : بابا تال ادني تسم ايع ( بابا تعال اخذني قُــسَـم ايع ) .
دوهــان: شبيها وياك .
ميار : تسم ليد لجل بس تسيح ( قُــسَـم تريد رجل بس تصيح ) .
انعقج دوهــان وانه خربت ضحك ضربني ؏ ايدي
من بين ضحكاتي رديت : هذا تعلوم تَـــمــوز المسحول .
سمع دوهــان ميار يچي تعبت اكثر من قبل
وهو يسكت بي مرد گلبي مرد : سودة بوجهي بوية
صار اشهر بعيد عليَّ لا بيَّ اخذك ولا اگدر ارجعك .
ميار : خدني (أخذني)
دوهــان: والله اريد اخذك والله بس امك .
ميار : ليدك اني ليدك ( اريدك )
سلمني التلفون وابتعد يمشي سريع ادحگ عليَّ
ركب السيارة وطلع : الو قُــسَـم .

گازو : بعد كم يوم ؏ زواجنا وبعدني لا حجزت بدلة ولا مركز .
گمت غسلت وجهي ورجعت اچل وياهه ادري
اذا ما اگوم تسوي عرس صباحي بس خلصت
سبحت ؏ سريع وهي تتفق هي وامي وتسولف
عبالك هي بتها أنـه ابد مو ابنها اخذتها وطلعنا
اجرت البدلات وحجزت صالون وكملت احتياجاتها
رجعنا من الفر والتعب الفترة الفاتت نزل وزني وزنها
دورت ؏ امي ماكو بس دركْان گاعد : وين امي وهيلانة .
دركْان: مادري هَــيـلانـة شنو تحتاج واخذت امي رضية .
بعدني استفسر ودخلت هَــيـلانـة مثل الطفلة
تضحك وتگمز صاحت بصوت كلو حماس
_ سفاح .
دركْان: روحوو .
هَــيـلانـة: اذا أبشرك بشارة تفرحك شنو تنطيني؟
دركْان: حسب قوة لبشارة .
خلت ايدها بكل هدوء ؏ بطنها
ومالت راسها وعيونها ترمش بيهن همست : اني حامل .
دركْان: القران عليچ .

نهض بلا وعي حضنها ويبوس براسها وايدها
وصاح : بشارة ام المليون وفوگ .
><><><><><><><><><
هَــيـلانـة...
الكل يبارك والفرحة ما واسعتني بس ناقصها
اختي بس صعدت ودركان واگف يطلع بالفلوس
حسب مليون ورجع بتجاهي : ؏ هل خبر الج مليون هدية .
دفعت ايدو بخفة ومثل ما عودني اگعد بحضنو
واطلب طلباتي بست راسو ونزلت ؏ خدو
ورگبتو وصعدت ؏ اذنو همست : بهل فلوس اريد تشتريلي تلفون .
ابتعد مني يدحگ بوجهي متعجب من طلبي
عبالك طلبت فد شي يجيب الشبهات: تعرفين كلش زين المبايل
موضوعو حساس وكل حريمنا ماعدهن .
هَــيـلانـة: وانه شلي دخل بالباقي حالي حال
كل الناس اريد تلفون بهل وكت منو ماعندو جهاز .
دركْان: هل موضوع تشيلي من راسچ نهائيًا .
هَــيـلانـة: واذا ما اشيل الموضوع من راسي شنو يصير مثلًا .
دركْان: لا تخربين فرحتي الخاطر الكائنات .
هَــيـلانـة: طلبت حقي دركْان عليش تعصب
اريد تلفون مووو فد شي صعب ولا عيب ولا حرام .
دركْان: موجود تلفون رضية .
هَــيـلانـة: تلفون رضية شنووو اريد تلفون خاص بيَّ
اتصل عليك شوكت ماريد ادحگ مسلسلات يصير عندي حسابات
شنو انتوا عدكم واحنا بس نباوع وياكم .

دركْان: ياهووووووو ؏ هل موضوع الجديد .
هَــيـلانـة: عليش تصيح ؟
دركْان: غربلتيني يمعثورة .
عافني وطلع والفلوس ؏ سرير رجعتهن نفس مكانهن
وغسلت وطلعت ملابس نوم بلونو المفضل عليَّ الوردي
وكويت شعري ومكياج خفيف وعطر رنان طلعت فلم
وگعدت ادحگ هو من فات عبالو من بدلت نسيت
_ شنو هل حلقووووم ربي .
تجاهلتو عرفني بعدني گعد بصفي يريد ياخذني
بحضنو رفضت وابتعدت : هيـــــل كافي .
رديت بدلع وصوت خافت : شسويت ؟
دركْان: حدري بحضني .
هَــيـلانـة: اريد تلفون ومو بس اجي بحضنك اضبطك بعد .
دركْان: گطنه وطلعيها من اذنچ .
عافني وراح بدل ملابسو ونام ؏ سرير
شوية وانتظمت انفاسو عافني احرگ بروحي
للفجر وانه گاعدة ماتحملت تربعت وجريت شعري
من القهر والبرود الي عندو وبديت اطحن بروني
ودموعي نزلت وشهگت بعلو صوتي اون وابچي گعد مخروع
اجه بتجاهي يتفحص بيَّ ويصيح: شكوووو شبلاچ هيل
مو احجي وياچ شكووووو بطنچ توجعچ .
هزيت براسي وزدت بالبچي : امشي اخذچ للمستشفى بساع .
هَــيـلانـة: ماريد ماريد هاي من وراك هيچ صار بيَّ .

دركْان: أنـه شسويت يولو مو عفتچ ونمت .
هَــيـلانـة: هين المصيبة تجاهلني وتنام ولا عبالك تحبني ولا تگول
حبيبتي حامل ما اقهرها .
صار عصبي بس گضب روحو
يحجي بعصبية بس بصوت ناصي
دركْان: لاااا تخبطين يا عمررري يااااروحي
گلت انام وباجر ينحل الموضوع .
دگيت رجلي بالأرض واصريت : ماينتهي ولا ينسد
اريد تلفون بعني اريد تلفون وايفون وبي نت وكل البرامج .
دركْان: وانه گلت ماكو تلفون يعني ماكوووووو .
عبرتو ورحت للكنتور اخذت ملابسي
وبدلت تحت انظارو اريد انزل هو گعد
؏ تخم وصاح بتحذير : شنووووو متفقين مو گلت من نزعل
هين بغرفتنا ممنوع نطلع منها وماريد كائن من يكن يصير عندو علم .
هَــيـلانـة: اذا اظل يمك املخك تملخخخخخخ .
دركْان: حدري نتفاهم .
عصرت عيوني بيدي وگعدت بصف الباب
_ اريد تلفووون اريد تلفون معلية .
دركْان: عجيب ..
ضربت الحايط بيدي وصحت : گلت اريد تلفون .
دركْان: يعني راح تفتحين باب علينة
التلفون خط احمر بالنسبة للعائلة .
هَــيـلانـة: عادي نصير احنا اول من يكسر هل خط الأحمر .

دركْان: ممنوع .

بقيت ؏ گعدتي وهو احتار لا يگدر يروح ينام
ومايريد التلفون وعلى هل حال للصبح
عافني وطلع سبح ورجع : هَــيـلانـة امشي نامي اريد
انام موووووو زين تبقين للصبح گاعدة .
تجاهلت كلامو ونزلت جوة گعدت ؏ ميز اغفي من النعاس
اخذت ربع ساعة نايمة فززتني رضية: اسم الله شكووو .
هَــيـلانـة: كلشي ماكو بس الخير اكووو .
رضية: يا ستار استر يارب يمر اليوم ؏ خير .

هي طلعت ورضية استلمتني : وين جنتي ؟
قُــسَـم : طالعين .
رضية: وين يعني ؟
قُــسَـم : هيچ منتزه قريب .
دوهــان: تشتغلين بمركز تجميل ؟
ادري بيهم ماعدهم نسوان تشتغل وكلمتهم المشهورة
احنا نشتغل ونوفر كل أحتياجات نسوانه قويت نفسي
ورديت : اي اشتغل بمركز مو ملهى .
دوهــان: مقصرين وياچ بالمصاريف ؟
قُــسَـم : اشتغل حتى أملي وقتي لا اكثر .
دوهــان : ماعندي سلطة عليچ حتى اعارض لو امانع .
قُــسَـم : يكون أفضل .
رضية: اذا يعرف جدچ وعمامچ يذبحوچ ومحمد .
قُــسَـم : ماكو واحد بيهم يهمني وماخاف گلبي صار حجر .
دوهــان: هي هاي البيئة المناسبة والهادئة لميار الطفل
مخليتو گاعد بوسط مركز كلو نسوان ما معروف منو هنَّ
ومنين وشنو شغلهن واحتمال بس تغفلين عنو ينخطف
او يتعلم حركات وسوالف نسوان ويستخنث .

بقيت ساكته مارديت ابد التزمت الصمت
تمامًا: جاوبيني .
قُــسَـم : ماريد اجاوب ولا مجبورة اجاوب .
رضية : والله وكبر راسچ من كلام تُــمــيم
والله اخوها موجود ميصير تدخلون وهاي النتيجة
ابن عمچ وابو ابنچ يحچي وياچ وهذا ردچ مو عيب .
احتقن وجه دوهــان وماتحمل الموقف
_ انتظرچ برة يمه رضية .
نزل ميار من حضنو وهذا فرفح تفرفح
رضية : تصرفاتچ غلط يمه قُــسَـم اصحي ؏ زمانچ
كــانـــون سافر ، وتميم عايش حياتو ، ودركان عاش حياتو
واهلچ مرتاحين ، واهل هل بيت ؏ يوم كامن يشوف حياتو
محد يدوم الأحد كلهم التفتوا لحياتهم بقيتي انتِ ودوهان
وهل طفل صارت خطيتو برگبتكم .
تريد تطلع شلت ميار وهمست بخوف : شنو سبب وجودكم هين .
رضية: دوهــان مشتاقلچ ومشتاق لميار ، وانه اجيت ابلغچ
بعرس تَـــمــوز بعد أسبوعين .
طلعت وعافتني دايخة وروحي انقبضت طلع عز ورنا
من الغرفة اخذوا ميار يلعبون وياه بالحديقة صعدت بالغرفة
ماعرف شسوي بقيت افتر بلا هدوف وبلا تفكير
ومرت ساعة واكثر وميار ؏ نفس الصراخ
نزلت لگيت عز يحجي وياه وهو ولا عبالك
يشهگ ويصيح : بابا ريد بابا .

خذتو منو غسلت وجهو وصعدت بدلت ملابسو
ونومتو بحضني توسلت بي بس ياكل مايقبل
شكثر يغيب عنو دوهــان بس ولا ينساه متعلق بي
تعلق مخيف .
+
هل ليلة شكثر مرت عليَّ صعبة بحيث روحـي بقت تلوب
مدري حال ابني ، ومن باب ثاني كلام رضية
وكلهن بكف ونظرات دوهــان بكف قهرني وغثني بنفس الوقت
من جهه شكلو التعبان وكلامو إلي يناقض تصرفاتو
وحرت بين گلبي وعقلي وابني من المنتصر ؟
><><><><><><><><><
تَـــمــوز ..
گازو : تَـــمــوز هنا لوحات تعال دگهن بالحايط .
كل ضني تشاقة رجعت تصيح تريد اجي
مشيت عليهه فاتحه الوحات بيدها : صدگ تحچي ام رعصه
شصيررررر اخطبوط انهههههه جدامچ اخطبووووط .
گازو : اووووي والله بطيء لعبت نفسي .
تَـــمــوز : يمااااااااااا موتتني هل بنية يمهههههه
مستعجلة ؏ زواج تريد بس تزوج .
رفعت حاجبها وتگربت مني گرصتني
وبصوت خافت تحچي : تبيع ثگل الصبح وبليل
تتحول تَـــمــوز المسحول .
تَـــمــوز : رجاءً بس أنـه اطلع القاب .
گازو : تعال دگهن لا اشهرك .
تَـــمــوز : اكمل الساعة بالمطبخ ام رعصه مجال بس مجال .

رضية: شد حيلك البنت وراها اجهاز عرس بساعك شد ألهمه .
دخل دركْان سلم وانطيتو واجب الوحات كلهن دگهن
رضية: وأخيرًا اخر شي الوحات وخلصناها
جنت بغرفة امي جوة دحگت عليهه حجره كاملة متكاملة
من الأثاث كلو جديد ، سديت الضوء وطلعت صار جدامي الحولي
بي ديوان وتلفزيون ، طفيت الإضاءة وطلعت للمطبخ كامل متكامل
من السكين للكاونتر والأجهزة الكهربائية كآفة ، صعدت فوك
حجره البنات مفتوحة دخلت عليهن وصاحت : يلة بوية
نرجع للبيت خلصنا .
عفتهن ومشيت لغرفتي اختارتها گازو تركية
لون حليبي على بيجي وذهبي وفرشة العرس
كلشي كامل حتى ملابسها والمكياج منظم بطريقة أحترافية
قفلت ونزلنا أنـه والبنات دخلت ؏ استقبال دركْان گاعد
؏ تخم ومرتاح : لا تگعد ؏ تخم بعدو جديد .
دركْان: سـا**** شني بيَّ صخام شو انگط ورد انتَ بنظافتي .
تَـــمــوز : هساع غير يگوم ما مصدگ گاعد بيتي
الحمدلله والشكر صار عندي بيت اكو بعض الناس
اكبر مني وبعدهم ماعدهم بيت .
دركْان: حتى نفسو ماسلمت منو همات يحسدها
بعدين الخايس عود تذب بسامير للعلم مشتري بيت
قبل لا اتزوج العار بس نواصتي تريد اختها .

طلع دركْان وانه اقفل بالبوب صحت بي : اي اركض اركض
اكيد اشتاقيت النواصه توصوص فوك راسك .
صعد سيارتو وهو يضحك وانه واهلي ركبنا
سيارتنا أخذنا امل من المطعم ورجعنا للبيت
بس اكلت لفيت راسي ونمت گعدت الصبح
ام رعصه فوك راسي : تريگ هذا الريوگ حتى نروح .
دحگت على صينية وخليت ايدي ؏ عيوني
_ وين نروح تعلمتي ؏ تسخت .

ذَهــب: فجأة قرر كــانـــون نسافر آخذ أجازة
للشمال نغير جو ونحتاج هل خطوة لان علاقتنا متوترة .
قُــسَـم: من هساع الف مبروك ؏ الطفل .
ذَهــب: مستحيل يصير بعد ماريد اطفال شلت الفكرة من راسي .
تخربطت اوضاعها ومبين الخوف عليهه
عافتني وصعدت دخلت جهزت نفسي ومن طلعت
لگيتها موجودة بوستها وسلمت ؏ رضية الزعلانة
واول ما طلعت كــانـــون صار جدامي : ذبي الجنط بالأرض
قبل لا تروحين لازم نحجي بهل موضوع ولآخر مرة .
نزلتهن بالأرض وبقيت ادحگ بوجهو
رفع ايدو واشر : تقصدت سيارة تُــمــيم موجودة واخوچ موجود
وتقصدت دوهان هو وسيارتو يتواجدون قُــسَـم أنـه ما اجبرچ
بالعكس الچ الحق بالموافقة والرفض ، دوهــان يريد يشتري
بيت كامل من اثاث ومستلزمات وترجعون كعائلة بعيد عن
الكل يعني ترجعون بالأنبار اذا توافقين هساع نصعد وياه
ونروح نعقد الكم .

تُــمــيم : واذا ما توافقين اخذچ هساع النفس المكان
كلشي معتمد ؏ كلمة وحدة بسسس .
غمضت عيوني وسرعان مارفعت نظراتي اتجاه
دوهــان متوتر ويتحرك بعشوائية يدحگ عليَّ
بعمق رفعت راسي وبدون تردد وبصوت واضح
بلغتهم : شخص طعني وحرگ گلبي وهو يعرف بحبي الو
ما اصير الو حرمة للموت ما ارجع أنـه حرة نفسي .
فتح تُــمــيم السيارة صعدت دوهــان صك
بمكانون من صعدت بالسيارة رجع ضهرو
؏ سيارة يتنفس بسرعة وماعرف شنو
يحجي هو وكانون ويأشر ؏ سيارة صعد تُــمــيم الغراض
ودرت وجهي ؏ ميار نايم ليوره حركها وابتعدنا عنهم
تُــمــيم : گلت راح توافقين وترجعين .
قُــسَـم : حتى يتعلم بعد مايمشي ؏ كلام شخص
ويكون هو سيد تفكيرو هذا اكبر درس يعيشو
حتى من يقرر يتزوج مايكرر اغلاطو .
نمت ؏ شباك ادحگ ؏ شارع الى ان نمت
وصلنا من كعدت الظلام مغلف المكان
وميار گاعد وانه ولا هجست بي
تُــمــيم مشتري الو حلويات فتح عز الباب
واخذ ميار من تُــمــيم ظل يلعب وياه
ودخلو جوة وانه وتميم فوتنا الجنط
رنا : اشتاقيتلج ولچ .
قُــسَـم : يولو هو يوم واحد عفتچ .
ام عز : وكان سنة تعودنا عليچ والله
تميم بعد لا تجي تاخذها ممنوع .

عز : ومنا ماعدنا جهال واجه ميار نلعب علية
رسميًا لااا تجي تاخذهم .
تُــمــيم : ههههههه سيطرت البرنو عليكم .
سلم وطلع ماقبل يبقى اخذتني رنا للغرفة
فرغت خانة لميار من الكمتور رتبت الملابس ونزلت
اجهز العشاء أنـه وياهه سوينا نواشف وميار
بين عز وخالتي يسولف ويلعب وياهم
اخذت رنا صينية عز وخالتي الهم
ورجعت گعدت انه وياهه وحدنا ناكل بالمطبخ
مثل ما متعودين كل يوم ، وميار يفتر ياكل منهم وياكل من عدنا
بس كملت غسلت المواعين واخذت ميار سبحتو ؏ سريع
وركضت بي ؏ صوبة بصف خالتي ، لگيت عز طالع
گاعدت وياهن اسولف ؏ صار ؏ مدار البارحة بالكامل
رنا : الصراحة يستاهل بس ماعرف
ليش ماحبيت تصرف اولاد فراس .
قُــسَـم : من وجهة نظري مابيَّ شي همَّ يريدون يثبتون
لدوهان الماضي انتهى وانه نفسهم اريد ينتهي هل كابوس.
رنا : المهم العروس حلوة .
قُــسَـم : تثلچ الگلب من الجمال ماشاء الله .
ام عز : ماشاءالله الله يسعدهم أنـه اعرف دركْان
خووش زلمة عندي موقف وياه ماينسي .
قُــسَـم : صح هو صاحب وگفات حتى باقي ولد عمي نفس الطبع .

نشفت شعر ميار وبقيت العب براسو الى ان نام بحضني
الثاني يوم گعدت متأخر دحكت ؏ خالتي شنو تحتاج
ساعدتها شوية واخذت ميار وطلعت ؏ مركز رنا
اول مادخلت لگيت عرايس اثنين عدها ساعدتها
بالشسوار مال شعر وميار مستغرب الوضع
ومن بين الزبائن بنية تجنن هي وامها گاعدات
كنك عليهه وظل يلعب وياهه ويبوس بيهه خربني ضحك
كملت شسوار ومشيت للمطبخ مال مركز سويت ريوگ
وگعدنا ناكل اني ورنا والعاملات وميار .

بس خلصت اخذت وجبة ثانية شسوار لليل كملنا
ورجعت هلكانه هلاك بس من اخلي راسي ؏ مخدة
ما افكر ولا عندي وقت انقهر شغلت نفسي
مع العلم ابد ما اخذ فلوس ولا احتاجهن لان تُــمــيم
مامقصر بس اريد التهي عن حياتي وهذا الصار ونجحت .
مرت الساعات والأيام وقبط ؏ طلعت منهم شهرين بالمضبوط
وكالعادة يجي عز ياخذني أنـه ورنا من المركز ؏ 8 بليل
نرجع هو شايل ميار وبيدهم كيس جلويات ويضحكون
وهذا ميار يسحب بشعر عز ويقلد ؏ رنا بعدني اريد ادخل
واسمع صرخت ميار : بابا بابا اده بابا .
ويصفگ بيدو دخلت وانه متعجبة صار دوهــان
جدامي سامع صوت الضحك وعيونو صارت
براسو ضغط ؏ ايدو فات عز تصافح وياه
واخذ ميار منو ملت راسي دحگ رضية
ابتسمت رحت بوستها وحضنتها : يا الله شكثر مشتاقتلچ .

فاتت رنا تسلم وتضحك وتشكي ؏ ميار
نهضت خالتي من دحگت ؏ دوهــان گعد وحنه
ضهرو ويهز برجلو : اخذو راحتكم اكيد عدكم كلام ويه بنيتكم .

قُــسَـم : كل الطرق مستهلكة ماتت المحاولة وخلصت الأوراق .
سديت الكنتور اسمعو ذب حسرة وهمس : اريد افتهمچ ..
قسم : أنـه ما يفهمني بس الأصيل ، لأني مخلية نفسي
بالصفوف الأولى ، إلي يدوسلي ؏ طرف مني ادوسو
كلووو وامشي .
دوهــان: ادري بيچ تحبيني درستچ لا تنسين
أنـه حفظتچ حفظ من حبي الچ يولو كل المشاعر والمواقف
إلي عشتها أنـه وياچ حقيقية لا تمثيل ولا تأقلم .
قُــسَـم : عجل من عرفتني أحبك شلون تشك ؟
دوهــان: الآنسان من يغار ينعمي وهذا الصار ويايَّ
بعدين استوعبت الصار ومتندم شعري شاب من فراگچ .
قُــسَـم : بكبر حبي آلك جرحتني ، خليتني اتندم لآن حبيتك دوهــان .
دوهــان: هو ليحب مو يسامح مو يتغاضى الأول مرة
اغلط وياچ بهل طريقة البشعة سامحيني .

قُــسَـم: أتمنى اصير مثلك دوهــان اعترف غلطت بحقك
چثير ، وجنت تشوف اغلاطي وتتغاضى وتتغافل وتسامحني
صرت إلي اهل وحياة أنـه فاقدتها بس هدمت كلشي بـ افعالك .
+
لميت الجرارة مال مكياج وعطوري وانه اتحاور وياه كملت
_ خليتني اشك انتَ ماتحبني وماجنت تسامحني
لان تحبني مثل ماتگول هجست مشاعرك كذب
بالعناد خليتني وياك سامحتني چثير احتويتني
وصلتني المرحلة أحبك واتعلق بيك لدرجة
ما اگدر ابتعد منك وبـ اقل كلمة وموقف سحبت
كلشي مني سحبت نفسك وابني وعفتني اتلوع عليكم .
وگعت دمعة من عيني مسحتها وكملت
_ تدري شنو اكبر غلط بيَّ احب بنقاء وأوفي بعمق
وانطي كل حبي وحناني الأشخاص مايستاهلون گلبي
لهل سبب الضربة تجي بكلبي قوية صنعت مني قُــسَـم
ماترحم لا ضعف ولا حب ولا تلتفت اريد اروح وما ألتفت خلص.
تقرب مني ابتعدت ورفعت ايدي امنعو
_ لا تقترب بعد كافي .
تخصر بتعب رفع ايدو الثانية عصر مقدمة راسو
وهو يرد ؏ كل كلامي : حلفت ما اجبرچ علية وكلامچ يمشي
بس قبل لا اطلع اسمعي مني هل كم شغلة ، حبيتچ بلا حدود
حبيتچ بلا غاية او هدف ، لا اريد انتقم ولا اثور ، حبيتچ
ومثل ما قدمتي حب قدمت اضعاف ، غيرت نفسي الخاطرچ
وحدچ مو اتمنن بالعكس حبيت نفسي وياچ .

قُــسَـم : روح دوهــان اطلع .
دوهــان: تأمرين ، بس تدرين عليش احبچ ؟
قُــسَـم : مايهمني حبك او كرهك .
دوهــان : يهمچ ادري يهمچ ، أحب قوتچ اصريتي ننفصل وتاخذين
بثارچ مني ومن اهلچ وحققتي هدفچ ، اهلچ يتمنون منچ الحرف
وانه هاي حالتي جدامچ ماكو داعي للكلام موو .
قُــسَـم : من ايدكم .
دوهــان: بعدني عندي امل نرجع نطلع بعيد منهم كلهم
بيت بعيد خاص أنـه وكيار وانتِ وبسسس ونرجع مثل
قبل نحب بعض ، نضحك ونفرح ونحزن أنـه وياچ
ترجعين بحضني وبين ايدي أتلمس جروحچ واتأمل بلا ملل .
رفع راسو وصح : اوووووف شكثر صار ما متأمل جروحچ
ولا لامسهن حاربتيني بيهن وتعرفين شكثر احبهن .
قُــسَـم : كافي .
دوهــان : وراح ترجعين تعوفيني وتروحين حتى
ما تنطيني فرصة تظلين هين وبين فترة وفترة ادحگ
شكلچ ومرات احجي وياچ يولوووو صعبة ومحمد صعبة .
قُــسَـم : اذا فعلًا تحبني ماتعارض هذا احسن قرار لميار يبتعد .
دوهــان: تتصورين المكان إلي راح تروحين بي احسن
وامن لميار من بيت يجمعو بحضن بـ امو وابو ؟

رحت ؏ فراسي وغطيت راسي
_ قُــسَـم امه طالع بس بعدني متأمل برجوعنا .
سمعت صوت الباب ينسد نهضمت بقيت مستندة ؏ كنتور
عقلي ولا ثانية سكن يفكر يفكر يفكر للصبح صليت الفجر
وانه ؏ سجادتي شهگت وكل ضيم گلبي طلع بلحظتها
بچيت وتوسلت ربي يوصلني ؏ طريق الصحيح
من البجي دخت ونمت ؏ سجادتي ، فزيت بعد ساعة
من نومتي عدلت نفسي ؏ فراش وكملت النومة
الثاني يوم العصر وما ادري بروحي فزيت ؏ صوت
ذَهــب: ياااااااهلااااا بالعرسان ياااا هلاا .
نهضت متحمسة عدلت وجهي ؏ مرايا وشعري المتخربط تعدل
طلعت وانه بالباب هلهلت صارت هَــيـلانـة قريبة مني حضنتني
وهمست : عجبني لوك القوة واووووو الشعر دمار .
قُــسَـم : تعلمت اگص شعر تريدين اسويلچ .
هَــيـلانـة: وبعد بيمن اخلي دركْان يگمز من الغيرة .
دركْان: سمعت اسمي ؟
هَــيـلانـة: بالخير .
طلع وهو يضحك درت ؏ رضية وهمست : عجل تَـــمــوز
ماكو هو وگازو .
رضية: مو أشترى البيت واخذ گازو واخواتها راح يغسلون
البيت ويشترون غرف نوم للبنات وغرفة نوم الهم .
قُــسَـم : يعني انتِ همات تروحين .

رضية: عجل شلون غير اروح ويه ابني .
+
دركْان: ذَهــب كــانـــون وينو ؟
ذَهــب: اخذ ابوك الجلسة العلاج اليوم موعدها .
دركْان: هااا زين عجل الجلسة الجاية أنـه أروح .
دخلت للحمام من المرايا دحگت دركْان اخذ هَــيـلانـة
خطف من المطبخ وصعد فوك ابتسمت لا إراديًا ؏ منظرهم
وذهب ادحگ عليهه مخبوصه من طلعت من الحمام
سألتها : شبلاچ ؟

هَــيـلانـة: شوية ..
دركْان: هاي رجفة خوف لو برد .
هَــيـلانـة: الإثنين .
دركْان: تخافين مني ؟
هَــيـلانـة: لا .
تقرب اخذ شفايفي وهو يطوق خصري يقربني منو
بكل هدوء مايريد اخاف منو ، فصل البوسة سندت
راسي ؏ كتفو اطبع بوساتي الساكنة بكل رفق ؏ رقبتو
فتح دگم القميص والاول مرة ادحگ جسم الــســفــاح
نزلت رأسي ذب نفسو وفتح سحاب البدلة وبحركة
وحدة رفعني من خصري ونزلني ؏ سرير وووووو..
><><><><><><><><><><
قُــسَـم ...
اجت امي هي وابوية يريدون يسلمون عليَّ تجاهلت وجودهم
وعدلت شالي وشلت ميار نام بحضن امي رضية وطلعت
من القاعة كلها المعازيم تصعد بسياراتهم بقيت اتلفت وينو تُــمــيم
اريد ارجع للقاعة وفزيت ؏ صوت هورن السيارة
التفتت نزل دوهــان فتح الباب وهمس : اصعدي قُــسَـم .
قُــسَـم : مايحتاج ارجع للقاعة بين مايرجع تُــمــيم .
دوهــان: بدون عناد الجو بارد وميار نايم اصعدي .
تركتو واريد ارجع ادخل ستوقفني كلامو : مو تگولين حالك
حال ولد عمي لو واحد منهم بمكاني ماتصعدين ؟

عضيت شفايفي والتفتت رفعت حاجبي وهمست : وتالي يعني ..
اشر ؏ سيارة والباب بعدو مفتوح
صعدت وميار بحضني اخذ هو اغراضي
حطها ليوره وصعد طلعنا من الشارع
وگعد ميار من دحگ ابو موجود وانه وياهم
احتار شيسوي وشلون يعبر عن فرحتو
گعد بالقاعة تصير بصف الگير ويروح
يبوس بخد ابو ويرجع يبوس بخدي ويگمز
ويصفگ : تريلي لبه ( اشتريلي لعبة )
دوهــان: تريد لعبة مو اصيلك لعبة يولوو تدلل .
قُــسَـم : زين افتهمت كلامو .
دحگ عليَّ وانه اتجاهل نظراتو بقيت
اركز بالشارع : اي بعد صرنا اصدقاء .
ابتسمت وميار التحديث القديم مايعوفو
اخذ ايدي وماحس غير اخذ ايد ابو عود الزمها
مثل قبل متعود من نصعد ابو يلزم ايدي
بكل طريقة يريد نرجع كثل ايامنا القديمة
اخذت ايدي وهمست : كافي ماما ميار ادحگ ؏ شارع .
شغل دوهــان جكارتو جر نفس وهو يستفسر : وين جنتي ؟
قُــسَـم : بمكان مابي مشاكل ، ورجعت حتى اخذ ميار ارجع .
دوهــان: تاخذين ميار واني شنوو ؟
قُــسَـم : مافهمت ؟
دوهــان: ما اگدر اعيش بدون ميار تعودت عليَّ
انه خسرت كلشي قُــسَـم ماعندي بعد غير ابني .

قُــسَـم : بس اذا يبقى ميار ؏ هل حال يتمرض
هو لليوم ما مقتنع بالواقع بعدو عبالو احنا زوجين .

دوهــان: هو بهل عمر يحتاج امو وابو طبيعي عادي .
قُــسَـم : اذا تحبو لا تعارض لو تسوي مشاكل رجاءً الصار كافي .
بعيونو صارت نظرات خسارة وكسر
الكون كلو بحيث ما تحمل الكلام صارت عيونو تلالي
دار وجهو مني يريد بس يجر النفس بعد ما يگدر اخذ كلينكس
مسح وجهو وبصعوبة سألني: شوكت تروحون ؟
قُــسَـم : باجر الصبح .
هز راسو وگف السيارة بالباب مالتنا وهمس : عوفي ميار اليوم يمي
وباجر الصبح ارجعو الج .
اومات براسي وتركتهم ودخلت للبيت لگيت رضية موجودة
گاعدة وتعبانة : هاييي شنو رضية خانم وصلتي قبلي .
رضية: حدري ويايَّ بالغرفة ركض .
گامت هي راحت الغرفة مشيت وراها سدت الباب
والتفتت عليَّ : وين جنتي ؟
قُــسَـم : ماحب احجي وين مكاني وللعلم باجر ارجع
اخذ ابني واروح هناك هدوء وراحة اكثر .
رضية: حتى دوهــان يتخبل عليچ .
قُــسَـم : حجيت وياه لهل موضوع وافق واخذ ميار اليوم
عندو حتى باجر الظهر او العصر اروح ما اظل هين .

رضية: معقولة وافق ؟
قُــسَـم : معقولة وليش مو معقولة .
رضية: هو انتِ وميار كل حياتو شلون يقبل بهل سهولة
يولوو اجت امو وحتى ما سامحها وطلعها من حياتو علمودچ .
قُــسَـم : مو علمودي للتصحيح ، هو غلط ويعرف بنفسو سمع كلام
اموو وطعني بشرفي ، ومارفض لان يدري ما امشي بكلامو لان
غلط بحقي غلط مايلبس علية ثوب .
رضية: بكثر ما تعبتي هو تعب وثارچ اخذتي منو
شعرو شاب وكبر من ضيمو ، هلك الزلمة هلك وماعرف يحوي عائلتو .
قُــسَـم : سمعت حلفتي لكانون ما تدخلين بحياتي ؟
رضية: براحتچ تعبت بعد وانه أفهم بيچ
يعني اگلچ تندم ، تمرض ، اخذتي ثارچ ، صعب يعيش بدونكم وبعدج .
اخذت دشداشة ودخلت للحمام سبحت وغسلت المكياج وطلعت
عدلت شعري بعد ما گصيتو بمستوى رگبتي ، وكفت ارش بعطري
وفرشت فراشي بالأرض اريد انام وتذكرت الملم الملابس
اخذت جنطة صغيرة لكحت ملابسي وجنطة ميار رتبت بيهن ملابسو
شلتهن اريد اخليهم بالارض وندك الباب : منوو .
دخل دوهــان وسد الباب شكلو تعبان فاتح اول ازرار القميص
عدل حاجبو وانه نزلت الجنط وهمست : محتاج شي ؟

دوهــان: تگدرين تسويلي اكل ؟
قُــسَـم : قبل فترة سويتلك عشة ومن عرفتو اكلي تركت الصينية
وطلعت هساع صارت عادي تاكل من اكلي ؟
دوهــان: جنت زعلان منچ .
قُــسَـم : وأنه زعلانة .
دوهــان: انطيني طريقة نتصالح بيها .

#تَــجــبـر_أحفاد_الــدلــيـم🦅
بقلمي : أساور حسين
المُلْتَقَى _61 _ والأخير

تَقاسمنا مُعاناه
وعشنا الكَسر بالكَسر ..
ملكات قلبي لطفًا لا تنسون التصويت ؏ بارتات
التعليق بين الفقرات روح روحـي إنتوا
<><><><><><><><><>
الــســفــاح ، دركان ، الدرباس

كــانـــون : قبل لاتفهمون غلط
القراصة والحلقة سلمهن دركْان ألي بعد انفصالكم
انت وقسم مباشرةً يعني بنفس الفترة الي سلمت قُــسَـم الأمانة .

ذَهــب: افتهم من كلامك انتِ رجعتهن الو؟
كــانـــون : هساع بهل دقيقة سلمتهن بيدو ، من اشهر هو طلب مني
ارجع الأمانة لصحابها بدون علم أحد صاحبة الأمانة
هي قُــسَـم ، وقبل لا أخطي هل خطوة اتصلت بقسم وفهمتها .
قُــسَـم : وردي وأضح ومازال الصار بالماضي اندفن وراح
وتخطيت كلشي انه بنفسي ساعدت نفسي وتخلصت
من كل المشاكل والضغوطات ، أنـه و دركْان رجعنا اخوان من زمان .
كــانـــون : بهل يوم بالذات نكسر الحواجز
وننهي الشكوك ، دركْان اليوم يبدي صفحة جديدة
من حياتو ، هو وهيلانة إلي طلعها من نص الموت
وصارت حب حياتو .
هز دوهــان راسو يدحگ ؏ القراصة والحلقة
_ هل قراصة والحلقة مكانهن الزبالة مثل الماضي بالضبط
ولازم نتعهد من هل دقيقة مانزرع فكرة بنت عمك الك
ابو ابن عمچ يحبچ ووووو الأخرى هل فقرة تموت هين
نترك اولادنا يحبون ويختارون بلا اجبار وضغط من عدنا .

ابتسمت قُــسَـم وهي ترفع حاجبها
ترد ؏ كلام دوهــان : بهل كلام اتفق وياك .
هو تبسم ونزل راسو نزل ميار وهو يعلمو
ويأشر : روح ذبهن بسلة الزبالة ابوية انتَ .
ركض ميار ذبهن دركْان طبطب ؏ كتف دوهــان
وضحك بوجهه قُــسَـم وتكلم يواش : وهساع صافي يا لبن .
دوهــان: الله يسعدك ويهنيك أخوي وعضيدي الدرباس .
دركْان: السبع العملاق اروحلك فدوة .
قُــسَـم : اتمنالكم كل الخير واهم شي تخلي اختي هَــيـلانـة بعيونك
وتحافظ عليهه بس اسمع لووو المح مزعلها عدها اخوات
يشرنك ؏ حبل خوووووشش .
دركْان: صايرة جمع بالموضوع الأخوات ؟
قُــسَـم : أنـه وذهب الذيبة وگازو شايف من نتحد نسويكم طشار .
كــانـــون : هددونا واحنا المتعلمين نهدد .
اشتغلت أغنية ردح بالقاعة هي عائلية بين اهلو
وعمامو ولد عمامو ونسوانهم كلهن وخالات دركان
وعماتهم وبناتهم ، دخلوا تُــمــيم وتموز بنص القاعة
ردح هز كتف بكتف شال دوهــان ميار مثل الصاروخ
وركض بي النص القاعة ورفعو يهوس بي ويرگص
وكانون اخذ ايد ذهب ونزل يدحگون عليهم من بعيد ويصفگون .

بقيت گاعدة بمكاني هجست بروحي بهتت وما اگدر حتى
اضحك واجامل توقفت دقايق حياتي ألتفت دركْان من سحبت
ايدي منو انقهر تلمس ايدي وهمس : جنتي تعرفين بالقصة
والأمانة احترامًا ألج سلمتهما الكانون من زمان ، نواصتي
جان لازم يصير هذا الموقف حتى الكل يعرف أنـه بدايتي
وياچ ونهايتي بيچ وحدچ تذكري انتِ كالنقطة ماكو بعدچ .
بقيت منزله راسي باسو ورافعو بـ اصبعو
_ اليوم عرسنا هيل منتظرين هل يوم من زمان
ايدچ بيدي نعيش كل لحظاتنا الحلوة .
جريت نفس سحبني الصدرو وطوقني بيدو
_ هيلتي احبچ والله .
اخذني من ايدي ونزلنا صارت رضية جدامنا
وگف دركْان يصفگ يستحي يرگص وگازو
اخذت ايدي بقيت اتمايل وياهه وهي ترگص
ورضية تهوس وتموز ودوهان وتميم فحطو من الهز
وكانون هو وذهب تعبوا بس من الضحك ..
الحد ما وزعوا العشاء اجه تَـــمــوز ؏ دركان وهمس
_ السيارة جاهزة امشي اخذ مرتك .
هَــيـلانـة: وين نعمممم بعدنا بس ..
دركْان: شتردين بعد النواصه كافي اريد اعيش .
هَــيـلانـة : تعيش شنووو قابل ميتين .
دركْان: اي أنـه ميت واريد اعيش بيچ .

اخذ ايدي ونزلنا رفع ايدو وذهب گاعدة هي وكانون
؏ نفس ميز فراس وامهم ، يسولفون بقت مصدومة
من طلعنا دزيت الها بوسة بالهوى واخذني صعدت
بسيارتو شغل اغاني ولان ما رگص بالقاعة
عوضها بالسيارة اخذ ايدي ويرگص بيَّ
ادحگ عليَّ يهز كتف بـ احتراف ويطگ اصبع
وقبل لا نوصل للفندق سحب السلاح من خصرو
وطلعو من الجام ورفعوا وخلص الشاجور بالجو
خليت ايدي ؏ راسي من الخوف هو گاضب
ايدي الثانية بس دخل المسدس صار يبوي بيدي
_ يحرب ويراحتي ويتعبي ويرغبتي يهيلة واريد اشمها احبچ .

نزل قبلي بالبوابة مال فندق مزيقة أعراس
شلون وشوكت ماعرف بس كــانـــون
وتموز ودوهان وتميم يرگصون بيها
نزلتني ذَهــب وهي تضحك ؏ مظهر دركْان
اخذوا من ايدو وهو مصدوم يرگص وياهم
دخلونا جوة صعدت بالمصعد بس أنـه ودركان
تركنا كانون يحجي هو وأبو الاستعلامات وذهب بصفو
مشينا بالممر عبارة عن غرف فتح وحدة منهن
ودخلت دحگت جنطه موجودة بصف الميز
هين گلبي من التوتر حسيتو يريد يوگف
ومن الخوف گعدت ؏ سرير ادحگ ؏ ايدي ترعش
وريگي يبس رفعت راسي راسي عيوني مدمعه
نزع السترة والتفت شافني قلص عيونو
وگعد بصفي اخذ اديناتي اثنينهن وضغط عليهن
لان يرجفن : بردانة ؟

ان شاء الله باليل ينزل البارت الاخير للقصة😊

صباح الخير 🌞🌱
اسفه البارحة نمت لان كلش جنت تعبانه من الدوام والدروس

المقطع الثاني عندما كانون نعى الذهب🥺

10:10
انشرلكم المقطع الثاني عندما كانون نعى الذهب🥺
لو تردوه ع باجر بكيفكم

من سألو اساور هالسؤال
- الرساله ؛ هل قسم تخطت دركان لو مجرد تمثيل💔🥲؟ بروح ابوج

جاء الرد من قُـسَـم:

صورة القراصة والحلقة🥺

بدا العد التنازلي ، خوف ، توتر ، قلق ، رهبة
كلهن بيَّ ، گاعدة جدام المرايا بالمركز البنية
تسرح بشعري ومنها رحت سويت دزاين حلو
بـ اظافري اتصل دركْان وانه اشتغل : حبيبي هيل سمعت المركز
بي شباب يسون تسريحات بداعتي لا تخلين زلمة يشتغل شعرچ .

هَــيـلانـة: هااا .

دركْان: هيل عمري انتِ نواصتي بس اجي اخذچ احلفچ
اذا زلمة مسوي شعرچ لو مگرب منچ اخرب الأول والتالي .

هَــيـلانـة: بعدد بعدد هدد اطلع ؏ حقيقتك .






دركْان: اذا تحبيني هيل احترمي كلامي .

هَــيـلانـة: ماشي صار وعد .

دركْان: احبچ نواصتي .

للعصر رفعت راسي دحگت بالمرايا وابتسمت
ذَهــب نزلت لبستني الحذاء وصعدت تقرأ ايات بوجهي
وتنفخ : النسوان كلهه تدحگ عليچ خفت والنبي .

هَــيـلانـة: ههههه كل العرايس ماشاء الله جميلات .

اتصل دركْان حاوبت عليَّ بلغها هو بالباب
لملمت اغراضنا وطلعنا هو دهل جوة باس راسي
وحدة من الكبار هلهلت والعرايس گاعدات
نريد نطلع ودنج جدامي : بروح العزيز هذولي النثايه كون تگربو منچ .

هَــيـلانـة: والقران اختاريت قسم المحجبات وداعتك .

طلعني للسيارة وهو يضحك لابس رسمي اول مرة
اشوفو بالرسمي ياخذ العقل هو جسمو متناسق
وطويل وضخم زايد الرسمي جمال شغل
اغنية واخذ ايدي ويرگص بقيت حرك ايدي
الثانية بيها باقة العرس وارگص وياه
وذهب تضحك توجهنا للمصور أخذنا
لقطات لا تعد ولا تحصى والمصورة
كل شوية تگول كملت وبعدين توچع تگول : العروس
تسوي واهس للتصوير .

طلعنا منها تعبانين ، وباردة لكحت الفروة البيضة
؏ اكتافي وصعدت بالسيارة توجهت للقاعة
ذَهــب لابسه رسمي اخذها كــانـــون اول ما نزلت
وانه انتظرت بغرفة الانتظار دقايق ودخل كــانـــون
همس : الف مبروك بوية هَــيـلانـة .






من الخجل لساني ثگل طلعنا جدام الباب حتى نسوي دخولية
ومتفقين كــانـــون هو يقدمني الدركان ، انفتح الستار ؏ أغنية
طلي بالأبيض يا زهرة نيسان ، ذَهــب من دحگت عليهه تبچي
اني همات لزمتني العبرة وبچيت اخذني دركان من ايدو
كــانـــون : انتَ بعد جدام عيوني اذا تزعلها اقوم وياك بالواجب .

دركْان: بعد عيني جيبها اريدها .

باسني بكل قوتو وبلهفة من خدي والكل يصفگ ويصوفرون
متت بدمي ، اول ما گعدنا دحگت ؏ باب دخلت قُــسَـم
وتميم ركض ميار بتجاهه اخذتو تبوس بي وراحت
الرضية والذهب تسلم عليهن .

دوهــان گاعد من دخلت وگف ؏ حيلو استعدادا
هي لابسة فستان گاعد مخصر ؏ جسمها
وجهه صافي مكياج خفيف والشال ملفوف
بطريقة مرتبة ويه الفستان ركض ميار ؏ ابو
آخذت ذهب أيدها واجت بتجاهي وكانون
اجه همس بـ اذن دركْان ، نهض دركْان
سلم ؏ قُــسَـم وأشر لدوهان من بعيد
اجه دوهــان شايل ميار اخذو دركْان
منو وطلع من جيبو القراصة والحلقة
وسلمهن لميار : ادحگ يولو راح اخلف الك بنية
اله باربي من الجمال من تكبر تنطيها هذني افتهمت .

بهتت قُــسَـم بلحظتها ودوهان صفن بوجهه دركْان
كــانـــون نرعب من دوهــان قبض ايدو وذهب
گضبتني اندهشت من تصرفو ودموعي تجمعت بعيوني
تقدم يريد ياخذ ايدي سحبتها منو دار وجهو أنشده .

يتبع ..

- الرساله ؛ ‏ثقل ميزانك بذكر اللّٰـه:

- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محم

تَـــمــوز : خوية هَــيـلانـة اذا تطلعين هيچ
العالم عبالهم شاردة من فلم اجنبي روسي .

هَــيـلانـة: ذَهــب ..

رضية: اعصابكم داخت لبنية وهي مريضة .

دركْان: أنـه تمرضت ومحمد دخت دخت .

رضية: ابو ختله اخذ نفس فهم البنت يواش .

دركْان: فهموها أنـه زلمة عراقي ودليمي صاحب غيرة
ومحمد موووو ديوث اطلعهااااا استعراض بالشارع هيچ .

هَــيـلانـة: تره الفستان محتشم بس كف ايدي طالع
ورجلي كلهه ماكو وشعري لميتو بعد شنو اتنقب ؟

دركْان: نووووصت النوووواصة اخر كلمتين ما فهمتهن
يولوووو بس فهميني كل عگلچ اطلعچ هيچ .

هَــيـلانـة: من كل عقلي عادي ومحمد شكو بيها .






وگف ؏ حيلو اجه بتجاهي وصاح بوجهي
_ لاااااا هَــيـلانـة مو عادي ابد مو عادي
؏ موتي تطلعين هيچ ؏ موتي .

تركتو وصعدت وانه اجاوب عليَّ : عجل احنا ما متفاهمين
نفركش كلشي من البداية احسن .

دركْان: شنووووووو ؟

هَــيـلانـة: سمعتني زين ماكو داعي اعيد .

دركْان: يعني عادي تعوفيني علمود هيچ سبب ؟

هَــيـلانـة: يعني عادي تسوي مشاكل ويايَّ ؏ هل سبب .

دركْان: اوكفي مووووو احجي وين رايحة ؟

هَــيـلانـة: أنـه مو محجبة افتهم هل نقطة دركْان .

دخلت للغرفة گلبي يرعد رعد من الخوف
جريت نفس وگعدت خايفة حيل خايفة
صعدت ذَهــب اجت يمي تلمست شعري
وهمست : دركْان يحبچ ..

هَــيـلانـة: أنـه بعد احبو بس تصرفاتو تغيرت .

ذَهــب: هو من غيرتو عليچ مايعرف صار يتصرف
ومن حقو أنـه من دحكت عليچ من نزلتي بقيت
متعجبة ، ماشاء الله انتِ صرتي جبيرة مو مثل قبل
هَــيـلانـة مفاتنچ واضحة ، لا تتحجبين بس احترمي
انتِ ؏ ذمة رجل شرقي يغار بس خلي شال ؏ شالچ
شلون مكان الى ان تتعودين مثلي .






هَــيـلانـة : عليش اتنازل ليش مو هو يتقبلني .

ذَهــب: المسألة مو شغلت تقبل بس لبسچ بارزچ كُلششش .

ذبيت الفستان وشلت شعري وتلفلفت بالسرير
وهمست : عوفيني ذَهــب اريد انام .

ذَهــب: لا تخسرين دركْان قليل مثلوو تدرين الغيرة
حلوة ، الرجال إلي مايغار على حرمتو ابد هل شعور مو حلوو
ومعناها مايحبها ولا يشوفها حلوة .

جريت نفس وكل كلمة تنطق بيها اعرف صحيحة
بس گلبي مقبوض ، مرت ساعة وانفتح الباب
سمعت صوتو يهمس : تأخرنا وينچ ؟

رفعت لحافي وهمست : هممممم .

طبگ حاجبو وعيونو صارت براسو
تقدم رفعني يدحك ؏ ملابس : هاااي صدگ تحچين غيرتي
ملابسچ غيرررررر نروح شنوووو هذا لعب الزعاطيط .

هَــيـلانـة: اكيد نسيت نفسك دركْان ايدي اذيتي .

ابتعد مني ظل يفتر بالغرفة ورجع بتجاهي
سحبني من رجلي گعدتي ؏ طرف السرير
وهو گعد قريب مني جر نفس وهمس : هيل لا تعذبيني .

هَــيـلانـة: بس ...

رفع ايدي طبع بوسة عليهه ورفع ايدو
يتلمس بوجهي : ماريد يرتفع صوتي عليچ ومحمد انقهر
وبنفس الوكت ما اتقبلها تطلعين ورگبتچ طالعة تلالي من الفستان .






راح ؏ كنتور اكو شال مال ذهب موجود عندي
سحب ايدي وگفني جدام المرايا بكل هدوء
لبسني الشال وصفحة من الصفحات شمرها ؏ كتفي
وهمس : اجمل نساء الكون هي من تزين نفسها بالحجاب .

صار خلفي رفع راسي من حنكي وكمل ؏ كلامو
_ هيل انتِ قطعة ثمينة لازم تتغلفين كالالماس
والكرستال انتِ كزاز اذا ما تتغلفين تنكسرين .

حضن صار وجهي ؏ صدرو وكمل : عوفي هيچ ونطلع
قابل والله مو شرط حجاب كامل بس رگبتچ ما تلالي
اريد بس نكمل البيت فدوة لا تعذبيني .

من دحگ ماكو رد عافني وابتعد وقبل لا ينزل همس
_ راح اظل منتظرچ بالسيارة وماعرف اذا تجين لو لا
بس باقي انتظرچ طول عمري انتظرچ مو أنـه افركش بهل سهولة .

بقيت جدام المرايا اكثر من ربع ساعة وبدلت بس بعدني متردده
عدلت الشال ؏ راسي بس خليتو عدل وصفحة منو ؏ كتفي
ونزلت من شافتني ذَهــب ابتسمت : آلي يحب يتساهل .

هَــيـلانـة: ماراح اتحجب صدكيني بس اجرب الموضوع .

طلعت هو يشرب جكاير من شافني تقدم جدام كــانـــون
وتموز باس راسي وفتح الباب : يولو انتِ ؏ راسي ومحمد .






كــانـــون : الله يوفقكم .

تَـــمــوز : موفقهم بدقايق فر راس البنت فر .

اخذني وطلعنا وگفني جدام محل اثاث
اختاريت حجره لون ابيض لوني المفضل
ونص تخم ، ولوحات ؏ شكل لبوة واسد
وزرع سنادين اصطناعي بلون اخضر
ماتركت بردات استاندات مكياج
حجزناهن برقم وعنوان ونص مبلغ وطلعنا
؏ ابو الصبغ اختاريت ابيض وهو اشترى
باب للغرفة جديد ، الثاني يوم طلعنا كملنا
كل احتياجات الغرفة ، ارتاحيت بس يوم والبعدو
طلعت أنـه وذهب ورضية استريت ملابس ؏ مكياج
جهاز عروس كامل مكمل ، واجرت البدلة بس مال عرس
وحجزت بمركز تجميل صاير بشارع فلسيطين معروف
وحددنا يوم زواجنا يوم خميس ..

گعدت بنصهن هيَّ وذهب گازو ادرس بخواتها بالاستقبال
اجت وكفت بالباب من سمعت صوتي مسحت رضية
؏ راسي وهمست : انتوا ؏ شنو متعاركين .

هَــيـلانـة: ؏ الحجاب موتني بالحجاب يعني هو يدري أنـه
مو محجبة شكوووو خطبني يعني لازم اغير من نفسي حتى يرضى.

ذَهــب: غلط بس احنا النساء نتنازل ونتغاضى ونتغافل
ونسامح ونمشي ونلبس ؏ مرامهم ألي يحب يحب محبوبو
ويتعود ؏ اطباعو مو شرط يغير منو .

رضية: يمه هيل انتِ بعدچ صغيرة وتحتاجين النصيحة
الزلمة من البداية يا اما تعودي ؏ طبعچ انتِ يا اما
هو يفوز ويعلمچ ؏ طبعوا انتِ لازم تسمعين كلامو بس بحدود .

هَــيـلانـة: شلون يعني ؟

رضية: من البداية الزلمة تعويد على شنو تعودي هو يستمر للتالي
مثلًا اذا ما تعودي انتِ تحبين الطلعة تبقين طول عمرچ بالبيت
اذا ترضخين ومن يجبرچ تلبسين الشال وتقبلين بعدين راح
يتعمق اكثر واكثر ويطلب منچ امور انتِ مات بيها ويزعل
وهو يدري راح تخضعين وتقبلين بالأخير .






هَــيـلانـة: افتهمت عليچ أنـه اعرف شلون اخلي يتأقلم .

ذَهــب: شلون ؟

رضية: تبطل تتختل هي وياه .

هَــيـلانـة: هههههههه هاي شعرفچ .

رضية: عرفتي بعد نقطة ضعفو جدامچ .

رجعت للغرفة من الدوخة وگازو كل شوية
تفتح الباب تگلي : هاي عين عليچ .

وتروح نمت بيومها صرت اتهرب بالنوم حتى ما اكثر كلام
الثاني يوم هجست بـ اصبع يلاعب رموشي ومد ايدو رفعني
من السريع صرت بحضنو : يمههههههه .

دركْان: عليچ امر القاء قبض .

هَــيـلانـة: دركْان .

دركْان: ها يلي اخذتي عگل دركْان .

هَــيـلانـة: اكبر جذاب فيكِ يا دنيا .

دنج بدون تفاهم عض شفتي السفلية طفرت من حضنو
وگعت بكل حيلي ؏ آرض وهو رفع راسو وبعلو صوتو يضحك
_ بوية ظهرت محاسنچ كلهن .

گضبت ايدو ودرت ؏ ظهرو ادفع بي ولا يتحرك
_ اطلع برة اطلع ماريد ادحگ شكلك .

وصلتو للباب هو استدار ودفعني قبض ؏ ايدي ورفعها
فوك ونزل يبوس برگبتي : شگد ما تستحي عوفني دركْان .

دركْان: عوفني دركْان العيارة وهي تثير بيَّ
بحركاتها ودلعها ، عوفني دركْان تموع بين ايدي الخوثه .






نزلت ايدي ودفعتو بخفة من صدرو
_اطلع ..

مال راسو وهمس برغبة ويغمز بعيونو : متأكدة ؟

_ بعد فلا أحبك .

_ ما تحبيني ؟

_ ابد بعد فلا أحبك .

ذَهــب: كــانـــون يااااااااا كــانـــون .

ابتعد وهو يصيح بيها : يول الله دخلتي إنزال جوي علينة.

ذَهــب: تعوف اختي لا ومحمد العب لعب .

دركْان: يولووو هاي حرمتي ، مهرتي .

ذَهــب: يمتى هاي شني سويتوا عرس وما عزمتوني
بعدك بس خطيبها بس شنوووو خطيبها .

دركْان: ذهيبة الله يساعد أخوي عليچ شني من بشر انتِ .

دركْان: كــانـــون وينك .

دركْان: رايح ارتاح وابدل فد ساعة بين ماتكمل اختچ
حتى نروح نكمل تجهيز ماريد العرس يطول اتزوجها
واخذها منچ شحدچ تفكين اثمچ بعد .

ذَهــب: بعدها تتريك بالبداية وبعدين تبدل وتروحون .

دركْان: تريگت بيَّ مايحتاج .

كملها وطلع وانه وجهي انصبغ من الخجل
وينو انطي روحـي بهل مصيبة وذهب مدري
تضحك مدري تخزر بيَّ قبل لا تطلع تقلد ؏
كلامي مال بارحة : افتهمت عليچ أنـه اعرف شلون اخلي يتأقلم .






هَــيـلانـة: هو فات شعرفني أنـه راح يرجععععع
وبعدين طردتو أصلًا .

ذَهــب: واضح من شفايفچ المنفوخة .

يا گاع انشگي وبلعيني بلععععععع
رحت على مرايا شمسوي بيَّ سينما
هاي شوكت وشلوون يا ابو السبايا
؏ هل سالفة رحت غسلت ونزلت
شربت بس گلاص حليب وچاي
وشوية بسكت وصعدت لبست فستان
لون وردي سادة وحذاء لون ابيض
وشعري سرحتو وخليت طوق لون ابيض
ورشيت عطر ونزلت لإن ذهب صاحتني
اول ما نزلت اسمع دركْان يسولف وياهم .

كــانـــون : يعني بالبداية بس تشترون .

دركْان: أصبغ الغرفة قبل كلشي ، وبعدين ادخل اثاث .

ذَهــب: جهاز العرس نروح أنـه وياها وعمتي رضية
لا تعب نفسك انتِ بس كمل غرفتكم .

تَـــمــوز : أنـه هم طالع ادور بيت بين ما اجهزو
حتى اتزوج واعوفكم واخلص منكم .

كــانـــون : مسوي منيه علينة عوووددد هو موجود ويانه
مايدري معقولة مايدري يووووووم عيد .

خطيت اول خطوة جدامهم صفگ دركْان ايد بيد
وصاح : الوووووضع مصخم وملطمممم يا قووووووم .

هَــيـلانـة: شكوووو ؟

دركْان: تريدين تخبليني ؟






هَــيـلانـة: لا .

دركْان: تريدين تجلطيني .

هَــيـلانـة: لا .

دركْان: هل برأيچ أنـه ديوث ؟

هَــيـلانـة: هاي شنوو .

دركْان: هل أنـه صاحب القرنين ؟

هَــيـلانـة: منو هذا ؟

دركْان: ضربني صداع نصفي اخوان .

كــانـــون : بسسس افتهم لحظة .

دركْان: بس لا انجلط قبل لا اتزوج .