"هُنا نَبَدأ وفي الجَنةِ نَلتقِي"

قيام الليل لو ركعة واحدة لا تتركوها حتي لو طال واشتد الكرب ركعة واحدة كفيلة تحققلك المستحيلات..

بيقول كنت بتمني حاجات كتيرة كنت شايفيها مستحيلة وصعب إنها تتحقق لما داومت علي القيام حياتي كلها اتغيرت ١٨٠ درجة قيام الليل عظيم أوي ركعة واحدة كفيلة تحققلك المستحيلات، فضلا لا تغفلوا عني وأهلي من دعواتكم بظهر الغيب..

أخضرية القلب غفر الله لها ولوالديها..💚

( وَهُوَ الَّذِي يَقْبَلُ التَّوْبَةَ عَنْ عِبَادِهِ وَيَعْفُو عَنِ السَّيِّئَاتِ وَيَعْلَمُ مَا تَفْعَلُونَ )

وإن رفضك الخلق جميعا، فالخالق يقبلك، أنت بس ارجع له..

كل يوم تفسير آية قرآنية..💚

السلام عليكم ورحمة الله وبركاته..

أتمنى تَكونوا بخير جميعآ وفي أحسن حال، عارفه إني بقالي فترة مقصره أوي في القناه حقكوا عليا بجد وطبعاُ دا غصب عني لأن كل حد مننا عنده حياه وظروف ف نلتمس الأعذار لبعض واللي كانت بتبعت سؤال ومردتش عليها متزعلش مني ، وعلشان نرجع زي الأول بس الأول كدا كلنا نعمل شير للينك القناه الأول وربنا يجعله في ميزان حسناتكم يارب وحسناتي، نيجي للمهم بقي من النهاردة بإذن الله تعالى هرجع وأنشر كل حاجه كنت بنزلها بأمر الله تعالى سواء كانت ( أحاديث بشرحها- تدبر آية قرآنية- تفسير آية - الورد اليومي- معلومات دينية- كتابة قصص عن فضل قيام الليل والصلاة علي النبي وسورة البقرة) وبإذن الله إن كان في العمر بقيه هبدأ اعملكوا تحديات جديدة برضو زي اللي كنت بنشرها في رمضان الناس اللي كانت معانا وفاكره اثبتوا وجودكوا ب ريأكت 💚😂..

واللي حابه بقي أتكلم في موضوع معين تبعتلي علي البوت وأي سؤال أي استفسار عن حاجه ابعتولي وبإذن الله أرد عليكوا وحقكوا عليا مره تانيه علي التقصير بس ليا طلب صغنن كمان وهو الفترة دي تدعولي كتير إدعولي بالشفاء العاجل..
@lotf25_bot

أخضرية القلب غفر الله لها ولوالديها..💚

الحل السريع لكل مشاكل الدنيا هو القيام ولولا القيام مااحببت البقاء في الدنيا..

بيقول كنت مُعتكف في مسجد شيخي وكان عندى امتحان وقاعد بذاكر وكان معانا أحد طلاب العلم عند الشيخ كان بيصلي القيام وهو من الشخصيات اللهم بارك اللهم بارك في الطاعة واليوم دا صلي القيام من الساعه ١٠ لحد قبل الفجر بنص ساعة وفضلت ماشي في المسجد بالملزمة علشان منمش وأنا قريب منه سمعته بيصلي ب سورة قّ ومرة واحده أُغم عليه وقتها مكنتش عارف أعمل أي غسلت وشه بالميه وملامح وشه كلها مش ظاهرة من شدة البكاء وبيرتعش جدا من الخوف وقتها ترك في أثر جدا جدا وعرفت معني الخلوة مع الله، واتعلمت منه ازي استشعر كلام الله وإن ارتل آياته واتعلمت لذة السجود والركوع والوقوف أمام الله منسكراً وتستشعر كأن الله يقف أمامك وينظر إليك والله وبالله لو داومت علي القيام ستتعجب من لُطف وكرمه وكأن السماء تمطر بالخير عليك، شيخي رغم الأمراض اللى يحملها في جسده وكبره سنه يصلي بينا القيام ٧ أجزاء وبعد الإحسان وصل ل ٩ أجزاء اليوم دا اتعلمنا منه معني الذل والانكسار وتتضرع الوقوف أمام الله، الحل السريع لكل مشاكل الدنيا هو القيام ولولا القيام مااحببت البقاء في الدنيا، فضلا تدعولي ومتبخلوش عليا يجماعة و لو بدعوة صغيرة أنا في أشد الحاجة للدعوات دي بجد..

أخضرية القلب غفر الله لها ولوالديها..💚

بحس إن وقت الفجر دا نعمة من ربنا علينا..💚

الصلاة علي النبي بتحقق المعجزات والأمنيات..

بيقول كنت بصلي علي النبي يومياً وكنت بوصل ل حوالي 3 ألف مرة يومياً وكل الأمنيات اللي أتمنتها اتحققت، الصلاة على بتحقق المعجزات والأمنيات..

أخضرية القلب غفر الله لها ولوالديها..💚

اللي عايز درجات الجنة العليا يقوم الليل، فضلا لا تغفلوا عني وأهلي من دعواتكم بظهر الغيب..

أخضرية القلب غفر الله لها ولوالديها..💚

هات جزرة واقسمها نصين كده ، وحط نص في مياه وسكر ونص في مياه وملح، نص هيبقى مربى والنص التاني هيبقى مخلل، الجزرة هي هي بس البيئة إختلفت .. فـ انت عايز تكون صالح خليك مع الصالحين ، عايز تكون فاسد روح للفاسدين .. معجبكش الكلام اغسل الجزرة وكلها وانسى الموضوع..💚😂

قيام الليل بيحقق المعجزات ف أنتوا المستحيل اطلبوه من ربنا في ركعتين القيام علشان مفيش مستحيل علي ربنا وركعتين بس هيحققوا ليكوا كل المستحيلات ، فضلا لا تغفلوا عني وأهلي من دعواتكم بظهر الغيب..

أخضرية القلب غفر الله لها ولوالديها..💚

الفجر نعمة النعم كُل يوم وكأن السكينة كلّها انزلت في صلاة الفجر..💚

البقرة أخدها بركة وتركها حسرة..

بتقول بقالي شهر بقرأ سورة البقرة يوميا وبفضل الله حفظتها كاملة وربي رزقني وفتحت مشروع ونجحت في حياتي واتغيرت شخصيتي لأفضل جيت فترة مبقتش بقرأها تعبت هنا عرفت إن تركها حسرة عايزين بركة في حياتكوا عليكوا ب سورة البقرة ف إن اخذها بركة وتركها حسرة..

أخضرية القلب غفر الله لها ولوالديها..💚

كثرة الصلاة علي النبي منة عظيمة ..

بيقول لمدة أسبوع كامل كنت عامل ورد صلاة علي النبي والحمد لله بفضل الله وكثرة صلاتي علي حبيبي وشفيعي محمد اتيسرت كل أموري كان عندي هم وأبكي كل يوم منه من ساعت ما بدأت أعمل ورد الصلاة على النبي وهمي اتيسر، كثرة الصلاة على النبي منة عظيمة..

أخضرية القلب غفر الله لها ولوالديها..💚

قيام الليل جنة ، اللى مبيصلهوش حرفيًا حارم نفسه من راحة نفسيه وخير عظيم جدًا ، فضلا لا تغفلوا عني وأهلي من دعواتكم بظهر الغيب..💚

أنعم علينا بحفظِ كتابك يارب..

وأجعلنا من أهل القرآن ، وأجعلنا ممن أتبعَ القرآن فقادهُ إلي رضوانِك و الجَّنه و لا تجعلنا ممن أتبع القرآن فزَجهُ فالنار زَجَا..💚

إِنَّ قُرْآنَ الْفَجْرِ كَانَ مَشْهُودًا..💚

‏وَ كأنَّ صلاةَ الفجرِ تأتي كل يوم لتُطهرَ أرواحنا..💚

حل مشاكلك كلها فـ ركعتين قيام الليل، فضلا لا تغفلوا عني وأهلي من دعواتكم بظهر الغيب..💚

- نفسك ف اي؟
=اختم القرآن
- حلمك اي طيب؟
=اختم القرآن
- يابنتى أقصد هدفك يعنى وكده؟!
=اختم القرآن
فاللهم الثلاثين ؛ حفظًا ، وتجويدًا ، وإجازةً ، وعملًا به.

دا بجد هيبقى انجازي الوحيد ف الدنيا دي..💚

الدُعاء بعد عصر يومَ الجُمعة إلى غروب الشمس مستجاب بإذن اللّٰه، فضلا لا تغفلوا عني وأهلي من دعواتكم بظهر الغيب..💚

الصلاة على النبي بتحقق المعجزات ودواء للقلوب..

بتقول التزمت الصلاة علي النبي واتحققت ليا ثلاث أمنيات مستحيلة ، الصلاة على النبي بتحقق معجزات..

وبتقول يوم الجمعة بصلي علي النبي وبوصل للألفين مرة وقتها كنت زعلانه أوي لدرجه قلبي بيوجعني من الزعل نمت بعد ماصليت علي النبي حلمت بحلم ماشاءالله حسيت بعدها إنها طبطبة من ربنا الصلاة على النبي دواء للقلوب، ابدءؤ انتوا بس واعملوا ورد صلاة علي النبي وقتها هتلاقوا حياتكوا كلها بتتغير لأحلى والاحسن..

أخضرية القلب غفر الله لها ولوالديها..💚