غيمَة ذِكْر .

اذكاركم لا تنسوها ، و اعذروني ما انشر بَس حالتي النفسية ما تسمحلي 🩷.

ادعولها 🩷.

- الرساله ؛ السلام عليكم
عادي تگولين لمتابعينك يدعون لامي وابي بالشفاء؟ خاصةً امي وجزاكم الله خيرا 🤍

شنو الموضوع الي تحبون احجي عنه ؟ @fortbmi_bot .

صوتوا كُلكم اريد اعرف اذا احد راح يستفاد 🤍.

موضوع طويل بأذن الله اتكلم عنه قريب .

- الرساله ؛ شلون التزم بالصلاه؟

و لا تنسوني من دعائكم اليوم بعد ما تصلوها الله يرزقني بالمعدل الي يرضيني و بالدرجات الي اريدها 🤍.

عدكم اي سؤال يخص الصلاة اجاوبه ؟ @fortbmi_bot .

افضل وقت للصلاة بالسحر "الثلث الأخير من الليل" قبل صلاة الفجر بساعة او ٤٠ دقيقة .

و هَسه نجي لطريقة صلاة الوتر ، عن نفسي اول شي اصلي ركعتين نافلة و نكدر نزيد طبعاً اكو يصلون 4 و اكو 8 ركع نافلة المُهم تصلي ركع نافلة ووراها تصلي ركعة وحدة الي هي َ ركعة الوتر طريقة صلاة الوتر ( الثلاث ركع ) ركعتين شفع و ركعة الوتر ، و تزيدون ركع حَسب الي تريدوه ، تبديها ب سورة الفاتحة وراها سورة الأعلى و اذا ما كنت حافظها تقرأ اي سورة بَس الأفضل الأعلى و الركعة الثانية ( الشفع ايضاً ) تقرأ الفاتحة كذلك و بعدها سورة الكافرون او اي سورة و الركعة الأخيرة ركعة الوتر ركعة المعجزات تقرأ سورة الفاتحة و بعدها الأخلاص بعدين تركع طبيعي ومن تگوم من الركوع وتگول "سمع الله لمن حمده ربنا ولك الحمد و الشكر" ، وره هذي الجملة مباشرةً ومن أنت واگف على حيلك ورافع إيدك تگوم تدعي اول شي تدعي ان ربّ العالمين يغفر للمؤمنين والمؤمنات والمسلمين والمسلمات الأحياء منهم والأموات وتصلي على النبي وتبدي تدعي كلشي انت نفسك بيه ، ورة ماتخلص تنزل للسجود تسجد السجدتين و تقرأ التحيات و تسلم وبَس .

صلاة الوتر كفيلة تحقق اي دعاء مهما استحالت اسبابه و اكيد ما ننسى النبي زكريا ودعائه بصلاة الوتر حتى الله عزّ وجل يرزقه بالذرية رُغم كبر عمره و رُغم زوجته عاقر ، ضل يصلي الوتر و يدعي و شنو الي صار ؟ نزلت عليه آية ، ( فَنَادَتْهُ الْمَلَائِكَةُ وَهُوَ قَائِمٌ يُصَلِّي فِي الْمِحْرَابِ أَنَّ اللَّهَ يُبَشِّرُكَ ) باللحظة الي هوَ دعا بيها و يصلي بالمحراب بشرته الملائكة ، يعني مو بَعد ايام و لا سنين و لا اشهر بنفس اللحظة الله عزّ و جل استجاب له دعائه ، و عن تجربتي خلال السنتين و الحمدلله يارب ماكو شي دعيته بصلاة الوتر ما تحقق و اشياء جانت بنظري مُستحيله بَس ربنا قادر يقول للشيء كُن فيكون .

- قال الله عَزَّ وَجل : ( ومازالَ عبدِي يتقربُ إليَّ بالنوافل حتىٰ اُحبه ) ، هذي الآية كفيلة تغييرنا و تحببنا بصلاة الوتر ، كل شخص بينا لا بد مفكر الله يحبني ؟ و كلنا نتمنى ربنا يحبنا الي هو مالك السماوات السبع و مالك كُل شيء و الي يگدر يحقق كُل شيء انت رايده ، و اني هسه دا اعطيكم الطريقة الي تقربكم من الله عزّ وجل و الي تخلي الله يحبكم ، صلاة الوتر هي صلاة نافلة مو فرض عليك تصليها لأن انت رايد و ماكو شي يقربك لله بكد النوافل .. زين تخيلوا انوا كُل دعائكم تحقق برمشة عين و يصعد للسماء گبل ، الله يحبكم ، تريدون هذا يصير ؟ صلوا الوتر .

و هسه راح تتسائلون ليش صلاة الوتر هيچ عظيمة ؟ ليش تقربك من ربّ العالمين ؟
صلاة الوتر صلاة تصليها بنفسك لأنها مو فرض انت تصليها بنفسك بدون ما احد يجبرك ، و راح تكون صلاة نابعة من قلبك مو لأن فرض لأنك رايد تكون قريب من ربك و شنو احلى من قربنا لله ! وحُب الله النا ، لأنها نابعة من قلبك راح تصليها بخشوع و بكل تركيز ، و راح تكشتف لذة الصلاة و لذة التقرب لله عزّ و جل ، لذة الدعاء ، تصليها لأن انت رايد بدون ميشوفك بشر صلاة بينك و بين ربك فقط راح تكون صلاة صادقة لدرجة ما تتخيلها .

صلاة الوتر هي الرهان الي مُستحيل تخسر حياتك بيه .

بشنو مُمكن اوصف صلاة الوتر ؟ غير انوا هيَ جنة الدنيا و نعيم بالآخرة و السعادة الحقيقة للأنسان ، السعادة الي تحس بيها بَعد صلاة الوتر مُستحيل تحسها بأي وقت ، راح تحس بشعور عقلك و قلبك و بدنك مرتاح و انك بخير جَد ..