الخادم احمد ماجد الكلابي

https://youtu.be/6WFgzGRMcDQ?si=pjJcEF1zudq8bKyF

جينه ننشد فاطمه شخبارها
وليش مگطوع الهوى عن دارها
///////////////////////////////////////

جينه ننشد فاطمه شثگل الجذع
وگدرت أتحصل دوه إيطيب الضلع؟
لو بقت تتلوه مابين الدمع
وتضم ذاك الألم عن كرارها

///////////////////////////////////////

جينه ننشد والدمع عل الخد سبگَ
بله هم يدري الحطب ياجف حرگَ؟
وياهو خلف الباب كابر واختنگ؟
الله لاهنه الضحك يم نارها

///////////////////////////////////////

جينه ننشد عن ابنها والمهد
شجانت امقرره شسمي الولد؟
وعگب ذيج اعيونه شتاني بعد!!
آه ع الدم الوگع بأكتارها
///////////////////////////////////////

جينه ننشد فزّعت فضه شتريد؟
صح عمرها اثمنطعش بس مو بعيد
خان بيها الحيل وأدور اعله أيد
وجنها تعبت حيل من بسمارها
///////////////////////////////////////

جينه ننشد علي عاش بيا گلب
گالو اويه الباب عنده أصعب حرب
ايموت كلما يطلع وكلما يطب
وجي ثگيله ايلوم روحه اختارها
///////////////////////////////////////

بيش مطلوب الحسن شاف الزنيم
غيّر اسمه امن المدلل لليتيم
حسبي الله عل العصر ام الكريم
التبجي لو شافت گطعَ خطارها
///////////////////////////////////////
جينه ننشد من يجيها تروح وين
وهيه ماتگدر بعد تشبگ احسين
شلون بله بالحنينه والحنين
شهالمصيبه ويه حضن ازغارها
///////////////////////////////////////
جينه ننشد عن گبر بنت الرسول
يمتى نسمع صوت من واحد يگول
من هنا تذهب الى صحن البتول
وتنحسب عد الله ممن زارها

أحمد ماجد الكلابي

ياسيد اعيوني ارتاح
ماعيش تدري بلياك
حسبة تره جم رمضان
واتلاگه بالجنه وياك
أنسى الافراگ ونوحي.... ياروحي يمك روحي
ياسيد اعيوني ارتاح
...........................................
طايح عالباب ايكلولي..... حيدر گوم اوگف يا طولي.... وداعت محسن ما أنساك
لاتبجي لخاطر عشرتنه..... وعيونك ترجع بسمتنه.... ونرجع نلتم انه وياك

يبو سوالف دوه ساكت الك يومين
علي شمثگلها تبجي اگبال ابنه احسين

أنسى الكسر يم طاريك
ماكاتبلنه الله افراگ
يدرينه نحمل گلبين
واحد لواحد يشتاگ
يحبنه ويعرف البينه..... اختارلنه نفس الطينه
ياسيد اعيوني ارتاح
...........................................
الگايل عصروها ومحنيه..... مايدري انته شكبرك بيه.... يا أكبر من كل اهواي
بعز العصره ويمك بالي.... وگلت بحيدر يا هنيالي..... كلشي ايهون وانته اوياي

وحگ كل دمعه طاحت الك بلمحراب
منك (يم حسن) تسوه الضلع والباب

شويه العمر وانته اهواي
تطلبني بالجنه اسنين
ما أريده ضلعي البجاك
غير أنته أعز يابو حسين
كلهن عليك ادموعي......حيدر فداك اضلوعي
ياسيد اعيوني ارتاح
.............................................
روحي تضل تفتر ابيتك.... وهم ذيج انه ابقى امتانيتك.... وياحيدر ابقى اتلگاك
ما اعوفك لو لحظه لوحدك.... بس نزل اجفوفك من خدك...... بداعت زينبنه اترجاك

يلمعيشني نبضه لگلبك الطيب
سامحني علي خليتك اتشيب

بأسمك مسجلتها الروح
وامقصره اضلن مولاي
لثامك نگع كله ادموع
نيتك شنو تموت وياي؟؟
اهواي اعتذر من لونك....طيحت دمع اعيونك
ياسيد اعيوني ارتاح
.............................................
الما لحگنه انگله اسم الله.... مداره يطلبنه ويم الله..... يسمع ها يمه ومو آه
انه وياك بذيج الجنه..... نكعد ونكبر محسنه..... ونعوضه اعله الصار وياه

عمت عيني اعله دمه ايباوع لأيدي
بهذيج العتبه طاح المحسن وليدي

صح عمره دم بس مهضوم
شأدعي اعله ذاك المسمار
حس بيه من اتجويت
وما بي يگوم اعله النار
شفته اعله طوله اجروحه..... ومن وني طلعت روحه
ياسيد اعيوني ارتاح
...........................................
ادريك احنين وتحبني.... مو ضلعي اعيونك توجعني... يا ابو عيوني شلون تنوح
حيدر ما عاش الي يتعبك........وين الله وما يزعل گلبك.......
صعبه اعليه أتضل مجروح

الله اليدري شنهو اجروحي والشفته
علي ماهمني كل الصار بس أنته

بدونك حرام الايام
راح ابقه كل عمري اتناك
شيجيب حيدر رمضان
واتلاگه وياك هناك
سامحني اروح ابدونك.....بس روحي بين عيونك
ياسيد اعيوني ارتاح

احمد ماجد الكلابي

لسان حال احد الفقراء القاصدين دار مولاي علي في يوم الهجوم على الدار :_



أتعنيت حيدر اگعد بفيّه
ونص الدرب ضاگ الهوى بيه
شفت شگد ناس.... تخنگ بأحلامي
مدري ليا بيت.... هدوّ گدامي
تعنيت حيدر اگعد بفيّه
...............................................
مابيه أكثر انتظر
كلت امشي واشكيله الفقر
واگصدت للمايعتذر... لداره ومجانه

اتخيلته يوميَ بجفه ألي
وبالباب واگفلي علي
ويگلي اهلا سائلي... بذاكه حنانه

رايح للما رد واحد من آدم لليوم
واكيد امن اوصل بابه ما ارجع مهموم
بس هو البير اليسوّه اتسولفله المضموم

وهنيالي من ياخذني بأحضانه
خلي أهم روحي واوصل امجانه
رايد ارتاح... من ضيمي وتعبي
بس للكرار.... احجي ألي بگلبي
اتعنيت حيدر اگعد بفيّه
...................................................
امشيت او مشه اوياي الأمل
وكل صعب حسيته سَهلَ
خطار عد خير العمل..... حامي الحميه

وتوني اوصلت نص الدرب
وشو بده شلعان الگلب
اتلاگيت وي وادم غرب.... هدوّ سويه

واحد شفته يفزع الثاني بحرگه وبصياح
والخلاني اقلق أكثر مدري اشگد ارماح
وياهو الأتمعن بعيونه الگاه ذباح

أشويه گلت اتحمل الرهبه
وكلمن يروح ان شاء الله بدربه
وضليت ابعيد...... امراقب ممشاهم
ونتفارگ اكيد.... هسه آنه اوياهم
اتعنيت حيدر اگعد بفيّه
...................................................
احتاريت بيهم من بطو
وامنين ما أمشي مشو
اهواي بطريقي اتعطلو... بس آنه اكابر

وضليت مشغول بأمر
ودم گلبي أحر امن الجمر
هدوّ عليمن هاكثر؟؟..... هاي العشاير

يجوز الراح يروحوله عنده اهواي اخوان
وبظهره عنده عشيره من غير الجيران
وأي واحد هسه اسأله اطلع ما غلطان

وبس اوصل لحيدر اسولفله
يمكن علي يعرفه ويعرف اهله
المن محتار...وانسيت اجروحي
خل انسى الصار... واهتم بروحي
اتعنيت حيدر اگعد بفّيه
...................................................

راح اوصل لبيت ام حسن
ولسه العشاير ما مشن
گامن ادي يتراجفن....امن اگطعو دربي

يارب علي لخاطر علي
احفظ علي وحرمة علي
المقصود خافنه علي....أنخمش گلبي

أمنيتي اگلهم لحد يفتح باب الدار
خله يضل مسدود بوجهي اوجه الخطار
بس خلها اتعدي اليوم ونرجع للكرار

وغلطان من كثّرت خوانه
ولو يحترگ ماتهم جيرانه
مامش فزاع... يمشيله لداره
ويوصل للباب.. ..يشلع بسماره
اتعنيت حيدر اگعد بفيّه
.......... .......................................

هجمو عله الماله ظهر
اواحد وره الباب انعصر
ومن عنده مدري شنكسر... يمكن اضلوعه

وكل بيت ابو حسين احترگ
وبالعتبه اكو انسان انسحگ
وريحة مهد يمكن شهگ... بآخر ادموعه

للوادم هاي الهدّت ما حسّبت احساب
جا اجيت وگلت لحيدر خل انشيل الباب
الله يساعد گلبه الورّم من هيجي امصاب

وتالي اعرفتها ام حسن معصوره
وامن الضرب ماتت ومقهوره
اتمنيت الموت... ولا هاي الجيه
شمدريني البيت.... بيت العلويه
اتعنيت حيدر اگعد بفيّه

أحمد ماجد الكلابي

عشت المصاب امن اوله لآخره
وبضيم گلبي اعله امي محد دره
ما ينسأل عن حالي
احترگت الباب اگبالي
وعشت المصاب امن اوله لآخره
...................................................
آنه ازغر گلب بالدار ملجوم اعله طوله
آنه العشت ضيم الباب من الساعه الأولى
وأنه البح صوتها امن الآه وماطاب ابسهوله


هدني الضلع فتره طويله
آنه العله الزهره عليله
شمحلاها لمن جانت ابخير
ويابويه من صارت نحيله

آنه البجيتلها وبجتني
آنه السمعت اسم الله يبني
جم مره جانت تفز بالليل
وتگلي دني المهد مني

آنه شريجة زينب بكل دمع
واحنه الخوات الرايحلهن ضلع
دم وعلامه أبالي
احترگت الباب اگبالي
عشت المصاب امن اوله لآخره
//////////////////////////////////////

أنه الوگفت تجرّب الباب اشثگلاته اعله امها
الدولبها طرف بسمار ومن محسن حرمها
وأنه الماتت بيوم الفات ملك الموت يمها

آنه الجنت ضلعي أجيبه
وبدموعي أراويه للطبيبه
العندي ابسلامه وماهو مصيوب
أوين الله يرهم للحبيبه

وآنه العِصرت اجفوف فضه
من گالو اتطول الرضه
وآنه الترجيته للاضماد
لخاطر علي ضلع امي احفظه

آنه العمرها ابلا سنين وكبر
ألتوها بدت تمشي وظهرها انكسر
نار أوجرت دلالي....احترگت الباب اگبالي
//////////////////////////////////////
أنه الشبعت بجي ودخان بفراش الزجيه
وأنه الطاحت ابسد احسين من طاح اعله أخيه
وأنه اليم زينب الحوراء بقيت افرك بديه

آنه الگلبها يموت ناوي
وآنه القريتلهم نعاوي
(اوحيد الضلع وهواي الاجذوع)
وضل حيلها امن الباب خاوي

آنه الصبح گدرت تكابر
وآنه المست تكسر الخاطر
وللگالي امج راحت ابعيد
جاوبته اريد اوياها اسافر

آنه الاهلها بضيج طاحو سوه
وآنه البقت تطلب حنان وهوى
هذا الوجع جتالي... احترگت الباب اگبالي
//////////////////////////////////////

أنه الشكّلت ذمة الگال (وأن بالدار فاطم)
وأنه الغورگت بيها العين من هدت الوادم
أنه بنت اليصبر الناس بس من جزع عالم

بنت الگيته يبجي سكته
وشلون شوفه بيها شفته
فوگ الشباب أمخيم الشيب
والكسره ما رحمت وگفته

عايش وطن خواني غربه
وساعة الساعه يگف گلبه
بيا وكت حيدر قالع البوب
طاري الخشب هاگد يتعبه

آنه الأبوها ليله يگضي يون
بنت الرجع يتوچه من الدفن
وضل بالوجع يقرالي...احترگت الباب اگبالي
/////////////////////////////////////
أنه الضاگت المر بالدار اولا واساها واحد
ولا چن امي أم حسين انسيت بگلب بارد
أنه الطفّت بديها الباب وزينب عندي شاهد

مدري اعتب اعله الجار اني
لو مدري اعتب علنساني
ام كلثوم آنه الشافت الويل
ومأجور كل واحد بجاني

الباب عشته امن البدايه
لحدما شفت ضيم النهايه
ومن بعد جرح الباب اكو شام
باجر اطبه اويه السبايه

باجر غريبه وابقى ادور وطن
وبالشام أحن لأيامي ويه ام حسن
وحگها دمعتي اتلالي...احترگت الباب اگبالي


احمد ماجد الكلابي

عن لسان حال باب مولاتي الزهراء ع....


أرجعي... القلق ماخذني هالمره... أرجعي
يامولاتي مو فقره.... أرجعي
بابج آنه اسمعيني.... دخيلج لا تفتحيني.... وارجعي
...............................................
مولاتي بيه اصياح.... شو گلبي ما مرتاح
والقلق من كل صوب اخذني
عندي طلب مقصود.... خليني اضل مسدود
وضلي بعيده امن اليدگني

يم الرحه فضه بقت وحدها
ومحتاجه واحد يگعد ايساعدها
من حجرتج مولاتي جاي اسمع صوت
يمكن تصيحج بله شوفي شعدها

ضروري.... الرجعه هسه يم فضه.. ضروي
شكبرها صارت العرضه...ضروري
شوفي شعدها وانسيني... دخيلج لا تفتحيني... وارجعي
.............................................
ما گتلج آنه اليوم!!!.... حيدر رجع مهضوم
مدري شمتعبه بهذا يومه
واعليه عوفي الجاي... روحي انتي يم مولاي
خاطر يسولفلج اهمومه

شو مختنك حسيته من الثامه
واحد مريض يجوز من ايتامه
فدوه أرجعي وشوفي حيدرنه شبي
شنهو السبب ينگلها گوه اجدامه

يريدج.... اضن گاعد بمحرابه... يريدج
انتي اليندل اصوابه... يريدج
وبعدها عود شوفيني... دخيلج لا تفتحيني.... وارجعي
.............................................
باجر وراج اصيام... ويمكن حسن ما نام
متانيج ما غمض اعيونه
اتأخري يم حجاب... نيمي وافتحي الباب
ابلياج يذبل حيل لونه

ومري اعله الحسين واكعدي شويه
خافنه عطشان ويريد اميه
وغطي بعباتج زينب وام كلثوم
وارتاحي يمهن لاحگه انتي اعليه

شبابج.... ما أريده يصل يمي... شبابج
حرگ گلبي وحرگ دمي... شبابج
وشتريدين سميني... دخيلج لا تفتحيني.... وارجعي
.............................................
دلينه عالكاروك... وخل نسمع المبروك
ونشوف محسن بين اخوته
امخيطتله ندري اهدوم... ويا محلى ذاك اليوم
لمن يناغي بعالي صوته

من جفج لجف حيدره يكضيها
وتكمل الفرحه ومحسن يحليها
مولاتي حضري اگماط عوفي العل باب
لخاطر أوليدج نيّتج غيريها

هضيمه.... المحسن ماتشوفينه.. هضيمه
ادري شگد تحبينه... هضيمه
منه لاتحرميني.... دخيلج لا تفتحيني.... وارجعي
..............................................
محد يحس بالبيج..... جذوعي ثگيله اعليج
اوين انطي وجهي يلزجيه
بس الله والنجار... يدرون جم بسمار
موجود يم حسين بيه

ياگلب حيدر ياگلب ويلاده
ما أريد طاريي يبجي الساده
وما اريد أطيح اعمامه اذا گالو باب
بيدج احرگيني ولا هالعاده

شگلج... عصابه الوگفت بظهري... شگلج
هذا الي كسر ظهري... شگلج
وآنه وياج تدريني... دخيلج لا تفتحيني.... وارجعي
.............................................
وهنا فتحت مولاتي الزهراء ع الباب وحدثت الفجيعه الاعظم:

خايف جنت من هاي... مدري شوگع جواي
ومن انكسر ضلعج سمعته
نار وضحك وحبال... وخلوني الج جتال
وبيتج يمولاتي حرگته

وصار المراگض ماله والي بدارج
وحيدر اعيونه اعليج واعله ازغارج
دخان بيتج واصل لسابع جار
بس ما شفت واحد فزع من جارج

اسمعتها... شثگلها الآخ بالرضه... اسمعتها
گوه انحجت يا فضه... اسمعتها
صحتلج ما سمعتني... دخيلج لا تفتحيني.... وارجعي

احمد ماجد الكلابي

يومين إله ومگطوعه اخباره
يمكن علي شي صاير بداره
المايگطع اويانه
شأخره وماجانه......ومگطوعه اخباره
..............................................
هاي النه يومين..... ما جانه ابو حسين..... بس لا علي طايح بحيره وشده
العايش بالگلوب..... خافنه متعوب..... لو خاف واحد أخره من ولده

شما نحسبلها نحس علي يتلوه
خاف الحسن من شعل ناره اتجوه
وضل حيدر ايدور دوه لوليده
وهل بطه اعلينه وما اجه وما ضوه

عالجويه سهله ونگعد نتاني
بس خاف يطلع شي اكو ثاني
ياهو اليطمنه
شصار اويه حيدرنه... ومگطوعه اخباره
............................................
لجفوف ابو تراب.... مشتاگه كل باب.... وماردنه ذاك الخبز ردنه اعيونه
شو يبس كل ريج.... يمكن علي بضيج... بس وين الله وما تغير لونه

سولف علي مره اعله يوم العاشر
وشگد بجه من جاب طاري الحافر
روحه من هاي الدنيه الحسين ابنه
ويا سامح الله اويه الحسين شصاير؟

بس ما نسينه وحيل نذّكر
جان الحجي اعله حسينه من يكبر
مو ابنه المأخره
شنهو الكسر ظهره.... ومگطوعه اخباره
.............................................
توجعنه الاصفاح... وين الهوى راح... عايفنه ليش وجنه اغله احلامه
يخنكنه الغروب.... وكل احنه يعگوب... ليدز قميصه اعلينه كافي الثامه

يامحلى ذيج اسوالفه وضحكاته
ما جنه أمير ودوم ينكر ذاته
ضنينه يبجن زينب وأم كلثوم
وضل علي ابيته ايسكت ابنياته

السبب هذا يأخره بس ليله
ومن خوفنه حرنه شنصليله
مو طبعه يتأخر
وخفنه عليه أكثر... ومگطوعه اخباره
..............................................
هم هيجي وتصير... ويطلع علي بخير... واعياله ملتمين كلهم يمه
عدنه احنه جن عيد.... لحيدر اجه اوليد.... وضل ملتهي ايداري بلمحسن وامه

هيجي وعلي فرحان هوه واهله
ويدز علينه لبيته ونباركله
وننطي هديه بأسم كل الفقره
كاروك للمحسن خشب ناخذله

بس من حسبنه لجية اوليده
واحدنه ضل بس يفرك بأيده
ما كمّل اشهوره
واتضحت الصوره.... ومگطوعه اخباره
..............................................
ما ضل بعد راي.... وكل خوفنه بهاي..... ليگولها الله وفاطمه شي بيها
شدينه العلوگ... وجم گلب محروگ... باب الجذع مطبوگ خاف اعليها

يومين ماكلنه أمن أدين الزهره
ماكو الا غير اضلوعها متكسره
وميت علي لو عدل الله اليدري
بحيدرنه شمسويه هذيج العصره

نحس ببو المحسن ثگلت أنفاسه
وگاعد ابابه ايدگ على راسه
اسم الله اعله عافيته
خاف احترگ بيته.... ومگطوعه اخباره
.............................................
رحنه ولگيناه.... بدموعه والآه....وذاك الحطب جان اعله بابه اشكثره
شمينه عطاب.... من بيت ابو تراب... وماندري شنهو المحترگ بالزهره


من أمس يبجي وعالضلع ثاري يون
وبعيون حيدر شفنه كلشي امبين
يومين والدم أخضر وما يابس
بس الله يدري شكثر نازف محسن

شندعي اعله ذاك البجه حيدرنه
كون بمجان الزهره عاصرنه
بلگوه حاجانه
معذور ما جانه.... ومگطوعه اخباره

أحمد ماجد الكلابي

فرحانه وأحسب.... يومه
امحضره المهد.... واهدومه
وأتخيله... بأرسومه
يشبه حسن لو يشبه احسين

بي جنت أحس... ليليه
يكبر شويه..... شويه
يقويني من... ما بيه
حاسبته مثل الضوه البلعين

گدما أله اشتاگ واحن يوميه ارسمه
ومره اتفقنا اني وعلي والله اعله اسمه
يمتى يجي وبجفوف أدي اگعد والزمه


يمتى اشوفه..... ويغفه بجفوفي الولد
ما اعوفه..... بعيني أغطي لو برد
وابقى اطوفه.... لصبح فوگ المهد

وامحسناه...... وامحسناه
...................................................
اعله اعيالي كلها.... احجيله
ودوم بسلامه.... ادعيله
ولو طب علي... اوميله
وعودته عل الكرار بألثام

عاشرته ذيج... العشره
الله يطول.... عمره
علّمته حب.... الفقره
وحفظته كل اوجوه الأيتام

وكلساع واحد من اخوته بطاري جابه
وكل كعده نگعدها سوه نحسب احسابه
ماجاي لدنيه لجن يوجع اغيابه

شگد نحبه.... ابيتي كلساه ينذكر
ابني محسن..... شوفته من العمر
لجيتَه سالم.... مدري صارن جم نذر

وامحسناه....... وامحسناه
...................................................
يوم اختلف..... بأيامي
الدگ بابي.... مو ايتامي
وثگلت عليّ.... اجدامي
وماردت اروح وافتح الباب

اتغير هواي.... ولوني
ومحسن وگف.... بعيوني
وضليت اصد.... لمتوني
وجان اعله طرف الساني ابو تراب

والباب جانت يمي بس گوه اوصلتها
ومدري شوگع من عندي من آنه افتحتها
طگن اضلوعي بس صحت يبني بوكتها

شلون ألمه.... وگع محسن عالترب
واعله دمه... ايدوس ضل كلمن يطب
البي اتاني..... شلّع اهروش الگلب

وامحسناه..... وامحسناه

احمد ماجد الكلابي

اشتياق مولاي المحسن ع لمولاتي زينب ع :


بظهر ابوي وبالي يمج جانت بنفسي اشوفج
وجنت اعدهن ساعه ساعه حتى اجي واغفه بجفوفج
وحق ضلع امي يزينب آنه ما مخلوق اعوفج

مسافر.... بس وغلاتج ماردت سفر
مسافر....معوز جنت ياخويه جم شهر
مسافر.... من عشرتج حارمني القدر

گالو كاروك محضرتلي
واسم المحسن مختارتلي
ومنتظرتني ومشتاگتلي

أختاه وداعاً....... أختاه وداعاً
.............................................
يا نوايانه البريئه ويا نواياهم الحنضل
عمري اگصر من حبلهم وردت عمري وياج يطول
شگد ثگيله الباب جانت لجن والله افراگج اثگل

زينب.... يا كلشي إنتي ومحلى هالاسم
زينب.....ياحلم بس ما ضل بعد حلم
زينب..... ابگد حنانج خويه منلجم

سهرانه انتي هواي اعليهن
تعبتج وادري تحبيهن
ضمي اهدومي الخيطتيهن

أختاه وداعاً........ أختاه وداعاً
.............................................
ياطموحي الماتحقق وبيتنه البي كلشي شاره
ردت يم الحسن اگعد يوم يشعل بيده ناره
وردت يم احسين ابجي من تفر ذيج الحياره

رايح.....بس كلبي يمكم باقي كل وكت
رايح....... وامنيتي تعتبروني ما رحت
رايح......من بيت احلى ايامي بي عشت

رگضه الموت وبيه اتعثر
ودمي اباب العتبه اطشر
ما مقسومه وياكم أكبر

أختاه وداعاً....... أختاه وداعاً
.............................................
أرد اعيشن ليله وحده خاطر احجيلج البيه
نعصرت وگدما حنينه ضلت اتعاين عليه
ودنگت عالدم تلمه الله يا گلب الزجيه

طاحت.... ازغيره وعليها بيّن الكبر
طاحت..... سولفت فضه وماحجه العمر
طاحت.... وكل هذا ضلت مني تعتذر

باجر يم الله آنه الشاهد
امي الما أذت كل واحد
واحد عاصرها بدم بارد

أختاه وداعاً....... أختاه وداعاً

احمد ماجد الكلابي

ضلعي يطيب وداعت انفاسك
بس اشيطيب الشيب البراسك
ليش..حيدر... عالي ونك
ضلعي.. فدوه.. ...لشيبه منك
................................................
كافي تكبر يابو زينب ارجع لزينب ابكدك
انته كل الدنيه بيدك..أيدك اشعدها اعله خدك
يلعشت ليه وعشتلك ادري غيري ماكو عندك
ايطيب كسري من اشوفك تضحك ابيتي ويه ولدك

آنه تره الما اكدر ابدونك
غمض علي وتلكاني بعيونك
كلشي...بيه....راضي عنك
ضلعي... فدوه... لشيبه منك
................................................
غاليه ادموعك عليه يلمدللني ابحياتك
اشهالحنان البيك حيدر وكبري غطيته ابعباتك
لخاطري كوم اعله حيلك اشتاكن لطولك بناتك
اسمعت مابيك توكف والدعاء يبجي بصلاتك

ارجع لبيتك داري احبابي
بسك علي نايم عله اترابي
ارجع...لمهم...بهذا حضنك
ضلعي....فدوه...لشيبه منك
...............................................
غمضت مستحيه منك مامغمضه الألم كسري
أزغيره الاسنين العشتها وقصرت خافن بعمري
انعجنه بطينه وحده عشت عطرك وانته عطري
عمر شايلني اعله راسك كون اخدمك جوه كبري

دافني لو دافن علي روحك
من كل كتر شو تنزف جروحك
ريته....كله....بيه حزنك
ضلعي..فدوه... لشيبه منك
...............................................
مااعوفك تدري بيه مايهمني عدله..ميته
وما أهم جي عيني حمره بس أهم جي بيها انته
ومثلي محسن هم يحبك ويستحي يطلعها ونته
جانت امنيته بحياته أتهزه بلكاروك أخته

من دون اخوته ما غفه بأيدي
جان اشحلاته ايشبهك وليدي
لأجلك....دمنه...انه وابنك
ضلعي... فدوه..لشيبه منك
................................................
شمحلى يافاطمه بصوتك أنسى وني وأنسى وضعي
أعليه لاتزعل يغالي ما اضم اعليك طبعي
حتى تبقى اكبالي اخضر ماجبتلك طاري ضلعي
ادري الأذبلك عصرتي وجان الك كل ذاك دمعي

ماعندي غيرك ياعلي ثاني
حيل اعتذر جي صرت دفاني
عذرني...حيدر...غالي متنك
ضلعي... فدوه... لشيبه منك
...............................................
احمد ماجد الكلابي

يلي اهدعش معصوم ذريتج
كلش جبيره انه اكعد ابيتج
اهلي سموني اعله اسمج
وكبروني حتى اخدمج
كلش جبيره انه اكعد ابيتج
..................................................
يعطر الله اعله هاي الكاع مستحيه أدخل لدارج
لاني من نسل طه ولاني بضلعي بسمارج
يمدري اشجم ملك للبيت اجاج لعندج وشارج
مخلوقه أخدم المثلج واريد امراد من نارج

من الزغر واعليج دمعاتي
شلون اخذ امجانج يمولاتي
ورغم الاسنين الزغيره
بكل وكت بس انتي اميره
كلش جبيره انه اكعد ابيتج
..................................................
لدارج جيت اريد اخدم واريد بخدمتج اذبل
شما اتعبلج انه ارتاح التعب وياج ماينمل
يل ماكو مره تشبهج انتي بكلشي اخذتي اول
من الله اليحب فاطم الكاه غالي ومدلل

مولاتي شسميني سميني
هنيالي اذا فضه تحسبيني
بهذا بيتج كلشي نعمه
وبس الج تنكال يمه
كلش جبيره انه اكعد ابيتج
..................................................
حبيت اسمي جي مثلج لجن خجلانه من عندج
أسمي يهضم اولادج وخدي مو مثل خدج
كلما فاطمه تنكال ازغارج تركض الحدج
خيسموني كلشي الجان بس عندي المهم ولدج

كل ليله يشتمون بثيابج
يكودوني ويجيبوني يم بابج
هنانه يمه انعصرت امنه
هنانه محسنه ودمعنه
كلش جبيره انه اكعد ابيتج
.................................................
يسيدة العرب والكون اريدن خير من حزنج
ادعيلي بضلع مكسور اعيشن خاطر بونج
شكو معصوم منج بيج المو معصوم مو منج
واحس معصوم مامعصوم ابو فاضل يصير ابنج

تدعيله من بين الكبر بيدج
يعوض مجان المحسن وليدج
بظهر ابوه نزلت دمعته
يريد يطلع يخدم اخته
كلش جبيره انه اكعد ابيتج
.................................................
ينسمه وبس علي يعرفج انحنى مولاتي بمصابج
عشتي ام لحبيب الله وام للفقره واحبابج
مارديتي واحد يوم صاح اسمج ودك بابج
بحاله انه اخذ امجانج بدالج اغفى بترابج

بس فتحي واخذي مني انفاسي
انتي واهل بيتج على راسي
وبس لقب لايك عليه
شمحلى خادمة الزجيه
كلش جبيره انه اكعد ابيتج

احمد ماجد الكلابي

مدري شردت بلمگبره وعاشرت الاتراب
يمج علي عايف علي يا كل الأحباب
فاطمه........فاطمه
...........................................
بجيتج...بجيتج.....بگد عمري بجيتج
نخيتج.... نخيتج..... أكعدي شگد نخيتج

شما أريد انسى وأمشي ابعيد ابالي اسنينج أيعرضن
اجدامي بكل درب ميتات وبس لگبرج ايركضن
كلشي البيه يوجعني ماميت وضگت الموت
يريته بيه بسمارج ويريت اضلوعي ينرضن

كون العمر هم ينشري واشريلج اسنين
لا حسن من عندج شبع ولا شابع احسين
فاطمه........... فاطمه
..............................................
وگفتج.... وگفتج...... شمحلاها وگفتج
دمعتج... دمعتج ....ذبحتني دمعتج

شعوفج يابعد گلبي أوياج أدفنت لوني
شلون ارجع الذاك البيت وانه امضيع اعيوني
بعد ما اشوف يم حسين اخذ ثلثين حيلي الباب
واني اشلوني ابلياج عليّ ماتنحجي اشلوني


واللثامي طاح أمن البجي مو بيدي حنيت
ما دامج اهنانه بعد ضلته ألمن البيت
فاطمه............ فاطمه
.............................................
وحگج.... وحگج.... وما احلف وحگج
يأسمج يأسمج.... يرد عافيتي أسمج

ما متعوب وانتي وياي بس هسه شكثر متعوب
فرگتج فاطمه شكلفه يرادلها عشر اگلوب
مدري شماخذه ومخنوگ أنه بعازة هوى ضليت
شفت بس الصبح وياج وكل ايامي هسه اغروب


ابيناتنه كلشي ضوه جا ليش الافراك
يم حسن وعيون الحسن لأم حسن مشتاك
فاطمه.......... فاطمه
................................................
أكابر...أكابر..... بكلشي اگدر اكابر
أكابر... أكابر..... ويمج ما أكابر

احجيلج جلمه اريد اوگف كلشي ولا تعوفيني
ينقطة ضعفي قويني عليج اعيوني قويني
هاي اول حرب منها ارد خسران يم حسين
شريد اصبر اذا ذكروج وشلزم ظهري لو عيني

شيسوي بله المنهضم والعنده شمات
گوميلي رجعي الروح ألي مو حيدرج مات
فاطمه............ فاطمه
.............................................
بنيني.... بنيني..... الون ماخذ بنيني
اونيني اونيني..... شسولف عن ونيني

شيبي واصل لگلبي هينه الشيب البراسي
وعاشرت الگبر مجبور اخذ من عندي اعز ناسي
واخذ مني ابن ياريت لو عايش ولو نص يوم
وكون البگه مو بالراس كون البگه بأنفاسي

راح أكضي عمري مختنك مات الهوى وياج
جيبلي واحد يقتنع انه اگدر انساج
فاطمه.......... فاطمه

احمد ماجد الكلابي

بفراكج امضيع الهوى
ولداري ابد ما طبيت
وجي دافنج بيها اصبحت
المكبره احلى من البيت
انوح.......يمج اضل يوميه
انوح........كلبي ادفنت راعيه
...............................................
وداعت المحسن يم حسن ما اعوف كبرج لحظه
لو يوم ما اشمج اجي الكلب يوكف نبضه
وعذريني نزلت دمعتي وشافتها يمكن فضه
من اجت زينب واسئلت بذاك البجي اعله  الرضه

كل السوالف عل الضلع
يافاطمه بذاك الدار
كابلوا بابج بلبجي
شمسوي بأمنه البسمار
جروح.....عينيني اكعدي شويه
انوح.......كلبي ادفنت راعيه
...............................................
ماعندي غيرج مستقر تايه اعيش بدونج
بيا وكت حاجوز الكبر يمنعني اشوف عيونج
كومي اعله حيلج مو جبت ويلادج ايشوفونج
وجي عصروا ضلوعج كلت لحد يكلها شلونج

وبس درت وجهي اعله الكبر
ذبحتني جلمات حسين
شاور اترابج بلدمع
دليني حضن امي منين
دموع.....هدت الحيل البيه
انوح......كلبي ادفنت راعيه
................................................
عكبج تهت بين البجي وماردت واحد يدري
واتلثمت من الدمع بس اشيلثم ظهري
مثل الكمر هيج انكسر لا والله ازيد كسري
ومامرت الوحشه بكبر صارت الوحشه بعمري

لخاطر علي كومي لعلي
واختاري من صدري اظلوع
ماكو اعله كد عمرج شمع
جايب بكد عمري شموع
عذاب......عطرج تريده الريه
انوح.........كلبي ادفنت راعيه
...............................................
يوم الدفنتج فاطمه وكلشي بحياتي اتغير
انباكيت مدري اشجم سنه وبعدج ضواي اطشر
ومو هينه اعرف يم حسن يمج اكوم واعثر
بس أعطشت جلمات الج كوه الله حيلك حيدر

لميني بيدج يم حسن
متبدي فوك التربان
وفانوسي ضل ابلا ضوه
يوم الصرتلج دفان
مصاب........ما مار مثله اعليه
انوح........كلبي ادفنت راعيه
.............................................
....................
بلياج اعيش ابلا وطن من فدوه اروح الاسمج
يم حسن جتال البعد مهضوم كاعد يمج
دمعات ارش مو مي ورد جي بعده اخضر دمج
وكل ضني اضمج بلكلب شو قبلي كبرج ضمج

يلرايحه الجنه عدن
راحت وياج الافراح
اخذيني لضلوعج دوه
جا ليش بس محسن راح
اموت.....يم الكبر ليليه
انوح.......كلبي ادفنت راعيه

احمدماجد الكلابي

هناكه يم بيت ام حسن
قمبر وفضه التقو
نفتح موضوع الضلع
أمن اول حجايه بجو
هو ايگلها ابو حسين يون كل مسيه
وهيه تصد عله الباب تگله الزجيه
قمبر وفضه التقو
.............................................
فضه ابتدت بالموضوع
موجوعه تحجي الموجوع
وبعيونهم ذيج اظلوع... وغربة وطن
گالتله اخ أمن الصار
كل ضني جانوا خطار
ما ادري واگف بسمار..... لضلع ام حسن

شبيه وما فتحت الباب اني
شبيه وراحت الزهره بمجاني
يقمبر لسه مستحيه أمن ابو حسين
والله اليدري بالضيم الخذاني

أمن الوجع قمبر شهگ
وگوه فضه كملت
ال عمرها اثمنطعش
اعليه گالتله أنتجت
گض ظهره ونعه بآه يحماي الحميه
وهيه تصد عله الباب تگله الزجيه
قمبر وفضه التقو
.............................................
وگالتله ضلت شهرين
مامرها نوم ام احسين
مدري الضلع مدري العين... تنزف دمه
وگدما حرَك ذاك افلان
انصبغ لون الحيطان
وطب لگلبها الدخان.....آه فاطمه

شدعي اعله الدفع باب الصميده
العَصر مولاتي كون انشلت ايده
صاحت فضه مره وضلت اتلوج
يقمبر اسمي ما كدرت تعيده

عاشت انواع الألم
اهواي تعبها الضلع
للكسر ماكو دوه
وليلها تگضي دمع
لطم عينه اعله الاضلوع والادموع جريه
وهيه تصد عله الباب تگله الزجيه
قمبر وفضه التقو
..............................................
خفنه ام حسن خاف اتموت
محد حجه وطلع صوت
شيعنه محسن بسكوت.... بين الأهل
واحد لطم واحد طاح
الجان احلى شي عدهم راح
بداخلهم اهواي اصياح... لذاك الامل

شثگلها الله يرحمه عالبعمره
شعاش المحسن وخاطر نخسره
ما كلف الدنيه حتى تابوت
بس كلف علي وكلف الزهره

الولد مات وما سمع
يا دللول الولد
كلشي محسن ما أخذ
وضلت بنفسه مهد
ون قمبر دللول يويلي اشهالرزيه
وهيه تصد عله الباب تگله الزجيه
قمبر وفضه التقو
..............................................
گلها اختلف كلشي اوياي
يافضه ملجوم اهواي
كلما اجي يم مولاي.....الگاه يون
انداس بيته ومهتوك
وماسع كلمة مبروك
بعيونه ضلع وكاروك... وديرة حزن

يگابل باب بيته ابذاك ونه
ويخلص الليل بس ينعه اعله ابنه
والگه الثامه ناگع من الادموع
هذاك الباب كل الشيب منه

حيله مهدود الگبل
يگف للوادم ظهر
ابو حسين ابيا وكت
يخلي ايده اعله الظهر
وآه لو صار الغروب يطيح اعله اديه
وهيه تصد عله الباب تگله الزجيه
قمبر وفضه التقو
.............................................
مرت عله الباب اشهور
ومولاي ساكت مكسور
ويراد لآهاته اصدور... مو بس صدر
يلم ولده ويضل ينوح
مذبوح شابگ مذبوح
بالآخ ال اطلع الروح.... الماتنجبر

بس تالي اعرفت شنهو امنياته
كلشي ولا يذكرَنه بناته
تاخذ روحه جلمة (يمه) بالبيت
تحيّره اهواي وأطيح عباته

قمبر وفضه بجو
وبدوا يدعون بقهر
أن شاء الله ثار الضلع
ناخذه اويه المنتظر
يارب فرج اعليه وننصره سويه
وهيه تصد عله الباب تگله الزجيه
قمبر وفضه التقو

احمد ماجد الكلابي

بفراكج امضيع الهوى
ولداري ابد ما طبيت
وجي دافنج بيها اصبحت
المكبره احلى من البيت
انوح.......يمج اضل يوميه
انوح........كلبي ادفنت راعيه
...............................................
وداعت المحسن يم حسن ما اعوف كبرج لحظه
لو يوم ما اشمج اجي الكلب يوكف نبضه
وعذريني نزلت دمعتي وشافتها يمكن فضه
من اجت زينب واسئلت بذاك البجي اعله  الرضه

كل السوالف عل الضلع
يافاطمه بذاك الدار
كابلوا بابج بلبجي
شمسوي بأمنه البسمار
جروح.....عينيني اكعدي شويه
انوح.......كلبي ادفنت راعيه
...............................................
ماعندي غيرج مستقر تايه اعيش بدونج
بيا وكت حاجوز الكبر يمنعني اشوف عيونج
كومي اعله حيلج مو جبت ويلادج ايشوفونج
وجي عصروا ضلوعج كلت لحد يكلها شلونج

وبس درت وجهي اعله الكبر
ذبحتني جلمات حسين
شاور اترابج بلدمع
دليني حضن امي منين
دموع.....هدت الحيل البيه
انوح......كلبي ادفنت راعيه
................................................
عكبج تهت بين البجي وماردت واحد يدري
واتلثمت من الدمع بس اشيلثم ظهري
مثل الكمر هيج انكسر لا والله ازيد كسري
ومامرت الوحشه بكبر صارت الوحشه بعمري

لخاطر علي كومي لعلي
واختاري من صدري اظلوع
ماكو اعله كد عمرج شمع
جايب بكد عمري شموع
عذاب......عطرج تريده الريه
انوح.........كلبي ادفنت راعيه
...............................................
يوم الدفنتج فاطمه وكلشي بحياتي اتغير
انباكيت مدري اشجم سنه وبعدج ضواي اطشر
ومو هينه اعرف يم حسن يمج اكوم واعثر
بس أعطشت جلمات الج كوه الله حيلك حيدر

لميني بيدج يم حسن
متبدي فوك التربان
وفانوسي ضل ابلا ضوه
يوم الصرتلج دفان
مصاب........ما مار مثله اعليه
انوح........كلبي ادفنت راعيه
.............................................
....................
بلياج اعيش ابلا وطن من فدوه اروح الاسمج
يم حسن جتال البعد مهضوم كاعد يمج
دمعات ارش مو مي ورد جي بعده اخضر دمج
وكل ضني اضمج بلكلب شو قبلي كبرج ضمج

يلرايحه الجنه عدن
راحت وياج الافراح
اخذيني لضلوعج دوه
جا ليش بس محسن راح
اموت.....يم الكبر ليليه
انوح.......كلبي ادفنت راعيه

احمدماجد الكلابي

مدري شردت بلمگبره وعاشرت الاتراب
يمج علي عايف علي يا كل الأحباب
فاطمه........فاطمه
...........................................
بجيتج...بجيتج.....بگد عمري بجيتج
نخيتج.... نخيتج..... أكعدي شگد نخيتج

شما أريد انسى وأمشي ابعيد ابالي اسنينج أيعرضن
اجدامي بكل درب ميتات وبس لگبرج ايركضن
كلشي البيه يوجعني ماميت وضگت الموت
يريته بيه بسمارج ويريت اضلوعي ينرضن

كون العمر هم ينشري واشريلج اسنين
لا حسن من عندج شبع ولا شابع احسين
فاطمه........... فاطمه
..............................................
وگفتج.... وگفتج...... شمحلاها وگفتج
دمعتج... دمعتج ....ذبحتني دمعتج

شعوفج يابعد گلبي أوياج أدفنت لوني
شلون ارجع الذاك البيت وانه امضيع اعيوني
بعد ما اشوف يم حسين اخذ ثلثين حيلي الباب
واني اشلوني ابلياج عليّ ماتنحجي اشلوني


واللثامي طاح أمن البجي مو بيدي حنيت
ما دامج اهنانه بعد ضلته ألمن البيت
فاطمه............ فاطمه
.............................................
وحگج.... وحگج.... وما احلف وحگج
يأسمج يأسمج.... يرد عافيتي أسمج

ما متعوب وانتي وياي بس هسه شكثر متعوب
فرگتج فاطمه شكلفه يرادلها عشر اگلوب
مدري شماخذه ومخنوگ أنه بعازة هوى ضليت
شفت بس الصبح وياج وكل ايامي هسه اغروب


ابيناتنه كلشي ضوه جا ليش الافراك
يم حسن وعيون الحسن لأم حسن مشتاك
فاطمه.......... فاطمه
................................................
أكابر...أكابر..... بكلشي اگدر اكابر
أكابر... أكابر..... ويمج ما أكابر

احجيلج جلمه اريد اوگف كلشي ولا تعوفيني
ينقطة ضعفي قويني عليج اعيوني قويني
هاي اول حرب منها ارد خسران يم حسين
شريد اصبر اذا ذكروج وشلزم ظهري لو عيني

شيسوي بله المنهضم والعنده شمات
گوميلي رجعي الروح ألي مو حيدرج مات
فاطمه............ فاطمه
.............................................
بنيني.... بنيني..... الون ماخذ بنيني
اونيني اونيني..... شسولف عن ونيني

شيبي واصل لگلبي هينه الشيب البراسي
وعاشرت الگبر مجبور اخذ من عندي اعز ناسي
واخذ مني ابن ياريت لو عايش ولو نص يوم
وكون البگه مو بالراس كون البگه بأنفاسي

راح أكضي عمري مختنك مات الهوى وياج
جيبلي واحد يقتنع انه اگدر انساج
فاطمه.......... فاطمه

احمد ماجد الكلابي

عن لسان حال مولاتي الزهراء صلوات الله عليها في حديث ممزوج بالمواجع والألم مع مولاي علي صلوات الله عليه



من طحت ونيت سكته
واسمك بكل دمعه عشته
گوه اسم فضه حجيته
العله طرف الساني انته

///////////////////////////////////////////////////////////

آنه أكثر وحده حيدر أندل اجروحك وافهمك
اعذرني من حشمّت فضه ماردت عالباب احشمك
جنت اتمنى اصيحك وما انطاني الساني اهضمك
علي ثگل اسمك بگلبي الثگّل الساني اعله اسمك

ومن اسم فضه آنه گلته
ابداخلي المقصود انته
والله يدري بذاك حزني
العله طرف الساني انته

///////////////////////////////////////////////////////////

لعيني آخر ذكره ضلت من محمد هيه لونك
مستعده أتبره منهن اضلوعي اذا بجن اعيونك
فدوه لاتحرگ بروحك لخاطري اوياها اعله هونك
أنسى والبسمار هيّن يبو حسين ابخير كونك

دموعك أغلى من حياتي
عندي انته ابعز صلاتي
وحتى لو محد سمعني
العله طرف الساني انته

///////////////////////////////////////////////////////////

وره الباب وبيك افكر الشيب اخذني ومستحاتي
ناويَه بمحسن افرحك واتفقنه آنه وبناتي
أنحفظه اول اسم أسمك والله يدري بأمنياتي
وخلصتها لگلبك أدعي امن احترگ طارف عباتي

العذر من گلبك ومنك
امن ايدي راحت فرحة ابنك
ومن وگع عالگاع ابني
العله طرف الساني انته

.//////////////////////////////////////////////////////////

العمر مره وانته مره ياعزيزي ويابو ولدي
بس طلب عندي آنه يمك لاتعاين صوب خدي
ياعلي الحسره البصدرك اثگل امن الباب عندي
وحتى إذا تگدر تكابر محد يعرفك بگدي

صحت فضه سنديني
والسبب ياعلي بعيني
والعبد لمن سطرني
العله طرف الساني انته

///////////////////////////////////////////////////////////

انته ياقانون الله الما مشت بأمره السقيفه
ياخليفة روح فاطم حدر جدمك كل خليفه
شمالها الوادم خبيثه ويّه ابو النيه الشريفه
كلهم يروحون فدوه لخيط بخيوط الصريفه

افلان ياهو وياهو اهله
شسع نعلك ما وصله
شما يسوي ما يهمني
العله طرف الساني انته

///////////////////////////////////////////////////////////

أجلّت بالساني أسمك موّصَه هسه انته بوصيه
لاكن انته ماكو غيرك باجر اليلزم أديه
بكل علو صوتي اصيحك ياعلي بالغاضريه
الملتقى يم المخيم نلطم اعله ابني سويه


نلطم اعله احسين باجر
ونبقى ندعي اعله الحوافر
وكون هسه اسمك عذرني
العله طرف الساني انته

///////////////////////////////////////////////////////////

باجر بكربله زينب أتفزع وماكو زلمها
باجر المايسوه صعبه ابكل سهوله إيغير أسمها
امدللتنه بالصحاري امن الركض يتعب جدمها
باجر بكل عثره الها ياعلي تلگاني يمها

وبالي يم شام النوايب
من يطبّله الحبايب
اهناكه راح اصرخ بوني
العله طرف الساني انته

أحمد ماجد الكلابي

لسان حال مولاي أمير المؤمنين صلوات الله عليه


يافضه كل العمر فاتحتي

من وكت راحت مني فاطمتي

راحت.... راحت.... فاطمتي

.................................................................... 

يافضه بس الفكد غاليّه ايحير


راحت ايام الخير ويه ام الخير

جنت آنه بير الوادم بكلشي يصير

وبفراگها محتاج مدري شجم بير


محد يعوض امجانها الخالي


اشكبره النقص يافضه بعيالي


ألمن أسكت ابني لو بنتي 


من وكت راحت مني فاطمتي

راحت... راحت... فاطمتي

................................................................... 

لكلشي احسبت بس ماكو للفركه احساب


العاشت ابكلبي والله مو مال اتراب


ردت انعصر واعرف اشمثكلها الباب


ذيج الخذت من عندي اعز الاحباب



بلمكبره اتضل خايفه ابدوني


عفتلها يم اترابها اعيوني


دافن دواي وبقت بس علتي


من وكت راحت مني فاطمتي

راحت.... راحت.... فاطمتي 

................................................................... .

اشتاگيت اگللها ام حسن أروي اضماي


اشمحلاته من اجفوفها ذاك الماي


بيا وكت ابجي وفاطمه مو وياي 


راح أگضي عمري للكبر رايح جاي


وشلون اعيش وهيه مو يمي


اشتاكيت لأسمي من تكول اسمي


كل حجيي بيها و هيه سالفتي 


من وكت راحت مني فاطمتي 
راحت.... راحت..... فاطمتي
................................................................... .

صاحوا الفاطمتي يم ضلع المكسور 


من بيتي ماخوذ الهوى مدري النور


ماردت أبين منكسر بس مجبور 


لطول ام حسن مشتاگ حتى التنور


حيدر دفن كل حيدره وياها 


ما ينسي شي بيها وانساها


نامت الجانت شمعتي وبختي


من وكت راحت مني فاطمتي
راحت..... راحت.... فاطمتي 

................................................................... 

اشكد مستحي من اسنينها المرها البين


شمزغر عمرها الماوصل للعشرين


شما اذكر شگالتلي دم تبجي العين


مره اتفقنه اثنينه أنكبر احسين 



راحت المن اعيوني تعرفني


وبدونها ضل كلشي يوجعني 


بالساني ياما كلت وين انتي


من وكت راحت مني فاطمتي 

.....................................................................

مايشفه كلبي لو يضل بس عالنوح


ضلتها روحي المن وماكو اهل الروح 


شجم حرب مرت بيه بس مامجروح


شو هسه اني ابلا حرب بس مذبوح



ماعندي نقطة ضعف كل عمري


بس هسه أيدي انطبعت بظهري


واكبالي اشوفج بالدمع حرتي


من وكت راحت مني فاطمتي 

راحت.... راحت.... فاطمتي

.....................................................................

من فارگتني أكبرت مدري شجم عام


أمعلم اعيوني اتشوفها يلا اتنام


وجي كثر دمعي واستحي من الايتام


ماعفت وجهي لحظه من غير الثام



واتلثمت من دمعي البعيني


بس شيلثم گلبي واسنيني


اوياي كلش مانصف وكتي


من وكت راحت مني فاطمتي

...............................................
أحمد ماجد الكلابي

📜قصيدة : جينه ننشد فاطمة شخبارها
____

جينه ننشد فاطمه شخبارها
وليش مگطوع الهوى عن دارها
◼️◼️◼️◼️◼️
جينه ننشد فاطمه شثگل الجذع
وگدرت أتحصل دوه إيطيب الضلع؟
لو بقت تتلوه مابين الدمع
وتضم ذاك الألم عن كرارها
جينه ننشد فاطمه شخبارها
◼️◼️◼️◼️◼️
جينه ننشد والدمع عل الخد سبگَ
بله هم يدري الحطب ياجف حرگَ؟
وياهو خلف الباب كابر واختنگ؟
الله لاهنه الضحك يم نارها
جينه ننشد فاطمه شخبارها
◼️◼️◼️◼️◼️
جينه ننشد عن ابنها والمهد
شجانت امقرره شسمي الولد؟
وعگب ذيج اعيونه شتاني بعد!!
آه ع الدم الوگع بأكتارها
جينه ننشد فاطمه شخبارها
◼️◼️◼️◼️◼️
جينه ننشد فزّعت فضه شتريد؟
صح عمرها اثمنطعش بس مو بعيد
خان بيها الحيل وأدور اعله أيد
وجنها تعبت حيل من بسمارها
جينه ننشد فاطمه شخبارها
◼️◼️◼️◼️◼️
جينه ننشد علي عاش بيا گلب
گالو اويه الباب عنده أصعب حرب
ايموت كلما يطلع وكلما يطب
وجي ثگيله ايلوم روحه اختارها
جينه ننشد فاطمه شخبارها
◼️◼️◼️◼️◼️
بيش مطلوب الحسن شاف الزنيم
غيّر اسمه امن المدلل لليتيم
حسبي الله عل العصر ام الكريم
التبجي لو شافت گطعَ خطارها
جينه ننشد فاطمه شخبارها
◼️◼️◼️◼️◼️
جينه ننشد من يجيها تروح وين
وهيه ماتگدر بعد تشبگ احسين
شلون بله بالحنينه والحنين
شهالمصيبه ويّه حضن ازغارها
جينه ننشد فاطمه شخبارها
◼️◼️◼️◼️◼️
جينه ننشد عن گبر بنت الرسول
يمتى نسمع صوت من واحد يگول
من هنا تذهب الى صحن البتول
وتنحسب عد الله ممن زارها
جينه ننشد فاطمه شخبارها
◼️◼️◼️◼️

احمد ماجد الكلابي
◼️◼️◼️◼️◼️
#اللهم_عجل_لوليك_الفرج

يا نَفْسُ منِ بعدِ الزجيه هْوني
وبعدَها لاَ كُنتِ أنْ تَكوني
//////////////////////////////////////

لا اهلاً بكل هوى ايطب لريتي
قبّح الله العيش بعد ام بيتي
عگب الانعصرت ما ردت عافيتي
موتي لمن ماتت تقاتل دوني
وبعدَها لاَ كُنتِ أنْ تَكوني
//////////////////////////////////////

عل الجانت ابكل مغرب اترويّني
يا نفسُ قد طاح العمر من عيني
ولا طوّل الله من بعدها اسنيني
اكراماً لها لا خيرَ بالعيونِ
وبعدَها لا كُنتِ أنْ تَكوني
//////////////////////////////////////

صح قالع البيبان بس عل الشفته
حتى اللثام بوجهي أنه استثگلته
يشهد عليه الضلع ذاك الجسته
في عينِها الحمراءِ يَقْصُدوني
وبعدَها لا كُنتِ أنْ تَكوني
//////////////////////////////////////

اتمنيت اكابر والمصيبه بظهري
كسر الضلع اكبر خساره بعمري
لا حيلي يرضى إيعيني ولا صبري
الا قليلٌ من لضى شجوني
وبعدَها لا كُنتِ أنْ تَكوني
//////////////////////////////////////
يا نَفسُ شيّرجع هذيج العشره
محسوب عل الموته بدون الزهره
عطشان عافتني وحيد بصحره
ماكنت ادري منها يحرموني
وبعدَها لا كُنتِ أنْ تَكوني
//////////////////////////////////////

الباب انطفت بس روحي شيطفيها
محترگ مدري شكثر صار اعليها
يانفسُ ما اگدر أهوّن بيها
ما حالُها تحتَ الثرى بدوني
وبعدَها لا كُنتِ أنْ تَكوني
//////////////////////////////////////

افراگ الزجيه ايعثر الما عاثر
خلاني مكسور الگلب والخاطر
وخلاني أكرهه كل صبح من باجر
هولُ الفراقِ أحرقَ الجفونِ
وبعدَها لا كُنتِ او تكوني
//////////////////////////////////////

ياما اخوته انتظرو ايشع نوره
شيصير لو محسن امكمل اشهوره
خله المهد واگلوبنه مهجوره
مِنْ كأسِ موتِ فاطمٍ سَقَوْني
وبعدَها لا كُنتِ أنْ تَكوني
//////////////////////////////////////
يانفسُ دافن بالمگابر تعبي
وكلما أشوف الباب ألزم گلبي
اليمتى اضل عايش غريب ومسبي
قَدْ شارَفَتْ روحي على المنونِ
وبعدَها لا كُنتِ أنْ تَكوني

أحمد ماجد الكلابي