Բարի Կիրակի։ Սիրելիներ ջան, Կիրակի առավոտյան շտապեք եկեղեցի և սովորելով ու հասկանալով մասնակցեք Սուրբ Պատարագին։ Պատարագի առաջին շարականում, որ կոչվում է Խորհուրդ Խորին, Հայր Աստծուն ասում ենք Քո Միածնի (այսինքն Տեր Հիսուս Քրիստոսի) չարչարանքնեով նորոգվեցին բոլոր արարածներն ու մարդը նորից անմահացավ, և զարդարվեց անկողոպտելի զգեստով։ Եթե դուք ուզում էք անմահություն, հաղորության մեջ մնացեք Տեր Հիսուս Քրիստոսի հետ։ Հետևեք Փրկչին, ապրեք իր պատվիրաններով, զղջացեք ձեր մեղքերի համար ու խոստովանեք դրանք։ Եվ ֆիզիկապես հաղորդվեք Տեր Հիսուս Քրիստոսին, որը հնարավոր է միայն Սուրբ Պատարագին մասնակցելով, ու երկյուղածությամբ և հավատքով Սուրբ Հաղորդությանը մոտենալով։ Եթե չգիտեք թէ ինչի մասին եմ խոսում, խնդրում եմ, հարց ու փորձ արեք քահանաներին, ձեր մտերիմներին ովքեր գիտեն, և հետևեք, եթե ուզում էք անմահ կյանք Քրիստոսի հետ։