بخصوص الطلاب الي يفكر من يتخرج يحصل على تعين بختصاصه أو مقارب إلى اختصاصه و حتى يفيد الي متخرجين حديثاً
طبعاً اني تخرجت قبل ثلاث اشهر اني لا من الاوائل و معدل التراكمي متوسط 69.38 كان من قدمت على وظيفه على اختصاصي محاسب بأحد الشركات الكبرى و الفريدة من نوعه بالفرات الأوسط لا سألوني شكد معدلي و لا سألوني عندك خبرة لو مارس سابقاً و لا غيرة و لا عندي واسطه قابلت حالي حال اي شخص عادي من سألوني بختصاصي اني كنت فاهم اختصاصي شريد مني بالتحديد و ما يتعمقون وياك مثل ما موجود بالدراسة الأكاديمية و بنفس الوقت اختبروني أكسل و وورد أيضاً مو فد اشياء صعبه يعني سألوني عندك دورات على برامج محاسبية كتلهم نعم مع العلم اني ما داخل و لا دورة فقط دورات إلكترونية و البعض موجودات على منصه يوتيوب وهنه معروفات بالعراق وتكدر تدخل الهن بكل وقت وتعرف اسمائهن و شنو شغلهن على أساس هاي الأمور البسيطه نقبلت مع العلم هواي متخرجين مقدمين قبلي و أعلى مني بالمعدل و جامعات حكومية مع العلم اني خريج جامعة اهليه بس هم نرفضو و اني نقبلت
الي اريد أوصله ألك الي يفكر بمستقبلة و شلون يكدر يحصل على وظيفه بختصاصه مو شرط يكون من الأوائل و لا شرط يكون جامعة حكومية أو اهليه هاي التفاصيل ما تأكل عند الشركات الاهليه فقط يردون شخص فاهم اختصاصه و عنده معرفة أكسل و وورد و عنده معرفة بالبرامج المحاسبية اما التفاصيل الثانية هاي تفيدك ألك كدام اهلك و الناس فقط
#بالنهاية الله يسهل على الجميع ونشوفكم بأعلى المراتب
https://t.me/Acc2021K