أبيات شعرية نبطية

ما يرجع الفايت كثير الحسوفات
‏ ولا يحيي الميت عيونٌ بكت له

عنتر بن هذال :

‏رمتني بسهمٍ فكان السهم رنانا
‏فوطّيت راسي فمر السهم من هانا

‏إن العيون التي في طرفها حورٌ
‏ودت عيال الحمايل في خبر كانا

‏يا من هواه أعزه وأذلني
‏ما هو بحقٍ تولعنا وتنسانا

‏لا تحسبن المجد تمرا أنت اكله
‏لن تبلغ المجد حتى يجيك ما جانا 😂

أعز ما أملك في حياتي علوي
وأشد ما أكره بالحياة الدناوه

توي علي تنزيلة الراس توي
راسي عنيد ولا براسي فضاوة

ماهمني قطو بشارع يموي
ولو تمتلي كل الشوارع قطاوة

فرحان قيران

ريحه مثل ريح النفل في شعيبه
في خايعٍ علّه من الوسم تشعيب
ممطورٍ أمس وممسيٍ ما وطي به
واليوم شمس وفاح طيبٍ على طيب

https://www.instagram.com/reel/C5yup52tNMj/?igsh=MXVzazViNXNzbm9zNQ==

"كان ابن عمر وأبو هريرة - رضي الله عنهما- يخرجان إلى السوق يكبران ويكبر الناس بتكبيرهما"

"الله أكبر، الله أكبر، الله أكبر، لا إله إلا الله، الله أكبر، الله أكبر، ولله الحمد"

يا طول ما وسدت راسي كتادة
من خوفتي يعتاد لين الوسايد
فمن عود العين الرقاد تعودت
ومن عود العين المساري تعاود
راشد الخلاوي

والله ما أخلي الطيب وانكس على الردى
والأموال عارية والأعمار فانية
راشد الخلاوي

يالله يا والي على كل والي
‏يا خير من يُدعى لكشف الجليلة

‏يا فارج الشدة بضيق الحوالي
‏افرج لعبدك يا منجِّي خليله

‏وحيد ما لي غير ظلك ظلالي
‏ذليل ما لي غير عزَّك وسيلة

‏يا راحم ارحم شيبتي وانخذالي
‏يا جابر اجبر عثرتي والفشيلة

‏قضيت من مخلوق محدٍ بقى لي
‏إلا أنت يا اللي ما يخلي عميله

يا فزعة المضيوم منشي الخيالي
‏يا فارج الشدَّات لو هي ثقيلة

‏افرج لمن بالحبس دونه رجالي
‏وأبواب وأقفال وحصونٍ طويلة

‏في وسط دبابٍ وحيدٍ لحالي
‏مظلم، ولا أدري وش نهاره وليله

‏الطف وناظر يا الولي في سؤالي
‏لا تواخذن فيما مضى من فعيلة

‏أطلبك تقبل توبتي عن خمالي
‏وأطلبك.. عني كل كربٍ تزيله

ودي أطلع في خلا نجد وأفك الزرار
وأصدح بصوتي وأغني على واحد اثنين

ما على الدنيا ضمير مستريح

ما يستشك يا حسين كود الرديين
ولا ترى الطيب وسيعٍ بطانه

والله لو تكفخ كما يكفخ الطير
‏نصيبك يصيبك ولا لك بديله

‏لو ياقفون الناس دونه طوابير
‏يجي لك المكتوب والا تجيله

‏- ابن جدلان

كلش يهون إلا الكِبر والتغطراس
‏هذي هي اللي عاقبتها مخيفة

‏وأبغى أعرف ليش التكبر على الناس
‏وبدايتك نُطفة وتاليك جيفة
ظافر بن فرحان

سلّم على البانِين صرحا أتلَدا
شادوا منارا كي يدُل على الهدى

فبنوا مراقيَ للعلوم مدارجا
لتكونَ للطلابِ نهجًا مُرشدا

▫️معاشر المبتغين بهذا العلم رضوان الله؛ حياكم الله وبيّاكم، ومد سنا آثاركم، وزادكم عزمًا وهمة، هذه أبواب التسجيل قد فتحت وشرعت، فدونكم الرابط:

https://forms.gle/CmB3M71H57ya61589

يا رب لا يفرح بنا كل شمات
‏ولا تحمّلنا ما لا نستطيعه

‏يا باسط الأرض وبديع السموات
‏تستر من صدوف الليال الشنيعة

‏ما نطلب ولا نرجي إلا أنت بالذات
‏ونفوسنا ماهي لغيرك مطيعة

‏وإن ضاقت الدنيا علينا سهالات
‏صدورنا من فضل ربي وسيعة

من لا يكون بحوزته غير شاكوش
‏شاف  الجماعه  كلّبوهم  مسامير
ناصر الفراعنة

يقول ناصر الفراعنة في الوعظ والحكم:
يقول من قلبه تزايد هيامه
فوقه رحا بقعا تطاحن لواحيه
يا حافرٍ للكنز تسعين قامة
خذ كنزٍ أعظم منه واحفظ معانيه
من لا يثمّن في المجالس كلامه
يطيح فيمن يصمخه لين يعميه
الخبل دايم ما يردّه خطامه
والقرم ما يحتاج قرمٍ يوصّيه
من يحسبنّ الذيب مثل النعامة
لو يرمي طويقٍ بكبره بيخطيه
من لا يبدّي للنشامى سلامه
عَدّه والى مرّيت به لا تحيّيه
احدٍ مثل نور القمر في تمامه
واحدٍ ظلامٍ تايهٍ من يقدّيه
احدٍ حسامه ما ذبح له حمامة
واحدٍ حسامه فالمصايب ينجّيه
كم واحدٍ فالناس خانه حزامه
وجاه الفرج من واحدٍ كان شانيه
الناس تدمح كلّش الا الكرامة
ولا فيه إناء إلا وينضح بما فيه
والشور في تركه دليل الغشامة
لا جاك شورٍ طيّبٍ لا تخلّيه
من لا تشيله في المواقف عظامه
ما شاف من عزٍّ سوا اسمه وطاريه
احدٍ فعل كفّه يعلّي مقامه
واحدٍ مقامه فعل كفّه يردّيه
من يبذر المعروف عند الهلامة
غير الفلَس ما فيه شيٍّ بيجنيه
من ملّك المقرود مقضب زمامه
يصبر على مايلحقه منه ويجيه
من لا تصحّيه العِبَر من منامه
مصيبةٍ وحده طلاق انْ تصحّيه
بالك عن الهالك تنشّد علامه
وانشد عن الناجي وش اللي منجّيه
ايامنا بين العوض والغرامة
انسان تاخذ منه وانسان تعطيه
احدٍ بنى فوق الثريا خيامه
واحدٍ تحَت،في سابع ارضٍ مبانيه
من لايصلّي وش كسب من صيامه
إلاالعطش يصلاه والجوع صاليه
كم من قزم زاده غروره قزامة
وكم محسنٍ زاد التواضع حسانيه
طيبٍ مع الخايب يزيده لئامة
وطيب مع الطيّب يزيد الوفا فيه
من لا يسنّ غلامه أفسد غلامه
واليا كبر خيّب غلامه رجاويه
خمسٍ من الاسلام تكمل لزامه
شهادتينٍ ثمْ صلاةٍ تذرّيه
ثم الزكاة تطهّره من أثامه
والرابع صيام رمضان ومواريه
حسب الأهله عند ربي نظامه
والحج عند الاستطاعه تؤدّيه
اليا زعل منك النذل في قمامة
واليا زعل طيّب فحقّه تراضيه
في الطيّبين من المراجل وسامة
في كل وجهٍ غيهب النور غاشيه
وفي الخايبين من الرخامة دمامة
في كل وجهٍ قارٍ اسود مغطّيه
احدٍ قصر دون الطويلة لجامه
واحدٍ وصل من كل علمٍ حراويه
احدٍ على السفلى هفا به فطامه
واحدٍ على العليا رقت به مجانيه
واحدٍ عن الواجب ضرب له مهامه
يحتجّ بأدنى معذّره لا يسوّيه
ومن لا يحني دم الاعدا حسامه
والا بدمه سيف الاعدا تحنّيه
راح الشيوخ اهل السلف والجهامة
وجانا زمانٍ سابقاته مخازيه
في المجلس احدٍ كنّه ابو دلامة
واحدٍ رزينٍ كلمته ما توطّيه
من لا سرى في الليل خشية ظلامه
يجيه من سرّ الدهر ما يسرّيه
وعداد من حلوا قصور اليمامة
لا راح وفد جاك وفد متقفّيه
وعدة حصا كشبٍ ورمل الثمامة
على احمد المختار طابت مساعيه
ازكى صلاة طيّبه في ختامه
ينهي بها شاعر مضر هيض خافيه