🥀𝐶𝑅𝐸𝐴𝑇𝑂𝑅𝑆 𝑇𝐸𝐴𝑀

الدراسه خلاص هتبدأ يا شباب ، كل واحد بقى يقعد مع نفسه ويشوف الخطة اللى هيمشى عليها إن شاء الله ومن دلوقتى يشوف اصحابه مين ، الصحبة المنيلة بتودى في داهيه ، ابعد عن اللى مضيع ومكبر دماغه ، ابعد عن الخبيث واللئيم ، ابعد عن اللى بيجيبلك احباط ، ابعد عن الصيع و متحاولش تقلدهم لا هتبقى صايع زيهم ولا هتفلح في مذاكرة ، خليك مع اصحاب محترمين ، او اقولك خليك مع نفسك واتعلم تشيل المسئولية ، انت مش طفل صغير وشوف اللى وراك واتجدعن كده ، يارب يبقى عام موفق وكله بشريات وخير .

هل ينفع خريج كلية العلوم يشرح أي مادة علمية؟

كلية العلوم بتقسم الطلاب لنوعين

طلاب علمي علوم ودول ليهم أقسام محددة
طلاب علمي رياضة ودول ليهم أقسام محددة

طلاب علمي علوم موادهم الاساسية الي بيندرج تحتها اي قسم تاني

الكيمياء
الأحياء
الجيولوجيا

طلاب علمي رياضة

الرياضيات
الفيزياء
الكيمياء
البرمجة كمبيوتر ساينس
الجيولجيا

يبقى كل واحد منهم عنده القدره يدرس المادة الي درسها سنين ف الجامعة
لكن ينقل من المادة (أ) إلى المادة (ب) في نفس العام الداراسي وكمان تالته ثانوي؟

دا اسمه هزار وقلى ضمير بصراحة والطالب أو ولي الأمر الي يبقى عارف حاجه زي كده يبقى بيضحي بإبنه.

مش عيب نروح لمدرس لسه بيبدأ لا بالعكس بشجع دايما جرب الجديد هيكون عنده طاقة أكبر لكنه بيدرس لاولى وتانية ثانوي من فتره كبيرة فمعروف بالمادة دي!

لكن أكون بدرس ماده وفي خلال اسبوعين أكون حضرت كل الماتريال مذكرات وفيديوهات شرح وامتحانات وملخصات لماده تانية خالص؟

يبقى الاسيستنت بالفلوس هما الي حضروا كل ده للاسف
والمدرس ما هو إلا هيقرأ الملخص ويشرح أو يذاكر حبتين ويشرح...وشرحه ممكن يبقى أجمد لكن ....

التركات
الثغرات
المهم والي مش مهم
المفيد والغير مفيد
امتحانات السنين السابقة وازاي بتيجي

كل ده بيجي بخبرة سنوات اعداد مش اسبوعين

كده انتم فعلا زي ما الناس بتقول بتوع سبوبة ولم فلوس والمهم السبوبة ما تضيعش من ايدينا.

والعيب ع الطالب وولي الأمر بصراحة مش ع المدرس الي يعمل كده.

انما المدرس انزل لاولى وتانية ثانوي وجرب فيهم لكن حرام مستقبل العيال يتجرب فيه!

سبب كتابتي للبوست دا وكمان عملت فيديو بس قولت لا كفاية بوست لان ما حدش هيتم ويقرأ اًلا حتى بس بعمل الي عليا لله هو اني لقيت الناس نازله سب وشتيمة ف كليات العلوم بسبب المدرسين أو النوعيه دي من بتوع السبوبة وانا بضايق جدا لما حد يشتم كليتي أنا بس الي اشتمها (خريجها يعني) 😀

وهاف انايس داي وانجوووي بقا

#حبة_فيزياء #سعدشتاين #سبوبة #علوم

احنا في زمن السادة [الأنفلونسرز] مّصممين يخلوا الناس البسيطة تشعر بالذنب لأنها لم تقلب موازين الكون!
مش مطلوب منك تعمل إنجازات عظيمة كل يوم ، صلي فروضك وانشغل بنفسك واجعل همك في الآخرة وعادي لما تبقي إنسان عادي وبتنجح واحدة واحدة مش لازم تنجح علطول
  ..براحة علي نفسك ولا تعش في دور الإنسان المقصر المذنب طول الوقت لأنك لم تقلب موازين الكون، امشي علي سلم نجاحك خطوة خطوة 👌

الثانوية بالنسبة للناس المتفوقة من الأسوء الأسوء

بالنسبة للغشاش ف لنظام الحالي بالنسبة له كنز و بااقل مجهود بقي دكتور

بمناسبة نتيجة الثانوية وممكن الشيطان يوسوسلك ولا حاجة

”وتظن أنك حُرمت والحق أنك رُحمت” ♥️

ممكن أغلبنا السنة اللي فاتت زي دلوقتي مكنش مستوعب دي درجات مين، ولا أكيد في غلط والكثير والكثير من الشعور بالحزن (اللي طالما مفيهوش سخط على قضاء الله عز وجل فهو مباح) ف حبيت أقول "ثق بجهلك في رحاب عِلمه"
الحقيقة أنا الحمدلله فرحت بالنتيجة لأن حلمي مكنش بشري وما على شاكلتها رغم أنهم كليات عظيمة ومن يرتدها بمجهوده له كل الأحترام زيه زي اللي دخل أداب بمجهوده بردو لهم كل الأحترام، طبقية الكليات ف مصر مضحكة لحد البكاء، أنت مش هتخش الجنة لو اتحط قبل اسمك د. أو م.
ف أهدى كده أنت عقلت وبقيت أنضج بكتير ولو لسه مفهمتش حكمة الله ﷻ أبشر بكرة تفهمها، أنا وغيري فهمناها الحمدلله، إن مكنش صحبة عمرك ما كنت هتلاقي زيهم غير هنا، هيبقى طريق ممهد إنك تقرب من ربنا ف بيئة إلى حدٍ ما فيها اللي يشجعك سواء رجال أو نساء،
مش كل الرزق درجات.. ومش محتاجين نقول قصة المحامي والدكتور عشان تقتنع لإنها ساذجة جدًّا.
أخيرًّا
مُبارك على أول ذكرى لنتيجتك ف الثانوية عقبال - السادسة واحنا متخرجين يارب.

افرحوا بالعيد يا شباب، زي ما الشباب بتحتفل بأعياد غيرها وغيرها افرحوا بعيدكم وعظّموا اليوم وبلاش النغمات اللي بنرددها في كل عيد وبنحاول نِقِل من عظمة اليوم ده، عيشوا اليوم من أوله لآخره في بهجة وسعادة وشعائر الله عز وجل.

كل سنة وانتو طيبين يخواتي والعيد الجاي تكونو في أحلي حال وناجحين ديما❤️

حد فاكرنا هنا 😂

المقاطعة↖️↙️↖️↘️

انت متخيل صاحب شركه سبيرو سباتس دا حصل ايه في رزقه بين يوم و ليلة حرفياً

من مشروب غازي مجهول مع انه قديم بس اتنسي ، و محدش بقي يسمع عنه ، و فرصه منافسته مع بيبسي و كوكاكولا تكاد تكون مستحيلة ، مفيش عقل يقول انه ممكن ينافسهم ، بشهرتهم و نجاحهم و راس مالهم و اعلاناتهم

في لحظة بين يوم و ليله ، ربنا سبب الاسباب ، و من غير اعلان واحد بقي كل الناس بتدور عليه و بتعمله دعايا و المحلات عايزاه و المصنع شغال ٢٤ ساعة بعد ما كان شغال علي قد حالة..

اكيد الراجل دا فيه حاجه بينه و بين ربه عشان يفتحها عليه كدا مرة واحده ..

لسه قلقان علي رزقك ؟!

❤️

30/60

مش صدمة العمر الحلم اللي ضاع
صدمة العمر أمّا توصل لحلمك وبعدين تكسّل وتريّح وتفتكر ان مجرد الوصول نجاح
في أي مكان تكون فيه اتعوّد تلمع وتشرق وتنوّر ويتحلف بإسمك

بوست لسنة اولى طب
طبيعي اوي تتصدم بكمية المناهج وطبيعي اوي تتصدم بضيق الوقت وطبيعي برضه تحس بالصدمة بعد نقلتك من الثانوي للكلية حتى لو كان نفسك فيها وبتحبها.
عنق الزجاجة في رأيي هو سنة اولى اللي لازم عضمك ينشف فيها وتستقوى كده وتشيل الشيلة القوية بتاعت الطب.
انت كنت فاكر نفسك هترتاح او تلاقي وقت للنشاطات!
اسمع كلامي :
عارف ان البوست دا هيلاقي كتير يقولوا نتفسح ونخرج ونشارك في نشاطات وأندية وأُسر بس انا بقولك أهو بالفم المليان اوعى تضيع وقتك واوعى تستسلم لفكرة مفيش وقت لأن الوقت موجود وانت اللي بتستخدمه غلط.
اسمع كلامي كمان مرة او متغرب او لوحدك واهلك اللي متغربين : بسرعة بسرعة دوّر على صحبة طيبة وناس تشجعك مش ناس تلهيك وتشغلك ويقنعوك انهم كده بيحبوك.
سنة اولى طب هي الأساس اللي لازم يتبني صح وانت قدها ونص

جماعه التاب الوزارة فكت التاب عند كله في ناس مفتحش عندهم.
إعملوا ضبط مصنع وهيخرج من المنظومه ع طول.

السيتينج ⇚الإدارة العامه⇚ إعادة تعيين بيانات المصنع ⇚ إعادة الضبط، هيقفل وبعدين هتظهر شاشه زرقه كدا وبعدين هيطلب كذا حاجه إعملوها أو إعملوا سكيب وبعدين هيشتغل.

😭😭

😔💔

‏{ادْخُلُوا عَلَيْهِمُ الْبَابَ فَإِذَا دَخَلْتُمُوهُ فَإِنَّكُمْ غَالِبُونَ}. 🇵🇸

طالما اجتهدت وتعبت وكافحت ما تبقاش غلطان
يبقى ربنا عايز كده
ونستنى العوض
من غير (يأس)