منقول
#تبي_اتخصص_تمويل_ومصارف_اقرأ ، ⁉️🏦
▫️اولاً: التخصص أنا نعرف ان مدام تنزل في مواد تمويل معناه متخصص تمويل بدون حتي ماتعلن تخصصك ، يعني تقدر تعدي اتخصص حتي في سمستر التخرج كيف مادرت أنا سمستر الي فات ، بس توا قالو لا خلاص في قرار يبو يطبقوه ان لازم تخصص عشان تنزل مواد متقدمه ،
▫️ثانياً : عشان اتخصص تمويل ضروري تصفي 170 ، 171 اقل شي C+ (وبعدين 273 أسواق المالية ), وأنا ع نفسي مواد تخصصي بما فيهن المبادئ نفضل يكونن كلهن مابين ال A,B او C+ إذا كان الماده صعبه ، انت الي جديد حاول يكون سعيك عتصفايات الممتازه فتخصص ، وأنت َ تشاء والله يفعل مايشاء ،كان جاتك وحده ولا اثنين C ,D الله غالب عادي مش مشكله المهم باقي مواد التخصص خلي تصفياتك فيهن عاليا ، عشان بعدين في #معدل_تراكمي ، #ومعدل_تخصصي ،وعشان تقعد شاطر في تخصصك 🎓🏦
▫️ثالثاً : ركز ع معدلك في اول سمسترات راك بعدين تندم وتقول ياريتني ، معدلك في اول 4 سمسترات هوا الي يحدد معدلك فتخرج كم حيكون بنسبة 80% ، لأنه فسمسترات المتقدمه او سمستر التخرج يكثر عدد ساعاتك ، معدلك معش يرقا واجد مهمه كانن تصفاياتك ، وتضطر تعاود مواد اول سمسترات من جديد الي انت من الأول ماصفيتهنش كويس ، فلذالك ماتعودش الحاجه مرتين وأنت فيدك الحل من اول مرا 👌 ونرجع الموضوع التخصص بنقطة المعدل ، معدلك حتي وكان ضعيف تقدر تتخصص عادي ،
▫️رابعاً : نحن التمويل ماعندنش ماده 4 ساعات (ورقه_رابحه)
إلا 120 وهيا الازاميه لكن غير تخصصيه ، لازم انك تصفيها سواً في اول سمسترات او فسمسترات المتقدمه ، والماده مش صعبه محد يكذب عليكم تقراها وتحطها في رأسك تصفيها A
والي نزلتله اجباري في اول سمستر وماصفش كويس عادي مش مشكله ان شاء الله آخر سمستر لو استحقيت عاودها تساعدك
▫️أخيراً : طريقة تنزيلك المواد تعتمد ع نفسك وع ورقة التخصص
حط ورقة تخصص التمويل قدامك حتعرف شن لازم تصفي ،
ماتخلش حد يقولك صفي مواد العام قبل ولا مواد التخصص قبل ، هيّا الي حتقولك شن تنزل 👌
ونصيحه اخرى أي ماده تنزلك F عاودها في اقرب وقت وصفيها كويس عشان ترقيك ،⬆️
📍أي حد يبي يستفسر او يفهم اكثر يتواصل معايا نفهمه ، حتي طلبه الي يبو يتخصصو المحاسبه عادي ، 🏦
#بالتوفيق_لجميع ❤️