لأنّو اعرف الانسان بعمر الطعشات صعب يقتنع بأفكار الاكبر منّه،
لكنّ سواء صدّگتني او لأ،
الدنيا اكبر من مجرّد كليّة وجامعة وإختصاص،
مرّ باچر ع ردهات العلاج الكيمياوي للأطفال وارجع اقرا هالرسالة،
أو:
اگعد فد ربع ساعة يم ثلاجات الموتى بالمستشفيات واسمع صوت البچي وارجع اقرا هالرسالة،
أو:
بردهة النسائية من تطلع المريضة الشابة من الافاقة ويگولون لها طفلچ مات ومو بس هاي احنا اضطرينا نسويلچ عملية رفع رحم انظر لملامح هالزوجة الي بعمر العشرينات وارجع اقرا هالرسالة.
أو:
شوفلك ڤيديو من ڤيديوهات البيوت الي تهدّمت ع راس الاطفال بغزّة ولبنان.
وارجع اقرا هالرسالة.
صدّگني بعدك طفل وماتدري قسوة هالحياة شلون صايره.
ارجع اقرا هالرسالة بعد 5 سنين ورح تعرف الفرق.